كرهت بناتي فاحببت مربيتهما

بارت 44

ريم: نور بعدي.من لبنات بعدي من بنات ختي
نور: كان عليك تفكري فهادشي قبل متخليهم بوحدهم
ريم: علاش كتقلبي علااش
نور: متعوديش تاصلي بهاد نمرة مرة اخرى
ريم: نتي كتغضريني هاكا نتي كتغضري ختي 
نور: ونتي مغضرتينيش هاا نتي اش درتي فياا اريم اش درتي فيا
ريم: شنو درت انا شنو
نور: شنو كان بينك وبين عدنان هاا 
ريم:واش مشي من حقي نحب واش مشي من حقي
نور: تا انا من حقي 
ريم: انا ندمت
نور: و انا عمري غادي ندم  على حبي هذا
ريم: نتي كديري هادشي باش تفقصيني ياك سمعي انا تزوجت و نسيت كلشي    فهمتي
نور:مبروك اختي تسالينا لكادو 
ريم: شنو
نور : امسية سعيدة ( و قطعات عليها و طاحة الارض على ركابيها كتبكي مع اخر مقطع ديال الحر و بدات كتردد معاه  )

غلطة ساوية الفلوس
مكايد حفاري
كل فخ فين مدسوس
كل قلب شنو فيه
مساوس فالريوس
عديان كتخطط وكولشي مدروس

خروض الشيطان النفوس
الطيبة والنية واكلها السوس
تمناو أحلامك تولي كابوس
مكرفس معذب محتاج ومخصوص

:نور اااااااااااااااااه  اااااااااااه( تحطات يد على كتفها   بلا متشوف شكون. ناضت ضماتو حيث ممحتاجاش تعرف شكون و علاش و كفاش لي عارفة انو باغيا حضن دافئ  تبكي عليه و هادشي لي دارت 

....ششششش تا حاجة متستاهش
نور: هئ هئ هئ كلشي كلشي غضااار كلشي كيضلم كلشي كيبكيك  كلشي كيعذب هئ هئ هئ    
......:لي بكاك ضحكي فوجهو غادي يبتاسم على الاقل نتي قدرتي ديري شي حاجة زوينة      ولو ناس خيبين حاولي نتي تكوني زوينة   وسطهم    

