حب لا ينتهى

الحلقة الثانية عشر

كريم : انا سألت ناس كتير وكانت الاغلبية بتأكد انه صايع وبتاع بنات ومصاحب بنات كتير اوووى وبيعشم اغلبهم بالخطوبة اوالجواز
احمد : تمام فى حاجه تانية
كريم : وانت عايز اكتر من كده
احمد : يعنى مثلاً بيشرب مخدرات او ايه اخر علاقاته بالبنات يعنى صحوبية ولا حاجه اكبر من كده
كريم : لا مفيش حد جاب سيرة مخدرات وبعدين اللى يعرف كمية البنات دى كلها والمفروض انه مرتبط بيهم عاطفياً اكيد الموضوع مش مجرد خروج وتنطيط واصلاً هو بيشرب سجاير وشيشة مش بعيد عليه المخدرات يعنى والله اعلم
احمد : انت بتفسرلى حلم
كريم :: هههههه لا انا بس مش عايز اظلم الواد
احمد : طب مش يمكن الكلام ده قديم وهو اتغير
كريم : اتغير مين يا معلم ده كان بيشيش مع شلة بنات من كام يوم
احمد : والله انا هنقل الصورة لفيروز زى ما هى ولو انها شكلهاا مش موافقة
كريم : بجد !! قصدى ولما هى مش موافقة انت بتسأل ليه ما كنت ترفض وخلاص
احمد : هو كلامها كان مايع كده يعنى لا هو اه ولا لأ بس احساسي بيقول انها مش موافقة عموماً هروح انا وخلينا على اتصال
كريم :: تمام يا معلم
*_____________________________________________**___________________________*
تانى يوم فى شغل فريدة :
فريدة : انا شاكة فيكِ انتِ وفيروز
نيرة : انا وفيروز !! ليه
فريدة : الحساس بيقولى الخروجه دى وراها حاجه
نيرة : ابداً دى خروجه زى اى خروجه
فريدة : متأكده !!
نيرة : طب انتِ شاكه فى ايه
فريدة : ما انتِ لو مش صاحبتى وعارفة عنك انتِ وفيروز كل حاجه كان زمانى قولت انكوا رايحين تقابلوا
نيرة : هههههه وهناخدك معانا ليه هههه بقولك ايه خلصى عشان ننجز
بعد شوية اتصلت نيرة بـ خالد ....
نيرة : الو اذيك يا خالد
خالد : تمام وانتِ
نيرة : الحمد لله عندى ليك خبر حلو
خالد : ايه فريدة وافقت عليا
نيرة : ههههه ده انت طموح وخيالك واسع اوى
خالد : ههههههه امال ايه الخبر الحلو
نيرة: هنخرج النهاردة انا وفريدة وفيروز
خالد: فيروز مين !!
نيرة: اخت فريدة
خالد : اااااه طب اختها وضعها ايه
نيرة: ماتخفش اختها عارفة كل حاجه وهتساعدك معايا
خالد: انا مصر كلها مُتعاطفه معايا هههههه طب هتخرجوا فين
نيرة: سيتى ستارز انا مش عارفة اتكلم دلوقتى لما اروح هكلمك يالا سلام
*_____________________________________________**___________________________*
فى جامعة احمد :
اياد: صباح الخير يا احمد ايه الاخبار
احمد : بخير الحمد لله
اياد: وايه اخبار الحوار اللى كلمتك فيه
احمد : معلش يا اياد مفيش نصيب
اياد : ليه ابوك رفضنى كده من غير ما يشوفنى
احمد : انا مكلمتش ابويا اصلاً ماهو مينفعش اقدمله واحد انا معرفش عنه حاجه
اياد : طب متسألوا عنى
احمد : مانا سألت وللاسف محدش قال كلمة كويسة
اياد : ليه قالوا ايه
احمد : قالوا انك صايع وبتاع بنات ومصاحب بنات كتير اوووى ومعشم اغلبهم بالخطوبة اوالجواز
اياد : ومن فينا مش كده ما كلنا كشباب بنعمل كده ووقت ما بنحب بجد بنسيب حياة الهلس دى ونستقر
احمد : والله انا قولت كده بس اللى سألتهم قالوا انك لسه من كام يوم كنت مع شلة بنات بتشيشوا سوا يعنى بعد ما كلمتنى فى حوار اختى
اياد: يا احمد والله انا هتغير عشان فيروز
احمد: نصيحة يا اياد لو عايز تتغير اتغير عشان نفسك وملكش دعوة بأختى عن اذنك (وسابه ومشى)
*_____________________________________________**___________________________*
فى شغل خالد :
خالد : هخرج معاها النهارده .. هخرج معاها النهاردة (بيلحنها ^_^)
ادهم : لا حول ولا قوة الا بـ الله انت اتهبلت يا خالد
خالد : هخرج معاها النهاردة يا ادهومة
ادهم : ادهومة هههههه ده لو ليا صاحبة تتكسف تقولى ادهومة ،، هتخرج مع مين
خالد : مع فريدة
ادهم : بجد !! انت فعلاً هتخرج معاها بجد
خالد (بنبرة هدوء وحزن): مش بالظبط
ادهم : يعنى ايه مش بالظبط
خالد: هى هتخرج مع صاحبتها واختها وهما اتفقوا معايا انهم هيخلونى اشوفها واتكلم معاها
ادهم : والله !!!
