حب لا ينتهى

الحلقة الثانية

احمد: ايه ده جبتيها منين !!!!!
فيروز:بتاعتك دى يا احمد !!!!!
احمد:ايه !!! لا مش بتاعتى
فيروز:ورينى كده .... ( وقربت من احمد )
احمد: فى ايه ابعدى عنى
فيروز:مش محتاجه اقرب انت ريحتك سجاير وباين اوى انها بتاعتك
احمد:ووووووطى صوتك هفضحينى
فيروز:ولما انت عارف انها غلط وهتفضحك بتشربها ليه
احمد:ملكيش دعوة يا فيروز
فيروز:من امتى يا احمد وانا ماليش دعوة بيك
احمد:من النهاردة يا فيروز ملكيش دعوة بيا مش معنى ان عملتك صاحبتى انك تفتكرى نفسك واصية عليا
فيروز:لا يا احمد مش واصية عليك انا خايفة عليك
احمد:وانا مش عيل يا ماما فيروز
مامتهم سمعت صوتهم العالى وجت عليهم قالت:فى ايه يا اولاد بتتخانقوا ليه
فيروز اول ما شافت مامتهم ارتبكت وخبت علبة السجاير ورا ضهرها عشان مامتها متشوفهاش
وقالت : مفيش حاجه يا ماما ده حوار بينى وبين احمد
فاطمة: لا فى حاجه وشكلها كبيرة كمان انتوا اول مرة تعلو صوتكوا كده
احمد ساكت مش عارف يقول ايه فقررت فيروز تخترع اى حاجه عشان خاطر احمد
وقالت: كل الحكاية انى فى واحده جت اتعرفت عليا فى الجامعه واحمد بيقولى مش كويسة بس كده
فاطمة:اخوكِ اكتر واحد يخاف عليكِ و على مصلحتك اسمعى كلامه ويالا بقى اتأخرتوا على كليتكوا
خرجت فاطمة واحمد بيبص لفيروز بخجل لانها لبستها فى نفسها ومفتنتش عليه رغم ان الدليل فى ايدها
فيروز بصت لاحمد بعتاب وزعل شديد وقالتله : اتفضل علبة السجاير بتاعتك اهى ومن النهاردة ماليش دعوة بيك ان شاالله حتى تشرب مخدرات . انا بس هستناك عشان ننزل ادام ماما مع بعض عشان متشكش اننا متخانقين
وخرجت فيروز من اوضة احمد وهى حابسة دموعها بسبب كلام احمد ليها وبتقول لنفسها :
ده احمد مش بس اخويا توأمى ده توأم روحى وصاحبى وحبيبي اخص عليك يا احمد هنت عليك تقولى كده وكل ده عشان خايفه عليك واستنته ونزلوا من البيت وراحوا الجامعه من غير اى كلام
*_____________________________________________**___________________________*
فى شغل فريدة :
فريدة : الحقى يا نيرة الحقى
نيرة : فى ايه يا فريدة خضتينى
فريدة:عينة الدم اللى ادتهالى دى صاحبها مريض بالكانسر
نيرة: طب يا فريدة ربنا يشفيه المفروض تكونى اتعودتى وتاخدى الامور دى عادى يعنى
فريدة:يعنى ايه يبقى واحد المرض بياكل فى جسمه وممكن يقضى عليه فى لحظة واخد الامور عادى
نيرة:فريدة اظن انتى انسانة مؤمنة وعارفة ان ربنا اللى خلقنا وبيحبنا مبيأذناش واى حاجه منه خير وبنحمده عليها سواء حلوة او وحشة والمرض ده اكتر حاجه بتفيد الانسان لانها لو ابتلاء ربنا هيكافئه ع صبره ولو عقاب فده هيخفف من سيئاته فمتزعليش نفسك دى حاجه بتاعة ربنا
فريدة : ونعمَ بالله بس انا بيصعب عليا الناس اوى
نيرة:انتى اللى حساسة حبتين يالا بقى خلينا ننجز الشيفت بتاعنا قرب يخلص ( الشيفت من ٩ الى ٤ )
فريدة: اووووووه فكرتينى ده كنت ناسية خالص
نيرة:ناسية ايه !!!!
