نزار:كيحدث لينا الاخصاب ابنتي ملي كيتاحد لينا الحيوان المنوي و هو عنصر عن الرجال مع البويضة الانتوية فالداخل ديال جسم الانتى و هادشي لي كيأدي لتكون الجنين فرحم المرأة و كتولد شي وليد صغير
جيداء :يعني ؟؟؟
نزار:ميمكنش راجل و لمرا يولدو بلا ميحضر نكاح بيناتهم
جيداء:وعلاش ابابا صديقة ديال فالقسم الام ديالها والداها بلا اب
نزار :ميمكنش بلا اب حيث ديجا شرحت انو الحيوان المنوي ضروري .يعني هاد سيدة وقع ليها حمل مع شي راجل ولكن.يقدر يكون مات قبل متزاد بنتو و لا يكون مبغاش يعتارف بيها
جيداء:كيف درتي نتا
نزار:(بندم):اه ابنتي ااه ولكن انا بصح نادم دابا عافاك لما سمحي ليا
ا جيداء
جيدا:ولكن واش الى سمحت ليك مغاديش تبقى تعاود.
نزار:ابداااا
جيدا:واخا.صافي سمحت ليك
نزار:واش بصح
جيدا:اه ابابا
نزار:(جرها لعندو.وضمها ليه ) الله يخليك ليا الاميرة ديالي
صباح :(كتعيط )جيدا اجي نتي وباباك تغداو يلاه .
نزار:لكسكسو ينادي ههه يلاه نمشيو يلااه تجمعو على ديك القصرية فحال شي حمقين
نزار:فين هما لمعالق
صباح:كول بيديك اولدي كول
جيدا: وانا باش غناكل
نور:لگمي ههه
جيدا:كفاش
نور:(كتوريها بيديها.هيا ونجلا) شوفي كتجمعيها هاكا و كتكوريها و كتلعبي بيها فحال لكورة فيديك هاكا.و من بعد.كتاكليها.
جيدا( بغات تجرب و هو يطيح ليها بقاو كيضحكو.عليها و مع هيا مكترضاش شداتها لبكية )
نور:.انا غادي نوكلك صافي
نجلاء: و انا
صباح : غادي نوكلك انا ههه..
نور: صافي متافقين دابا ههه و جلسو كيوكلو فلبنات لدرجة نساو راسهم ومشاو غسلو حالتهم و جلسو فشميسة يتبرونزاو اما جيداء و نور دفنوهم فرملة
اجواء شعبية كيعيشوها بطباتنا صغار.لي كانو عيشين البرجوازية و هادشي علاش كيقولو الفقر زوين حيث السعادة مشي هيا لفلوس السعادة فاللمة و المجمع و فالمغامرة فتعيش حوايج بسيطة لي تفرح قلبك مشي سعادة تبقا حياتك كاملة كتجري مور لفلوس.حيث.دنيا فانية
و هاكا.دوزو لبنات نهارهم من بعد ملعبو لكورة وقصرو مزيان مع بعضياتهم و عاد رجعو لداار دوشو و عمرو كاس ديال اتاي دارو بيه فاجواء عائلية واخل متوترة ولكن على قبل التوأم ديالنا تا واحد.ممبين حزنو واخا تا واحد مقلبو صافس من جيهة لاخر
نزار: لبنات خاصنا نمشيو دابا
نور: غادي يباتو معايا هنا مزال خاصنا نمشيو نتقداو لبنات ميلبسو غدا خصوصا نجلاء مهم ليلة عندنا شي حاجة.نقضيوها
نزار:جيداء كتنعس غي فلبيت ديالها ونتي عارفة.
نور:جيداء غادي تبدل العادة ديالها ومشي غي هاذ العادة بزااف ياك اجيداء
جيدا:فحالاش
نور :.من بعد و نقوليك احبيبة ولكن غادي ديري .بكلامي.
جيدا:على حساب هه مهم انا غادي نبات ليوم هنا مع نور.
نجلا: حتى انا
نور: رسل ليهم بيجاماتهم عافاك و حتى ليطابليت ديالهم و دوا دجيدا
جيدا:مبغيتش نشربو
نور:جيدا
جيدا:صافي واخا واخل صافي
نزار غادي نرسلهم مع شيفور وخرج
نور:خويا نزار
نزار:(صدماتو مسكين )
نور: غادي نرسل ليك شي حاجة فلواتساب و ضروري تعملها غدا
نزار:واخل اختي ..وخرج من تما معصب و زادت كملات عليه
صباح:كيفاش قضيتك نتي
نور:توحشتك اناا ياختي
صباح تي دوي
نور:ماما فيا نعاس لبنات امانة عندك.
جيدا: لا تا حنا.غادي نعسو انا عييت بعدا
نجلا: حتى انا خبري لينا ونعسو
نور:يخرجو ولادي قرعين
جيدا: علاش.
نور : كيقوليك لي خبر بنهار يخرجو ولادو قرعين ههه اكيد غي خرافات ولكن هضرت ناس لكبار فيها حكمة و العلم لله السر لي مخبي موراه و درگوها بهادي
جيدا: مفهمتكش ولكن قولي ليا شنو غادي تحيد مني.
نور: مثلا احبيبة واحد نهار كنتي مسافرو و تقطع بيك لحبل فطريق فين غادي تنعسي ؟؟.
جيدا: معرفتش.
نور: غادي تنعسي فبلاصة لي لقيتي مهم تكون مأمنة ومشي بضروري سرير ديالك يكون معاك فهمتي.
