الســــاحــــرة الســــوداء🐦‍⬛🔮|🇲🇦

🐦‍⬛ظــــل الغــــراب🐦‍⬛|4

الساحرة بدهشة:غتعطينييي شوية من روحك؟؟؟ واش هادشي مغاديش يسبب ليك فالألم ا مدام؟؟
لوسيا عقدات حجبانها:انا خالدة يا غبية روحي مغيوقع ليها والو (تنهدات) المهم دابا رخي الجسد ديالك
تنهدات الساحرة و حاولات ترخي جسدها هنا دوك الاشعاعاترلي كانو فيد لوسيا تشكلو لكرة و ختارقو جسد الساحرة...
لوسيا:صافي و دابا جزء من روحي عندك
الساحرة:محسيت بوالو ا مدام
لوسيا غوتات عليها:بطبيعة الحااال مغتحسيييش رانييي عطيتك من روووحي ماشي حطييتك علييك العافية!!!
الساحرة بخوف:ا ااه واخا مدام سمحي ليا
لوسيا:المهم دابا عندك السحر فدمك..حاولي تبدلي شكلك كليا
هزات الساحرة يديها و بداو تيخرجو منها اشعاعات فجأة تحولات لغراب اسود...
لوسيا عوجات عينيها:حسنا هادشي لي كنت متوقعة ولكن تتبقا مجرد بداية...
💥الحاضر💥
الساحرة:من غير روح مدام مغنقدرش نستعمل السحر فحتى حاجة ولكن هاد اليوماين درت شحال من حاجة بسحري و من غير حتاشي ارواح لا ديال البشر و لا ديال مدام الى ستهلكت قوة حياتي على كاع داك السحر غادي نكون مييتة دابا كيفاش قادرة نستعمل السحر؟؟امم على كل حال غنحاول نتحول لغراب
حاولات تحول ولكن حسات بالألم حاولات للمرة الثانية و الثالثة و مصدقاتش...
الساحرة:للأسف لدابا مقادراش نتحول ليها واقيلة السحر ديالي تقوا على الأول؟بفف خصني نوقف التفكير على سحري دابا الأهم هو نبعد قدر الإمكان على مول الشعر القهوي(طوماس)و الأصدقاء ديالو...و حتى البشر ديال النهار...
بقات غادة تتمشا حتى دخلات مع واحد الطريق و الطبيعة خضرة و الدنيا موردة حتى تتبان ليها طفلة صغيرة حانية تتقطف فالأزهار...
الساحرة مع راسها:(بشرية صغيرة؟)
كانت الطفلة عاطياها بالضهر تتقطف الأزهار الوردية و تتحطهوم فالسليلة ديالها...
الساحرة:(اوه هاد الطريق لي كان خصو يكون طريقي المختصر للغابة تنلقا فيها هاد البشرية الصغيرة..غيكون صعب ندوز بلا منلفت الإنتباه ديالها..الى شافتني غادي تمشي و تعييط على البشر الكبار)
بعد تفكير قررات الساحرة تدير واحد القرار...
الساحرة:ياا بشرية صغيرة
الطفلة ناضت مخلوعة و تخلعات اكتر فاش شافت الساحرة:نتي هي الساحرة مولات الشعر الأسود لي تيدويو عليها الجميع
الساحرة:صبري اش قالو عليا؟؟
الطفلة بخوف:قالو بلي نتي شيطانة تتاكل الرجال باش تعيش للأبد..ولكن انا ماشي راجل يعني مغاتاكلينيش؟؟
الساحرة بابتسامة:لا مغناكلش و حتى الرجال متناكلهومش انا خالدة ممحتاجاش ناكل
الطفلة:ااه..سعداتك حتى انا تنتمنى منحتاجش ناكل
الساحرة:و علاش؟تيبان ليا كاع البشر تيستمتعو فاش تياكلو
الطفلة بحزن:انا و ماما ديما تنموتو بالجوع بابا تيمشي يوميا للحانة و متيعطينا ناكلو غير فاش تيكون فرحان(تنهدات)تنجي لهنا يوميا تنقطف هاد الأزهار و تنبيعهوم غير بمقابل رغيف خبز
الساحرة ربعات يديها عاقدة حجبانها:(زوج تيمشي للحانة يوميا؟؟خصني نقتالح هاد الروح القذرة)
شافت فالطفلة لي باين الحزن على وجهها:(ولكن هادشي مغينفعهاش دابا البشرية الصغيرة فيها الجوع خصها تاكل)
هنا تفكرات الحلويات لي فجيبها و هي تجبدهوم مداتهوم ليها بابتسامة:هاكي خودي هاد الحلويات
الطفلة فرحات:اووه شحال زوينيين احسن من هاد الأزهار لي تنقطف كوليهوم نتي و ماماك انا ممحتاجاهومش
الطفلة بحماس:بصااااح؟؟؟؟نقدر ناخدهووم؟؟؟
بابتسامة حركات ليها الساحرة راسها ب اه...
الطفلة:الناس تيقولو نتي شيطان ولكن نتي فالحقيقة اطيب امرأة شفتها فحياتي غادي نقول هادشي ل الناس كاملين شكرا بزاف انستي الجميلة غادي نديهوم لماما غادي تفرح بزاف
و بفرح و حماس جرات الطفلة لدارهوم مخلية الساحرة تتفكر...
اذن البشر فاش متياكلوش تيجوعو من بعد تيوليو حزينين..اممم تنظن نفس الشئ معايا الى متغديتش على الأرواح..ولكن على الأقل انا الى مخديتش الروح تنبقا عايشة هوما يقدرو يموتو بالجوع..امم حتى البشر تيكافحو..خصني نمشي للغابة دغيا...بقات غادة فنفس الطريق حتى دخلات فأعماق الغابة بعد مدة من الطريق قدرات توصل للكوخ ديالها و تما الصدمة....