فريدة:عايزة الحق المدير عشان اخد اجازة بكرة
نيرة:اجازة !! اجازة ليه
فريدة:بكرة ٢ فى الشهر يا نينو نسيتى ولا ايه
نيرة: اه صحيح طب الحقيه يالا
خدت فريدة اجازة .. وخلصت الشيفت بتاعها هى ونيرة وروحوا سوا
*_____________________________________________**___________________________*
فى بيت خالد :
ايمن : ماما انا نازل ، ماما ماما مالك فى ايه
امينة بتشاورله وبتتكلم بصوت يادوب مسموع: مش عارفة يا ايمن ضغطى عالى
ايمن مش عارف يعمل ايه اتصل بخالد
ايمن : الو ايوة يا خالد تعالى بسرعة ماما ضغطها عالى اوى وانا مش عارف اعمل ايه
خالد: طيب اديها دوا الضغط انا اصلاً خلصت شغل وجاى فى الطريق اهوه
وصل خالد البيت وكان معاه دكتور محمد ابن خالته وكانت مامته ضغطها هدى شوية بس لسه تعبانه
دكتور محمد فِضِل معاها يقيس الضغط كل شوية ويديها ادوية ومحاليل لحد ما ضغطها ظبط
خالد:ايه يا ست الكل خضتينا عليكِ ايه زعلك وعلىَ الضغط كده انت يا ايمن
ايمن : لا وربنا ما انا
امينة:اختك خلود وحشتنى اوى بقالى يومين مسمعتش صوتها انا مش عارفه ايه كان خلانا نوافق على الجوازة دى ونسفرها بره (خلود اخت خالد عندها ٢٤ سنة ومتجوزة ومسافرة بره مصر مع جوزها )
خالد:يا امى يا حبيبتى هى بتحبه وسعيدة معاه وناسية الدُنيا وما فيها انتِ بقى بتفكرى فى ايه
امينة:اختك عمرها ما بعدت عنى ومن يوم ما ابوك مات وهى مابتنمش بره حضنى فجأه كده تسافر وتسيبنى
خالد: معلش يا ماما ماحنا معاكى اهوه ولا انا وايمن يعنى. مش مكفينك
امينة: وهو حد تاعبنى ولا واجع قلبى غيرك
خالد: ليه بس كده
امينه: مانت مش عايز تجوز وتفرحنى بيك وبخلفتك نفسي افرح بيك يا ابنى واشيل عيالك
خالد/ يا امى انا عارف والله ومقدر بس ابنك نفسه يتجوز واحده بيحبها
امينة: وانت يعنى لحد دلوقتى محبتش
خالد: للاسف يا ماما لسه انا محافظ ع قلبى للانسانه اللى تصونى وتصون حبى وتكون هى كمان محافظة على قلبها زيى كده
ايمن: هههههه والله انت بتحلم البنات دلوقتى كلها شمال
خالد: قصدك البنات اللى انت تعرفهم ماهو الدبان هيتلم على ايه يعنى غير الزباله
ايمن: ههههه يعنى انا دبانه يا ابنى انت اللى زيك انقرضوا ازاى واحد عنده ٢٧ سنه ومهندس ومُز وشيك مش مظبطله ١٠ ولا ٢٠ بنت
خالد: يا ابنك ومُز ؟!! هههههه كبرت يا ايمن بس كبرت زياده عن اللزوم بص يا ايمن لو انت بتقول اختى اتجوزت واتسترت وانا واثق ان خلاص حق بنات الناس مش هيخلص فيها فانت غلطان لانك ممكن تتجوز واحدة كانت بتعمل زيك ويمكن اكتر ولو اتجوزت واحدة كويسة ممكن بنتك تطلع شمال من الاخر ربنا مبيسبش حق بنت مهما كان كما تدين تدان يا اخ ايمن
ايمن اتضايق من كلام خالد وقال : بيس بيس انا نازل سلام ونزل ... ...
خالد: بقولك ايه يا حاجه متجى نروح بكرة المستشفى
امينة: مستشفى !! خير يا ضنايا انت تعبان !!!!!
