كرهت بناتي فاحببت مربيتهما

بارت 25

كرهت بناتي فاحببت مربيتهما ✌️ 🌸
👑 👸 زينب_الرشيقي 👑
@25@

نور :لبنات غادي نخلص وغادي نمشي ناخد شي حاجة ونجي مغاديش نتعطل صافي والمرافقات غادي يردو ليكم لبال.
نجلا :صافي واخا
نور :(شافت واحد لمرافقة واقفة ) عافاك ردي ليهم لبال
هي :بناتك هادو كيحمقوني 
نور :كتعرفيهم
هي :كنت متبعاهم فنستگرام
نور :اه اوكي.. و خرجات من تما كتقول هاكيلي على لبعلوكات عندهم ليفان و مشات خلصات و توجهات لواحد لمحل تما خدات منو لبسة ديال شاف كويزيني ديال بنت صغيرة و مشات خدات أدوات الرسم و الألوان ولوراق لي غادي ترسم عليهم كلشي جمعاتو فواحد ساشي و خرجات من تما اودي كلشي على حساب     نزار ورجعات عند لبنات

جيدا :فين مشيتي
نور :خديت شي حاجة و صافي اشنو كديرو
جيدا :انا عييت بزااف (عندها لقلب )
نور :جلسي هنا متبقايش تمشي
جيدا :صافي واخا
نور :غادي نجيب ليك لما تشربي
جيدا :لا مبغيتوش
نور :شوفي كفاش وليتي حمرة
جيدا :لا انا معندي والو
نور :غادي نجيب جيداء ونمشيو
جيدا :لا انا را بيخير غي خليها تلعب

نور :اوكي تبغي تلعبي بتليفون؟
جيداء :ولكن انا مجبتش تيليفوني
نور :خودي ديالي لعبي بيه
جيدا :واش معندكش شي مشكيل
نور :وعلاش غادي يكون عندي خودي لعبي بيه

جيدا :شكرا ليك (وخداتو اما نور مواكلة والو نهار كامل كتحس بكرشها خاوية وكتغوث ومشات عند نجلاء حيث كانت غادي طيح )
نور :حبيبة ديالي صافا
نجلاء :بغيت نطلع فديك لعبة ولكن مخلانيش هاداك
نور :بدليها
نجلاء :لا انا بغيت هاذي وغادي نجيب لي جيدا غادي تحاسب معاه
نور :هه صافي الالة اجي نطلعو فيها ونتي لي كانت كتجيبي جيداء واش فراسك خاصك تعتامدي على راسك
نجلا :اه عارفة ولكن انا مبغيتش نكبر دغيا بغيت نبقا دائما صغيرة
نور، :وخا غادي تعتامدي على راسك را غادي تبقاي دائما صغيورة وغزالة
نجلاء :واش بصح

نور :اه علاش لا  

نجلاء :ويلاه نمشيو لديك لعبة
نور :يلاه ومشات ركباتها ونجلا مخرجا لسانها وكتقلي سم بهداك لولد حيث فلول مخلاهاش طلع اما نور  بقات غي جالسة كضحك عليها حتى جابت ليها جيدا تيليفون
جيدا :تيليفونك كيصوني
نور :انا عطيني نشوف(لقاتها ماماها )
صباح :نور حبيبة شنو درتي
نور :والو اماما دوزت بيخير
صباح :حمد الله ابنتي   وردي لبال لراسك
نور :فراسك انا مع لبنات دابا فلبارك تبغي تهضري معاهم
صباح :وااش بصح دوزيهم ليا
نور :واخا غادي نفتح الكام (وقلبات الابيل فيديو و جمعاتهم حداها ) شوفو هادي ماما لغزالة
صباح :تبارك الله وصلى على نبي الله يحفظكم من لعين ابنتي
نجلاء :ولكن مكين حتى واحد لي غادي يدير لينا لعين
صباح :هههه حبيبة ديالي نتي كتحمقي شنو سميتك
نجلاء :انا سميتي نجلاء
صباح :إذن نتي فتاة حسناء
نجلاء :وعلاش
نور :حيث احبيبة ديالي اسم نجلاء كيقولوه لبنت الحسناء ولا لي عينيها كباار
نجلاء :وانا عينيا مشي كبار
صباح :ولكن نتي حسناء ههه ونتي احبيبة شنو سميتك
جيدا :انا جيداء
صباح:متشرفين الالة جيداء    مالكي مقلقة
جيدا :لا انا ممقلقاش
صباح :"ياك نتي لاباس بعدا
جيدا :نتي هيا مامات نور ياك
صباح :اه احبيبة هيا انا
جيدا :واش عارفة بلي انا كنبغيك بلا منشوفك
صباح :كتبغيني انا ياختي سعداتي
نور :" وانا را كنغير ههه
نجلا :وااش نتي مغيارة فحالي ههه
نور :وااش فراسك اماما جيدا مكتشكر حتى واحد إلى وعزيز عليها بصح
صباح :اواا سعداتي انا

نور :ههه يلاه أماما بسلامة عليك
نجلا :لا انا مزال بغيت نهضر معاها
نور :لا لا كنغير على ماما انا ههه
صباح بعدي منهم حشومة عليك  هه

يتبع