🔮💫الساحرة السوداء🔮💫
للكاتبة✒️:Victoria kaelin
💜📖الجزء 42💜📖
💫قبل قدوم الساحرة للكوخ💫
قروية:واش متأكدين بلي الساحرة غتجي لهنا؟
قروية2 تدوي بصبعها:ديك الساحرة هربات من لينز مانور و هادي هي البلاصة الوحيدة لي غادي تجي ليها
قروي:قلبنا الغابة كاملها حتى لقينا هاد الكوخ و بطقوس السحر لي فيه و الكتب و كاع الأدوات السحرية تيأكدو بلي هاد الكوخ ديالها
قروية3 بخوف:ولكن شغنديرو الى جات؟؟و الى حولاتنا ل ل..شي حاجة؟؟(شدات راسها) اش غيوقع الى حولاتنا لدجاج و طييباتنا فشي وعاء؟؟
قروية:الشائعات تتقول بلي الساحرة فأضعف حالاتها و بهاد العدد الكبير ديالنا غنقدرو نضوروها و مغنعطيوها ولو فرصة باش تستخدم سحرها علينا معرفتش علاش سموها عتقاتها ولكن لي عارفاه انا هو مدينة سيلڨيرڨال مغاديش تخسر رجل اخور بسبب ديك الساحرة الشريرة
الجماعة لي معاها حركو ليها راسها ب اه و فهاد الأثناء وصلات الساحرة...و هنا الصدمة فاش لقات الناس قدام كوخها...
الساحرة شادة وجهها:بشرررر!!!(شادة صدرها) ل لقاو الكوخ ديالي
القروية لمحاتها:هاااهياااك الساااااحرة جااااات
قروي:زيدووو نقضيييو عليهااا
الساحرة بخوف:من بعد كاع هادشي لي وقع البشر عارفين فين كاين الكوخ ديالي و عارفين شكون انا اش غندير؟؟
جراو عندها القروين حتى وقفو قدامها مستعدين للقتال...
القروية:خديتييي ازوااج و اباااء لي كاانو موااطنيين سيلڨيرڨال يا ساحرة!هادشي علاش غادي تخلصي هادشي
الساحرة بدهشة:(ازواج؟؟اباء؟؟) انا كاع لي كنت تنحاول نديرو هو القضاء على الأرواح الفاسدة انا مقصدتش ابدا نخلي زوجاتهوم و أولادهوم يتألمو
القروية:دوك الرجاال لي قتلتيي حناا تنبغييهوهوم يا الساحرة!!اه بصاح كان راجلي ديما سكران و كل مرة مع عاهرة مع ذلك تيبقى راجلي معندكش الحق تاخديه مني بديك الطريقة حيت بسبب أفعالك الشريرة ولدي داباا بقا بلاا أب
الساحرة تنهدات بحزن:(رغم كاع لي داروه دوك البشر الا و هاد البشرية باقة تتبغي واحد منهوم...و البشر الصغار متيحملونيش..هوما متخلقوش من طرف مدام بالنسبة ليهوم دوك الرجال عندهوم بيهوم قرابة دم و لحم ماشي بحال بالنسبة ليا مجرد ارواح قذرة تتغدي سحري)
من بعد سنوات و سنوات بل قرون كانت تيصحاب ليها بلي تدير حاجة مزيانة..تصنعات غير باش تأدي واحد الهدف هادشي لي خلاها عمرها تسول راسها..شافت فعيون السكان كانو نظراتهوم تتبين الكره و القرف من جيهتها..
قروية2:علااش اش اصلا شاادين معااهاا الهضررة خليوناااا نتهنااو منهااا
قروية:ايييه هيي لوووولة
يالاااه هزات يديها و هو يخرج ميلتون من بين الأشجار و جا قدام الساحرة هادشي لي خلاها تدهش..
الساحرة:(هدا هو البشري لي تيقول ليا ديما الانسة الساحرة اش تيدير هنا؟؟)
ميلتون:سمعووني سمعووني يا سكاان هادشي ماشي غلطها كليا انا غنشرح ليكوم...
القروية:حيد من قدامنا يا الكاتب الملكي هادشي ماشي شغلك
ميلتون:من فضلك سمعيني هي مقصداتش دير هادشي
القروية2:قتلات رجال المدينة و هادشي لي تيهمنا..سيلڨيرڨال عمرها غتولي مدينة امنة الى بقات هي عايشة
الساحرة حادرة راسها:(انا ظل الغراب لي تخلقات لهدف واحد..دابا مدام مبقاتش و خسرت الهدف ديالي و البشر تيكرهوني اش غندير دابا؟؟)
شافت ف ميلتون تيحاول يقنع السكان و هي تنهد:(خصني نبعد من هنا خصني نبعد قدر الإمكان من كاع البشر..غادي نبقا بوحدي..مغتبقاش شي حاجة سميتها اقتلاع الأرواح..مغيبقاش التطفل على البشر...)
و هنا الساحرة شافت فيهوم لنظرة اخيرة و تلفات تتجري باتجاه المجهول...
🔮💫الساحرة السوداء🔮💫
للكاتبة✒️:Victoria kaelin
💜📖الجزء 43💜📖
بقات الساحرة تتجري و تجري و افكار كتيرة مخلطة فدماغها...
لمئات السنين و انا تنقتالع و نتغدا على الأرواح..و على البشر..مدام عمرها قالت ليا باش غيحسو ولا كيفاش تيحسو..كاع لي خصني نديرو هو نتغدا على الأرواح الفاسدة و نخلي البريئة من بعد سحري غيتغدا و صافي..هادشي لي كنت فقط مهتمة بيه..كانو على حق مدام..كانو على حق..انا وحش فقط..
وقفات واحد اللحظة فاش شافت راسها بعدات بزاف:اش غادي ندير دابا؟اش غندير و انا خسرت هدفي الوحيد من هاد الوجود؟(تنهدات) كون غير بقات مدام هنا باش تقول ليا اش غندير(شدات قلبها) ولكن هي مشات..مغنبقاش مزال نضور حدا البشر جا الوقت لي خصني نلقا شي بلاصة مافيهاش البشر ديك الساعة مغنتسببش لحتاشي روح بالألم مزال...
بعد لحظات و قدام بوابة مدينة سيلڨيرڨال...
بقات الساحرة تتمشا حتى لقات راسها هنا...
الساحرة بدهشة:جنود الملك😱😱(بخوف) واش هوما هنا باش يرجعوني لقصر؟؟
واحد فيهوم شافها:اووه شوف هناك..الساحرة!
الثاني تلفت:اووه تيبان ليا بغات تغادر سيلڨيرڨال شحال خاب الأمل ديالي
الجندي1:تيبان ليا عندنا ميدار اصاحبي
الجنود قربو منها و بداو نظراتهوم الإعجابية ليها...
