حب لا ينتهى

الحلقة التاسعة عشر

الحلقة التاسعة عشر
** الــنــهــاردة فـــرح خــالـــد و فـــريـــدة **

الصبح فى بيت فريدة :
فاطمة : ايه يا بنات مش هتروحوا الكوافير
فريدة : يا ماما احنا مستنين خالد هو اللى هيجى يودينا
فيروز : طب كلميه شوفى اتأخر ليه
فريدة : هو قال هيعدى يجيب الفستان الاول
فيروز : انا اول مرة اشوف فستان العروسة يجى يوم الفرح
فريدة : يا بنتى الخياطة لسه مخلصاه امبارح ، انا هروح اكلم خالد
(..اتصلت فريدة بـ خالد..)
فريدة : انت فين يا خالد
خالد : يا امه !! الناس بتقول الو سلام عليكم اذيك يا حبيبي وحشتني كده يعنى
فريدة : الو سلام عليكم اذيك يا حبيبي وحشتنى كده يعنى هااا بقى انت فين
خالد : ههههه انا جبت الفستان وجاى فى الطريق بس الدُنيا زحمة اوى
فريدة : طب خد بالك على نفسك وسوق بالراحة
خالد : وحشتينى اوى ومبسوط اوى اوى اوى اوى اوى اوى وبحبك مووووووووت
فريدة : وانا بحبك اكتر ، بس عارف يا خالد نفسي فى ايه
خالد : فى ايه يا حبيبتى
فريدة : نفسى زى ما ربنا جمعنى بيك فى الدُنيا يجمعنى بيك فى الاخرة
خالد : دنُيا او آخرة عليا النعمه عمرى ما هسيبك وراكى وراكى
فريدة : ربنا يخليك ليا وميحرمنيش منك ابداً ، عارف يا خالد انا مبسوطة اوووى عمرى ما كنت اتوقع انى هكون سعيدة كده او مبسوطه اوى كده انا حاسة ان الفرحة قلبى مش قادر يستحملها
خالد : ربنا يحفظك ويخليلى قلبك ده عشان انا بموت فيه
فريدة : ما بلاش بموت دى انا مبحبهاش
خالد : بعيش فيه وبعيش ليه وهيعيش معاه حلو كده يا ست البنات
فريدة : ههههه حلو جداً ، خالد انا قررت اعمل العملية ان شاء الله بعد الفرح
خالد : مش خايفة
فريدة : طول مانت معايا عمرى ما هخاف تانى ابداً
خالد : بحبك
فريدة : وانا كمان بحبك اوى ، يالا بقى متتأخرش انا مستنياك
خالد : ماشى يا حبيبتى سلام
فريدة : لا اله الا الله
خالد : محمد رسول الله :)
(.عدى وقت وكان خالد لسه موصلش.)
فيروز : كلميه تانى كده هنتأخر
فريدة : الموبايل بيلخبطه وهو سايق
فيروز : مالك يا فريدة
فريدة : مش عارفة حاسة بحاجه بتشكنى فى قلبى ممكن تناولينى الدوا وكوباية مياة
فيروز : حاضر يا حبيبتى
*_____________________________________________**___________________________*
بعد شوية .....
( محمود جاله اتصال وكان باين على شكله ان فى حاجه مش مظبوطة )
فاطمة : خير يا محمود
محمود : لا اله الا الله لا اله الا الله
فاطمة : فى ايه محمود قلقتنى
محمود : خالد عمل حادثة واتنقل المستشفى وحالته خطيرة جداً
فاطمة : يا مصيبتى يا مصيبتى
محمود : ربنا يسترها ، انا هاخد فريدة واروحله
فاطمة (بتوسل) : ابوس ايدك يا محمود متقولهاش حاجه البنت ممكن تروح فيها
محمود(حابس دموعه) : بس هى لازم تعرف دى مستنياه ولازم تكون جنبه
فاطمة (ودموعها سبقاها) : ابوس ايدك ورجلك متعرفهاش اعمل اى حاجه فى الدنيا بس متقولهاش ان عريسها بيموت بالله عليك يا محمود فريدة مش هتستحمل
محمود : اللهم انى لا اسألك رد القضاء ولكنى اسألك اللطف فيه
فاطمة (بانهيار وبكاء شديد) : يا حظك الوحش يا بنتى يا اللى مش مكتوبلك تفرحى يوم فى عمرك هتقولها ايه هتقولها عريسك يوم فرحك عمل حادثة وبيموت لاااا لاااا اوعى لااا يا حبيبتى يا بنتى
محمود : استغفرى ربنا يا فاطمة
فاطمة : استغفر الله العظيم استغر الله العظيم
(.هنا جت فيروز بسرعة على ابوها وامها.)
