نور :ريم ختي اجي جلسي
نزال :شديها
نور :واخا ... وجراتها لداخل كتصبر فيها وهي عاد مكتزيد تغوت خصوصا ملي داوها
ريم :مي مشاات تشويت فمي أنور اختي 😭 😭 مي لي عندي فدنيا مشات ميي لي مصخنة كتافي مشااات وخلاتني
نور، (عنقاتها جابت ليها لبكية وخلاتها تبكي على راحتها ولعزايا عاد ما كيزيدو يجيو لفيلا عمرات وغي كيزيدو عليها و لعيالات شحال فيهم ودات ريم لبيتها عطاتها لما وغطاتها و خرجات عند لبنات كتقلب عليهم حتى كتبان ليها جيداء مورا لفيلا مقابلة مع لبيسين هاد لبنت صغيرة شحال هازا فقلبها ولي كيخليها تزيد تمرض هو مكتبكيش مكتخرجش شنو فقلبها كتحاول تكتم حيث متامن بلي كلشي غيمشي واحد نهار معندها فيمن تيق عكس ختها لي توأم معاها ولكن معندهمش نفس الشخصية واخا عندهم نفس الوجه و بنات كرش وحدة جيدا قاصحة وكطيرها فسما عكس نجلا لي غي خبز ربي فطبگو وحنينة و فهامتها تقيلة )
نور :(جلسات حداها ) صافا
جيدا :شبغيتي
نور :علاش بقيتي هنا ومودعتيش جداتك.
جيدا 'شنو لفرق إلى ودعتها غادي ترجع لي
نور :علاش كتهضري هاكا
جيدا :وكفاش بغيتيني نهضر.
نور :نتي مزال صغيرة على هادشي
جيدا :انا مشي صغيرة انا كنعرف كلشي
نور :هادشي انا عارفاه ولكن الى بقيتي هاكا غادي غي تمرضي
جيدا :انا اصلا مريضة
نور :خلينا نمشيو ختك محتاجة ليك دابا
جيدا :هاديك وحدة غبية كتعرف غي تبكي
نور :لا مشي هاكاك هادي ختك المدللة ديالك ولي واجب عليك تحميها و حتافضي عليها و تخليها فرحانة متحسش بلي هيا وحيدة
جيدا :كتعتارفي بلي هيا وحيدة
نور :لا انا مقلت هاكا انا قلت متخليهاش تحس بلي هيا وحيدة حيث هيا عندها نتي وخالتك و بابا ان شاء الله يهديه الله ويرجع ليكم
جيدا :انا فعمري عشر سنين وعمري حسيت بيه فجنبي إذن دابا مبغيتوش و انا غادي يجي واحد لوقت ونموت وهيا غادي تبقا بوحدها حيث حتى ريم غادي تزوج واحد نهار وتمشي يعني هي غادي تبقا وحيدة وهادشي لي كنقول ليها دابا باش تفهمها مشي حتى تصدم
نور :فراسك دابا ماماك مسكينة غادي تكون مقلقة بزااف ملي غادي تشوفك هاكا حيث نتي صغيرة و مخاصكش تفكري بهاد طريقة
جيدا :انا مكنحمل لا ماما ولا حتى بابا هما مشاو وخلاونا هو خلا لينا غي الألم ولبكا وهيا خلات ليا غي اب فحالو و المرض
نور :هما مداروش هادشي بلعاني ماماك ماتت و مكانش لخاطرها مسكينة واش كين لي غادي يوليو عندهم جوج بنيتات فحالكم ويخليهم وباباك مسكين تا هوا فراق ماماك إثر فيه بزااف وهادشي لي مخليه يدير هاكا حبو لماماك خلاه يادي راسو ويآدي بزااف دناس ضيرين بيه ومنهم نتوما بصح باباك خلاكم ولكن نتي خاصك تفهمي علاش دار هاكاك وتوقفي فجنب ختك حيث محتاجة ليك
جيدا :مغاديش تفهمي وااش نتي والديك معندكش
نور :لا
جيدا :واش حتى نتي ماتو
نور :انا معرفتش ومعرفاش حتى شنو سميتهم ولا فين كينين ولا شكون هما مكنعرف عليهم والو لي عارفة انو لمرا لي ولداتني حطاتني فواحد زنقة خاوية وكون ما شي هد عيالات كانو راجعين من واحد لعرس بليل كانو غياكلوني لكلاب
جيدا :وفين كبرتي
نور :واحد لمرا سميتها صباح كانت معاهم و هي لي داتني لبوليس ولكن انا مبغيتش نبعد عليها بقيت كنبكي عليها معرفتش علاش ولكن قاتلي بلي مبغيتش نخليها تمشي وبقيت كنغوت..
يتبع
أنت تقرأ
كرهت بناتي فاحببت مربيتهما
Humor📣📣📣📣📣📣📣📣 حصريا 💯💯 في جروب الكونتيسات الدمويات 😈 Dark angles 💀 ⭕⭕⭕⭕⭕⭕⭕⭕⭕⭕⭕⭕ قصة مديراش.... تحمل فطياتها⏬ الحزن😢..و الغضب 😤... اليتم 👭..الحب 💑... الكره.. العذاب . .. ... قصتنا هاد لمرة نوضفو فيها ظاهرة اصبحت منتاشرا مؤخرا... بسباب ن...