الجندي2:بحق السماء الشائعات موفاتش حق وصف جمالها الحقيقي كيفما هو شوف فعينييها الزرقيين لكبار كيف مرمشين باينة جلالته اكيد غيكون متمالكش نفسو قدامها و غيكون حاول ينعس معاها
الجندي1:عندك الحق هادشي وقع قبل ميآمر بالإعدام ديالها
الجندي2 بدهشة:هاد المرأة الجميلة هي لي ترطدات من غرفة جلالته؟؟عمرني شفت جلالته فحياتي ميرفضش شي وجه جميل
الجندي1:انا نكون بلاصتك غنقاوم جاذبيتها
الجندي2 حنحن:احممم المهم الدوقة بياتريس عتقات حياتك ا الساحرة..شنو لي جابك لقدام بوابة المدينة؟؟
الساحرة:(امم يعني هاد البشر مجاوش يديوني للقصر؟؟)انا غير بغيت نخرج من هنا يا بشر..عمرني غادي نقرب ولا نآدي شي روح مزال
الجندي1:بأمر من الملك نتي معندكش الحق تخطي خطوة وحدة خارج مدينة سيلڨيرڨال و هدا كان من ضمن الشروط لي كانو بين الملك و الدوقة بياتريس مقابل حياتك
الجندي2:يال العار الدوقة بياتريس تخلات على كلشي مقابل حياتك
الجندي1:تتبقا اصلا ساحرة شريرة خصنا نشدوها قبل متحاول تقتل ناس خرين
الساحرة بدهشة:(غادي يقتلوني حيت غير جيت لهنا؟؟)
الجندي2:ولا عرفتي شنو اش بان ليك نربطوها و نقضيو وقت ممتع معاها قبل منقتلوها؟ تتبقا احسن من كاع العيالات لي نعست معاهوم مبغيتش نضييع هاد الفرصة
الساحرة بخوف:(لا مغنقدرش ندافع على راسي ضدهوم و انا عندي سحر ضعيف)
يالاه تلفتات باش تهرب و هي تحس بقبضة قوية جراتها بقوة حتى فقدات التوازن على رجليها شوية مطاحت
الجندي1:اشنو تيقول ليك راسك و فين غادة يا الساحرة الصغيرة؟؟
الساحرة:بعدوو منييي انا تنحاول منآديش البشر تاني
الجندي1:غير حاولي آديني تيعجبوني النساء القويات(غمزها)
الساحرة عاقدة حجبانها:(منقدرش نضغط على قوة حياتي مرة خرى غنحس بألم فظيع ولكن الى غير خديت روحو...)
بقات تتشوف فيه و تتقول مع راسها حقير..همجي..شهواني..نفس صفات الأرواح لي تغدات عليهوم
الساحرة:(تيبان ليا اغلبية البشر ميستاهلوش الرحمة مني) قول ليا واش نتا مزوج؟واش عندك اطفال؟
الجندي1 بتعجب:هاه؟ اش تتقولي...
قاطعو الجندي2:حبس من مضيعة الوقت اصاحبي و شدهاا
الجندي1:افف واخااا حبسيي عليا من الهضرة ا الساحرة متقاوميش الى بغيتي هادشي يدوز دغيا و بدون الم
الساحرة عقدات حجبانها:(غادي نقتالع روحهوم القذرة و نطير بهيئتي الغرابية بعييد على هنا..اخر اقتلاع روح ليا)
🔮💫الساحرة السوداء🔮💫
للكاتبة✒️:Victoria kaelin
💜📖الجزء 44💜📖
قبل مينقض عليها الجندي تسمع صوت من موراها...
دايزي:حبسو عليا هادشي يا الجنود الملكيين
الجندي1 ربع يديه بتعالي:شكون نتي؟؟
الساحرة ضارت بدهشة:(البشرية دايزي😱؟شنو تدير هنا ياك ديما كاينة بجانب البشري مول الشعر القهوي(طوماس) شنو تدير دابا هنا؟؟)
قربات منها دايزي بابتسامة:واش نتي بيخير؟ياكما قصحك فيديك؟
شعرات الساحرة بنبرة دايزي لي حسساتها بانها مهتمة بيها هادشي لي خلاها متعجبة...تسألات المئات من الأسئلة فحياتها..الفرائس ديالها كانو تيسولوها تنعس معاهوم على كيف تيبغيو قبل متستحوذ على ارواحهوم بالكامل..مدام تتسولها على الأرواح لي تغدات عليهوم..ولكن سؤال تيخص باش تتحس؟؟كان هدا الأول فحياتها...
الساحرة بتوتر:ا ا اناا..
و هنا حسات باحساس دافئ غريب عمرها حسات بيه من قبل..هادشي لي خلا رغبتها فالإستحواذ على ارواح الجنود تتلاشا ببطء...
الجندي1 بغضب:هيييه!!!راني سولتك سؤال يا امرأة!!
دايزي ربعات يديها:سميتي دايزي كلارك و تنخدم الفايكاونت طوماس
الجندي2:هااه! يعني نتي مجرد هاوسكارل ديال نبيل دو مرتبة قليلة تنظن بلي راك بعقلك باش تبييني لينا الإحترام يا امرأة!(بتاسم بمكر) معرفتيش شنو نقدرو نديرو بوجه جميل بحال ديالك؟؟
دايزي بتاسمات:حسنا تقدر تخلي هاد الوجه الجميل يبتاسم ملي غنهز داك السيف لي هاز و نخشيه فأعماقك
الجندي1:غادي نكون حذر مع هادي اصاحبي..تتبقى من عائلة كلارك
الجندي2:غير حيت متشاركة نفس اسم العائلة مع دوك المحاربين الأسطوريين متيبيينش بلي غتكون قوية بحال اسلافها
الجندي1:ولكن تقنيات قتال عائلة كلارك متوارثة عند جميع الأجيال ديالهوم كانو المقاتلين الأقوى فمملكة ديانا لوقت طويل من قبل و متيخدمو حتى واحد من غير عائلة لينز
الجندي2:يعني على هاد الحساب باغي هاد العاهرة تحكم فينا؟؟شحال تعطيني الى مغتعرف حتى تهز السيف و ديك الكنية غير مخبية موراها
دايزي بابتسامة:غنكون سعيدة الى وريتك..من بعد منهزو من جسمك السخفان ولكن ديك الساعة مغتشوفش كيفاش هزيتو اممم
الجندي1 بتوتر:معندنا حتاشي حاجة ضد فايكاونت طوماس ولا عائلة كلارك يا امرأة غير بعدي من هنا مشكلتنا مع هاد الساحرة
دايزي:و انا تنرفض هادشي
الجندي1:الساحرة خرقات الشرط ديال الدوقة بياتريس يعني خصها تموت
دايزي:و شنو هو هاد الشرط؟
الجندي1:خرجات من سيلڨيرڨال..جلالته وضح كلشي هي مخصهاش تغادر سيلڨيرڨال
الجندي2 بغضب:تمااما و داباا بعدي من وجهنااا بحق الجحيم!!
