حب لا ينتهى

الحلقة العاشرة

تانى يوم الصبح فى المستشفى :
باب اوضة فيروز بيخبط بدرى ...
تك تك تك .. تك تك تك
فتحت فريدة الباب لقيت حد من العاملين فى المستشفى ...
العامل: اتفضلى الورد ده لحضرتك
فريدة:متشكرة اوى
فريدة لفيروز: ايوة يا عم جايلك ورد ؛)
فيروز:ايه ده بجد مين اللى جايبه .. يالهوى انا عمرى ماجانى ورد ده اكيد حد بيموت فيا بقى
فريدة: اكيد هههههه
فيروز:طب لو فيه كارت اقريه والنبى
فريدة:حاضر يا ست المستعجله ، اه فى كارت اهو (وبدأت فريدة تقرأه بصوت عالى -حبيبتى فــ .....) وسكتت
فيروز :حبيبتى !!!! هههههه كملى شكله هيطلع فى الاخر من حمادة
وقعدت فريدة وقرأته فى سرها (حبيبتى فريدة ، الف مليون سلامه على بباكى واختك واتمنى تكونوا كلكم فى افضل حال ، حبيبك- ان شاء الله يعنى- خالد)
فيروز : ايه يا فريدة سكتى ليه هو مكتوب ايه فى الكارت
فريدة:خُدى اقرأى
هنا فيروز اتوترت وافتكرت انه يخصها
فيروز قرأته واتصدمت وقالت : ايه ده يا فريدة مين ده !!!!
فريدة:هحكيلك (وحكت لها القصة كلها)
فيروز بابتسامة عريضه وانبهار بخالد: الله !! بجد عمل كل ده !! يا بختك يا ديدا
فريدة باستغراب: مالك يا بت انتى ايه السهوكة دى !! ومالك مندهشة اوى كده ليه
فيروز: اصل اللى يحاول يوصلك بكل الطرق دي وكمان يبعتلك ورد ده اكيد كائن فضائي يا بنتى ده بعتلك ورد فاهمة يعنى ايه ورد ، انا لو مكانك وجابلى ورد احبه وش
فريدة: هههههه والله انك انتى اللى خفيفة وطايشة
فيروز:قصدك انك بتتقلى عليه يعنى
فريدة:هقولك زى ما حمادة بيقول فُكك
فيروز : ممكن سؤال قبل ما افُكنى ، هى نيرة عارفة
فريدة: اه انا حكيتلها اصلها شافته لما جه المعمل
فيروز بتنهيدة ارتياح وابتسامة : تمام اوى
*_____________________________________________**___________________________*
فى شغل خالد :
خالد : واد يا ادهم تفتكر لو كلمت صاحبتها اطمن عليها ابقى شخص مبالغ فيه
ادهم : عادى مانت اصلاً شخص مبالغ فيه
خالد : بجد
ادهم : اه والله بجد ، ماهو مش ممكن تعمل كل ده لواحدة شوفتها بالصدفه ومتعرفش عنها حاجه
خالد: مش انت ياالا اللى قولتلى ارواح بتتلاقى والحب مش عارف ايه وكان ناقص تدينى محاضرة
ادهم: ايوة انا قولت كده وده حقيقى بس مش معنى كده ان حياتك تتوقف عليها وكلامك كله عليها
خالد : فُكك ، اكلم صاحبتها ولا لا
ادهم: طب متجيب اكلمها انا هههههههه
خالد: بطل هزار بقى ورد بجد
ادهم: من رأيى استنى لما هى تكلمك وعشان متقولش عليك لازقة
بعد شوية ...
تليفون خالد رن ..(رقم مش متسجل)
خالد : الو ..
المُتصل : صباح الخير يا خالد
خالد بتنهيدة زهق (اصله عرف انها ولاء): امم صباح النور
ولاء: هاا عامل ايه النهاردة
خالد: والله انا فى الشغل ولما بكون فى الشغل ببقى زهقان وقرفان بس الحمد لله
ولاء :حتى بعد ما سمعت صوتى زهقان وقرفان
خالد: لحظة واحدة يا ولاء (وعلق المكالمه hold) وقال لادهم : نادى عليا يالا اصل معايا مكالمه عايز اقفلها
خالد: سورى يا ولاء اصل انا ببقى مشغول خالص فى الشغل
ولاء : لا ولا يهمك فاضى دلوقتى !!
