كرهت بناتي فاحببت مربيتهما

بارت 40

نجلاا:الو
نزار ابابا فينكم
نجلاا:حنا عند ماين نور
نزار :و جيداء بيخير واش راهي حداك
نجلاء :اه ابابا واش بغيتيها
جيدا:مبغيتش قوليه بيخير شكرا
نور(خدات ليهم تيليفون)نزار تقدر تجي عندنا صراحة محتاجاك
نزار:واقعة شي حاجة
نور:لا غي أجي  انا  غادي نرسل ليك  لوكاليزاسيون فهاد نمرة نخليك باااي و قطعات عليه
نور:زيدو قدامي نتوما
صباح:فين غادين
نور:غي هنا  وجايين ديري بحساب ضياف فلغدا 
صباح:واخا  
نجلاء :انا عيانة بغيت نعس
نور:من بعد و نعسي غادي نمشيو لواحد لبلاصة. غادي تعجبكم ههه (صيفطات مساج لنزار و خرجات شادا للبنات فيديداتهم)
جيدا:عاد جينا لين غاديين
نور:قلت بلاصة زوينة و غي قريبة و مشاو وسط دوك لكرارص لي مكتخرجي منهم غي بزز خدات زريعة و طلعو مع الكتابة المعلومة و هبطو لجامع   
نجلاء:واو لبحر
نور:مالكي عمرك شفتيه
نجلاء: كنشوفو ولكن كيعجبني واش غادي نعومو مجبتش حوايجي
نور:هاد لبلاصة غي بلا متنوي تقيسي لما و لا غيهزك لما
نجلاء:علاش
نور:حيث مشي ديال لعومان غي ديال دوران ههه. الا لبغيتي لوحك فالحفرة هه(نسيت سميتها حتى تفكروني ) لبنات اش بان ليكم واحد عشرة دقايق نوقفو لعبه ونشوف لبحر بلا حتى واحد ميدوي اش بان ليكم
جيدا:مزيان بغيت نفكر فشي حوايج
نور:نتي اصلا من صباح و نتي ساكتة امتا دويتي
جيداء :صافي خليوني ساكتة من الاحسن و الله
نور:واخا
و مشاو جلسو كيفكرو  و كل واحد و شنو عقلو و لكن بثلاتة بان عليهم الحزن و  هادشي دال على انو الصمت هو اكثر حاجة كتوجع و بلي الوجع كيعاني منو كبار و صغار كلشي عندو المشاكل 
نزلات دمعة من عينين نور بلا متحس حيث لبحر كلو بان ليها غي مشاكيل و لي نفسهم كتعيشهم فحياتها  
نجلاء:كتبكي
نور: لبرد ديال لبحر ضرني فعنيا  أجي نمشيو نتصورو اش بان ليكم ههه  
نجلاء : صوريني فداك ساقية زوينة
جيدا:انا غادي تجلسي لهيه و غادي تشديني كامل لدرجة نبان كبر من جامع اما هو يبان   فحال الخلفية مورايا فهمتيني ياك
نور:عملات ليها براسها لاا. 
جيدا:ههه صافي عطي لنجلاء 
نور:واخا.  الآلة خودو تيليفون تصورو كيف بغيتو   و مشات بركات حاضياهم و كتشوف فيهم طفولتها حتى هيا عاشت يتيمة غي الفرق هما عارفين والديهم هيا معارفاش بنت شكون و لا هياا شكون و لا منين وعارفة والو على حياتها من غير انها اكبر مشكيل فهاد الدنيا

يتبع فلحضة نفضات كلشي و مشات تعونهم فالتفاهة ديالهم و ترجع طفولتها بيديها و مشات كتصور معاهم و دخلو لجامع اغرب بوزات داروهم كيف الحمقات  وخرجو كيضحكو  
نجلاء نمشيو نطلو من لهيه
نور:لا فيا اصلا دوخة عيانة مفيا لي يطل
نجلاء عافاااك
نور:واخا زيدي نمشيو. و مشاو لداك صور جلسو فوقو و طلقو رجليهم من لفوق و عاجبهم لحال كيضحكو. و كياكلو زريعتهم. 
