Sa Milktea shop, ika'y aking nakita,
Agad mong napukaw ang aking atensyon,
Tangos ng ilong, pungay ng mata,
Tila baga akoy inaaltaprisyon.
Sa milktea shop ika'y nakilala,
Ika'y walang halong arte at yabang,
Pag ang boses moy pumasok sa aking tenga,
Ang ngiti ko'y umaabot hanggang bagang.
Sa milktea shop ika'y nagtapat,
Ang sabi mo, "gusto kita, matagal na",
Ako'y natuwa at tila nawala sa ulirat,
Sabay sabing "gusto din kita".
Saksi ang milktea shop sa ating dalawa,
Sa pag- iibigan nating walang halong drama,
Pati ang manager ay kinikilig pag tayo'y nakikita,
Ang single na costumer, "Sanaol" ang wika.
Nagtagal pa ang pag-iibigan,
Parang milktea na di nauubusan ng laman,
Tumagal pa ang ating pagsasama,
Halo-halong lungkot, saya, kilig at romansa.
Ngunit sa paglipas ng oras,
Ang pag-ibig mo'y unti-unting kumukupas,
Para kang yelo sa milktea ko,
Na pag nalulusaw ay tumatabang ito.
Kasabay ng pananabang mo,
Ay di na nagpaparamdam ni anino mo,
Para ka palang sago sa milktea ko,
Binobola-bola mo lang pala ako.
Sa muli kong pagpasok sa milktea shop,
Nakita kita, ngunit ibang kamay na ang hawak,
At saka ko lang napagtanto,
Na tulad ng milktea, ay past time mo lang ako.
Tulad ng milktea, kailangan ka ring iwasan,
Dahil pag nasobrahan, masama sa kalusugan,
Tulad ng milktea, pag natapon ay sayang,
Tulad ko, iniwan mo ng ganun ganun nalang.
Huling higop ko na ng milktea to,
Dahil iniwan mo na ako,
Dahil sayo'y suyang-suya na ako,
Sa MILKTEA- nginang pag-ibig na ito.
BINABASA MO ANG
CAPTAIN'S POEMS AND STORIES
PoetryMy mind that full of imagination, Full of thoughts, Full of words that I really wanna say, You can read and imagine through this book. A book that express my feelings, and I hope you really want it.