دايزي ربعات يديها ممسوقاش:ايوا فالحقيقة نتوما بجوجكوم لي خرقتو الشرط
الجندي1:شنوو؟؟؟
دايزي:قلتو خط البوابة ياك؟
الجندي1 بثقة:بطبيعة الحال..كاع مدن مملكة ديانا ممنوعة على الساحرة من غير مدينة سيلڨيرڨال فقط
دايزي بابتسامة ثقة:و كاع الجنود الملكيين وافق جلالته انه ميحطوش رجل وحدة ف سيلڨيرڨال ياك كاين هادشي؟
الجندي2 بعجرفة:علاش نبغيو نحطو رجلينا اصلا فمدينتك الضيقة لي عامرة بريحة بول الكلاب اصلا؟؟
دايزي طلعات حاجب:ايوا البوابة كاينة موراكوم..هاد المنطقة لي واقفين عليها جميع هي طرف من سيلڨيرڨال (بابتسامة) و هادشي تيخليكوم نتوما المذنبين الساحرة مغادراتش المدينة
🔮💫الساحرة السوداء🔮💫
للكاتبة✒️:Victoria kaelin
💜📖الجزء 45💜📖
الجنود تصدمو...
دايزي هزات عليهوم صبعها عاقدة حجبانها:ايوا اش بان ليكوم نتوما لي تنقالعو للجحيم من الأرض ديال الآنسة ديالي(بغضب) ولا غادي نشدكوم هنايا و نسيفط تقرير ل الدوقة بياتريس تخييلو معايا المشكل لي غطيحو فيه مع جلالته الى ساق الخبار مغاديش يعجبو الحال ولا لا؟؟
الجندي2 بغضب:الجحيييييم!!!!عندها الحق حنا واقفين داخل البوابة د سيلڨيرڨال(شد راسو) زيد اصاحبي نوقفو برا البوابة
الجندي1 تيتهز بالغضب:غير بلاتي حتى يجي النهار لي يرجع فيه جلالته سيلڨيرڨال يا امرأة ديك الساعة غنحطك فالمكان المناسب ليك
دايزي بابتسامة:اكيد و ديك الساعة انا ضامنة ليك غتعجبك رجلي فوق من وجهك الغبي
الجنود انصارفو و الغضب تياكلهوم مكرهوش يقجو دايزي حتى تموت ولكن معامن الخطة كانت مدروسة على يد اذكى شخصية عرفاتها مملكة ديانا و لي هو طوماس...
الساحرة:(كانو تيبانو هاد الجنود خايفين من هاد دايزي البشرية! هي ماشي حتى ساحرة!) علاش نتي هنا ا دايزي البشرية؟
دايزي بابتسامة:طوماس قال ليا نتسناك هنا فالحقيقة مقال ليا حتى حاجة خرى من غير هادشي
الساحرة:(طوماس هو مول الشعر القهوي..امم ولكن كيفاش عرف بلي غنكون هنا؟)
دايزي:تبعيني غنرجعك ل الدار
الساحرة:لا انا محتاجة نخرج من هنا
دايزي:واش مشفتيش شنو لي وقع غير دابا؟؟نتي ممنوع عليك تخرجي من سيلڨيرڨال ممكن نتي معارفاش ولكن الدوقة بياتريس عتقات حياتك هي الأخت ديال الملك و تخلات على منصبها و على كلشي مقابل حياتك
الساحرة ربعات يديها هازة حجبانها:علاش بشرية غتبغي تعتقني؟؟
دايزي مبتسمة:حيت حسات ب طيبة قلبك بحالنا حنا
الساحرة:ايوا نتوما غالطين يا البشر انا وحش و تخلقت باش نكونو انا تنعرف نقتالع الأرواح القذرة فقط و من غير هاد الهدف مكاين لاش نبقا
دايزي:نتي مخطئة يا ظل الغراب كاين سبب باش تبقاي هنا
الساحرة تتشوف فيها بعويناتها تتسناها تشرح...
دايزي:نتي تقدري تعتقي نفسك
الساحرة بدهشة:نعتق نفسي؟؟
دايزي:اه نتي قتلتي بزاف ديال الرجال لي كانو فالأصل رجال مذنبين نتي عمرك اديتي شي واحد بريء و هادشي تيبيين النزاهة فيك
الساحرة مصدومة من كلماتها...
دايزي:حنا شفنا مذكرات مدام يا ظل الغراب نتي ماشي وحش..مدام ديالك كتبات كلشي بنفسها داكشي علاش واقيلة عمرها معلماتكش كيفاش تقراي
الساحرة حالة فيها فمها...
دايزي:ماشي بزز عليك تييقي اش تنقول ميلتون غادي يعلمك كيفاش تقراي ديك الساعة غادي تأكدي بنفسك
احساس داخلي تيقول ليها انه كاع لي قالتو دايزي صادق و صحيح ولكن باش تسول على طبيعتها من بعد تصديق حاجة خرى فهاد مئات السنين لي دازو هادشي متيبشرش بالخير...
الساحرة:(خصني نعرف شنو كتبات مدام..علاش انا باقة و ستعملت قوة حياتي بزاف د المرات؟علاش رغم انه مدام مشات و انا بقيت عايشة؟ كان من المفترض نموت ولا ميبقاش عندي حتاشي سحر)
دايزي:بالإضافة كاينين طرق خرين باش تعاملي مع الرجال الخايبين انا مستعدة نعلمك كيفاش تقاتليهوم و اكيد بدون متشعلي فيهوم العافية شوفي ا ظل الغراب حتى واحد فينا مقادرش يرجع بالزمن للوراء و يصحح خطئو ولكن مع الوقت و الصبر غتقدري تبدلي النظرة ديال الناس ليك تفضلي معايا عطي لنفسك فرصة...
مدات دايزي يديها ل الساحرة لي بقات تتشوف فيها و تتفكر فالنظرة ديال الناس ليها فاش لقاتهوم قدام كوخها..ولكن بتاسمات فاش تفكرات كلمات دايزي المشجعة و انه كاينة طريقة باش تبدل نظرتهوم ليها..هنا الساحرة شدات فيد دايزي..
