معشوقتي (دراما صعيدية)

الفصل الخامس والعشرون

(النت كااان قاطع)

رواية "معشوقتي 👑" 

(الفصل الخامس وعشرون)

دلفت (سرين) إلى مكتبها المشترك مع زملائها وهي تقول بحركة مسرحية :
_ تراا ترااا ، جيبالكم خبر تحفة

أنتبه لها العاملين ليقول أحدهم :
_ أتحفينا يا رويتر

قالت (سرين) بضحك :
_ المدير بتاعنا وقع ومحدش سما عليه

عقد (أحمد) حاجبيه بدهشة وهو يقول :
_ مستر وليد !! ، لالا أكيد بتهزري

_ لا ولله ما بهزر ، معجب برحمة السكرتيرة بتاعته

قالت (نرمين) صديقتها :
_ وأنتي عرفتي منين ؟

أجابتها (سرين) بضحك :
_ عزمها على العشا الساعة 8 قودامي

أشتعلت نار الغيرة في عيون (أحمد) وهو يقول :
_ ده بيلعب بيها أكيد لازم نحذرها

أوقفته (سرين) قائلة :
_ تحذر مين هيا عيلة صغيرة يعني مش عارفة مصلحتها ، وبعدين مظنش أنه بيلعب بيها ده باين أنه بيحبها

صرخ (أحمد) بحدة :
_ بيحب مين !! ، ده مش بيحب غير نفسه ، أنا مش هسيب زميلتي تضيع مني

وتركهم وذهب ، نظرت (سرين) إلى زملائها بدهشة وهي تقول :
_ ماله ده

ضحك (توفيق) وهو يقول :
_ تلاقيه غيران منه ولا حاجة ، ما أنتي عارفاه

_________

تحرك (أحمد) بإتجاه مكتب (رحمة) ، دلف إلى المكتب دون أستئذان ، نظرت له (رحمة) بدهشة وهي تقول :
_ في إيه يا أحمد !!

حمحم (أحمد) بحرج ، ثم قال بنبرة حنونه :
_ جيت أطمن عليكي ، أصلي عارف أن مديرك الجديد مش حلو ، طبعا مستر وليد مش زي مستر سامي خالص

نظرت في أوراقها وهي تقول :
_ عندك حق ، الشغل مختلف تماماً

_ وكمان المدير ، أنا عارف أن مستر وليد قاسي ومتعجرف ومش بيحب غير نفسه ، بس معلش نصيبك

قالت له بضحك :
_ أنت محسسني أنك بتتكلم عن حد معرفوش ، مستر وليد طيب جداً وبجد الشغل معاه متعه ، وعلى فكرة فرفوش جداً أنت بس إلى متعرفوش

رفع أحدى حاجبيه وهو يقول :
_ ما شاء الله وأنتي لحقتي تعرفيه

_ أومال مش المدير بتاعي ، وكمان أنا ليا نظرة في الناس ، وأقدر أعرف أذا كانوا وحشين ولا حلوين

حمحم بحرج وهو يرها تدافع عنه ليقول بحب :
_ سيبك من مستر وليد وخليكي معايا ، أيه رأيك لو فاضية أنهاردة أعزمك على العشا

_ أنهاردة

قال بعناد :
_ أه الساعة 8

_ سبني أفكر

أبتسم لها بجانب فمه وهو يقول :
_ هتصل بيكي الساعة 8 بالظبط تكوني جاهزة ، يلا أسيبك بقا عشان ورايا شغل