نور:معيتوش لكسكسو غادي يكون وجد ههه
نجلاء :خلينا بلاتي
نور(داخت و مشات من تما )
جيدا:نور مالك
نور:لا رد
نجلاء. واش نتي بيخير
نور :تيليفوني
نجلاء : عطاتو ليها و هيا خيفة
نور:(عاد غادي تحطو  على ودنها و هيا تجي طيحة على ركابيها و شادا فراسها حيث الارض كدور بيها 
نجلاء :نووور
جيدا:(غوتات)شي واحد يعونا هناااا واااش مكتشوووفوووش
جا واحد لولد صغير عطاها تشرب و بسرعة تجمعو عليها ناس   وكل واحد كيوسل فيها بوحدو حتى زادو غي دوخوها مخلاوها حتى تنفس حتى غوتات جيداااااء
جيدا:باااااباااا نزااار 
نزار(نزار شافها رغم لكلمة لي فرحات قلبو ملي شاف جوقة تخلع ومشا كيجري عندهم)
نزار :جيداا. نجلاا نتومااا بيخير
جيدا:بابا نور مشي بيخير
نزار:بعدووو نتومااا من هنااا راااكم خانقينها
نور:ديني من هنا عافاك
نزار:(هزها فيديه)  نجلاء جيداء تبعوني متحركوش من حدايا نمشيو لكلينيك
نور:لااا انا بيخير غي  غادي ناكل شي حاجة غادي نولي بيخير عافاك. 
نزار:لا غادي تمشي لكلينيك.      
نور:لا بلاش شي حاجة عادية عافاك راني بيخير غي دوخة عادية
نزار:(مشا حطها فسيارة و لبنات حداها خيفات عليها اما هو أول حانوت مشا ليه حط ليه ميتين درهم  بلا ميتكلم هو بيمو  و قرعة ديال لما و رجع عندها خلا مول الحانوت كيشك واش لفلوس مزورة ولا واش هادا مصطي اما نزار غرضو هو نور لي خلعاتهم  ومشا عندهت
نزار خودي كولي هذا وشربي لما
نور :واخا صافي و خدات حبة حطاتها ففمها اما هو جدبها ليه  كيشربها لما  عاد بدات كتفيق سيدة و تشد فراسها
نجلاء:(بصوت باكي )نوور
نور:(عنقاتها)راني بيخير بيخير نزار لكلينيك
نور لا مزالا باغيا ندور و اصلا مبغيت ماما تعرف هادشي ولا حريرتي حريرة
نزار:من نيتك 
نور:اه و الله عافاكم بغيت نمشي فجنب لبحر. حتى نعيا ههه عافاكم
جيدا/نزار:راااك عيانة
نور:واخيرا تافقتو ههه
نجلاء:يلاه نمشيو ههه
نور:هبطات من سيارة كتضحك على الحالة لي هيا فيها حتى شابكات يديها صغيرة يد ضخمة هزات عينيها لقاتو نزار   لي مكيشوفش فيها كيسد فسيارتو :متطلقيش من يدي نتي مزال ديخة
نور:(بخجل)واخا 
أما لبنات غي كيدورو فعينيهم و مشاو قدامهم و نزار و نور مشابكين و غادين موراهم كيبانو فحال شي  عائلة سعيدة   حتى نطقات مخربة الأحداث
نور:نزار نسولك و متقلقش
نزار:نتي عارفاه كيقلق و بغيتيني منتقلقش 
نور:مديش عليا ههه 
نزار:شنو سؤالك
نور:كيف كانت مراتك و علاش مبغيتش بناتك واش كنتي كتبغيها بزاف
نزار :مراتي كانت هيا حياتي. (بتاسم )فراسك مكناش كنحملو بعضياتنا
نور:مفهمتش