خالد : اه
ادهم : اراهنك انها النهاردة هتخسر اختها وصاحبتها هههههه
خالد: ليه بتقول كده
ادهم : اولاً عشان بيستغفلوها ثانياً ممكن تكون مش قبلاك اصلاً وهما كده بيورطوها
خالد: اسكت بقى يا ادهم مضيعش فرحتى
ادهم: انت للدرجة دى حبيتها
خالد: ليه بتقول كده
ادهم: انت هتطير من الفرحة لمجرد انك رايح تشوفها ومن غير ما هى تعرف امال لو قالتلك بحبك هتعمل ايه
خالد : هههههه انا ممكن يجرالى حاجه عارف يا ادهم .......
جرس تليفون خالد يرن ويقاطعه ...
خالد : ايه الرقم ده
ادهم : مين
خالد : رقم مش متسجل استنى ارد ... الو
المُتصل : الو اذيك يا خالد
خالد : ولاء !!
ولاء : اه انا ده رقمى الجديد
خالد : اهاا عامله ايه
ولاء : تمام ، هو انت ليه خليت مامتك تتكلم مع امى ليه مكلمتنيش انا
خالد: مش فاهم حاجه انتِ بتتكلمى عن ايه
ولاء: ليه خليت مامتك تقول لمامتى انك عايز تخطبنى ومتكلمتش معايا الاول
خالد (مصدوم) : نعم !!!!!!
ولاء: ايه فى ايه
خالد: معلش يا ولاء انا عندى شغل وده مش وقت مناسب للكلام
ولاء : اووكى سورى باى
ادهم : فى ايه يا ابنى مين ولاء دى
خالد ( حكى لادهم حوار ولاء من اوله وتوريطه فى الخطوبة )
ادهم : طب وانت هتعمل ايه
خالد : مش عارف
ادهم : احسن حاجه انك متروحش غير لما تقابل فريدة وتعرف راسك من رجلك فى الحوار ده لانها ممكن ترفض يبقى ساعتها تطلعها من دماغك وتفكر فى ولاء اما لو وافقت هنفكر ونشوف تحل الحوار ده
خالد : كلامك صح بس لو ....
ادهم : متتناقش فى الحوار ده الا لما تعرف رأى فريدة
خالد : اوكى
*_____________________________________________**___________________________*
فى بيت فريدة :
فيروز : انت كنت فين يا حمادة
احمد : فى الجامعة
فيروز : جامعة !! احنا معندناش حاجه النهاردة
احمد: لا انا روحت اقابل جماعه اصحابى بقولك يا فيروز انتِ كنت موافقة على اياد
فيروز : انت سألت عليه
احمد : جاوبى بس انتِ عيزاه
فيروز: بصراحة الواد ده مبنزليش من زور تقيل على قلبى
احمد : كده فل اوى لانى مش موافق عليه
فيروز: انت سألت عليه
احمد: اه والكل بيقول اخلاقه وحشة
فيروز : زى ما توقعت بس انت سألت مين
احمد : كريم
فيروز : كريم ابن خالك
احمد : اه
فيروز : انت بتشوفه بقالى كتير اوى مشوفتوش من يوم خلاف امك مع ابوه
احمد: خالك هو اللى غلطان
فيروز : وكريم عامل ايه
احمد : تمام اتخرج وعلق نجمة
فيروز سرحت وافتكرت كريم وافتكرت وهما صُغيرين
احمد : اااايه يااااا حجه روحتى فين
فيروز: هااا لا مفيش هقوم اغير هدومى فريدة ونيرة زمانهم على وصول واحنا خارجين
احمد : رايحين فين
فيروز : هنتغدى فى سيتى ستارز وندخل سينما
احمد: طب متمشوش لوحدكوا هروح استأذن بابا واخد منه العربية اوصلكم وارجع اخدكم
فيروز: اووكى
*_____________________________________________**___________________________*
فى احدى الكافتريات
ايمن : مالك يا اياد
اياد: مفيش مصدع شوية بس
ايمن : طيب فُك بوزك ده هتقابل المُزز اللى جايين بالبوز ده
اياد: مُزز ايه
ايمن : بنتين انما ايه مقولكش حاجه اخر حاجة
اياد: انت عمرك ما قرفت من نفسك يا ايمن
ايمن : اقرف من نفسي !! ليه ان شاء الله عاملها على نفسي
اياد : يعنى العيشة اللى احنا عايشنها دى
