حب لا ينتهى

الحلقة السادسة

فاقت فريدة ولقيت خالد قاعد جنبها وماسك ايدها اول ما شافته اتخضت وهو كمان اتحرج فساب ايدها وبعد شوية
فريدة: ايه ده انت بتعمل ايه هنا !!!!!
خالد بارتباك: مانا اللى جبتك من بره لما اغمى عليكِ
فريدة : اغمى عليا !! ايوة صح نيرة لازم اروح لنيرة حالاً
خالد : اهدى بس الدكتور قال لازم تستريحى
فريدة : لحظة لحظة ، انت دخلتنى بعد ما اغمى عليا لكن انت ايه مقعدك معايا هنا وازاى ......
خالد يقاطعها : بُصى انا هفهمك بس من غير ما تتعصبي
فريدة : تفهمنى ايه
خالد : انا معرفش بباكِ وجيت النهاردة مُتعمد عشان اشوفك واتكلم معاكِ وانا اللى اخترعت قصه انى عارف بباكِ
فريدة : وانت تعرفنى من فين والتفاصيل الكتير دى اللى عرفتها عنى عرفتها منين
خالد:هحكيلك ، انا كنت هنا الشهر اللى فات مع والدتى وشوفتك فى ريسبشن المعمل لفتى انتباهى جداً واعُجبت بيكِ و......
فريدة : ايه اللى انت بتقوله ده انت مجنون
خالد : ممكن تسبينى اكمل ، يومها فضلت ماشى وراكِ فى كل حتة تروحيها لحد ما خلصتِ رسم القلب وانتِ خارجة انا خبطت فيكِ مُتعمد ولما الملف الطبى طار وانا ناولتهولك قريت اسمك من عليه ورقم الملف وكلفت واحد صاحبى شغال هنا يعرفلى اى تفاصيل عنك وعشان خصوصية العملاء عرفنى انتِ بتيجي هنا ليه وامتى
فريدة (متنحة) : نعم !!!!!!!
خالد : بُصى يا فريدة انا مش هقول بحبك لانى هبقى كداب انا مُعجب بيكِ اعجاب شديد وبجد نفسي اعرفك اكتر ومفيش مانع يعنى لو حبينا بعض واتجوزنا
فريدة بارتباك : انت مجنون صح قول عادى
خالد : خلاص نتجوز وبعدين نعرف ونحب بعض براحتنا
فريدة : لا بجد انت مجنون
خالد : انا من يوم ما شوفتك وانا فعلاً اتجننت بُصى بقى انتِ اغمى عليكِ عشان ربنا بيحبنى ومكتوبلى اقولك كل الكلام ده والمفروض نتعرف وهنتعرف ومش هطلب منك رقم موبايلك عشان متحرجنيش انتِ هتدهولى من نفسك
فريدة : اطلع بره
خالد : نعم !!!!
فريدة : بقولك اطلع بره
خالد : ماشي هطلع بس على فكرة ليكِ حق متصدقيش بس انا مش بكدب
وخرج ... ودخل تانى قالها : بس انا وراكِ لحد ما تصدقى هيه وخرج تانى
فريدة كلمت بباها وجالها المستشفى اخدها منها ولقى الحساب مدفوع طبعاً استغرب بس فريدة كانت عارفة مين اللى دفعه بس متكلمتش
خرجت فريدة وبباها مسندها وركبوا العربية وطلعوا على البيت وخالد وراهم وبكده عرف عنوان بيتها ...
*_____________________________________________**___________________________*
فى بيت فريدة :
فاطمة (بتعيط):يا حبيبتى يا بنتى مش قولتلك يا محمود متسيبش البنت تروح لوحدها
محمود : وانا كنت عارف ان كل ده هيحصل
فريدة : يا جماعه متتخانقوش انا كويسة اهو الحمد لله كل ده وارد يعنى
فاطمة(بتعيط): كويسة ازاى بس ده انتى لونك مخطوف وبعدين يعنى ايه يُغمى عليكِ وميكونش معاكِ حد
فريدة: يا ماما اهدى عشان خاطرى اعتبرى ده حصل وانا فى الشغل مانا هكون لوحدى برضه
فاطمة : طب ممكن اعرف بقى ايه اللى زعلك
فريدة : يالهوووى ده انا نسيت نيرة خالص
فاطمة : متغيريش الموضوع ايه اللى زعلك
فريدة : يا ماما نيرة عندها مشكلة ولما كلمتنى وهى بتعيط زعلت عليها اوى واغمى عليا معلش يا ماما ممكن تناولينى الموبايل من الشنطه اكلمها
فريدة اتصلت بنيرة ...