خالد: لا لا مفيش حد تعبان انا عايز نروح نطمن عليكِ
امينة: ليه يا ابنى مانا كويسة الحمد لله ولا عشان ضغطى علىَ شوية الدنيا اتهدت
خالد: يا ماما احنا هنروح نعمل فحص كامل على كل حاجه وان شاء الله نداوم عليه كل تلت شهور دى حاجه عاديه اطمئنان مش اكتر
امينة : بس دى تكاليف ومصاريف يا ابنى
خالد: مفيش حاجه تغلى عليكِ بكرة انا هاخد اجازة ونروح ان شاء الله
*_____________________________________________**___________________________*
تانى يوم الصبح فى بيت فريدة... ...
محمود: يالا يا فريدة يا بنتى اتأخرنا كل ده بتلبسي
فريدة: خلاص اهو يا بابا انا جيت
محمود: طب يالا بينا
فاطمة: محمود فريدة متنسوش تطمنونى
فريدة: يااااااه يا ماما انتى لسه متعودتيش
فاطمة: بطلى هزار وطمنونى اول ما تخلصوا
محمود: ماشى ماشى يالا سلام ونزلوا ... .... ...
احمد صحى من النوم بس مستغرب ان فيروز مجتش صحته ورخمت عليه كعادتها فقام هو
فاطمة: صباح الخير يا حمادة اول مرة تصحى من نفسك
احمد: هى فيروز فين
فاطمة : فى اوضتها لسه نايمه
دخل احمد اوضة فيروز وسحب كرسي وقعد جنب السرير بتاعها
وقال: انا اسف يا زوزا بجد اسف انا مش عارف قولتلك كده ازاى وعارف انك خايفه عليا بس انا زى اى ولد فى سنى ده عادى كلنا بنعمل كده
هنا قامت فيروز: لا يا احمد مش عادى عشان انا وانت متفقناش على كده فاكر واحنا داخلين الجامعه اتفقنا على ايه فاكر وعدنا بعض بايه
مردش احمد فكملت: انا وعدتك انى مش هصاحب ولاد ولا احب ولا اى حاجه من العادى بتاع وانت وعدتنى انك مش هتصاحب بنات وتعلقهم بيك زى ما شباب كتير بيعملوا انا وعدتك انى مش هعمل حاجه غلط زى انى اشرب شيشة زى بنات كتير وانت وعدتنى برضه صح
احمد: يا فيروز انا مش مُدخن انا كل فين وفين كده بجرب سيجارة
فيروز: بص يا احمد انا من خوفى عليك ممكن اعمل اى حاجه وانت لو مبطلتش السجاير دى هقول لبابا ماشي
احمد: احنا فينا من كده
فيروز: اه ... احمد: خلاص هبطلها قومى يالا عشان نروح الجامعه
*_____________________________________________**___________________________*
فى احدى المستشفيات الخاصة
دكتور القلب: يا فريدة يا بنتى ما تعملى العملية وتريحى نفسك من كل التحاليل والاشاعات الشهرية دى
(فريدة مريضة بمرض من امراض القلب ممكن تخف بالعملية بس هى خايفه منها وبتاخد ادوية وبتعمل متابعة شهرية وخلاص )
فريدة: لا يا دكتور انا كل ما اتخيل انى ممكن اعمل عملية بحس بروحى بتتقبض
محمود: متحاولش يا دكتور مفيش فايدة ياما حاولنا معاها
الدكتور: براحتكوا انا بقول اللى فيه مصلحتها ، عموماً انا كتبتلك كل التحاليل والاشاعات المطلوبة وكمان رسم القلب
محمود وفريدة : شكراً يا دكتور وخرجوا
محمود:روحى انتى يا حبيبتى استنينى فى ريسبشن المعمل لحد ما ادفع الفلوس واجيب الوصل واجيلك
*_____________________________________________**___________________________*
فـــى مــعـمــل المستشفى
خالد: ادخلى يا ماما وانا هستناكى هنا لحد ما ياخدوا منك عينة الدم
دخلت امينة وانتظرها خالد فى الريسبشن .... خالد قاعد بيلعب فى الموبايل وتقريباً مفيش حد غيره
وهو مركز فى الموبايل باب ريسبشن المعمل اتفتح .... ....... ....... ...