ايمن : مالها عيشتنا ده احنا عايشين احسن عيشة شُرب ومُزز وتهييس
اياد : ماهو ده المُقرف ، انا قرفت من نفسى ومن عيشتى
ايمن : كل ده عشان البت الوقيع اللى انت حبيتها هى اللى هتغيرك يعنى
اياد : انا مش هتغير عشان حد انا هتغير عشان نفسي ، محدش هينفعنى وانا واقف ادام ربنا
ايمن : فى ايه ياالا انت ، انت عامل ايه دماغ ايه سطلتك اوى كده
اياد: انا فوقت يا ايمن ومش هغضب ربنا تانى انا ماشى سلام
ايمن بينادى عليه : اياد وااد يا اياد .. يخربيتك ده انت لسعت
*_____________________________________________**___________________________*
فى بيت فريدة :
فيروز : ايه ده يا فريدة هتلبسى ايه كده
فريدة : انا لبست خلاص
فيروز : لا استنى الطقم ده مش اوى انتِ عندك احسن من كده
فريدة : بس انا مستريحة فى ده
فيروز: استنى بس
(واختارت فيروز لفريدة طقم اشيك واقنعتها تلبسه ولبسته )
فيروز: حلو اوى قمر يا ديدا
فريدة : انتِ اقمر هههه
فيروز: اه صحيح احمد هيودينا بعربية بابا ويرجع ياخدنا
فريدة : طب استنى اكلم نيرة عشان نعدى عليها يارب ما تكون خرجت بس
( اتصلت فريدة بنيرة وعرفتها انهم هيعدوا عليها )
*_____________________________________________**___________________________*
فى سيتى ستارز ....
فريدة ونيرة وفيروز بيتغدوا ...
فريدة : نيرة
نيرة: ايوة
فريدة: حاسة انى شوفت خالد ، انتِ شوفتيه
نيرة : خالد مين
فريدة : خالد يا نيرة اللى حكتلك عنه
نيرة : اه وهو ايه اللى هيجيبوا هنا
فريدة : مش عارفه حاسه انى شوفته اممم يمكن بيتهيألى
فيروز : يالا بقى خلصوا عايزة اشترى شوية حاجات قبل السينما
نيرة: لا خليها بعد السينما
فريدة: لا لسه بدرى على السينما تعالى نشتري شوية حاجات
نيرة: ولا بدرى ولا حاجه تعالوا نتمشى شوية
(فضلوا يتمشوا وبعد كده راحوا السينما واختاروا الفيلم ودخلوا )
فـــى صــالـــة الــسـينمــا ..... :
(خالد كان قاعد جنب فريدة باتفاق مع نيرة بس فريدة مش شيفاه عشان الضلمة ، خالد متكلمش خالص معاها كان بيبص لها بس لحد ما جت استراحة )
خالد بصوت عالى : حلو اوى الفيلم يا فريدة مش كده
((فريدة التفت لقيته خالد ، اتصدمت ) وقالت : مين !! ايه ده !! انت بتعمل ايه هنا
خالد: بشوف الفيلم
فريدة بصت لنيرة وفيروز بزعل وخرجت بره صالة السينما ....
نيرة وفيروز بينادوا عليها وهى مبتردش وماشية بسرعة لحقوها ....
نيرة لفريدة : ايه الهبل اللى انتِ عملتيه ده
فريدة : انا برضه ، بتستغفلونى جايبنى هنا عشان خالد يشوفنى
نيرة : لا مش عشان يشوفك عشان يتكلم معاكِ وانت تسمعيه
فريدة : ومين قالكوا انى عايزة اسمعه
نيرة : من حقه انك تسمعيه من حقه انه ياخد فرصة
فريدة : انتِ مالك هتفكرى مكانى يعنى ولا هتاخدى قرارات مكانى
فيروز : فى ايه يا فريدة انتِ بتتكلمى كده ليه معاها هى دى جزاتها انها خايفة عليكِ وعايزة مصلحتك
فريدة : اخرسى انتِ ، انتِ مش فاهمة حاجة
فيروز: لا فاهمة كل حاجة وانتِ مش هتيجى الا بكده
فريدة: يعنى انتِ يا فيروز كنتِ عارفه !!!! بتضحكى عليا كل ده
فيروز : يووووووه بقى هتقعدى معاه وتسمعيه يعنى هتقعدى معاه وتسمعيه
فريدة : انتوا اتجننتوا ايه اللى بتقولوه ده
( فضلوا يتكلموا ويزعقوا فى بعض وجه خالد عليهم ) وقال ...........