بارت 10
جيدا :اه
نور :يلاه قاديت ضفاري
جيدا :ديري الالة
نور :هاديك دارت يديها
جيدا :اواا ديري يديك حتى نتي
نور :واخا... ومشات عجناتها وقسماتها على ثلاتة و عطاتهم يعجنو معاها وكلشي ولا عامر دقيق وولات حالتهم كملوها غي بزز و غلفوها ومشاو كيقادو ليها صوص ولبنات نساو بلي على برا كينة جنازة ديال الجدة ديالهم خلاتهم يعيشو عالم آخر عمرهم عاشوه وحتى نور نسات رأسها وسطهم و مشات دخلات لبيتزا لفران و حطات صوص فوق لبوطة طيب وجلسو كيحسبو فلوقت بتواني حتى باش يعمرو لاغام ولا يحقو لفران ميمكنش يتيقو ههه عاد جبدوها ودارو ليها صوص ولحوث و لفرماج وحطوها فلفران ومشات جبدات لفواكه قطعاتهم ودارت معاهم دانون فإني وكبات عليهم ليمون
وخشاتو فلفران
نجلا :اناا فرحااانة بزاااااف انووور فرحااانة
نور :حتى انا ولكن شكون غيجمع هاد لكوزينة
جيدا :لخدامات
نور :حنا لي درنا هادشي خاص تكون عندنا مسؤولية ... دورات عينيه و ياريتها مقالت نجمعها حيث مبقاتش كوزينة ولات زبالة اما لكوزينة مسكينة ضربها الإعصار ومشاو بداو بلماعن غسلوهم و طفاو لفران و مسحو الأرض و غسلو هما نيت لي كلهم دقيق و حطو داكشي فوق طبلة
جيدا :نعتارف ليكم بشي حاجة
نور حتى نتي فرحانة
جيدا :باش عرفتيها
نور :بينة فعينيك احبيبة ههه
جيدا :واش نتي غتولي صحبتي حتى انا
نور :صراحة مكرهتش تبغيني نكون صحبتك
جيدا :اه
نور :ياااس
جيدا :مالك
نور :انا فرحانة حيت عندي جوج صحابات فحالكم
نجلا :واش مكانوش عندك صحابات
نور :عندو جوج ريم و عدنان ودابا ولاو عندو بنوتات كيحمقو
نجلا :حتى نتي زوينة بزاااااف انا ملي غنكبر غادي نولي زوينة فحالك
نور :حتى نتي زوينة دابا و بزااف وملي غتكبري غادي تولي حسن مني وكثر
جيدا :دابا واش غادي ناكلو هادشي ولا حتى يبرد
نور :انا نمشي نكلم ريم ونجي غيكون فيها جوع مسكينة
جيدا :اوكي لي بغيتي متعطليش
نور :قتلك جوه ههه.. يلاه غادي تمشي وهو يتحل لباب ودخلات منو واحد لمرا لابسة جلابة و غليضة و كبيرة فلاج تكون عندها ديك 46_47
نور :سلام
هي :شكديري هنا
نور :والو علاش
نجلا :عميتو شوفي نور شنو صيبات لينا
هي :لا تبارك الله واخدة راحتك يكما يحسابليك كتساراي فدار باك شكون نتي
نور :لا انا را صحبت ريم
هي :سمية
نور :نور ال قاسمي
هي :معمري سمعت بيكم اش من شركة فيها باك
نور :بابا كان فشركة ديال الألعاب لي حدا صونطر
هي :ولكن هاديك ديال صحبتي
نور :انا معرفتش شكون مولاها ولكن كان خدام تما
هي :بغيتي تقولي غي موضف عادي
نور :وي علاش
هي :دابا ريم مصاحبة مع وحدة فقيرة فحالك نتي
نور :وي ريم مصاحبة مع وحدة فقيرة فحالي
جيدا :لفقر مشي عيب اعمتي لعيب هو تهضري هاكا مع نور
هي (مرضاتش وغوتات عليها ) نتي سكتي لهضرة مشي معاك
جيدا :متغوتيش عليا انا مقلت ليك والو باش تغوتي عليا بهاد طريقة
هي :نتي را لسانك مبري مني و الله تا نضربك
نور :ايي تكوني عمتها ولا عمها معندكش لحق تهضري معاها
هي :نتي لي معندكش لحق دخلي بيني وبين بنت خويا لزمي حدودك و سيري فحالك من هنا هاد لبلاصة مشي من مستواك
نور :وي هذا مشي لمستوى ديالي حيث وحدة فحالي ميمكنش تكون فبلاصة وحدة مع وحدة مريضة فمخها فحالك
يتبع
أنت تقرأ
كرهت بناتي فاحببت مربيتهما
Humor📣📣📣📣📣📣📣📣 حصريا 💯💯 في جروب الكونتيسات الدمويات 😈 Dark angles 💀 ⭕⭕⭕⭕⭕⭕⭕⭕⭕⭕⭕⭕ قصة مديراش.... تحمل فطياتها⏬ الحزن😢..و الغضب 😤... اليتم 👭..الحب 💑... الكره.. العذاب . .. ... قصتنا هاد لمرة نوضفو فيها ظاهرة اصبحت منتاشرا مؤخرا... بسباب ن...
