الســــاحــــرة الســــوداء🐦‍⬛🔮|🇲🇦

🐦‍⬛ظــــل الغــــراب🐦‍⬛|11

مارڨل بقلق:واش محتاج تمشي ا طوماس؟انا حاسة بإحساس خايب
طوماس:هادي مخاطرة تستاهل نغامروها ماشي غير على قبل هيلين ولا على قبلنا كاملين..على قبل ديانا كلها و على قبل انستنا حتى هي
فلورا:غير رد البال مع الساحرة ا طوماس
دايزي:متخافيش ا الانسة فلورا مغنخليهاش تأدينا مزال تنواعدك
طوماس:رجعي لداركوم ا مارڨل فاش نرجع نكملو احتفالنا و ندويو على عرسنا
مارڨل بتاسمات بخجل حانية راسها بالموافقة...
فلورا:رجع لينا سالم ا طوماس
طوماس:اكيد وقتما رجعت غنسيفط موراكوم...تفضلو الساحرة تتسنا فينا
سبقات هيلين و تبعوها الثلاثي مشاو جابو معاهوم المعلم بيدرو و شدو الطريق بالعربة تابعين لوسيا مسلمين امرهوم ليها بعد طريق طويييلة و بعيدة على سيلڨيرڨال توقفات العربة قدام واحد المنطقة مخربة حس بنادم متيضورش فيها و باينة خاوية سنيييين هادي و هبطو تيشوفو فين جابتهوم...
لوسيا تنهدات:شفتو هاد القبور هوما ديال ناس القرية لي خليت ليونارد هو لي دفنهوم من قبل
ميلتون:غيكون واحد فيهوم ديال ام هيلين تقدري تقولي ليها شكون امها ا جلالتك؟
لوسيا:فالحقيقة عمرني تسوقت لأسمائهوم يعني مقادراش نقول شكون فيهوم هو القبر ديالها ولكن باقة عاقلة على مظهرها الخارجي شوية هي امرأة نحيلة ببشرة حنطية عينيها زرقين و شعرها ازرق معرفتش شكون الأب ديالك اكيد ولكن المظهر ديالك كان تيشبه للأم ديالك
بيدرو:فالحقيقة نقدر نعرف اصلها الى بحتت فالكتب لي قلتي
ميلتون:هادشي مذهل هادشي متوقع من اخر كاتب تيفهم الكتابة القديمة
لوسيا:اه اه حتى نساليو من لي جيتو على قبلو و ديك الساعة ديرو لي عجبكوم
هيلين راسها كان تيضرب لواحد اللحظة تتحاول تفكر الهيئة لي بانت قدامها فالحلم عن طريق المواصفات لي قالت لوسيا ولكن والو من غير الألم فقط و هي تحبس من التفكير:فين كاينة القرية؟؟بغيت نشوف البلاصة لي كانت داري شحال هادي
لوسيا شدات راسها بالفقصة و تنهدات:واخا تبعوني
بقاو غاديين تابعينها حتى دخلو للقرية لي كانت تتخلع بحال شي بلاصة فشي فيلم رعب السكون فيها قاتل و البيوت كلها كحلة بآثار الحريق و متآكلة فحيوطها و خشبها بقاو غاديين حتى وقفات لوسيا قدام واحد المنزل...
لوسيا دخلات:الى مخانتنيش الذاكرة ديالي هدا هو المنزل لي خرجتي منو
دخلات هيلين و بقات تتشوف فالمنزل لي كان كولو محروق و الفراش بحال الفاخر كولو كحل حتى شافت واحد الدمية و شي ألعاب فواحد القنت نصهوم محروق و النص لاخور مبيين بلي هوما العاب...