فيروز(بدموع) : بابا فريدة اغمى عليها ومبتردش ومش عايزة تفوق
محمود وفاطمة: هى عرفت
فيروز : عرفت ايه
محمود : ان خالد عمل حادثة
فيروز : هو خالد عمل حادثة
محمود : ايوة
فيروز : لا معرفتش بس فريدة شكلها تعبان اوى
*_____________________________________________**___________________________*
فى المستشفى ....
(-خالد كان فى العمليات وامه وايمن مستنينه-)
فى نفس المستشفى ...
(-بعد فحص فريدة الدكتور قال انها عندها ازمة قلبية شديدة ولازم تتنقل العناية المركزة ومنع الزيارة-)
(-كان معاها ابوها وامها واخواتها-)
*_____________________________________________**___________________________*
عند خالد :
الجميع : خير يا دكتور
الدكتور : احنا عاملنا اللى قدرنا عليه بس لسه حالته خطيرة جداً لانه واخد الخبطه كلها فى دماغه ده غير العمود الفقرى ، هننقله العناية المركزة لو الليلة دى عدت على خير يبقى فى امل
امينة (بانهيار) : يا حبيبى يا ابنى ممكن اشوفه يا دكتور
الدكتور : للاسف الزيارة ممنوعه بس لانك امه انا ممكن اخليكى تشوفيه من بعيد بس ياريت متنفعليش
امينة : حاضر بس اشوفه
(.دخلت امينة تشوف خالد بس مقدرتش تمسك نفسها لما شافته بالمنظر اللى هو فيه وانهارت من العياط وخرجوها.)
*____________*___________*
عند فريدة :
محمود : روح يا ابنى اطمن على خالد واسأل عنه
احمد : هو هنا
محمود : اه انا جبت فريدة نفس المستشفى عشان لما تقوم بالسلامه ان شاء الله تكون جنب جوزها
احمد : طب انا هسأل فى الريسبشن عن مكانه واروحله
محمود : ماشى روح وطمنى
*____________*___________*
عند خالد :
احمد : هاا يا ايمن ايه الاخبار
ايمن : اتنقل العناية المركزة والزيارة ممنوعه الدكتور بيقول لو الليلة دى عدت على خير يبقى فى امل انه ....
احمد : ان شاء الله هتعدى على خير وهيعيش
ايمن : وفريدة عامله ايه
احمد : فى العناية برضه ، ربنا يستر
ايمن : ان شاء الله خير
بعد شوية ...
لقيوا الممرضات والدكاترة بيجروا ورا بعض ودخلوا عند خالد ، وبعد حوالى ١٥ دقيقة خرج الدكتور ..
كلهم : خير يا دكتور
الدكتور : احنا عملنا اللى قدرنا عليه بس ارادة ربنا فوق كل شئ البقاء لله
امينة : ابنى مات ، خالد ابنى مات ، مات ، خالد مات ، اخوك مات يا ايمن ، ضهرى وسندى مات ، (وصرخت صرخة اهتزت لها قلوب كل اللى سمعوها) يــــاااااا ابـــــنـــــى يــــاااااا ابـــــنـــــى (وفقدت الوعى)
*____________*___________*
عند فريدة :
فيروز : مالك يا احمد
احمد : خالد مات
فيروز : ايه مات !!!
احمد .. مردش
فيروز : مات امتى
احمد : لسه دلوقتى
فيروز عيطت وقالت : انا هروح اشوف مامته ولو فى جديد عن فريدة كلمنى انا مش هتأخر عموماً(ومشيت)
الدكتور خرج من عند فريدة :
الكل : خير يا دكتور فريدة بخير !!