"الغفران"..هاد الحاجة لي عمر مدام معلماتها ليا ولكن فاش حطيت يدي على يد دايزي بديت تنفهم كيفاش هو الإحساس بالأمل فداخلي..
🔮💫الساحرة السوداء🔮💫
للكاتبة✒️:Victoria kaelin
💜📖الجزء 46💜📖
🏰فلينز مانور🏰
كان الفايكاونت طوماس واقف حتى دخلات الدوقة بياتريس...
طوماس:انستي
بياتريس:الوقت تأخر فيناهيا ظل الغراب مزال مجات؟
طوماس:مزال ولكن انا متأكد بلي غادي ترجعها دايزي
بياتريس:و شنو لي مخليك تايق فهادشي؟؟ خليتي ساحرة قديمة تخرج شنو غيوقع الى قتلات تاني؟؟
طوماس:من فضلك خليني نشرح ليك انستي
بياتريس:تفضل انا تنسمعك
طوماس:الساحرة معارفاش بلي حنا عتقناها و بالنسبة ليها حنا مجرد بشر مخليينها محبوسة و منعها من شي حاجة باغا تديرها..و انا شاك واش عرفات بلي القتل فعل خاطئ المهم الى سدينا عليها و عطيناها محاضرة مغاديش تسمع لينا و غادي تبقا ديما تحاول تهرب من هنا باش تمشي تكمل داكشي لي ديما تديرو
بياتريس تتفكر:يعني نتا طلقتي سراحها و وصلتي خبر هروبها باش تشوف كلشي بنفسها؟
طوماس حرك راسو ب اه:تماما انا لي وصيت الخادمة صونيا تخلي الباب من موراها محلول فاش عطات ليها الحوايج باش متوقعش الدافع ديالي على كل تنتمنى حسن الضيافة ديالنا يغيير نضرتها ل لينز مانور
بياتريس:هادشي علاش وصلتي الهضرة ديال هروبها ل الناس باش يمشيو يقلبو عليها
طوماس:اه باش متبقاش عندها شي بلاصة خرى لي تمشي ليها فرضية انه غترجع ل الغابة كانت الآمنة بالنسبة ليها و تما فين كان تيتسنا صديقي الطيب ميلتون حتى واحد من غير كاتب ملكي بحالو انسب باش يخفض من غضب حشد من الناس الغاضبين
بياتريس:اختيار رائع
طوماس:على اي حال من بعد فاش غتستوعب انه بيتها الوحيد تستحوذ عليه مغيكون عندها حتاشي اختيار اخور من غير مغادرة سيلڨيرڨال و باش يتحقق هادشي كاينين جوج طرق فقط..بحالتها الضعيفة الطيران جيهة البحر مغيكونش اختيار صائب داكشي علاش سيفطت دايزي لعند البوابة باش تسناها تما
بياتريس:واخا ولكن هي ممسموحش ليها تخرج من سيلڨيرڨال الجنود الملكيين تما غيحبسوها
طوماس:على حسب الوقت لي عرفات بلي مخصهاش تغادر سيلڨيرڨال الهاوسكارل ديالي المخلصة دايزي غادي ترجعها لهنا
بياتريس ربعات يديها:هادي مخاطرة كبيرة ا فايكاونت طوماس تخييل معايا غير حاجة وحدة من لي قلتي مصدقاتش غادي تهرب و غادي تكون نتا المسؤول على الأرواح المعرضة للخطر..شوف ا فايكاونت طوماس انا عمرني شكيت فذكائك ولا شجاعتك ولكن كان عليك تشاورني هو الأول قبل من هادشي
طوماس:انا تنعتاذر انستي مرة خرى مغنتصرفش من تلقاء نفسي
بياتريس:حسنا تنتمنا هادشي يدوز بلا عيوب كيف خططتي ليه
و هنا دخلات دايزي...
دايزي:تحياتي انستي
بياتريس حركات ليها راسها بابتسامة...
دايزي:انا رجعت ا طوماس
طوماس:واش رجعتي معاك الساحرة ا دايزي؟؟
دايزي:اه جبتها كاينة على برا و حتى ميلتون جا
طوماس:دخليهوم بغيت ندوي مع ظل الغراب
حركات ليه دايزي راسها ب اه و مشات دخلاتهوم..هنا طوماس بقا تيشوف فالساحرة بنظرة متفحصة و بقا تيفكر...
🔮💫الساحرة السوداء🔮💫
للكاتبة✒️:Victoria kaelin
💜📖الجزء 47💜📖
الساحرة تنهدات:(و هاني رجعت مرة خرى لدار البشري مول الشعر القهوي..واش غيعطيني فرصة باش نخلص نفسي؟بحال كيف قالت دايزي البشرية؟)
دايزي:هادي هي الدوقة بياتريس و سابقا الأميرة الأولى لمملكة ديانا هي لي عتقات حياتك
دايزي تتشوف فيها تتسناها تحيي بياتريس ولكن الساحرة بقات تتحك يديها بتوتر و هادي حاجة خرى هملات مدام تعلمها ليها..
الساحرة تتفتف:ا ا انا...بشر...ن نتيي..
ميلتون:قولي غير شكرا يا الانسة الساحرة و خصكي تحبسي مخاطبتنا ب كلمة "بشر"
الساحرة بتوتر:ا انا..شكرا حيت عتقتي حياتي
طوماس بابتسامة:غيخصك كيفاش تخاطبي دوقة..كوني حريصة على قول انستي ملي تكوني تدوي مع الدوقة بياتريس
الساحرة تتحك يديها بتوتر:ش شكرا حيت عتقتي حياتي..انستي
بياتريس مبتسمة:قدامك بزاف متعلمي
الساحرة تتحرك غير عويناتنا لي تيتفحصو بياتريس...
