نوى ماما اش هاد لهضرة
صباح : باش من وجه جاي عندي هنا خرج عليا برا
نزار :نتي عارفة ديك ليلة اش كان واقع ليا ومكانش بقصدي غي سمحي ليا عافاك انا قلبت عليك فكل بلاصة باش نصلح غلطي و لكن ملقيتكش
صباح :صلح غي غلطك مع بناتك هما لولين و دابا برا
نجلاء :ولكن هادا را بابا علاش كتصرفي معاه هاكا
جيداء :مشي بعيد يكون داير ليها شي حاجة خيبة اصلا مولف
نور :جيداء سكتي شويا ابنتي عافاك و نتوما شي واحد يشرح ليا اش واقع هنا
نزار :قبل عشرة سنين دابا انا
صباح (قطعاتو) هو خلا بناتو و انا كنكره شي شخص هاكا
نور :(عنقتها) ماااماااا حشومة عليك صافي عافاك و اصلا هو راه نادم مسكين
صباح :غادي نشوفو ندامتو
نور :عمري نتي سيري وجدي لينا لقصرية باش نمشيو
صباح :باقي ليها فورة وحدة و نحطها
نور :غادي ناكلوها فلبحر ازين وجدي راسك حنا غنمشيو نشريو باش نعومو و نجيو بزربة نزار تمشي معانا
نزار :نتوما عيالات خليكم بيناتكم
نور :على خاطرك و خرجات هيا ولبناتصباح:نتا شنو كدير مع بنتي شنو بلانك
نزار:انا مفقصدي والو حتى اني مكنعرفهاش الآلة صباح كنعرف عليها غي اسما و بلي هيا المربية ديال بناتي
صباح:هيا كتربي ليك بناتك و نتا حارمها من باها ياك
نزار:انا مكانش قصدي علاش مبغيتيش تفهمي
صباح:كيحسابليك خرجوك لفلوس و مخديتيش عقابك مي عقابك عند الله سبحانه و عمرنا نسمحو ليك و كون اكيد نور بنتي لعرفاتها مغاديش تغفر ليك اسي نزار
نزار:لالة صباح عافاك مبغيتش نور تعرف الله يخليك
صباح:وعلاش خاايف و لاا باشمن وجه غتشوف فيها بوجه منافق و لا قتال قتل ليها باها و مزال كيطوف فجنبها شنووو بغيتي نتا بغيتي تاخد مني بنتي كيف خديتي حب حياااتي. يااك نتااا هادشي لي بغيتي
....:هاديك بنتي اناااا مشي بنتك و عمرها كانت بنتك
صباح :شنوووو (و هزات راسها بصدمة فصوت لمرا لي واقفة مور نزار لي دار ببطئ وتصدم حتى هو )
نزار:خدييجة؟؟؟
خديجة:اه خديجة ختك انا هيا الام ديال نور.
صباح :نتي اش كديري فدار شكون نتي و اش بغيتي
خديجة:لعبتك سالات الآلة صباح اوااه و سمحي ليا دخلت هاكا مي لقيت لباب محلول و ملي سمعت صوتكم و الموضوع لي كنتو داوين فين قلت نشارك معاكم الحدث جديد
نزار:خديجة اش كتقولي نتي
خديجة:كيف سمعتي نور بنتي انا و سمير انزار
صباح:نور بنتي اناااا خرجي فحالك من هنا هاديك نوريي
هادي ضوء عينيا خرجييي فين كنتي شحال من عام دابا سيري فحالك نزاار دي ختك من هنا و سير فحالك
خديجة:(بضحكة ديال شيخات)ههه انا غادي نمشي مي خلي خويا لعزيز يتمتع بصدمة ديال حياتو. باااي و خرجات
_____________صباح:اش هاد الموصيبة اربي اش هاد الموصيبة طاحت فوق راسي
نزار:لالة صباح تهدني عافاك و عودي ليا شنو واااقع واش نتي مشي الام ديال نور الحقيقية
صباح :انا هيا ماماها فهمتي انا لي ربيت وقريت و كبرت و صهرت و صربت تمارة انا هيا ماماها بوحدي حتى واحد معندوو الحق يقول شي حاجة نوور بنتي اناا هئ مشي هيا
نزار:نور اش غيوقع ليها لعرفات بهادشي
صباح :نور عارفة عارفة ولكن مخاصهاش تعرف بلي هادي ماماها غادي ياخدوها مني انزار اولدي غيديو ليا بنتي من بين يديا غيحرموني من بنتي
نور:كفاش نور عارفة واش عارفاك مشي الام ديالها
صباح:متقولش مشي الام ديالها انا الام ديالها
نزار:جلسي هنا و مشا جاب ليها لما تشرب ؛رتاحي شويا معندك مناش تخافي انا مغادي نقول والو. متخافيش
صباح:الى ضاعت مني بنتي نموت
نزار:مغادي يوقع والو ان شاء الله غي كوني هانية.
