كرهت بناتي فاحببت مربيتهما

بارت 20

بارت :20

زينب الرشيقي
👑 كرهت بناتي فاحببت مربيتهما ✌️ ❤️

عدنان :دابا فين غادي نمشيو

نور :لمدرسة اصحبي شفتك غي شفتي تيتيز ونتا دوخ ههههه
عدنان :اودي مكنحملش نشوف شي ماركة يوماين بركة تصحبت معاها لبارح اوا اليوم دير راسها مكتعرفنيش  ههه
نور :"علام نتا ههه يلاه سير... ونطالقو ليكول ديال لبنات وجلسو كيهضرو حتى بداو كيخرجو لوليدات عاد نزلات  عندهم ومشات لقسم 
نجلا :ماميي جاااات (ومشات عنقاتها باستها )
نور :حبيبة ديالي توحشتكم بزااف
جيدا :واش بصح
نور :اه الغزالة خلينا نمشيو
جيدا :بلاتي نهز لكاغطابل ديالي
نور :شطورتي نتي
نجلا :و انا
نور :نتي لمغيارة ديالي
يلاه نمشيو
نجلا :بااااي ميتخيز
أستاذة :بباي الغزالات..
جيدا :'باي متخيز (وخرجو مع نور لي كيف ما توقعات لقات خديجة لغليضة فلباب )
خديجة :لبنات يلاهو معايا
نجلا :لااءح بغينا نبقاو مع نور انا مبقيتش كنبغيك نتي شريرة
خديجة :اديك لحمارة اش كتقولي نتي
نور :اوااا لكنتي نتي حمارة معرفتش اما لبنات بزااف عليك ودابا حيدي من قدامي ولا غادي ندير ليك شوهة هنا يلاه
عدنان :اش واقع هنا
خديجة :جيبا ليا صحيبك ولا شنو   و الله تا ندمكم وبنات خويا غادي نديهم بسيف عليك
نور :اوااا حربش قربي ليهم وتشوفي بنادم كيف داير ()دفعتها ومشات طلعاتهم لوطو وجلسات حداهم فحالا حتى حاجة مواقعة)
عاد جا عدنان ونطالق لدار ديال نزار لي معروفة مايحتاجش يسول  وصلو معاه قد قد حتى هوا عاد غادي يدخل حتى بانو ليه بناتو و نور ومعاهم عدنان و كيضحكو ودخل ممسوقش ليهم حتى عيطات ليه جعواقة ديالنا
نور :بسلامة اعدنان (شافت نزار دااخل ) اييي نتااااا صبر صبر نهضر معاك... ومشات كتجري عندو
نزار (دار عندها معصب) عندي سمية
نور :مسوقيش مهم شوف غادي تقول لديك لغليضة ديال ختك تفوت طريقي و لا و الله تا ندير ليها شي نتقة عالمية يهضرو عليها فمادة تاريخ و الجغرافيا وهانا علمتك قوليها لبنات تحث وصايتي اناا نوور فهمتي هادشي علاش تبعد مني و منبقاش لقاها لاصقة ليا حدا لمدرسة فحال لعسركي مشي عاد ليوم تفكرات بنات خوها فون كانت عليهم شحال من عام هاذا
نزار :وانا مالي فهادشي
نور :انا را كنت شاكة فيك نتا يا مصطي يا باغي تصطيني
نزار :غادي نخلي ليك ورقة لحضانة  و تكلفي بموضوعك راسك
نور :اوااا دابا دويتي ودير معاك نسخة   نعطيها لمديرة ديال لمدرسة
نزار :ساليتي نمشي
نور :سير سير يغرق ليك شقف
نزار :قلتي شي حاجة
نور :اودي مديش عليا... ومشات عند لبنات لي واقفين فلباب
نور :هااء دخلت لداركم قبل منكم يمكن ههه زيدو زيدو هههه
جيدا :فراسك هاد دار عمر شي واحد دخل ليها من غير هاذاك
نور :اويلي على هاداك قولي بابا
جيدا :مدخليش
نور :غنحاول
نجلا :انا بعدا غادي نقوليه بابا حيث هو بابا ياك انوري
نور :اه احبيبتي هو بابا وخاصنا نحتارموه
جيدا :إلى جا باباك لحقيقي واش غادي تسامحي ليه وتقولي ليه بابا
نور :إلى فالحالة ديال باباك نتي غادي نقولها ليك عرفتي علاش حيث باباك واخا هاكاك كيبغيكم غي هو مصدوم من داكشي لي وقع ليه و صافي
جيدا :أصلا من لول مكانش علينا نجيو لهاد دار  وا ش فراسك
نور :هادي داركم وعرفتي انا كنواعدك غادي تكون حياتك هنا حسن من شي دار اخرا   
جيدا :انا را وليت كنتيق فلوعود ديالك   أنور
نور :وانا مغاديش نخالفهم و كنواعدك بلي إلى شي نهار  موفيتش بوعدي فعادي يكون عندي سبب لي يخليني منوفيش بيه وداكشي علاش نتي قالبي علاش موفيتش بيه احبيبة صافي

يتبع