Utopia

THE END

වසරකට පෙර utopia -

"කුමරුනී.. හැමදේම ලෑස්ති.."

යානය ඈත අහසේ පුංචි තිතක් වෙනකම් බලන් හිටිය හොබියි ටේයි නැගිට්ටේ හොබිගේ අම්මා කතා කරපු නිසා..

"ඔයා ලෑස්ති ද?"

"හ්ම්ම් ඔව්.."

හොබි ටේ එක්ක ඉස්සෙල්ලම ගියේ එයාලාගේ හමුදා ඇකඩමියේ බිම් මහලට.. ඒක හොබිගේත් ටේගෙත් රහස් කාමරයක් වගේ.. ඒ දෙන්නම රාජකීය පවුලේ නිසා ඇකඩමිය ඇතුලේ මේ වගේ වරප්‍රසාද හිමි උනා..

"හරි.. මං බැලුව විදියට මෙන්න මෙතන.. හරියටම අපේ බල මුලාශ්‍රයට යටින් තමා මේ කම්පන පටන් ගන්නේ... ඒ කියන්නේ ඒ කම්පන ඇති කරන දේ තියෙන්න ඕනිත් එතන.. මුලින්ම අපි ඒක විනාශ කරන්න ඕන.. දැනටමත් ඇති උන සුලු කම්පන නිසා හරය නැවත හදන්න බැරි තැනටම අස්තාවර වෙලා.. සතියක් ඇතුලත අපි ජනතාව මුලුමනින්ම අයින් කරන්න ඕන.."

"බය වෙන්න එපා හ්‍යොන්ග්ට තුවාල වෙලා හිටිය වෙලාවේ මං ඒ හැමදේම ලෑස්ති කලා.. දැනටමත් ජනගහනයෙන් 3/4ක් අලුත් ග්‍රහලෝකයේ පදිංචි කර අවසන්.. ඒත් මට එක ප්‍රශ්නයක් තියනවා... ජෙනරාල් ඒ කියන්නේ හ්‍යොන්ග්ගේ තාත්තා අපේ Pure blood line වල උරුමකරුවන් එකතු කරලා තියනවා විශේෂ මෙහෙයුමකට.. ඒකට ඔයත් මමත් ඇතුලත්..."

හොබි ටේ කියන කතාව අහගෙන ටේ පරිගණක තීරය මත පෙන්වන කන්ඩායමේ විස්තර දිහා උවමනාවෙන් බැලුවා..

"ඒ ගැන මටත් තවම හිතාගන්න බෑ.. ඒත් අපි ඒකට යන්නේ නෑ.. මට ඔයාගේ කෙස් ගහක් දෙන්න.. "

හොබි කියපු දේ අහලා ටේ එයාගේ වැඩේ කරන ගමන්ම කෙස් ගහක් ගලවලා දුන්නා..

"මං මේක අම්මාට යවන්නම්.. එයා clone දෙක හදයි.."

පාන්දර වෙනකොට ටේ හොබි එක්ක හැමදේම සැලසුම් කරලා ඉවර කලා.. එයාලා මෙහෙයුමට ක්ලෝන දෙක යවලා utopia වේ මධ්‍යයේ තිබෙන බල මූලාශ්‍රය ලගට යන්න පිටත් උනා...

"හ්‍යොන්ග් මේ බලන්න. මේ හරියේ චුම්භක ක්ෂේත්‍රය.. ඒ pattern එක වෙනස්... ඒ වගේම මට මෙතන වෙන දෙයක් දැනෙනවා.. මොකක් හරි වැරදී.. මේ චුම්භක ක්ෂේත්‍රයේ මධ්‍ය ලක්ෂය මෙතන නෙමෙයි.."