ادهم بيرفع صوته: يا لوووووودى يا خااااالودى تعالى بقى يا روحى اتأخرت عليا
ولاء:ايه ده !!!
خالد : ده صاحبى بيستظرف
ادهم بصوت عالى:يا عم يالا بقى عندنا شغل
خالد: طب عن اذنك يا ولاء مضطر اقفل متأسف جداً
ولاء : لا عادى شوف شغلك وهكلمك بالليل
*_____________________________________________**___________________________*
فى بيت خالد :
ايمن اتصل باياد : الو يا اياد اذيك
اياد: تمام ايمن انت عامل ايه
ايمن: الحمد لله ، بقولك ايه
اياد: قولى ايه
ايمن: انا هاجى معاك جامعتك النهاردة بيس
اياد: قشطة عدى عليا انا مستنيك
بعد شوية ايمن راح لاياد وراحوا الجامعه ....
فى الجامعة بتاعة اياد..
ايمن:متورينى البت الى انت حبيتها دى
اياد: اهااا انت عشان كده جيت معايا
ايمن: لا وربنا انا جاى اغير مناظر
اياد: هو انا حكيتلك على اللى حصل مع اخوها
ايمن : لا
اياد: طب تعالى نقعد واحكيلك (وحكى له كل اللى حصل)
رغدة شافت اياد راحت له ...
رغدة: هاى يا يوووده صباح الخير
ايمن: صباح النور يا عيون صاحب يوووووده
رغدة بدلع : ههههههه هو انت صاحب اياد
ايمن: ايوة صاحبه الانتيخ
رغدة: ومعانا هنا فى الجامعه
ايمن: للاسف لا
رغدة: وليه للاسف
ايمن: لو كنت اعرف انك هنا كنت دخلت معاكوا الاكاديمه دى
رغده لاياد: ههههههه صاحبك ده بكاش اوى
ايمن: لا والله طب حتى اسألى اياد انا اول مرة اتجرأ واقول لبنت الكلام ده
رغدة: بجد يا اياد
اياد: اه امال !!! (بصوت واطى بيقول لكل بنت كلام مختلف عن التانيه)
رغدة: بتقول حاجه
اياد: لاااا
رغدة: وانتوا اصحاب من زمان
ايمن: من يوم ما وعينا على وش الدنيا واحنا اصحاب
رغدة: ياااااه دى صداقة قويه جداً يا بختكوا ببعض
ايمن: تعالى معايا وانا هحكيلك على صداقتنا انا وهو
رغدة: هههههه اجى فين
ايمن : تعالى بس عن اذنك يا يوودة(وغمز لاياد وخدها ومشى)
*_____________________________________________**___________________________*
فى بيت خالد:
خالد روح من الشغل
امينة: حمد الله على السلامه يا خالد اجهزلك غدا
خالد: الله يسلمك يا ماما ، ياريت ده انا ميت من الجوع
خالد قاعد بياكل ...
امينه: مش هتصدق مين زارنى النهاردة
خالد: مين !!
امينه:الحاجه سعاد
خالد: الحاجه سعاد مين !!
امينة: ام نبيل ، جارتنا القديمة
خالد بصدمه : ام ولاء !!!!!!!!
امينة بخُبث : اه ام ولاء ، وولاء جت معاها كمان
خالد: امممممم طيب
امينة : بس انا زعلانه منك
خالد: ليه يا امى
امينه: ليه مقولتليش ان البنت اللى عاجبتك هى ولاء !!!
خالد مفزوع : مين قالك كده
امينه: ولاء هى اللى قالتللى انها قابلتك فى المستشفى كده يا حبيبي تخبى على امك ده حتى ولاء غاليه عليا وبحبها والموضوع ممكن يكمل بسهوله
خالد: ولاء مين اللى بتحبيها وموضوع ايه اللى يكمل بسهوله ، اوعى يا ماما تكونى اتكلمتى معاهم فى حاجه
امينة : بصراحة اه انا اتفقت معاهم ان احنا هنزورهم قريب
خالد: طب الحمد لله انا افتكرت خطبتيها ولا حاجه
امينه: امال يا روح امك الزياره دى ليه اكيد عشان نخطبها
خالد: انتِ بتتكلمى جد !!! انتِ قولتيلهم ان انا عايز اخطبها
امينه: مقولتش كده بطريقة مباشرة بس اكيد هما هيفهموا
خالد:ليه يا ماما عملتى كده مش كنتِ على الاقل تاخدى رأيى
امينه: (قامت وسابت خالد عشان متتكلمش فى الموضوع كتير ) وهى ماشية : اهو ده اللى حصل بقى ..