بياتريس:واش عندك اسم؟
الساحرة:مدام عمرها معطاتني سمية..انستي
بياتريس:الى غتبداي ف سيلڨيرڨال كأي وحدة بحالنا نتي محتاجة لإسم لائق بشنو باغية نعييطو عليك؟؟
الساحرة:(همم بغاوني يكون عندي شي اسم..واقيلة غنستعمل شي اسم من اسماء البشر لي تعلمتهوم)
طوماس:الى سمحتي ليا انستي انا لقيت اسم يليق بيها
بياتريس:مرحبا باقتراحك
طوماس شاف فالساحرة بابتسامة:انا غادي نسميك هيلين
الساحرة لمعو عينيها:هي..هيلين؟؟شنو تتعني؟؟
طوماس:تتعني الشفاء هاد الأخير لي هو طبيعتك الحقيقية مع المدة غتعرفيني علاش داوي الأهم دابا واش قابلة بهاد الإسم؟
الساحرة عجبها الإسم و بابتسامة حركات راسها ب اه...
ميلتون:هيلين شحال زوين هاد الإسم
طوماس:صافي مزيان ابتداءا من دابا نتي اسمك هو هيلين مبقاتش لا "انسة ساحرة" ولا "ظل الغراب" غادي نبقاو نعييطو ليك باسمك بحالنا تماما
💡سمعتو طوماس يعني حتى حنا ابتداءا من دابا غنبقاو نعييطو لساحرتنا باسمها الجديد لي هو هيلين
هيلين:(خصني نحبس من نعييط عليه بمول الشعر القهوي حتى انا)بشنو نقدر نعييط عليك؟
طوماس:انا فايكاونت طوماس و خصك تخاطبيني بطريقة محددة..خصك تقولي ليا سيدي الى غتدوي معايا
هيلين:واخا..سيدي
ميلتون:انا ماشي نبيل بحال طوماس يعني غادي تبقاي غير تعييطي ليا بسمييتي و لي هي ميلتون
دايزي:نفس الشي معايا عييطي ليا غير بدايزي و نساي عليك "دايزي البشرية"
هيلين حركات ليهوم راسها بابتسامة...
طوماس:ياكما بغيتي تسوليني على شي حاجة ا هيلين؟
هيلين:ا ااه..سيدي علاش نتوما عتقتوني بينما كاع البشر لخرين بغاو غير الموت ديالي كان من الأسهل ليكوم كون عاقبتوني على كاع الأرواح لي تغديت عليها من قبل
طوماس:دوزت مدة طويلة و انا تنحقق على هاد قضايا القتل الغامضة ف سيلڨيرڨال..تنعتارف بلي فالأول بغيتك تعدمي ولكن ديك المدة لي دوزتي عندي كسجينة حسيت بطيبة قلبك نتي عتقتي دايزي حيت عندك حس الفضيلة كاينين ناس تيقتلو ناس خرين غير باش يرضيو شهواتهوم الدموية و كاينين ناس خرين لي ببساطة طايحين فالضلال..مستعملة سحر بقلب طييب غادي تدير بزاف د الحوايج من اجل البشرية..شفت الفداء ديالك ا هيلين
بياتريس:الطريقة باش واقفة قدامنا دابا تتبين الندم على الحوايج لي دارت من قبل مع بعض غادي نوجهوك ل الطريق الصحيح
هيلين:(ابتداءا من دابا غيخصني نعيش ك بشرية..لا تغدي على ارواح..ولا قتل بعد الآن)
طوماس:على كل خصني نحضر لقضايا خرين دايزي من فضلك خودي معاك هيلين لغرفتها باش ترتاح
دايزي:امرك طوماس
🔮💫الساحرة السوداء🔮💫
للكاتبة✒️:Victoria kaelin
💜📖الجزء 48💜📖
ميلتون:و انا غنمشي لداري غيخصني نكتب كلشي لي وقع فمذكرتي طوماس نشوفك غدا فالصباح
طوماس:واخا دازت مدة طويلة مزرتي دارك نشوفك غدا
نصارفو و كل واحد مشا لشغالو...
و فمنتصف الليل كانو جوج قرويات من لي كانو قدام كوخ الساحرة قدام بوابة لينز مانور...
القروية جابدة ساروت مدابزة مع البوابة تحلها...
القروية2:شنو تديري منين جبتي الساروت ديال بوابة لينز مانور؟
القروية:واحد امرأة سميتها أليكسيا باعتها ليا ب 40قطعة فضية واقيلة هي الخدامة لي كانو جراو عليها
القروية2: 40 قطعة فضية غير على قبل ساروت؟
القروية:بعت كاع لي تنملكو غير على ود الإنتقام ديالي و دابا بلا كترة الهضرة زيدي عاونيني ندفعو البوابة
تعاونو حتى حلو البوابة و دخلو تيتسلتو حتى دخلو لداخل بقاو غاديين تيقلبو فالغرف لي كانو فارغة حتى تساطحو مع واحد الغرفة لي اتضح انها ديال هيلين...دخلو تيستكشفو حتى طاحو عينيهوم على سريرها لي كانت نائمة فيه بهدوء بحال شي ملاك...
القروية:شووفي الساااحرة!!
القروية2:راها ناعسة هادي هي الفرصة ديالنا
القروية:واش نتي مستعدة ديري هادشي؟؟
القروية2 حركات ليها راسها ب اه...
القروية:من اجل الناس لي تنبغيو
القروية:و من اجل سيلڨيرڨال
هنا جبدو بجوجهوم جوج ديال الخناجر...
القروية هزات الخنجر و طعنات بيه هيلين هاد الأخيرة لي فاقت من النعاس بدهشة حاسة بألم فظيع فكرشها هادشي لي خلاها توقف...
القروية2:ب بااقة عايشة؟؟(شدات راسها) غادي تعدبنا بالسحر ديالها دابا
القروية ممسوقاش:انا تنشك فهادشي شوفي حالتها كيف دايرة كنت متوقعة لون دمها غيكون كحل
هيلين تتلهث و تتحاول تلتاقط انفاسها:(رغم الضرب ديال مدام المستمر و رغم بعد الورطات من حين الى اخر مع الفرائس الى بغيت ناخد ارواحهوم و تيجيهوم الغضب الا انه فحياتي الطويلة كاملها عمرني تعرضت ل اصابات او جروح خطيرة هاكا)
هزات يديها و حييدات الخنجر المغروس فكرشها هادشي خلاها تحس بألم افضع من لي قبلو...
القروية بدهشة:كيفاااش؟؟كيفاش باقة واقفة على رجليك؟؟
القروية2:راهااا خااالدة اكيييد ميمكنش تقتتتل بحق الجحيم شنووو غنديرو دابااا؟؟ مبغيتش نموووت(غوتات)
القروية مرضاتها:تكاالمااااي شوية واخا؟؟واش باينة ليك غادي دير لينا شي حاجة؟؟
القروية2 شادة فقلبها و مخرجة عينيها فهيلين...