نزار: هيا بنت عمي  ملي كانت صغيرة كانت غليضة بزاف و انا كنت كنقولها ذبة و هيا مكترضاش و كتشدني تفرشخني  هه بصح كانت كتضربني و كنت كنمشي نبكي و كانت كضحك فيا صحابي و هاكا كانت عداوتنا و لكن من بعد مبقيتش شفتها حيث مبقيتش كنمشي لدار عمي على قبلها  و ملي وصلت لسابعة دخلت القسم تا دخلات واحد لبنت زوينة فحال شي ملك و لكن فجأة عرفت داك الملاك هو الشيطانة ديال بنت عمي و تما بدا صداع فعام جديد ولكن هاد لمرة عداوتنا تحولات لحب و حب كبير شهد عليه الجميع و من بعد ملي كبرنا تفرقنا حيث انا مشيت خدمت مع الوليد على مشروع بفضلو باش كبرت شركاتي اما هيا  مشات خدمات  عارضة أزياء و من تما مهضرنا مزال معرفناش بجوج سبب علاش مبقيناش هضرنا ممكن يكون كبرياء ههه ولكن بصح  فموت جدي ملي شفتها   زاد قلبي بغاها كثر و تزوجنا و بدأت قصة أخرى فحياتي و هي شغفي بمراتي و حملات كنت فرحان بزاااف لدرجة الجنون فرحة و بكيت و غوت كلشي تخلط عليا و اخيرا تمرة حبنا ولكن نهار الولادة وقع لي عمري تخيلتو و المشكل كان بسبب مرض القلب  كان ممنوع عليها تحمل و لكن على قبل علاقتنا حملات و فضلات ضحي بحياتها بالمقابل ديال حياة بناتها 
نور:(حسات بغصة فقلبها معرفتش علاش ونطقات)تقدر شي نهار تعوض شي مراة بلاصتها و تنسيك مراتك  تقدر تعطي لشي وحدة فرصة
نزار:مبغيتش شي وحدة تجي فبلاصتها 
نور:اوك  و  كملات طريقها كتفكر فقصتو لي غلقات قلبها معرفاتش واش حيث بقا فيها ولا مبغاتوش يعيش هادشي ولا كينة شي  حاجة اخرى

يتبع
محسااتش حتى طلقات من يدو معارفاش علاش حاسا بخيبة امل و حتى هو حس بيها  تغيرات
نزار :نور عندك شي حاجة؟؟
نور :نزار بغيتك فواحد لبلان
نزار :فاش
نور :سمع و حل معايا عقلك مزيان
نزار :واخا الآلة
نور(بقات كتعاود ليه وهو كيسمع و كتزيد تصدمو)
نزار :وااش تصطيتي
نور :كلشي بين يديك غي لمبغيتيش ههه  ومشات
  نور :لبنات نمشيو لدار
نجلاء :خلينا شويا مزال
نور :نتغداو و نهبطو لبحر اش بأن ليكم
نجلاء :لا مبغيتش
نور :نجيبو لغدا لبحر هههه
جيداء :فكرة زوينة
نور :ههه هيا لي متعاودش  يلاه نجيبو غدانا و ماما و نمشيو لواحد لبلاصة و نتغداو
نجلاء :غادي ناكلو لكسكسو
نزار :لكسكسو فلبحر
نور :مالها اش فيها ههه
جيداء :انا بغيت
نجلاء :تا انا
نزار :قدام ناس كي درتي ليها  
نور :مع نور تا حاجة ممستحيلة ههه 
نزار :واخا مشات و رجعو لسيارة و نطالقو لعند صباح
نور (من زنقة) مااااماااا
صباح :وتي دخلي اديك شوهة 
نور :معايا واحد ضيف
صباح :فين عمر داك. بو. راس كان ضيف  قوليه يدخل نيت نتفاهم معاه  مبقاش باغي يجي عندي
نور :مشي عدنان اماما مشي عدنان
صباح (نفضات يديها من لكسكسو وخرجات) وشكون بسلامة
نزار :سلام عليكم مدام صباح؟؟؟
صباح صبحنا على الله اخويا هاذا نتا اش جاي دير فداري!؟
٤١