الدكتور : الازمة القلبية المرة دى كانت شديدة اوى ، واضح انها زعلت او فرحت بزيادة
فاطمة بدموع : دى النهاردة فرحها يا حبة عين امها
الدكتور (مصدوم) : للاسف قلبها المرة دى مقدرش يستحمل الازمة و......
فاطمة (وكأنها هتفترس الدكتور) : و ايه هاا و ايه بنتى مالها !!!
الدكتور : البقاء لله ربنا يرحمها
فاطمة (وبدأت تفقد عقلها) : مين دى مين دى اللى الله يرحمها مين دى
محمود(حاول يحتطنها وبدأ يبكى) : ادعيلها يا فاطمة
فاطمة : بنتى مش ماتت يا محمود بنتى عايشة عايزة اشوفها اشوف فريدة ، فريدة عايشة
(-وبعد اصرار فاطمه دخلت عند فريدة-)
فاطمة (وحضنت فريدة) : قومى يا فريدة قومى يا ضنايا قومى ردى على امك قوليلهم انك عايشة مش انتِ عايشة مش انتِ عايشة يا فريدة (وبدأت تنهار اكتر وتهز فريدة على امل انها تقوم وتزعق وتقول) ردى عليا يا فريدة مش انتِ عايشة ردى يا فريدة وقولى انك مموتيش ، فـــــريـــــدة ياااااااااا فــــــريــــدة (- بدأت تزعق وتنادى وخروجها بره-)
فاطمة : بنتى ماتت يا محمود ، فريدة راحت منى يا محمود ، يعنى ايه مش هشوفها تانى ، مش هخدها فى حضنى تانى هنروح من غير فريدة يا محمود
محمود(حضنها) : احمدى ربنا يا فاطمه بنتك ماتت من الفرحة ، ماتت وهى فرحانه
فاطمة(وكانت قعدت على الارض) : يارب يارب يارب يارب
(-هنا جت فيروز لقيت امها منهارة وبتبكى وابوها حاضنها-)
فيروز لـ احمد : فى ايه يا احمد ماما بتعيط ليه
احمد ساكت ...
فيروز : هى عرفت ان خالد مات عشان كده بتعيط ؟
احمد مبيرودش ....
فيروز : انت ساكت ليه ، ده مقلب صح ، فريدة كويسة صح !!
احمد ساكت ولكن دموعه نزلت منه ...
فيروز (وبدأت تبكى بحرقة وتخبط احمد فى صدره) : رد عليا وقولى ان فريدة كويسة رد انت ساكت ليه ، متسكتش كده ورد عليا رد يا احمد فريدة فين كويسة صح
(-هنا صرخت فاطمة وقالت اسم فريدة-)
فيروز : فريدة ..... لا لا
احمد حضن فيروز : ربنا يرحمها (وبكوا بحرقة سوا)
*_____________________________________________**___________________________*
فــى مــشـهـد انفطرت له القلوب وبكت فيه الناس بحرقة ، خرج نعش خالد وفريدة سوا من نفس المستشفى واتعمل لهم جنازة سوا واتدفنوا فى مدفن واحد
*_____________________________________________**___________________________*
بعد مرور اكثر من سنة :
- نيرة انجبت بنتين توأم (فريدة ، نهى -اسم مامتها-)
- كريم وفيروز اتجوزوا
- احمد خطب جارته
- ايمن ربنا هداها جداً واصبح انسان مختلف تماماً
- اياد اصبح مُتدين جداً
- خلود رجعت مصر بعد وفاة خالد عشان تفضل جنب امها وانجبت ولد (خالد)
- محمود وفاطمة وامينة عايشين على ذكرى فريدة وخالد
*_____________________________________________**___________________________*
كريم : انا هفضل احبك عمرى كله حبى ليكى عمره ما هينتهى
فيروز : عارف يا كريم ، حب خالد وفريدة هو اللى عمره ما هينتهى ، اصلهم ماتوا وهما فى اشد لحظات حبهم وفرحتهم ، دول هيتقابلوا فى الجنة احسن من هنا بكتير عارف اخر جملة قالوها لبعض كانت لا اله الا الله محمد رسول الله، ربنا يرزقهم الفردوس الاعلى
#النهاية