When He Cries

17: Awkward

"Meron ba?" Naibato niya ang ballpen na hawak sa lalaki. Tumawa lang ito.

"Bwisit na 'to." Natatawang niyang sabi. Kuntodo ilag naman ang nag-iisang Barbie ng Escobar Apartments. Halos naman malaglag sa kinauupuan niya si Jackee.

"Huy, Nicomaine! Sadita ka na ha!" Singhal ni Paolo. Halos hindi na makahinga si Jackee sa katatawa dahil sa bilis tayo at sabay pilantik ng balakang nito.

"Kakainis naman eh. Magkwento na kasi." Reklamo ni Maine. Nagpapasalamat siya na nandito ang dalawa dahil napagaan ng mga ito ang pakiramdam niya.

"Fine. Eh di yun nga. After ninyong umalis ni Doc, sumunod na rin kaagad ni Tito Rome pero kausap pa rin si Ma'am Agapito. Naiwan kami sa loob ng teacher's lounge. Lalabas na rin sana kami dahil nandun nga si Mina Sinungaling, eh nakita ko yung gamit mo kaya kinuha ko na. Mantakin mo ba namang pagyabang ba naman kami na before daw ng meeting bukas ay kakausapin niya si Uncle Romero niya na paalisin ka na daw kasi sa eskwelahan dahil nakakasira ka daw sa reputasyon ng mga matitinong teacher sa school at ng ibang mga teacher sa buong mundo." Salaysay ni Jackee na may kasama pang hand gestures.

"Sinagot ko naman siya na kung Uncle nga niya si Tito Rome, eh bakit hindi man lang siya binati kaninang dumating ito. At kung Uncle niya nga ito, bakit ikaw ang binati nito at hindi siya? At kung kahiya-hiya ka sa madlang guro ng mundo, ano naman ang masasabi ng madlang people sa kilay niyang Mina-saker ng sampung kabayong kangkarot na hindi pa naliligo at yung lipstick niya, susmaryosep!" Napaantanda pa siya krus bago ngpatuloy sa pagsalaysay. "Gawa yata sa achuete yun eh? Ayun, nagwala siya. Hinayaan namin siyang magtatalak ng magtatalak, kandalabas ang litid niya, hanggang sa maabutan siya ni Madam Morning Seven. Matagal na palang nakikinig sa labas ang prinsipala natin." Dugtong ni Paolo na ikinatawa ni Maine dahil mabulaklak nitong paglalarawan sa co-teacher nila na sinabayan pa ng pagpilatik ng mahahaba nitong mga daliri. Magana at kwela itong magkwento kaya benta sa kanya ang kwela nito.

"Anong nangyari?" Na-curious na rin siya. Alam niya ang reputasyon ni Mina na magpaikot ng pangyayari at alam din niya na mabait at maunawain ang principal nila, kaya natatakot siya para sa dalawang kaibigan.

"Binigyan siya ni Morning Seven ng uppercut na salita. Na kesyo nagtitimpi lang ito dahil nga sa maraming bagay na mas importante pa kesa sa iniyayabang niya na matagal na palang alam ni ni Morning Seven ang totoo at hindi lang kumikibo. Alam din daw ni Madam ang mga gulong sinimulan niya sa mga estudyante at mga parents. Sinabidin ni Madam Morning Seven na may petition na palang naisumite ang mga magulat at ibang guro na kinalaban niya para maalisan siya ng lisensiya sa pagtuturo o di kaya ay mapaalis sa school natin.." Mataray na kwento ni Paolo na may pagkumpas pa ng mga malalantik nitong daliri at pagtirik at rolyo ng mga mata.

Aliw na aliw sa panunood dito kahit na may lungkot siyang nararamdaman para kay Mina but she can't help to be happy at the news and be mad at the woman, too. Somehow, her rational mind say, Mina deserves what she is getting at the moment.

"Kaya pala hindi na nagsasalita ang ibang mga teacher na nakabangga niya dahil si Ma'am Agapito na ang humingi ng dispensa para sa kanya, pero nung ikaw na ang kinalaban at pinagsalitaan ni Mina ng hindi maganda, she said, she need to let Mina know that she knew all this time na hindi siya pamangkin ni Superintendent katulad ng kini-claim niya. Sabi pa ni Madam, blessing na rin daw yung nangyari kanina dahil nagkaroon na siya ng dahilan para i-request ang removal at suspension ng teaching license nito for two years and three years probation kapag na-reinstate ang teaching license ni Mina." Laglag ang panga ni Maine sa idinugtong ni Jackee.

"You mean, tinanggal siya ni Ma'am?" Di makapaniwalang tanong niya.

"Simula pala nung nagkasagutan si Mina at si Ms. Dalisay five months ago, nagpalagay na ng CCTV si Ma'am sa teacher's lounge. Kaya siya nagmamadaling pumunta sa lounge kanina ay dahil narinig at nakita niya sa monitor niya ang pinagsasabi ni Mina laban sa iyo na halos hindimaipagtanggol ang sarili mo. Matagal na palang naririnig ni Ma'am ang mga paninira ni Dirk sa iyo kaya naging curious siya bakit ganun. So she decided to spend her own money to put a spy cam sa classrooms ninyong tatlo, sa lounge, faculty room at sa campus cafeteria. Dirk is also on suspension till further notice at sasampahan silang pareho ng kasong defamation of character." Tumatango-tango si Jackee na nagpatuloy sa pagkwento. Nagitla si Maine sa narinig mula sa mga kaibigan.