كرهت بناتي فاحببت مربيتهما

بارت 45

نور: نوو ميمكنش
صباح: باسم الله عليك
نور: انا جايا و خرجات كتجري و عدنان موراها
  نور: اييي نتااا بلاتي نهضر معاك
هو: هادي نتي ههه واش تبعتيني ولا شنو
نور: اداك لمشعكك انا را كنت كنتعشا هنا و شفتك و جيت عندك
هو: مشعكك؟؟ ههه مقبولة من عندك الالة ههه    ولاش جيتي عندي ملي شفتيني
نور: هادي و الله معندي  ليها جوابها هههه معرفتش ولكن جيت و صافي
عدنان:شكون هذا انور
نور: ونتا اش دخلك  ياااه
هو: هيا سميتك نور هه متشرفين 
نور: ونتا
هو: لمشعكك ههه
نور: كنهضر معاك بصح   شنو سميتك  
هو: اسد
نور: مالك على هاد سمية ههه مالك حيوان
اسد: واخا حيوان مي متقدريش دخلي لمحميتو
نور: نقدر نروضو على يدي معنديش مشكيل
اسد: زعما
نور: اكيد غكنضحك انا را سراق زيت نولي نقز
اسد: نخليكم مراتي كتسنا فيا   باااي
نور: مزوج؟؟؟ واااو
اسد: علاش واااو
نور: غي بغيت نقولها وصافي حيث مبيناش عليك
اسد : واهيا بانت ليك نقدر نمشي
نور: نتا فحالا بنتي ليا كتنفخ مالك مالك   
اسد: اودي والو ههه را غي كنهضر هاكا
نور: عودها ليهم و مشات عندها جوج كمارات هاد خيتي
عدنان:شكون هاذ خونا
نور: ومالك نتا شكون با ولا مي اش دخلك فيا اصلا 
عدنان: ياك
نور:اه 
عدنان نور سمعيني نتي خاصك تعرفي شي حاجة خاصك تسمعي اش وقع
نور: هضر انا كنسمعك
عدنان: حنا كنا فحال لخوت كبرنا مع بعضياتنا  تشاركنا كلشي كنتي نتي و ريم كلشي فحياتي نتوما كنتو ليا كلشي  خواتاتي اه خواتاتي انور  ولكن ريم عمري كنت ليها اخ كنت كنشوف دائما تقربها مني و لكن عمري ظنيت تكون كتبغيني حتى لواحد نهار تلاقينا وصدماتني بالهضرة لي قالت ليا  ...بلي كتبغيني و باغيا تكون بيناتنا شي حاجة رسمية معرفتش شنو ندير من غير نهرب من تما  و اكيد راك عاقلة ملي مكناش كنهضرو مع بعضياتنا و مبغيناش نقولو ليك سباب و نتي تقلقتي منا  و فديك لوقت ماتت الاخت ديالها  ماتت و مشيت انا وياك عندها  مي مقالتش  كفاش ماتت اصلا مهضرنا على والو   من غير عزيناها وتصالحنا و تما تقربنا من بعضياتنا و بديت كنحس بشي حاجة من جيهتها   و لكن مزال لدابا معارفش شنو هو  مزال لدابا مي الحاجة الوحيدة لي متأكد منها انو هذا مشي حب واخا نوهم راسي بيه مشي حب انور انا غي مبغيتش نقلقها  ولو يكون على ضهر سعادتي مبغيتهاش تقلق و صافي

 
وملي مشات حسيت بشي حاجة ناقصاني معرفتش شنو درت ولا شنو كنت غندير و معرفتش مشات وخلاتني ياك كتبغيني اذن علاش دارت هاكاك  معرفتش علاش ولي فهاد الحالة شنو وقع ولا اش كيوقع انا تالف انور تاالف و حااير  خفت تكون بسبابي.مشات وخايف تكون كتعذب بسبابي
نور: غي نتا لي كتعذب اعدنان غي نتا اما ريم تزوجات و عيشة حياتها
عدنان: شنووو؟؟؟
نور: هيا لي قالتها ليا   ولكن اكيد مغاديش تكون دارت فينا هادشي كامل اكيد كينة شي حاجة مورا هاد الموضوع و خاصنا نعرفوها  ياك
عدنان:مفهمتش
نور:سمعني نتا را مشي بغيتيها نتا غي شفقتي على حبها ليك  و لكن ريم الى كانت بصح بغاتك مغاديش تزوج و تخليك اذن عندها شي حاجة و خاصنا نعرفوها
عدنان: كفاش غنديرو
  نور: نمرة
عدنان:مالها
نور: خاصنا نعرفو بلاصتها من نمرة فهمتي دابا ولا نعاود  و كيف العادة تاصل ب سليم
عدنان: هذاك سيد غادي يجريو عليه من لخدمة.بسبابنا
نور: وعلاش كيقولو الشرطة في خدمة شعب هه وقوليه يعونا هههه
   وتاصلو بيه الحمد الله انو لبروگرام لي فيتيفون نور متغيرش  و تاصلات بريم و هما بداو كيقلبو  على     الموقع و اول حاجة طلعات انها فالمغرب 
ريم: نور علاش كتاصلي بيا غادي تجبدي ليا صداع مع راجلي واش مكتفهميش نتي ولا شنو.
نور : سمعي نقوليك جيداء مريضة
ريم: شنووو مالها جيداا شنو عندها و علاش مريضة و كفاش
نور: شرحي ليا نتي مرضها كثر باش نعرف نوصف ليك اشنو عندها
ريم: كفاش نشرح ليك مرضها كثر را ك عارفة كلشي واش كضحكي عليا قولي اش واقع
نور: سمعيني اريم لبنات بغاوك معاهم هاد الايام  عيد ميلادهم وبغاوك تحضري
ريم: لبنات عيد ميلادهم مشي فهاد شهر هما فشهر 7 علاش كتقولي هاكا.انا غادي.نقطع انور
عدنان:بلاتي بلاتي  ..شدي هاكا.انور
ريم: عدنان
عدنان: اه انا هو مزال عاقلة عليا
ريم: واش هادشي علاش تاصلتو بيا
عدنان: ريم خاصنا نتلاقاو خاصنا نهضرو
ريم: اكيد نور قالت ليك بلي تزوجت انا   
عدنان(شاف فنور و نطق بشويا) حداها صوت لبحر ..
ريم: شنو قلتي
عدنان: قتليك تكوني تزوجتي ولا لا  انا خاصني نهضر معاك ضروري فهمتي خاصنا نهضرو
  ريم: انا معندي فاش نهضر معاك
نور(غوتات ) لقيناها لقيناها
ريم: شنو هيا
عدنان: لقيناك غادي نجيو عندك دابا
ريم: وياك ديروها وياااك  راجلي معايا واش باغين تجبدو ليا صداع ...و قطعات   عليهم 
نور: لقا الموقع غيرسلو ليا دابا  دابا