*_____________________________________________**___________________________*
فى المستشفى ...
نيرة خلصت شغلها وراحت تزور فيروز ..
نيرة: بخ عامله ايه النهاردة يا قمر
فيروز : نيرة كويس انك جيتى تعالى عايزة اقولك على حاجه قبل ما فريدة ترجع
نيرة: هى فريدة فين
فيروز : تعالى بس قربى بسرعه
نيرة: خير يا بنتى خضتنينى
فيروز: فريدة حكت لى على موضوع خالد وانا بصراحة نفسي الموضوع ده يكمل شكله بيحبها بجد
نيرة: انا كمان نفسي اوى بجد
فيروز: يبقى نحاول نوصل لخالد ده وننسق معاه خطة مُحكمة
نيرة: انا معايا رقمه وبيتصل بيه وشبه اتفقنا على خطة
فيروز: بجد يا نيرة!! ده انتِ صاحبة نادرة الوجود
نيرة: بصى قومى بالسلامة واخرجى من هنا وان شاء الله هنظبطها ومش هتعدى السنة دى الا وهى فى بيت خالد
فيروز: ياااااااارب يا نيرة
هنا دخلت مامت فريدة وفيروز....
فاطمة : اللى انا سمعته ده بجد يا بنات ....
فيروز بارتباك: سمعتى ايه يا ماما
فاطمة : سمعت جزء من كلامكوا وفهمت انه على فريدة وان فى حد مُعجب بيها
نيرة: ايه لا يا طنط مش .....
فاطمة تقاطعها: يا بنات حاجه زى كده تفرحنى قولولى الحقيقة فريدة بتحبه
نيرة: لا مش كده انا هحكيلك يا طنط (وحكتلها حوار خالد كله)
فاطمه: طب وهو مدخلش من الباب ليه
نيرة: يا طنط لو دخل من الباب هيترفض زيه زى غيره لكن هو كده مُميز ولفت انتباهها اكتر واكيد هتحبه واول ميحصل هيتقدملها على طول
فاطمة: نفسي اطمن عليها قبل ما اموت
نيرة: ربنا يطول فى عمرك يا طنط واحنا مش هنسيبها الا لما نجوزهاله فرفشي واضحكى بقي
فاطمة: ربنا يخليكى يا حبيبتى ياريت يا نيرة كان عندى ولد اكبر كنت جوزتهولك
فيروز: ياريت والله
نيرة: انتوا عيلتى من غير ما اجوز فيها :)
*_____________________________________________**___________________________*
عدى الاسبوع اللى فريدة خدته اجازة ..
خالد بيطمن على فريدة وبيعرف اخبارها من نيرة ، وبيتهرب من زيارة اهل ولاء
ايمن ورغدة اتصاحبوا
نيرة راحت عند باباها
اياد بيحاول يعرف اى حاجه عن فيروز وبيحاول يصالح احمد
فيروز خرجت من المستشفى بس لسه مش هتنزل الجامعه قبل اسبوع كمان
ولاء بتتصل بخالد كتير مرة يرد و عشرة لا
*_____________________________________________**___________________________*
النهاردة اول يوم شغل لفريدة بعد الاجازة ...
فريدة: صباح الخير يا نيرة
نيرة: صباح الخير يا حبيبتى ، بابا وفيروز عاملين ايه
فريدة: لا احسن كتير الحمد لله
نيرة: طب الحمد لله معلش لو كنت مزوتكوش الكام يوم اللى فاتوا عشان قاعده عند بابا وكده
فريدة: اه صحيح عامله ايه هناك
نيرة: بصراحة بيعاملونى احسن معامله من اول بابا لحد اخويا الصغير بس برضه مش مرتاحه
فريدة: عشانك مش متعودة بس
نيرة: بقولك يا ديدا ما تجى نخرج النهاردة شويه نتغدى برة او نعمل اى حاجه بقالنا كتير مخرجناش
فريدة:خليها الاسبوع الجاى تكون فيروز بقت احسن ونزلت جامعتها
نيرة باحباط: اوكى
فريدة: اه صحيح يا نيرة فى حاجه مهمة كنت عايزة اسألك عليها
نيرة: خير
فريدة : هو ...............