معشوقتي (دراما صعيدية)

الفصل السابع عشر 💎

رواية "معشوقتي 👑" 

(الفصل السابع عشر)

نظر (أنور) لباب الغرفة مرة أخيرة وهو يقول :
_ طب حتى صحوا آدم خبروه أننا هنخرج 

قال له (محمد) بملل :
_ يا جدي دي المرة المليون ، هقولهالك تاني ، الراجل نايم وتعبان هو ومراته ، وقاعدين نخبط عليهم محدش بيفتح ، ومينفعش حد يدخل عليهم عيب علينا 

صرخ به (أنور) بتذمر :
_ عارف يا مركوب أنه ميصحش ، بس هيجول إيه لما يصحي من نومه ميلاجيناش كلاتنا (كلنا) 

_ هيتصل بينا وأحنا هنقوله أننا خرجنا نتفسح 

_ كان من بابا أولى يروح معانا ، هو التعبان ، والفترة اللى فاتت كانت صعبة عليه 

_ يا جدو يا حبيبي ، هو لوحده ده معاه حور ، دا حتي وفاء هنخدها معانا عشان متحرقش دمه 

_ ولو زعل 

_ هو آدم عيل هيزعل لما نخرج من غيره 

جاءت (ثريا) وقالت :
_ أنا جهزت يا أبوى 

نظر (أنور) للباب ثم قال وهو يحاول أن يقنعها هى الأخرى :
_ وآدم يا أم محمد 

_ يوووووه 
قالها (محمد) بملل ، ثم أكمل :
_ أنا هروح أجيب ديما والعيال على ما تقنعيه 

_______

بعد كثير من التحايلات على (أنور) أن يطمئن على (آدم) ويتركه وحده ، صعد إلى السيارة بعدم رضا ، كان (محمد) يقف بجانب (ثريا) ليقول بفرحة :
_ مش قادر أصدق أننا أقنعناه أخيراً أنه يمشي ويسيب آدم وحور لوحدهم 

قالت له (ثريا) بغضب :
_ هششششش أسكت لحد يسمعك ، أنا شخصياً مش مقتنعة بالى أحنا عملناه ده 

ضحك (محمد) قائلاً :
_ يعني أنتى مش مكفيكي أنك حرمتيه منها وهو صغير ، عايزاه كمان ميخدش راحته معاها وهو كبير 

ضربته في ذراعه وهي تقول :
_ اختشي يا واد عيب عليك 

_ طب يلا اركبي 

 صعد الجميع بالسيارات ، (محمد) و (ديما) و الأولاد و (وفاء) في سيارة ، و (أنور) و (ثريا) و (ورد) في سيارة أخرى ومعهم سائق ، متجهين إلى أحدى الحدائق العامة لقضاء النهار بها 

_________ 

أستيقظ على صوت همهمات بجانبه ، فتح إحدى عيناه بنعاس ، وجد (حور) بجانبه ترتعش بخوف وتبكي وهى تهمس بأشياء غريبة ، حاول إيقاظها وهو مازال لا يعي أي شئ ، فتحت عيناها الحمراء ببطئ ، تسطح (آدم) مرة أخرى ، ولكنها بدأت في البكاء بصوت عال ، فتح عينيه بدهشة وهو يقول :
_ مالك يا حور !!! 

ولكن لم يصله سوا صوت بكائها ، شدها إليه لتبقى في أحضانه ، أستمر هذا الوضع قليلاً حتي هدأت ، قال لها بحنان :
_ مالك ، كنتي بتحلمي بأيه