كرهت بناتي فاحببت مربيتهما

بارت 22

خ

👑كرهت بناتي فاحببت مربيتهما ✌️

🖤 زينب الرشيقي 🖤
🏵️ 22 🏵️
رجات نور بانت ليها ديك خيتي ديال قبايلة
نور :ايي بلاتي فين ها لحوايج ديال لبنات
سناء :غتلقايهم فدريسينغ
نور :اوكي.. و رجعات عندهم
نور :أميرات لحوايج غي هنا شنو غي تلبسو
جيدا :بغيت لبيجامة ديالي   
نور :بلاتي نشوف بعدا وااش حوايجك ولا حوايج نجلاء
جيدا :حنا را عندنا نفس لحوايج تقريبا مغاديش تفرقي بيناتهم
نور :اواا صافي خودو جوج بيجامات باش نهبطو
نجلاء :ختاري لينا نتي
نور :انا بصح
جيدا :اه غي ختاري
نور :واخا.. ومشات (جبدات ليهم جوج بيجامات وحدة غوز وحدة زرقة )
جيدا :عطيني زرقة
نجلا :وانا لغوز
نور :اوكي اجي قدامي لبسك هه  احبيبة ديالي  
جيدا :  شنو غادي نديرو لغدا
نور :معرفتش شنو بان ليك نديرو دجاج فلفران
جيدا :اه وانا متافقة
نجلاء :انا غي نقطع ليك لفريتة ميمة دائما كانت كتعطيني نعونها
نور :صافي واخا ونتي اجيداء غادي تقادي لينا صلاد
جيدا :اوكي صافي
نور :يخليلي لي كيعاوني انا ههه
. ولبساتهم وحيدات هيا تجاكيط ديالها و علقات ليهم لحوايج دلمدرسة وليكاغطابل وهبطات هي وياهم  لكوزينة

 
سناء :بغيتي شي حاجة؟
نور :وي بغينا نقادو لغدا ديالنا
سناء :ههه وااش من نيتك
جيدا :نتي علاش كتهضري معاها هاكا  حنا را بغينا نقادو لغدا ديالنا

سناء :وي حبيبة عارفة ولكن اصغيورة نتوما مخاصكمش دخلو لاكويزين  حيث مزال صغارات واصلا انا غادي نقوليهم يطيبو ليكم شنو بغيتو
جيدا :وانا مقلت ليك قادي لي والو غي خرجي من ()كتعيبها) لاااكويزين... وخليني نقاد لي بغيت
نجلاء :حنا را كناكلو غي من يدين ماما نور
سناء :(مرضاتش ) اوكي دخلو
نور :علي هادو باش حتى وحدة متبقا هنا إلى كملو يخرجو
نجلا :وحتى نتي منبقاش لقاك هنا مزال
سناء :واخا... (و خرجات هادوك لي معاها ومشات لمكتب ديال نزار )
نور (جبدات دجاج حطاتو هو وربيع وشنو غادي يخصها  اما نجلاء دارت طابلية  وهزات بطاطا كتقشر فيها  و جيدا كتقطع فمطيشة )
نمشيو عند سناء
سناء :مسيو نزار خاصني نهضر معاك ضروري
نزار :شنو بغيتي
سناء :لمربية مدخلا لبنات لكوزينة ونتا عارف لبنات مزال صغار والمطبخ خطير عليهم فيه آلات حادة و يقدرو يتاداو
نزار :وعلاش هيا غادي دخلهم
  سناء :معرفتش 
نزار :غي نشوف هاد لمشكيل.. وخرج من لمكتب 

وهيا مورا كتقرقب فداك لكعب لي صوتو كيستمع فالارجاء حتى وصلو لكوزينة لقاوهم  جالسين كيضحكو ومنساجمين مع بعضياتهم    محسش على راسو حتى بتاسم بلا ميشعر وجمعها  حامد الله مشافو حتى واحد ودار بغا يمشي وهو يسمع صوت لي دخل لقلبو فحال لخنجر  شحال مسمع هاد الإسم واصلا هو ممعتارفش بيه
نجلا :بااابااااا حبيبيي جااااا
نزار (شاف فيها و فعينيها لي لمعو بالفرحة ملي شفتو   ولكن مقدر يقول والو ونساحب من تما )
نجلاء :واش قلت شي حاجة تقلقو
نور:لا احبيبة مقلتي والو غي كمل داكشي لي فيديك وعنداك تضربي يديك انا جايا
جيدا :بغيتي تمشي عندو غي بلاش هاداك را مكيفهمش بمرة
نور :انا جايا متقربو لوالو.. وتبعات
اما نزار طالع فدروج حتى حس براسو تجر حتى كان غادي يطيح فدروج وشد فراسو

نزار :(بعصبية ) اش كديري  نتي تصطيتي
نور :سمع نتا هادي آخر مرة تصرف فيها مع بناتك بديك طريقة لي تصرفتي بيها دابا بركة عليك غي كرهتي جيداء فيك وبعدتيهم عليك سنين دابا متخليش داك شويا دلحب لي كتحس بيه    نجلاء من جهتك يتلاشا حيث هادشي لي كدير فيه غي تخربيق اسي نزار كتفهم
نزار :(بعصبية ) حيدي عليا يديك
نور :(شدات فيه بيديها بجوج وعينيها فعينيه ) سمع دوك الأوهام لي فراسك غي تخربيق كتفهم بناتك اشريف محتاجين ليك ومراتك ماااتت صافي مااتت انزاار نساااااهااا نتااا دابا عند  جوج بنااات  محتاجين ليك وكون كانت مراتك مزال عايشة كانت غادي تكرهك على هادشي لي كدير ف بناتها
نزار :هادوك بناتي وانا كنعرف مصلاحتهم
نور :اش من مصلحة الله يهديك ونتا محال واش عارف حتى شحال فعمرهم واش نتا مريض فمخك وااش نتا حياتك ضلامتك بغيتي ضلمها على جوج بنات  مزال معرفوش حتى  شنو هيا دنيا
نزار :مدخليش
نور :من ليوم غادي نولي ندخل كتفهم
نزار (دفعها حتى كانت غادي طيح وطلع لغرفة ديالو )

يتبع