هيلين بملامح متعبة:(هادو من دوك البشر لي كانو قدام الكوخ ديالي جاو حتال هنا غير باش يقتلوني؟)
القروية:زيدي تحركي نكملو عليها
القروية2:لااا واا عاد طعناهااا انا مبغيتش نتورط فهادشي
القروية:الى بقات عايشة غنمشيو فيهااا فكري فولدك واش بغيتيه ملي يكبر يموت كيفما ماتو رجالنا؟؟
القروية2 بحزن:لا
القروية:ايواا زيديي نكملوو لي جينا على قبلوو
هيلين بعيون متعبة:(فاش كنت تندير اخطاء ديما مدام تتعاقبني داكشي علاش حتى هاد البشر بغاو يقتلوني درت اخطاء فاش قتلت ازواجهوم لي هوما اباء ل بشرهوم الصغار...كاع البشر لي قتلت فالماضي..كاع الأخطاء..عمرني متعاقبت غير حيت معارفينيش شكون...)
بدات تتحس بالدوخة بسبب فقدان الدم الكثير و هنا بقات تتقاوم و تحاول تشد فراسها فنفس الوقت عينيها مركزين على عينين العيالات لي قدامها..نظراتهوم كانت هازة كل من الحقد و الكراهية الكبيرة و هنا بدات الأمور تتوضاح ليها نضرتهوم فكراتها بالضبط فنضرة مدام وقتما تتشوف فيها و هنا حسات بالصعقة...
هيلين:(نفس نضرة مدام..كانت تتكرهني هاد المدة كاملها؟؟؟ولكن علاش؟؟؟هي خلقاتني باش نقتل الأرواح الفاسدة هادشي كاملو لي كنت تندير درت كاع لي قالتو ليا و عمرني ماعصيت اوامرها) شافت ف القرويات و تنهدات:(اصلا غادي نموت دابا)
🔮💫الساحرة السوداء🔮💫
للكاتبة✒️:Victoria kaelin
💜📖الجزء 49💜📖
القروية مستعدة للهجوم:عندك شي كلمات اخيرة يا ساحرة؟؟
هيلين بدات الدوخة تتحكم فيها:(كلمات اخيرة؟) انا اسفة..(بحزن)عارفة القضاء عليا مغاديش يرجع الأرواح لي قتلت.. هادي هي العقوبة ديالي و انا مغاديش نقاومكوم
القروية:مبقات حتاشي فايدة للإعتذار ولكن من أجل داك الندم مغنخليكش تعدبي
و بالنظرة الغاضبة لي على وجوه القرويات سدات هيلين عينيها تتسنا فنهاية حياتها الطويييلة و الطويييييلة ك المشعوذة ظل الغراب و هنا فين تسمعو خطوات سريعة...
دايزي بغضب:هااااه حييدوو يديكوووم عليهاااا اش تيقول ليكوم راسكوووم تديروووه؟؟؟
و هنا قفزو بجوجات و حتى هيلين...
القروية2:اووه لا الهاوسكااارل جااات صااافي ساااالينااا الفايكاونت طوماس غادي يسد علينا
دايزي هزات عليها صبعها بعصبية:هادشي الى كان سخي(غوتات) نتووومااا قتاااحمتووو لينز مانووور و حاولتووو تقتلووو
القروية ممسوقاش:الى كان فايكاونت طوماس صالح بزاف علاش هاد الساحرة باقة عايشة اذن؟هيا قتلاات الألاااف من الرجااال و على حسب قانون سيادته خصها تعدم
دايزي تتهز عليهوم:هادشي اولا معندك حتاشي دخل فيه و تانيا هداك قرار الدوقة بياتريس عندك شي مشكلة مع الحاكمة ديال سيلڨيرڨال؟؟؟؟
القروية بغضب:لاا بطبيعة الحال غيررر...غيييير..(غوتات شادة راسها) كيفاااش قتااالة تنفد منها و تضور هناا و لهيييه على راحتها؟؟؟
فالوقت فاش كانت دايزي محيحة على القرويات كانت هيلين تتفقد الدم اكتر ف اكتر و الدنيا بدات تضور بيها حتى سخفات فالأرض...
دايزي بدهشة:هيلين!!!
القرويات تلفتو مستغربين..
القروية:تيبان ليا مصدقتيش خالدة
القروية2:تيبان ليا باقة تتنفس
دايزي جبدات خنجر من سروالها و هي تشيير عليه على القرويات داز من حداهوم زاگلهوم بشويييية و تخشا فالطبلة الخشبية...
القرويات قفزو حالين فامهوم على قدهووم فدايزي...
دايزي:حسنا هادشي لي غادي يوقع بالضبط ا انسات غادي ندي معايا هيلين باش تعالج و نتوما غادي تبقاو هنا بلا متحركو و الى تتقولو مع راسكوم اجي نضوروها ولا تحركو من البلاصة لي واقفين فيها دابا فكرو مزيان حيت داك الخنجر لي مخشي فالحيط المرة الجاية غنخشيه فيكوم نتوما واش تفاهمنا؟؟
هوما باقيين حالات فامهوم مزال مستوعبوش اش وقع حركو ليها غير راسهوم ب اه...
دايزي:مزيان
مشات دايزي تحنات حتى هزات هيلين من الأرض و داتها لغرفة طوماس باش تعالجها و فنفس الوقت توصل لو الخبار تكاتها على الأريكة ديالو و حييدات ليها فستانها خلاتها غير بالملابس الداخلية شافت الجرح مكانش عميق بزاف...
دايزي:هي حتى نتيا دمك بحال ديالنا هاه؟؟
دايزي:ساحرة بدون سحرها سريع تآدا اكتر من البشري(شدات راسها بتعب)طوماس كان على حق الناس غيجيو يقلبو عليك خصك ملي تفيقي تعلمي كيفاش دافعي على راسك
تم داخل طوماس تيتفوه و عينيه تيتسدو:شنو هاد الصداع لي سمعت بحق السماء؟؟(حك عينيه) بلاتي بلاتي واش هداك دم لي كاين فالغطا ديال الأريكة ديالي؟؟اش واقع؟؟
دايزي:جوج قرويات قتاحمو القصر و طعنو هيلين عاد كنت غنكمل معالجتها و نوصل ليك هاد التقرير
طوماس:جوج قرويات؟؟
دايزي تتضمد الجرحة:اه راه سديت عليهوم فغرفة هيلين
طوماس قرب منها:البوابات ديالنا قوية و غير قابلة ل التخريب غيكونو ستعملو ساروت باش دخلو ولكن منين غيلقاو ساروت ديال قصري؟
دايزي:غادي نسولوهوم على هادشي الأهم دابا هو الجرحة ديال هيلين باقي تتنزف خصني نمشي نجيب ضمادات خرين من المخزن من فضلك واخا تبقا معاها؟مسكينة غادي غير تحرك غادي يتحل ليها الجرح....
