معشوقتي (دراما صعيدية)

الفصل السادس والعشرون 🤫

(أنا أتاخرت أنا عارفة ، بس بجد أنا كان عليا مسؤلية بيت كاملة لوحدي فمكنتش قادرة لكتب خالص ، وأديني رجعت بفصل متين وهيرضيكم نوعاً ما)

رواية "معشوقتي 👑"

(الفصل السادس وعشرون)

_ يعني إيه قدمت أستقالتها
هدر بها (وليد) بعنف ، ليجيبه (أحمد) ببرود :
_ معرفش يا فندم ، ورقة الأستقالة قودام حضرتك اهي

_ روح يا احمد دلوقتي

خرج (أحمد) وهو يبتسم بفرحة ، بينما (وليد) ينظر لورقة الأستقالة بحزن ، كان الأمس يرسم أحلامه الوردية معاها ، واليوم سقطت كل أحلامه فوق رأسه

_________

كانت تقلب الطعام على النار بشرود ، والداتها تقف بجانبها تنظر لها من وقت لأخر بحزن ، حمحمت (زينات) وهي تقول :
_ وأنت إيه إلى خلاكي متأكدة أن نيفين دي صادقة ، ما يمكن بتضحك عليكي

أنتبهت لها (رحمة) ، لتقول :
_ حتي لو ، أنه يكون عارف بنات بالقذارة دي يبقى هو كان وحش ، وبعدين أيه يخلى واحده تتبلي على نفسها وتقول أنها كانت حامل منه

_ ما يمكن واحدة من أعدائه ، لازم تكلميه وتقوليله ، حتي لو هتسبيه حرام مينفعش تسبيه كده

_ أكيد بس مش دلوقتي ، أنا دلوقتي محتاجة أقعد مع نفسي شوية

وتركتها وذهبت إلى غرفتها لتخرج دموعها المحبوسة

__________

أمسكت والدتها قطعة القماش وهي تقول :
_ إيه رأيك في دي يا بتي

نظرت لها (ورد) وقالت بعدم أقتناع :
_ لا يا ماما ، دي غامقة أوي

تركت (ثريا) ما في يدها وهي تقول بتعب :
_ يوووه يا بتي دوختيني معاكي ، أومال أنتي إيه عاجبك

ضحكت (ورد) وهي تقول :
_ يا ماما سيبني شوية هو أنا هتجوز كل يوم

هزت رأسها بلا معني وهي تقول :
_ طب أمشي يا جلة صبري ، نشتري الحاجات المهمة إلى مينفعش حد من أخواتك يكون موجود فيها

أبتسمت (ورد) بحياء وهي تقول :
_ حاضر يا ماما

_________

(بعد عدة ساعات)

أرهقته رأسه من التفكير ، قلبه يؤلمه بشدة ، تلك الفرصة التي جاءت له لتصلحه وتدله للطريق الصحيح ضاعت ، وكأن ليس من حقه التوبة ، تنهد بأسى وهبطت دمعته على وجنتيه ، نهض من مكانه وهو عازم على التخلص من هذا التفكير المرهق للأبد

_________

كانت تتنقل بين قنوات التلفاز وبجانبها والدتها تشغل بلوزة من التريكو ، كانت أغلب القنوات يحتلها خبر واحد ، توقفت عند أحدى القنوات لتجد حادثة ما ، نظرت قليلاً وهي تقرء الأخبار بصوت مسموع :
_ حادث على الطريق السريع لرجل الأعمال و....وليد زيدان