بارت 19
نور :مشكيلة هادي شنو وقع اريم شنوو هادشي علاش رسالة كاملة الغاز علاااش كيفاش غادي نعرف دابا و شنو هادشي لي وقع لختك ومبغيتيهش يوقع لبنات شنوو هو اففف اش غندير دابا فهاد لمشكيلة اففف و هزات صاكها و خرجات تالفة معارفاش تا شنو كدير و لكن شخص لوحيد لي كترتااح ملي كتهضر معاه هو ماماها و مغاديش تبغي تشطنها بهادي حيث عارفة بلي غي غادي تقولها ليها غادي يكون جوابها هو (رجعي ابنتي لداركم مخاصنا بصداع ) وكثر من هادشي غادي تخليها دائما معلقة من جهتها
ومشات بركات فلكافيتيريا حتى جا عندها عدنان
عدنان :مالكي
نور :معرفتش
عدنان :بقا فيك لحال حيث مشات متخافيش غي تخدم تيليفونها ونمشي عندها
نور :كين موضوع كبر من هذ
عدنان :شنو هو
نور :خدمت مربية
عدنان :اوااا مبروك ياك كنتي كتقلبي على خدمة وهانتي لقيتيها
نور :مربية ديال جيداء و نجلاء
عدنان :اوااا و الله تا درتيها مزيانة
نور :ومشي هذا هو لمشكيل
عدنان :شنو. هضري بلا الغاز عافاك
نور :دابا لبنااااات مساكن وتلفوني بزااف واخا غي مدة قصيرة لي تلاقيتهم وتخيل ولاو كيقولو لي ماما وانا واعدتهم بلي عمري نخليهم وهنا فين كين لمشكيل خفت يجي شي نهار لي نبعد عليهم اعدنان را غادي يكرهوني وغادي نكون حطمت ليهم أحلامهم
اعدنان
عدنان :فهمتك دابا نتي خيفة متكونيش قد للمسؤولية خصوصا بنات توأم ومزال صغار
نور تماما هادشي لي بغيت نوصلك ليك
عدنان (شد ليها فيديها ) وااااش نتي مقتانعة بهادشي لي كديري
نور :اه و كثر من لقياس انا لبنات را درتهم فحالا بناتي انا تخيل وليت كنبغيهم بلا قياس
عدنان :إذن ربي غادي يسهل عليك و غادي يعاونك كوني غي على خير ومغادي يوقع والو ان شاء الله
نور :متأكد
عدنان :اه
نور :الله يدير لي فيها الخير ويلاه نوض وصلني باش نجيبهم من ليكول
عدنان :وهانا تاني ولات ليا ام
نور :شو كي داير (وشدات فدراعو وخرجو حتى وقفات عليهم واحد شهبة وعينيها زرقين ولابسة واحد لكسوة قصيرة لمعري كثر من لمغطي و ديرا كيلو ديال لمكياج ولكن تيتيز بومبة )
هي :عدنان شكون هادي
عدنان :وي.
نور :و تيتيزة
عدنان :هادي عبوش مراتي
هي :واااات شكتقول نتا واااش كتضحك معايا
عدنان :لاا سوليها عبوش اش كنجيك انا
نور :اويلي ازماني تا راك راجلي وثاج راسي وبات ولادي دريس وميلود و صافية و رقية و سعدية و تهامي و كبورة
عدنان :بركة بركة غيضربو لينا ولادنا بلعين زيدي قدامي زيدي
لبنت :عدنان شنو هاد ضحك
عدنان :تي شكون عدنان اهيا ناري انا را سمني تهامي
لبنت :نتا تهامي وولدك تهامي
عدنان :اه مفراسكش را كيقولو لي ولد مماتتش ههه... ومشا طلع هو و نور اما لبنت عرفاتهم كيضحكو عليها و مشات لسيارة ديالها اصلا عدنان معروف تما كيشد وحدة يطلق وحدة مكيشدش بلاصة وحدة
نور :شكون هادي
عدنان :تهامية هههه
نور :و هضر اصحبي
عدنان :و الله معرفت نسيت ليها على سميتها تلاقيت بيها لبارح فلكلوب فرعات ليا راسي بباپي ماامي وفين كتسافر وفين كتاكل و فين كتمشي ضراتني فراسي
نور :ياك كنتي فلگنازة لبارح
عدنان :و بغيتيني نبات تما را مشيت فحالي وهبطت مع دراري لكلوب وليوم صبحات عليا ميحسابليش كتقرا هنا
نور :هههه علام و الله ولكن را زوينة بزاااااف واخا هاكاك
يتيع ي
أنت تقرأ
كرهت بناتي فاحببت مربيتهما
Humor📣📣📣📣📣📣📣📣 حصريا 💯💯 في جروب الكونتيسات الدمويات 😈 Dark angles 💀 ⭕⭕⭕⭕⭕⭕⭕⭕⭕⭕⭕⭕ قصة مديراش.... تحمل فطياتها⏬ الحزن😢..و الغضب 😤... اليتم 👭..الحب 💑... الكره.. العذاب . .. ... قصتنا هاد لمرة نوضفو فيها ظاهرة اصبحت منتاشرا مؤخرا... بسباب ن...