طوماس قاطعها:دايزي!!!
دايزي قفزها:شنو؟؟
طوماس:وا كاع ملابسة!!
دايزي:كان خصني نحييد ليها حوايجها باش نعالج الجرح اصلا توسخو كلهوم بالدم
🔮💫الساحرة السوداء🔮💫
للكاتبة✒️:Victoria kaelin
💜📖الجزء 50💜📖
شاف طوماس ف هيلين لي كانت متكية نصها التحتاني لي مغطي و لفوق لابسة حمالات الصدر و كرشها عريانة و تنهد...
طوماس:اش بان ليك انا لي نمشي نجيب الضمادات و نتي تبقاي هنا؟من الغير الائق بزاف نبقا معاها و هي ملابساش مزيان بالنسبة ليا
دايزي ربعات يديها هازة حاجب:طوماس...راك غريتيها من قبل فاش كنتي باغي تجيبها
طوماس قفز:اااه ولكن متعديتش عليها و لا شي حاجة كانت لابسة حوايجها كاملين ديك الساعة و زايدون كنت تنحاول نشد قاتلة الأمور ماشي بحال بحال
دايزي:حنا معارفينش بلي القرويات واش جايين بوحدهوم ولا كاينين وحدين خرين بغاو يطيحونا فشي فخ المخزن بعيد على هنا و باعتباري الهاوسكارل ديالك مبغيتش نحطك فالخطر خليني نمشي نتأكد و نجيب معايا الضمادات
طوماس تنهد:شوفي راسك تتاخدي قرارتي و انا الفايكاونت هنا(بتاسم بمكر)غيكون احسن كون كنتي لي تسخن ليا فراشي
دايزي ضحكات:هههه اووه سيدي كون كنت لي تتسخن فراشك مغتقدرش تاخد حتاشي قرار مزال
طوماس بابتسامة:تنظن بلي انا محظوظ انكي الهاوسكارل ديالي
دايزي:بطبيعة الحال نتا محظوظ اصلا من بعد كلشي انا كلارك ا طوماس
طوماس:و زيدي عليها اعنف شخص ههه
دايزي:باعتباري السليلة الوحيدة و انثى خصني نبيين كفائتي على كل أحوال غنمشي قبل متفيق على الألم
طوماس تنهد:انا تنرفض نشوف فيها و هي ملابساش مزيان اجي بعدا واش لابسة شي حاجة تحت داك الغطا؟؟
دايزي قلبات عينيها:انا غادة دابا ا طوماس حاول متخليهاش تحرك من بلاصتها لتقصح
طوماس:واخا متعطليش
خرجات دايزي و طوماس قرب من هيلين شاف الجرح ديالها و عطاها بالضهر واقف تيتسنا...
هيلين كانت باقة غايبة على الوعي حتى بدات تتهضر:لا ا مدام القرعة ديال العطر هي لي زلقات ماشي انا لي لحتها بلعاني
طوماس تلفت لقاها كيفما خلاها:كوابيس هاه؟ تنضن من الأحسن تفيقي
هيلين تتهدي:لا ا مدام...كرشي تضرني..لاا..عفاك حبسي.. حبسييي.. عفاك
طوماس مستغرب:بحق السماء شنو دارت ليك لوسيا؟؟
هيلين:علاش تتحتاقريني بزاف ا مدام؟؟نتي خلقتيني و درت كلشي لي تتقوليه ليه..كلشي..شنو لي درت خاطئ ا مدام؟عفاك متكرهينيشش..ا انا..انا
و هنا طاحت دمعة على خدها من بعد بدا جسدها كولو تيترعد هادشي لي خلا الجرحة تحل...
طوماس بدهشة:لا لا خصك متحركيش
هيلين:البشر تيكرهوني ا مدام...هوما اداوني...
بعد محاولاتو باش ميشوفش فيها قرب منها و حط يدو على يدها و ضغط عليها بشوية باش يهدنها شوية...
طوماس:لا ا هيلين البشر متيكرهوكش
هيلين:لا ا مدام هوما تيكرهوني..البشر تيكرهوني..كلشي تيكرهني
طوماس:لا هادشي ماشي صحيح..درتي خطأ..فالحقيقة أخطاء و البشر غاضبين بسبب افعالك هوما متيكرهوكش
هيلين:عمرني كنت باغة نآدي البشر.. ولكن مدام قالت بلي هاديك المهمة ديالي و العالم غيكون احسن...انا..اسفة
صوتها تبدل و ولا مخنوق بسبب دموعها لي بداو ينزلو تاني...واحد اللحظة حبسات من الحركة و هادشي تيبيين انه كابوسها حبس...
بقا طوماس تيشوف فوجهها و ملامحها حتى قرب منها و حط يديه فوق خدودها و بدا يمسح دموعها...باش تكون اذكى شخص فمملكة ديانا كلها هو بنفسو معارفش علاش تيمسح دموع ساحرة قاتلة قديمة..واش هدا تعاطف؟ اولا مقادرش يوقف و امرأة تتبكي قدامو؟واحد الحاجة لي عارفها الفايكاونت و متأكد منها و هي مغاديش يخلي شي واحد كيفما كان يآدي هاد الساحرة مرة خرى من بعد كلشي هو لي عطاها الفرصة باش تعتق و تبدل نفسها و هو لي تيتحمل المسؤولية ديالها دابا...
دايزي جات موراه:انا رجعت ا طوماس واش كلشي بيخير؟
طوماس قفز و حنحن:احممم اه كانت تدوي فنعاسها ولكن دابا كلشي مزيان كنت غير تنتفحص النبض ديالها المهم شفتي واش كاينين دخلاء خرين؟؟
دايزي:قلبت فجميع البلايص و مكاين حتى واحد من غير دوك جوج قرويات
طوماس:واخا غدا غنسولوهوم مع الدوقة بياتريس
دايزي:واخا