هيلين بحزن:(سنين هادي قبل كنت حتى انا مجرد طفلة تتلعب بألعابها...لوسيا قالت بلي جريت فاش القرية تدمرات هادشي تيعني بلي ماما خباتني من لوسيا...كانت تتبغيني بزاف و انا معاقلة على والو..البشري لي جاب معاه ميلتون قال يقدر يعاوني غندوي ليه على ماما و نشوف)
لوسيا مربعة يديها:تنضن بلي لي بغيتيه شفتيه ممكن نتحركو للأهم؟؟
هيلين:(قدما زربت نعطيها لي بغات قدما افضل نتهناو منها انا و صحابي)انا مستعدة
سبقات لوسيا و تبعاتها هيلين و لخرين لي كانو تيتسناو على برا بقاو غاديين حتى دخلو لواحد المنزل اخور باقي فيه دائرة سحرية مرسومة فالأرض و الشموع مشتتين فالمكان كولو و أشياء اخرى...
هيلين بحزن:انا باقة عاقلة على هاد البلاصة هنا فين حولتيني لظل الغراب
لوسيا ممسوقاش:على الأقل راك نجيتي من الطقوس السوداء و خرجتي منها بالخلود
دايزي بغضب:هي عمرهااا بغات هادشيي زاائد قتلتيي مهااا
لوسيا:و شنو؟غتبداي تدابزي معايا يا المرأة الشابة؟ عندك الزهر ممسالياش ليك
دايزي بقات تتخنزر فيها...
لوسيا:وقفو كلكوم فوق الدائرة غادي نمشيو للغرفة
وقفو كلهوم فداخل الدائرة دخلات بيناتهوم لوسيا و حركات يديها و ختافاو من تما و خرجو فغرفة كلها كتب و رفوف بحال شي مكتبة...
لوسيا:و دابا بداو قلبو فالرفوف الكتب السحرية و المذكرات لي هنا غيعلموك كلشي
بيدرو تيقلب:شوف هاد الكتب القديمة هادشي مذهل
ميلتون حتى هو تيقلب:لقيت هنا كتب على الممالك الأخرى و بلاد عمرني قريت عليها الحلم ديالي نقرا عليهوم
لوسيا:واخا واخا ديوها دابا فلي جيتو على قبلو حتى نساليو و قراو لي عجبكوم
طوماس:هادشي كولو عامر بالكتب القديمة كيفاش غنعرفو شكون فيهوم لي تيدوي على سحر الشفاء؟
لوسيا حركات يديها و ترسمات علامة بالضو:قلبو على كتب فيهوم هاد الرمز هدا هو رمز سحر الشفاء
هيلين:و باش غنبدا؟
لوسيا:سحر الوهم غير مضر و كل مستعملي السحر عارفين ليه ولكن سحر بتأثير مادي تيتنسزف بزاف ديال القوة و التركيز اولا تضحيات سوداء
هيلين:(تضحيات سوداء؟ بحال گاع حصد الأرواح لي درتو)
لوسيا:و باش يتحقق التناغم خصكي تركزي بعقلانية و بهاكا غادي يتفعل السحر لي نتي قادرة عليه انا تولدت بسحر عنصري يعني من العناصر الأربعة و ركزت سحري على استحضار النار هادشي علاش اغلبية سحري متركز على النار
هيلين تتفكر...
لوسيا:قلبي على داك الكتاب و ستعمليه باش تناغمي عقلك مع سحرك باش تفعلي سحر الشفاء
هيلين تنهدات:(تناغم السحر...)
طوماس:اجي ا هيلين نقلبو عليه مع بعض
و بعد تقلاب طويل و الوقت تيطير لقاو الكتاب و هزاتو هيلين تتقلب فيه حتى عييطات ليها لوسيا...
لوسيا:حاولي تستحضري شي حاجة
🔮💫الساحرة السوداء🔮💫
للكاتبة✒️:Victoria kaelin
💜📖الجزء 113💜📖
هيلين هزات يديها و شكلات فراشة...
لوسيا:مابيكش تيبان ليا تعلمتي لشوية د السحر بوحدك ولكن بتناغم السحر غتستحضري حاجة احسن من هكا و دابا حاولي تستحضري زهرة حقيقية
هيلين حركات يديها و نبتات زهرة من الأرض كأنها حقيقية مخلية الكل مدهوش من غير لوسيا مشجعينها هادشي لي خلاها تبتاسم...