نور: مقاداش انا مقادرا ندير والو
....:اجي جلسي هنا شوفي  كلشي كيشوف فيك
نور:واش انا فزنقة
....مع الاسف
نور:واش شافوني كنبكي
...اه هادشي لي كين ههه
نور:خلينا نمشيو هنا بلا متخليهوم يشوفوني
...: نتي معندكش علاش تحشمي عادي جدا بنت كتبكي شنو فيها حنا رجال وكنبكيو
نور: واش نتا راجل
  ...مفهمتش
نور(شافت فيه) عاد رديت ليك لبال مع هاد سالف عندك يحسابلي معنقة بنت
...نتقبلوها منك
نور:ورا بصح يحسابلي بنت ههه
    ....غا ملي ضحكتي الالة هادشي لي بغينا ههه  
نور:بفضلك
....خليك ديما ضاحكة تا حاجة مكتستاهش  اوكي
نور: واخا
...باااي و ركب فوق دراجة نارية من نوع (TMAX)و مشا
نور: ايي نتا بلاتي    فيين غاادي شنوو سميتك ووقف بلاااتي اداااك لمشعكك   
نور(عقدات شنايفها ببراءة ومع كانت كتبكي  كيبانو حمرين ) و الله تا نولي نجي ديما نبكي هنا  كين تيتيز هههه  الله يستر تي شتك وليتي ضحكي و تهضري غا بوحدك  بان ليك غا هاد المشعكك و لكن  تيتييز ولد لحرام ديال شي ك*وية  فهاد ليل  اويلي مبقيتش كنحشم غي صباح باركة نشلقم فواحد ودابا باغا نهز رجليا لواحد كوني تحشمي ورجعي لبكاك حسن ليك 
مشات لواحد لمحل د لحوايج د لبنات صغار    داخت كلشي عجبها 
نور: عافاك بغيت اخر غوب د الاميرات   دلبنت عندها عشرة سنين
محل : وي مدموزيل مرحبا  بيك تفضلي انا غادي نجيب ليك اخر معندنا.واخر موصل
لبنت: تبغي تشربي شي حاجة
نور:نو مغسي  غي عافاك شوفي ليا   كسيوات سامل د لبنيتة عندها 10 سنين   
لبنت : واخا
نور: (خدات تيليفون قالت لماماها تلبس لبنات  بلي غادي دوز موراهم   ) و عاد ناضت كتشوف فدوك لبسات عجباتها غوب غوز   بشبكة  من ضهر بلبيض و و سانتير طويلة بيضة و عندها عصا سحرية    و ثاج فحالا الى هيا لي كانت راسما فراسها و كانت باغاتها و خداتها ليها مسولاتش تا على ثمن عطاتو لكارط و صافي    و مشات لدوك لبيسات لي جابت ليها لبنت خدات جوج فلبيض سامبل قصار فوق ركبة و خدات وحدة ديال سواغي دلبنات  صغار طويلة حتى لتحث  بلغوز و لبيض حتى هيا خلصات و خرجات  لدار لقات صباح مزال كتلبس لبسات لبنات لي مزال مگلوبين بنعاس  .لكسيوات لبويض  و مشطات ليهم شعرهم و خرجو عاد خرجات موراهم صباح لابسة جلابة نواغ و فولار بيض مع صباط بيض  و مشاو  لسيارة
  قلبات على مطعم زوين  و توجهات ليه من بعد مرسلات  .لنزار مساج    حتى صونا تيليفونها
  عدنان: نور صافا فين غابرة
نور:.وي.عدنان بغيتيني
عدنان : نور.خاصنا نهضرو ضروري عافاك.
نور: ممسالياش عندك شي حاجة تقولها خلي ليا مساج
عدنان: نور خاصني نهضر معاك ضروري را غندير شي حاجة فراسي
نور:ديرها.مالي انا
صباح: بنتي هبطي غي حدا.جامع ال سعود    لداك المطعم لي تما.زوين بزاف و منها نيت ندوزو لانفا بلايص anfa place
خاصني شي حاجة 
نور: واخا اماما واخا  عدنان نخليك دابا راني ممسالياش باي و قطعات  و عاد توجهات لمحل لي قاتليها.ماماها
هبطات لبنات   لي فرحانين اصلا عاد حسو براسهم بداو كيعيشو و بصح نور كانت نور لحياتهم 
جيدا: نور واش نتي مريضة ؟
نور: لا اعمري علاش
صباح: حتى انا داكشي لي كيبان ليا واش نتي عيانة
نور: لاا  اماما راني بيخير غي مع لبحر و صافي   
صباح:واخا ابنتي احنا غنشوفو
نجلا: نور بغيت كنتاكي
نور: ههه واخا ولكن فهاد    ليل مغاديش يضرك لا
نجلا: لا بغيت
نور: راك واكلة لكسكسو صباح غتزيدي شي حاجة تقيلة غتمرضي
نجلا( هبطات شفايفها  بتوسل وحزن) بغيت
نور: واخا الالة ههه واخا و زين ديالي اش بغا
جيدا: بغيت ناجست
نور: متافقين هاد ليلة ولا مالكم
جيدا: ههه
نور : واخا و القمر ماما شو بدو.
صباح : غا لي خديتو ابنتي
نور: ماما
صباح: غناخد من نوع لبنات اش بان ليكم فتوسد همم
نجلا: دوقيني
صباح: كلشي ديالك ونتي
نجلا: تا انا ههه
    نور: ههه واخا يلاه دخلو  مشاو خداو بلاصة مقابلة مع لبحر  حتى جا سيرڤور 
بنت: شنو حب لخاطر
نور : نورة ؟
نورة: نور هادي نتي 
نور: اه انا واش خدامة هنا
نورة: لا المحل دبا غي جايا نعاونو  ههه اش بان ليك خدامة على راسي
نور: الالة تبارك الله عليك 
نورة: اش حب لخاطر را معنديش الحق نهضر مع لكليان
نور: واخا الالة  جيبي انا صلاد خفيفة بلا زيتون عافاك و ماما توست مع فريت و لبنات وحدة كينتاكي و لاخرا  ناجست و جيبي ليهم 2ليموناض و ماما جي بلا سكر  
نورة: اش من  جي 
نور: توت
نورة: واخا صافي  شي حاجة اخرة
نور: كافي نواغ قاصحة  بلا سكر   
صباح: نور رجعتي تاني لهاد لكافي
نور : ماما سيلتوبلي 
صباح: واخا صافي
  
عدنان: سلام عليكم
نور/نورة: هذااا نتاا ؟؟؟
نور: كتعرفيه ؟؟
نورة: كتعرفيه ؟؟
عدنان: كتعرفوني
نورة: هذا هو لي ضربني بطونوبيل
عدنان: را نتي لي جيتي قدامي
نورة: حمد الله انا خدامة دابا
     نور: من حضك احياتي هاذا هو سيد لي خدام معانا على لبروجي.
نورة: شنو شنو ؟؟؟؟
نور: اييه
نورة: يخ يخ على زهر
سيد: سلام نورة اش واقفة  كديري هنا    (شاف فنور و عدنان) كنتمنا ميكون حتى مشكيل  الالة سمحو لينا  اكيد غادي نعاقبوها لدارت شي حاجة تفضل  جلسو
عدنان: سمح ليا بغينا هاد سيدة ليوم تجي تعشا معانا حتى نمشيو وتخدم.
سيد: ويكن اسيدي ميمكنش
نورة: سمح ليا انا.خدامة ممسالياش
عدنان: اكيد.مغاديش تخصرو  لخاطر لكليان ديالكم و لا نمشيو حسن
سيد: لا لا ميمكنش وي تقدر تبقا معاكم مرحبا    
نورة :ولكن اسيدي
سيد: غي بقاي 

