بارت 7
جيدا :وشنو وقع
نور :داوني لخيرية و من بعد جات هيا و راجلها ووجدات لوراق لي خاصها وتبناتني حيث بابا مسكين مكانش كيولد و رباوني فحال بنتهم وكثر
جيدا :دابا حتى نتي يتيمة.
نور :معرفتش
جيدا : واش إلى جاو واليديك غادي تسمحي ليهم وتعيشي عادي
نور :معرفتش ولكن غادي نعطيهم فرصة يشرحو ليا علاش خلاوني وانا عاد تزاديت مخديتش حتى حليبها
جيدا :سمحي ليا إلى فكرتك
نور :انا عمري نسيت اصلا
جيدا :ونتي علاش عاوتي ليا هادشي
نور :حيث نتي سولتيني
جيدا :نسيت ههه
نور :ضحكتك زوينة واش عارفة
جيدا :لميمة دائما كتقولها ليا
نور :الله يرحمها
جيدا :ديني لقبرها عافاك
نور :انا معارفاهش ولكن نسول ريم ونمشيو
جيدا :لا متقوليهاش لريم غي ديني
نور :غادي تقلب عليك وغادي تخلع
جيدا :قولي ليها بلي انا معاك و صافي
نور :واخا يلاه نمشيو
جيدا :بصح
نور :اه... ومشات قالت لريم بلي متخلعش على جيدا راها معاها ولبسات جلابة ودارت فولاغ فوق راسها من عند ريم ... و تاصلات ب عدنان سيفط ليها لوكاليزاسيون وهبطو على رجليهم سولو على لقبر جديد ومشاو ليه
جيدا :(حطات يديها على صراب لي مزال سارد ) لميمة علاش مشيتي حتى نتي غادي نتوحشك بزااف غااادي نتوحشك انا غادي نبقا نجي عندك كل نهار باش نزورك لميمة شكون غادي يبقا يجيب ليا لفطور كل نهار وشكون غادي يوصلني لمدرسة وشكون غادي يدينا لمزرعة لميمة نتي كنتي هيا كلشي انا غادي نتوحشك بزااف كح كح كح
نور :جيدااا صافاا
جيدا :اه كح كح اه كح
نور :جيدا حبيبة غادي تمرضي حاولي تبكي ومتهزيش فقلبك بكي اجيدا بكي عافاك
جيدا :انا كنعرف لقبر ديال با سيدي خلينا نشوفو
نور :وماماك
جيدا :مبغيتش نزورها
نور :ولكن هيا مسكينة مدارت ليك والو
جيدا :ديني غي لدار صافي
نور :قولي ليا فين كين اجيدا
جيدا :كين فلجيهة لاخرا
نور :اجي نمشيو
جيدا :مغاديش نقدر
نور :حبيبة ديالي خاصك تمشي عند ماماك اكيد غادي تكون توحشتك بزااف اجيدا
جيدا :غادي تبقاي حدايا
نور :(عطاتها يديها ) اجي
جيدا (شدات فيها ومشاااو حتى قربو ووقفات جيدا )
نور :علاش وقفتي
جيدا :هو كين تما
نور :واش هاداك قبر ماماك واش باباك هاذاك
جيدا :اه هو
نور :تهضري معاه
جيدا :مغاديش يبغي وحتى انا مبغيتش نهضر معاه
نور :حاولي اجيدا
جيدا :لاا.... ومشات كتجري.. وتبعاتها نور بزز باش وصلات عليها حيث لقبورا تما وعاد لابسة جلابة
نور :جيدا علاش هربتي هاكا
جيدا : مبغيتش نشوفو
نور :صافي خلينا نمشيو لدار احبيبة
جيدا :واخا
نور (شدات فيها باش متهربش مرة أخرى و توجهو لدار لقاو نجلا شادة لعبة فيديها وجالسة قدام لباب )
نجلا :واش حتى نتي ولات نور صحبتك
جيدا :لا
نور :شنو كديري هنا انجلا
نجلا :كينين بزااف ديال ناس لداخل وانا فيا نعاس ومخلاونيش نعس
نور :طلعي لبيت ونعسي
نجلا :كين صداع بزااف و كينين لي كيبقاو يغوتو
نور :انا نمشي معاكم لبيت حتى تنعسو اجيو معايا
جيدا :انا مبغيتش
نور :غير اجي
جيدا :شدات فيها (كيفما كان لحال جيدا غي طفلة محتاجة غي لشخص يحس بيها و يفهمها ودغيا غادي تنسى و تأقلم معاه ) وطلعو لبيت نجلاء وحيدات جلابتها و ومشات جراتهم حداها كل وحدة من جيهة وكتحك ليهم فشعرهم حتى نطقت نجلا
نجلاء :وااش نعسات
نور (شافت فيها لقات جيداء ناعسة ) اه
نجلاء :وهيا قالت بلي مبغاش تنعس
نور :بعد لمرات احبيبة ديالي كنقولو شي حوايج وعمرنا كنديروهم
نجلاء :تا انا بغيت نعس
نور :اجي عندي احبيبة ديالي اجي
يتبع
أنت تقرأ
كرهت بناتي فاحببت مربيتهما
Humor📣📣📣📣📣📣📣📣 حصريا 💯💯 في جروب الكونتيسات الدمويات 😈 Dark angles 💀 ⭕⭕⭕⭕⭕⭕⭕⭕⭕⭕⭕⭕ قصة مديراش.... تحمل فطياتها⏬ الحزن😢..و الغضب 😤... اليتم 👭..الحب 💑... الكره.. العذاب . .. ... قصتنا هاد لمرة نوضفو فيها ظاهرة اصبحت منتاشرا مؤخرا... بسباب ن...