جيدا: ولكن انا ولقت بيتي
نور: و هادشي علاش خاصك تولفي على حلجة اخرى دابا نتي وليتي كبيرة اولا
جيدا: اه بصح
نور: وحاجة اخرى نتي وختك تخيلو معايا واحد نهار فقتو صباح معندكم حتى درهم ومكين والو فتلاجة و حين غي الخبز و اتاي شنو غادي تاكلو
جيدا: غادي نقاد كريب
نور: طيبتي تا بيضة را قتليك مكين والو اش من كريب
جيدا: نبقا بجوع
نور: حياتك كاملة
جيدا: وشنو غادي.تاكلي
نور: خبيز و اتاي و حمد الله خاصنا ابنتي نترباو على القناعة مشي بغيت هادي و هادي و هادي و تبدير بلا فائدة الا شي نهار موجداتش لحاجة تبقاي بجوع اكيد لا ميمكنش هادشي علاش خاص تكون فينا القناعة و نرضاو بما قسم الله لينا و داكشي لي كين ناكلزه و نحمدوع على نعمة ديالو فهمتي.
جيدا: انا منقدرش
نور: غدا ان شاء الله نفطرو بخبيز وزويتة وشوفي واش كيبقا فلمعدة و لا غادي يتقبها ليك ( صفيو نيتكم).
جيدا: صافي واخا
نور: و حتى نتي كذلك انجلااء نجلاااء واا نجلاء ههه هادي نعسات
جيدا: غادي تكون عيات مسكينة ههه
صباح: الله يرضي عليا.
نور: امين اماما الله يرضي عليك ولكن كفاش ههه
صباح: ليوم تأكدت بلي ربيت وعرفت اش ربيت ابنتي الله يرضي عليا
نور: امين (وجرات جيداء لحضنها )تعالي تنعسي حتى نتي. و غمضو عينيهم و اصيحو في خبر كان و حتى لالة صباح غمضات عينيها و مشاات محسوش بالوقت حتى سمعو دقان فلباب و عاد فاقت نور و صباح اما لبنات مزال ناعسين
يتبع حلات صباح لباب لقات واحد راجل واقف فلباب طويل و عريض و يكون فالخمسينات من عمرو لابس كوسطار فلكحل كيبان تيتيز رغم لكبر سيدة داخت مسكينة حتى كح عاد توگدات
صباح:شحب لخاطر اسيدي
هو: دار دلالة نور هادي
صباح:لالة؟؟ زوينة هادي انا ماماها شبغيتي بنتي
هو: انا شيفور ديال موسيو نزار رسل ليها هاد الامانة
صباح:واخل عطيني انا غادي ندخلها
هو:صراحة منقدرش خاصني حتى تجي لالة نور و نسلمهم ليها بيدي
صباح: هايا لالاك نور غادي تجي (و عيبات فمها و عيطات ليها) نور نوضي تكلمي ابنتي
نور: ياك لاباس اماما
صباح شيفور جاب لحوايج و كل مغادي يخص لبنات
نور: واخا صافي ماما دخلي هادشي انا خارجة
صباح:فيت غادا فهاد لوقت
نور:شويا و نجي لقاك موجدة راسك نتي ولبنات غادي نتعشاو برا و بغيت ناخد شي حاجة ليهم نيت
صباح: واخا ابنتي و عندك لفلوس بعدا
نور: وي عندي فلوسي اماما و لبنات عاطيني نزار باش ناخد ليهم متخافيش نخليك حبيبتي
عطا شيفور الامانة لصباح و مشا و حتى نور.دارت لكيت.فودنيها و غير غادا و تابعة لقمر لي طريقو مكتساليش الا لطلع صباااح
كانت كتسمع لاغنية الحر و الرابور المميز ليها دائما كتحس بيها كيغني عليها حيث كل كلمة كيقولها كتكون عيشاها فديك لحضة و نفس سيناريوهات حياتها.كدور فعقلها
عائلتها لي خلاوها و باباها حبيبها لي معرفاتوش باش مات ولا اش وقع ليه و لا لشخص لي اول مرة تبغي بغاتو عتابرها مجرد خدامة و مداهاش فيها و لكن هيا عند بالها بلي الحب مكيعرفش فقير و غني حيث هذا غلط بزاف د لبنات خرجو عليهم الافلام و هكذا نور كتحس بكلشي كيكرها و ديما بوحدها و حتى صحابها مشاو وخلاوها سمعات تيليفونها كيصوني. من نمرة غريبة و مسحات عينيها و جوبات
نور:الو شكون معايا
..هادي انا انور
نور:رييم
ريم: ختي
نور:شنو بغيتي
ريم:نور هئ هئ نوور
نور: مالكي
ريم: ختي انا محتاجا ليك عافاك
نور: ريم واش عندك شي حاجة.
ريم: نور بعدي على لبنات انور بعدي على نزار
نور: اش كتقولي نتي واش هادشي علاش صونيتي ليا
ريم: نور بعدي من بنات ختي نتي ميمكنش تكوني الام ديالهم ميمكنش تاخدي بلاصتها
نور: على الاقل نقدر ناخد بلاصة خليتيها فارغة ملي تخليتي عليهم
ريم: انا مخليتهمش انا الى بقيت معاهم غادي نموت انا عتقت غي راسي
نور: و انا كنفضل نموت على اني نخليهم اريم
أنت تقرأ
كرهت بناتي فاحببت مربيتهما
Humor📣📣📣📣📣📣📣📣 حصريا 💯💯 في جروب الكونتيسات الدمويات 😈 Dark angles 💀 ⭕⭕⭕⭕⭕⭕⭕⭕⭕⭕⭕⭕ قصة مديراش.... تحمل فطياتها⏬ الحزن😢..و الغضب 😤... اليتم 👭..الحب 💑... الكره.. العذاب . .. ... قصتنا هاد لمرة نوضفو فيها ظاهرة اصبحت منتاشرا مؤخرا... بسباب ن...
