الســــاحــــرة الســــوداء🐦‍⬛🔮|🇲🇦

🐦‍⬛ظــــل الغــــراب🐦‍⬛|7

ميلتون:انا فاهم بلي ممحتاجاش تاكلي ولكن خصكي تجربي هاد الحلوى
هيلين:واش البشر تياكلو الحلوى ديما؟؟
ميلتون:لا ماشي ديما و اكيد ماشي فوسط الغداء هوما تصوبو خصيصا تحت طلب طوماس لضيوفنا المميزين و من نهار عرفتو لدابا محطش حلويات مع الغداء حتى من فاش كانت الانسة بياتريس تتزورو فاش كانت اميرة
هيلين سرحات بابتسامة:(يعني طلبهوم يصوبو هاد الحلويات على قبلي؟)
شافت فالحلوى لي قدامها مختلفة شوية على لي كانت جابت ليها الخدامة داك النهار بسيطة و راقية فنفس الوقت مع تزيين قليل تماما بحال ذوقها..هزاتها بين اصابعها الرقيقة و خدات قضمة متحسسة الزبدة و العسل لي فيها تيذوبو فلسانها...
هيلين بصوت عالي:ممصدقاااش هادشيي بنيين بزاااف
دايزي و ميلتون ضحكو من عفويتهاا اما هي بداك الحماس لي حساتو كملات اكل قطعة الحلوى محاساش بالإنتباه لي جذباتو بسبب ردة فعلها العالية و فوسط الضحكات فايكاونت طوماس بتاسم فوجهها ولكن غير تلاقاو عينيها بعينيه و هو يجمعها و شاف فالجهة لوخرا...
طوماس:حسنا خليونا نتفضلو ناكلو الأكل غيكون برد
و باعتبارو نبيل ثري الفايكاونت طوماس تيقدم لضيوفو أفضل انواع الخمور خدا نخبو مع بياتريس و فلورا و مارڨل اما دايزي و ميلتون متيشربوهش تيفضلو محادثة ودية و هوما مستمتعين بالأكل الساخن الشهي اما هيلين مسحورة بمشهد البشر كيف تيتشاركو طعامهوم و افكارهوم...
هيلين تتفكر:(واقيلة هاد الماكلة كلها فالحقيقة ماشي على ود كرشهوم فقط هوما قانعين غير يدوزو وقت مع بعضهوم...افف فاش شدني الفايكاونت كنت باغا نكون غير بوحدي ولكن نكون بيناتهوم فالحقيقة مخايبش)
ميلتون:دايزي..هيلين انا ألفت قصة كوميدية اليوم غادي نعاودها ليكوم دابا غادي تطيحو من كراساكوم بالضحك
دايزي شدات راسها:ماشي مرة خرى ا ميلتون تيق بيا نتا مرح فقط فاش متتقصدش تكونو
ميلتون:لا غير سمعيني انا تنظن غادي تعجبك هادي
و فوسط جدالهوم هيلين مبتسمة...
هيلين:(فالحقيقة هادشي احسن من ندوز 100عام خرى بوحدي ولكن اش غادي يوقع من بعد ما يموتو؟رغم كلشي هوما ماشي خالدين بحالي..واحد النهار غنكون وحيدة تاني شغندير ديك الساعة؟)
🍃فاليوم التالي🍃
و فواحد الغرفة كانت واقفة هيلين مع ميلتون كل واحد فيهوم هاز كتاب فيديه...
ميلتون:كتابة اليد ديالك مزيانة بالمقارنة مع مبتدئة
هيلين:انا غير تنحاول نرسم الخطوط كيفما تدير نتا بالضبط
ميلتون ضحك:هههههه هدا ماشي رسم خطوط ا هيلين..بحال سميتك كل حرف من هاد الكلمة عندو معنى
هيلين:و شنو تيعنيو هاد الحروف؟
ميلتون:غير اشياء بسيطة فحياتنا(شاف فالكتاب) اول كلمة كتبتيها هي "الغسق" بحال حلول الظلام و كتبت انا "البزغ" حداها حيت ضدها
هيلين بتسائل: غسق..بزغ؟؟
ميلتون:بعد المرات تيستمع الواحد مع كلمات مختلفين نتي عاد تعلمتي ل "بزغ" و "التوت" حاولي تجمعيهوم بجوج
هيلين:بزغ التوت..واش هادشي تيعني فجر التوت؟؟
ميلتون:فالبداية تيعني بلي خصهوم يتقطفو قبل وسط النهار حيت الشمس تضرهوم و حتى تيغديو جسمنا و تيتستعملو فمعالجة الجروح و باعطاء اسم البزغ فالكلمة من غير معناه لي تيبين النهار الا انه معنى ل الأمل
هيلين بتاسمات:ميلتون..انا تنظن بلي نتا البزغ ديالي
ميلتون بخجل:تظني بلي عطيتك الأمل؟
هيلين بابتسامة:نتا اول بشري خلاني نبدل نضرتي للبشر قبل منتلاقا بيك كنت عايشة فالظلام نتا هو الضوء الأول لي شفتو فحياتي الطوييييلة الطوييييلة ماشي غير عطيتيني الأمل ا ميلتون نتا هو الأمل ديالي
الكاتب بتاسم بدفئ مخلط مع الحشمة..بعد المرات تيكون ساهل تركب الافكار فالكلمات...ولكن بحال كريستالات القمر الصافية فقط روح خالصة بحال هيلين لي قدرات تقول لي فدماغها بالضبط هي متتصيغش افكارها فالقصائد بمهارة بحال الكاتب..ولا تتخبي احاسيسها مورا ابتسامة ساحرة بحال الفايكاونت..الى وقعات شي حاجة هي و دايزي تيتشاركو نفس الصراحة ولكن دايزي عمرها غادي تبيين العاطفة ديالها بطريقة علنية...
ميلتون بتوتر:انسة ساحرة(قرب منها بابتسامة حب)
هز يديه بجوج و حييد ليها شعرها على ودنيها مرجعو مورا ضهرها و حطهوم على خدودها بجوج بقا تيسقي نظرتو فعويناتها الزرقين المرمشين بخجل حتى قرب منها و باسها فجبهتها هنا هيلين بتاسمات ليه بحب...