لوسيا:هادشي كافي تنضن جا وقت الإحياء دابا بالنسبة ل تناغم سحر الشفاء عندك فقط جوج طرق تختاري منهوم
هيلين بتسائل:جوج طرق؟
لوسيا:اه جوج ماشي بحال انواع السحر لخرين سحر شفاء هو بسيط اكتر و صريح
هيلين تتفكر...
لوسيا:ضييعنا بزاف د الوقت ختاري طريق واحد من هاد الجوج باش نبداو فالإحياء
هيلين:خصني ندوي هو الأول مع صحابي عاد غنختار
لوسيا:ماشي تتهميني ولكن تناغم السحر تيتحقق ب عزيمة وحدة و هادا قرار تيخصك بوحدك مخصوش تشويش و الى ختاريتي شي حاجة لي ممناسباش سحرك القوة ديالك و عقلك غيبقاو ديما فصراع و فهاد اللحظة انا بغيتك فكامل استعدادك على ود احياء ليونارد
هيلين تتقرا:("سحر التجديد" هاد السحر لي تيتستخدم على الكائنات الحية و هاد السحر تيخليني نكتاسب قوة علاجية هائلة لتتمكني من انه نعالج اي كائن حي..."سحر الحل" و هاد السحر تيخليني نستحضر دروع سحرية قوية لحمايتي و اضواء مدمرة ل الدفاع عليا مع العلم انه غتكون عندي امكانية نعالج ولكن محدودة...همم اش غنختار؟؟)
هيلين تتفكر:(مادام غنكون قادرة انه نحمي و ندافع على صحابي فمغيكونش بالضرورة انه نعالجهوم انا مليت من نكون ديما فالوراء و الناس تيدافعو عليا هاد المرة انا لي بغيت نكون فالواجهة و نحمي و ندافع) انا تنختار سحر الحل
لوسيا:اذن ركزي مزيان معايا غادي نشعل العافية فيدي و حاولي تطفيها ركزي مزيان
لوسيا هزات يديها لي شعلات بالعافية اما هيلين بقات مركزة معاها مزيان حتال للحظة العافية طفات...
هيلين:واش صافي؟
لوسيا:صافي مزيان باش تتحسي دابا؟
هيلين:الجسم ديالي تيدفا شوية بشوية
لوسيا:هداك السحر الجديد لي فييقتي و بدا تيجري فدمك و هادشي تيعني انك وليتي متناغمة دابا
هيلين تنهدات:(و اخيرا وليت قادة ندير شي حاجة اكتر من الأوهام و غنحمي الأصدقاء ديالي بسحري)
ميلتون:مبروك عليك ا هيلين فاش لقيتي سحرك
دايزي:مبروك عليك هادشي فكرني فتداريبي
طوماس:قوة كبيرة ا هيلين حاولي تستعمليها بحكمة
بيدرو:انا فرحان اليوم حيت جيت معاكوم و شفت هادشي تنتمنى ينفعنا للأجيال القادمة
لوسيا ممسوقاش:متضييعوش ليا فالوقت ديالي(شافت فهيلين) مستعدة تبداي فطقوس الإحياء؟
هيلين:اه
لوسيا:اذن اجيو كلكوم حدايا بغيتو يرجع فالبلاصة لي تلاقينا فيها اول مرة
الكل قرب منها و هي تحرك يديها تهزو من تما و تحطو فواحد البلاصة خاوية فالغابة..مشات لوسيا تتمشا حتى وقفات...
لوسيا:هنا بالضبط فين تلاقينا اول مرة اجي قربي لهنا
حلات لوسيا لبواطة ديال الرماد و كباتو فالأرض و جات قدامها هيلين تتشوف اش غادير...
لوسيا:بغيتو يرجع و يشوف البلاصة لي تلاقينا فيها اول مرة و فين بدا حبنا
هيلين تتحك يديها بتوتر:(و يشوف حتى لي قتلاتو و كانت السبب فموت مرتو و طفلهوم هو عمرو غيسمح ليا على لي درتو..)