يتبع
فحي صغير وسط لمدينة لقديمة لي كيسودها دجيج واخا صباح كتسمع غي لحوت لحووت وشي كيغوت بالخضرة و دراري صغار كيتناقزو و لعيالات كيتحدتو و ولوليدات غادين لمدرسة و كين لي عاد كيفيق باش يمشي وكين لي مزااال نااااعس فحال لبطلة ديالنا لي ناعسة و حالة فمها وريوگها سيلين حتى كتحس بشي يد كتعزعها
✔ انوضي اديك لمسخوطة نوضي را 2 هادي نوضي تهزي وااااا نووور و نوضي ابنتي الله يرضي عليك
نور :مممممم
الام :اويلي ناس والدين لبنات وانا والدة بگرة تموه عليا نوضي تهزي يخليك بلخلا
نور :وااا ماما هااا لعااار لبزيزيلة لي راضعة لييك لمخليني نعس راا باقي لوقت خليني نعس غي شويا مزال الله يحفظك
الام :و الله ومتنوضي تمشي حتى نخوي عليك كأس دلما نوضي تهزي خلااااص
نور، :واااا ماما عيقتي اصحبتي ومزال يلاه 7 اصحبتي وخليني نعس
الام :دگعدي.... منزيدش معاك لهدرة لفطور فوق طبلة تهزي تغسلي وجهك
نور :و الله تا لعذاب فهاد داار يخ... وناضت كتهز فيديها وتعاير
الام :بقاي تبرگمي تما حتى نجي نهرس ليك داك لفم غي بقاي
نور :و الحاجة صباح(سميتها ) وخليني نعس راه صباح هذا واش كنجي نبرك معاك هاد سبت ولحد كتندميني مبقيتش غنجي عندك بمرة حولهم سماوك صباح قولي كتصبحي مصبحة على لواحد
صباح :مالي واقفة عليك خرجي سيري تا ذبا لهلا يجيبك
نور :كتجري عليا تا انا والله لا مشيت حتى نفطر
صباح :موصيبة لي عطاني الله فطري وخرجي فحالك فطري
نور :هاني كنفطر إشارفة باغا غتفكي مني
صباح :اييه كملي كملي تنجي نهرس ليك وجهك
نور :ههه غي كنضحك معاك الحب اجي مغتمشيش لخدمة ليوم
صباح :دابا نمشي ابنتي غي سيري تقراي را لقا مك مكتمشيش نوريك
نور :واخا صافي.... فطرات نور وخدات حوايجها لبساتهم وهزات صاكها وسلمات على ماماها و خرجات ولي داز من حداها كيشدها نص نهار غي بسلام بحكم عزيزة على كلشي و كاملين كيشهدو على تربيتها واخا لسانها مبري منها وعافية فوق الأرض وخاص غي لي جبدها. مشات توجهات عند مول لحانوت
نور :با حمان لاباس؟
حمان :لاباس ابنتي لاباس كيف تينا بعدا غبرتي بزااف
نور :غي مع لقراية اعمي وصافي
حمان :ومخليا يماك بوحدها مسكينة
نور:ملقيت ليها جهد وهيا مبغاتش تمشي وتخلي خدمتها
حمان :ياك جراو عليها من لخدمة ابنتي
نور :جراو عليها امتا؟؟؟.... لا لا ميمكنش هاد لهدرة مشي بصح غي هضرة ناس
حمان :لا ابنتي جرااو عليها قالتها لي هيا
نور :اويلي
حمان :و الله
نور :متأكد من هاد لهدرة؟؟ ؟
حمان :واش مفراسك والو ابنتي ؟؟؟
نور :قلتليك مفراسي والو انا.... خلاتو ومشات شدات طوبيس ومشات لافاك. وهيا ساهية كتفكر فالام ديالها علاش مقالت ليها والو حتى بانت ليها لكليكا ديالها مجمعين ومشات عندهم (عدنان و ريم)
نور :لخوت صافا
ريم:اويلي مااالك
عدنان :مااالك انوور؟ ؟؟
نور (خلعوها ) مالكم مااااليي انااا
ريم :مال مك على هاد الكآبة كاملة
عدنان :نتي لي مولفة غي كتفرنسي فين عمرك قلتي لينا لخوت ولا طاحت عليك لمحنة
ريم :وهانتا تشوف الأخت مقلولبين ليها لبابر
عدنان :اش هاد لهدرة نتي قادي فمك
نور :واقع ليا واحد لمشكيل
عدنان :مالكي؟؟؟؟ 😐
نور :ماما جرااو عليها من لخدمة
ريم :وعلاش
نور :معرفتش هيا مقاتلي والو سمعتها غي من عند مول لحانوت وهادشي لي زاد عصبني
.. يتبع......
أنت تقرأ
كرهت بناتي فاحببت مربيتهما
Humor📣📣📣📣📣📣📣📣 حصريا 💯💯 في جروب الكونتيسات الدمويات 😈 Dark angles 💀 ⭕⭕⭕⭕⭕⭕⭕⭕⭕⭕⭕⭕ قصة مديراش.... تحمل فطياتها⏬ الحزن😢..و الغضب 😤... اليتم 👭..الحب 💑... الكره.. العذاب . .. ... قصتنا هاد لمرة نوضفو فيها ظاهرة اصبحت منتاشرا مؤخرا... بسباب ن...
