معشوقتي (دراما صعيدية)

الفصل الثالث وعشرون 2

_ متقدملك عريس

حمحمت بحرج وهي تقول :
_ حد أعرفه

_ امممم مش عارف شوفتيه ولا لا ، الدكتور أيمن ، دكتور الأصابات عارفاه

ضحكت بفرحة وهي تقول :
_ على رأيك بتاع الأصابات ، الراجل ده المفروض ياخد مرتب شهري مننا

_ إيه رأيك ؟

_ إلى تشوفه يا أخوي

_ أنا جيت لك عشان أعرف رأيك

فركت يدها بخجل وهى تقول :
_ لو كويس ببجى على بركة الله

قبل رأسها بهدوء وهو يقول :
_ الف مبروك يا حبيبتي

_ الله يبارك فيك

__________

كانت تتناول طعامها بهدوء مستفز بالنسبة ل (أسعد) الذي يرقبها بوجع وهو لا يعرف ماذا فعل ليجدها ذابلة بتلك الطريقة ، ترك الملعقة من يده وهو يقول :
_ حور هو في حاجة حصلت بينك وبين حد هناك مخليكي مدايقة بالشكل ده

نظرت له بتوتر وهي تقول :
_ حد زي مين ؟

_ أنتي فاهمة قصدي ، أنا بتكلم عن آدم ، في حاجة حصلت بينكم عشان كدة مدايقة أنك مشيتي

_ وحتي لو حصل هيفيد بأيه ، هو رجع لحياته ومراته وأنا رجعت لحياتي ، وحتي لو كان في بينا أي حاجة ف هي خلصت لما طلقني

قال بتوتر :
_ حقك عليا يا حور أنا السبب في كل ده ، لو كنت عارف أحميكي من وليد مكنتش جوزتك ، أنتي أعجبتي بيه

ضحكت بحزن وهي تقول :
_ أعجبت !! ، وحتي لو هو رجع لمراته الأولى الأحق بيه مني ، لو كان سبها وأختارني كان هيبقى واطي ومصانش وفاء إلى أستأمنته ووثقت فيه برغم من أنه أتجوز عليها ، لو كان أختارني كان هيبقى واطي وده مش آدم

بلع لعابه بتوتر وهو يقول :
_ صراحة هو كان هيخليكي على ذمته ، لولا أنا إلى طلبت منه يطلقك عشان ترجعي معايا ، مكنتش أعرف أنكم بقا بينكم حاجة ، وكمان جدك صمم أنه يخلي واحدة بس على ذمته لو عايز يفضل معاكي يطلق وفاء ولو عايز يفضل مع وفاء يطلقك لأنه مش هيبقى متعدد الزوجات

نهضت من مقعدها وهي تقول بدهشة :
_ يعني أنتم إلى خلتوه يطلقني

نهض هو الأخر وهو يقول :
_ ولله مكنتش أعرف أنك حبتيه يا بنتي

ذهبت إلى غرفتها راكضا ، ألقت نفسها على الفراش وبكت بعنف وهي تلوم كل شئ حولها ، تلوم تلك الظروف الذي أوقعتها بين ذراعي (آدم) ، وبعدما أعتادت عليه أنتشلته منها ، لقد أذاها والدها دون أن يشعر

مي مالك - Mai Malek

رواية "معشوقتي 👑"
"بقلمي / مي مالک 💎"

"رأيكم"
https://my.w.tt/wAFw01orw4
لينك الواتباد ❤