صباح :غادي نمشي توجد لغدا متخليهاش تعرف والو صافي متبين والو اصلا موقع والو ياك موقع والو والو (مشات لكوزينة و هيا كتردد غي موقع والو فحال الى خيفة تخسر بنتها. )و هادشي لي ضر نزار فقلبو. على هاد الام المحطمة قدامو و على نور الصغيرة لي ولات بنت ختو و هو كيتعد خالها و مشا جلس كيفكر فاش كيوقع و اش غادي يوقع و علاش كيوقع هاكا حتى دخلات العاصابة
نور:ها حنا جينا
صباح :هاي هاي اش خديتو شفتكم فرحانين
نور:غي باش نعومو و صافي ياكم
نجلاء: خدينا كلشي لي غادي نحتاجو
صباح :يا لالة و يا لالة على زين غيمشي يتبحر
جيداء:واش كنتي كتبكي
نور(عاد نتابهات لعينيها المنفوخين. ) ماما مالك ياك لاباس
صباح :غي لكوزينة فيها.صهد و خرجت لبرد و دمعو عينييا
نور:ماما حبيبتي عذبناك معانا سمحي ليا
صباح :حمقة متقوليش هاكا. مصطية لخرا ههنور:يلاه نمشيو
صباح:انا غادي نمشي نصگي لقصرية
نور:واخا و مشات تجمع فوطات فصاك و حاسة بشي حاجة مشي تا لهيه بين نزار و صباح و هادشي لي خاصها تعرف
ومشات عندهم لقات نزار هاز لقصرية فيديه و صباح لابسة جليلبية ايڤازي جاتها كيوت مع زويف تركي كيحمق و خرجو
نور:لوليدة اش تما اي الاناقة دي ههه ياكما ناوية ضبري
جيداء:شناهيا ضبري
نور:هيا تجيبي لينا شي راجل ههه
صباح:حشمي يا هاذ البنت اش هاد الجواب كتقولي لبنت
نور:كون تشوفي هيا اش باغا تسولك ههه
صباح:شنو باغا
جيداء ماما صباح كيفاش لمرا وراجل كيولدو لولاد بلا ميديرو شي حاجة واش بصح ميمكنش
صباح:سكتي ابنتي سكتي ههه و طلعي لوطو ههه
نور:هههه شتي ههه
جيداء:علاش مكتبغيوش تجوبوني
نزار:حيث ابنتي لكلام على هاد الموضوع مخاصش يكون فبلاصة هاكا و خصوصا فشارع هادشي فيه نوع من الحياء خاص نحتارموه حيث الشارع عندو محارمو و حتى ناس لي نتي معاهم مخلطين ميمكنش تلقاي الجواب فهاد ضروف
جيداء:و علاش ابابا
نزار(فرحات قلبو ) ملي نكونو بوحدنا و غادي نشرح ليك كلشي وكيف كيقولو لا حياء في الدين ابنتي و انا بدوري غادي نجوبك على اي سؤال بغيتي تعرفي جوابو صافي
جيداء : ههه صافي واخا
نور:(نور صدمها ولكن شافت فيه بافتخار و فرحات مي غي تفكرات لكلام لي دار بيناتهم قبيلة و هيا تهبط راسها بحزن و نطقات فخاطرها) ولو متبغيش انزار انا غادي نكون فحياتك غادي نكون فيها
صباح:نوو فين مشيتي
نور: ها انا علاش
صباح :طلعي لطوموبيل مالك مصدومة
نور:ههه مشي هاكاك غي سهيت
أنت تقرأ
كرهت بناتي فاحببت مربيتهما
Humor📣📣📣📣📣📣📣📣 حصريا 💯💯 في جروب الكونتيسات الدمويات 😈 Dark angles 💀 ⭕⭕⭕⭕⭕⭕⭕⭕⭕⭕⭕⭕ قصة مديراش.... تحمل فطياتها⏬ الحزن😢..و الغضب 😤... اليتم 👭..الحب 💑... الكره.. العذاب . .. ... قصتنا هاد لمرة نوضفو فيها ظاهرة اصبحت منتاشرا مؤخرا... بسباب ن...