 

ومشا

نورة: شنو كتحاول دير  نتا .
نور: نورة بركي اختي بركي
نورة: غادي نجيب لكومونض بعدا هو  لول  خاصك شي حاجة  اسيدي
  عدنان: خاصني نتي
صباح: واش مبغيتي تحشم خلاص اداك بوبرايص  
عدنان: الملكة الام هنا اييي الجمال داه هه
صباح: و بنتي ليا داخل صخون كطير
عدنان: اش غندير شي حاجة فيا لداخل مكتحشمش ههه
نور: علاش جيتي هنا  همم باش عرفتيني هنا
عدنان: سمعت ملكي فتيليفون اش قاتليك و كنت  قريب من هنا  لدرجة وصلت قبل منكم ههه  اش غندير مقدرتش مندويش معاك
نجلا: عمو عدنان   
نور: مقالش ليكم تا سلام ابنتي شتي مفيهش حس صواب  
صباح: بعدو ليا من ولدي   نتوما ههه
عدنان: يخليلي ملكتي انا  هه و مشا باس لبنات و جلس فحالا مناقصو تا خير 
نورة ( جابت داكشي لي قالو ليها و جات   ) اما عدنان مشا خدا بيتزا  ليه و لنورة و جا حداها  .وجهو قاصح 
نور: خاصني نهضر معاكم   البنات و مزيان ملي نتا هنا اعدنان
   عدنان اش تما
نور: تاصلات بيا ريم ليوم 
نجلا: خالتو ريم تاصلات بيك واش بصح
نور: اه احبيبة
جيدا: واش قاتليك علاش مشات
نور: لا مقاتليش ولكن قاتلي نتهلا فيكم  و توحشاتكم بزااف
عدنان: فين كينة هيا دابا
نور: فالمغرب
عدنان: شنووو؟؟؟
جيدا: كفاش واش هيا هنا و مجاتش عندنا
   عدنان: فينا بلاصة هيا دابا هضري
نور: معرفتش اصلا هيا مقاتلي والو 
عدنان: باش عرفتيها هنا
نور: تاصلات من نمرة مغربية هيا كينة هنا انا متاكدة 
عدنان: خاصني لقاها ضروري
نور: توحشتيها مثلا ؟؟
عدنان: مفهمتش ؟
نور: ياك نتا حبيبها و هيا حبيبتك
عدنان: شكون قالها ليك
نور: سيادتكم ملي كنتي سكران و لي بديتيه نتا كملاتو  ليا ماماك ديك ليلة
عدنان: اش درتي اعدنان اش درتي
نور: بقا فيك لحال ولا ولقتو واحد لحمارة بيناتكم مدورينها كي.طعريجة
صباح: نوووور   صطوب شوفي راسك فينك شوفي لبنات معاك ردي لبال لهضرتك ابنتي.
نور: اصلا علاش جيتي  نتا علاش علاش
عدنان: انا غادي نمشي اختي و لكن نتي راك معارفة والو
نور: اذن خليني نعرف يلااه هضر اش تما شنوو
  صباح: عدنان على وجهي اولدي برك عافاك . نور  صافي ابنتي راكي مخرجة لبنات يبدلو لجو  مشي تنكديها عليهم
نور: سمحو ليااا
جيدا: مشي نتي لي خاصك   طلبي سماحة مشي نتي
نور: اووف
صباح: هادشي لي بغيتي 
نور: ماما عافاك.
و عنقات لبنات طمأناتهم كانها غتبقا دائما معاهم  و رجعاتهم لجو ضحك كيف ديما    
نور: يلاه كولو نورة سمحي ليا هه
نورة انا معارفاش اش غنقوليك ولكن كوني اكيدة ان البارطون ليوم يسمعني خل ودنيا هههه
نور:جبدنا ليك صداع
نورة لا غي مبغانيش نبرك.معاكم و صراحة هنيتوني منو عينو زيغة
نور: ياك كيتقرب ليك
نورة غي خليني ساكتة
نور: سكتي غتسمعك ماما و داك لمصعور والله تا يضارب معاه  و اجا ميفكك و من عودي ليا
نورة واخا
نور: ههه  كولي هاد.صلاد مقديتش عليها
نورة: واخا.علاش لا 
وعم الصمت كلشي كياكل  و نور واخدة   قهوة كتشرب فيها حاضية لبحر  كتشكي عليه حتى شافت شخص لي اخر واحد كانت كتوقع تشوفو

يتبع