نيرة : لسه فاكرة يا فريدة متشكرة اوى
فريدة : والله يا نيرة اغمى عليا بعد ما قفلت معاكِ ودخلت المستشفى ولسه خارجه حالاً
نيرة : مستشفى !!!! طب انا جيالك حالاً مش انتِ فى البيت
فريدة : اه
نيرة : طب انا جاية سلام
*_____________________________________________**___________________________*
فى بيت خالد :
خالد : ماما يا ماما
امينة : ايه يا بنى فى ايه
خالد : لقيتها يا ماما
امينة : هى ايه دى
خالد : البنت اللى كانت عجبانى ، لقيتها واتكلمت معاها يااااه يا ماما انا فرحان اوى
امينة : ربنا يفرح قلبك كمان وكمان ، هااا بقى هنروح نخطبها امتى
خالد : نخطب ايه يا ماما لسه بدرى
امينة : بدري ليه بقى مش بتقول اتكلمتوا يعنى اتفقتوا
خالد : بُصى ادعيلى انتِ بس وكله هيبقى تمام انا هروح اكلم ادهم
خالد اتصل بادهم ...
خالد: ايوة يااد لقيت البنت
ادهم : ازاى
خالد حكى لادهم كل اللى حصل
ادهم : طب تمام اديك عرفت بيتها ادخل من الباب بقى
خالد : لا يا عم انا بس اتأكد انها موافقة بدل ماحرج امى واحرج نفسي مع الناس
ادهم : اممممم تمام بس هتقنعها ازاى
خالد : اولاً انا عايزك تاخدلى اجازة اسبوع من بكرة
ادهم : اسبوع ليه كل ده
خالد : عشان هالبدلها قدام بيتها
ادهم : تصدق يالا انها عندها حق وانك مجنون فعلاً
خالد : مجنون مجنون المهم اتجوزها
ادهم : خلاص هخدهالك اى حاجه تانية قبل ما انام
خالد : لا يا معلم متشكر سلام
*_____________________________________________**___________________________*
فى بيت فريدة ....
نيرة : انا مبقتش عارفة اعمل ايه مع ابويا مش عارفة عايز منى ايه
فريدة : نيرة ده مهما كان بباكِ وله حق فيكِ
نيرة : وفين حقى انا لما رمانى وانا تلت سنين وراح اتجوز ومرضيش حتى ياخدنى اعيش معاه ده كان مبيوافقش انى اروح ازوره خميس وجمعه كان يقولى لا متجيش او يقول لماما لا متبعتيهاش انا هاجيلها وكان بيجى يعقد شوية ويمشى متفكرنيش وعيطت
فريدة : اهدى يا حبيبتى كل اللى بتحكيه ده كويس وتمام وعندك حق بس ده ميمنعش انه ابوكِ
نيرة : عيزانى اعمل ايه يعنى
فريدة : ابطليله حجته وروحيله يمكن هو ميستحملش او مراته متستحملش ويقولك امشى ساعتها مش هيقدر يقولك تعالى تانى
نيرة : تصدقى فكرة حلوة اوك انا هعمل كده
فريدة: عايزة احكيلك على حاجه مهمه ( وحكت فريدة لنيرة كل اللى حصل مع خالد )
نيرة:ده بيحبك اوى يا ديدا
فريدة : حُب ايه يا بنتى هو بنفسه قال انه مبيحبنيش هو مُعجب وعايز يتعرف مش اكتر
نيرة: تمام بس هو برضه اللى قال انه عايز يتجوزك بُصى من وجهة نظرى هو بيحبك بس خاف يقولك كده لانك اكيد هتكدبيه ماهو ميعملش كل ده الا اذا كان بيحبك
فريدة: كبرى دماغك اصلاً الموضوع كله مش فى دماغى
نيرة: ليه بس
فريدة بصت لنيرة زى ما تكون بتقولها مش هنعيده تانى وسكتوا ...
*_____________________________________________**___________________________*
فى بيت خالد :
ايمن : الا يا واد يا اياد عملت ايه مع البت اياها
اياد : هااا ايه !! هانت هانت
ايمن : يعنى اتصاحبتوا ولا لسه
اياد : على وشك
ايمن باستهزاء : على وشك ههههه طب ربنا معاك
اياد: ما تيجى يااد ننزل شوية هو انا جاى من بيتنا عشان اقعد فى بيتكوا
ايمن : ماليش مزاج انزل
اياد: يا عم تعالى نشيش وهنطلع تانى على طول
ايمن : نشيش !! بيس هغير هدومى
بعد ما لبس ونازل ...
خالد: رايح فين يا ايمن
ايمن : نازل مع اياد فى مشوار
خالد : فين يعنى
ايمن قرب من خالد وقاله بصوت واطى : محبكتش تعمل فيها ابويا قدام اياد لما ارجع هقولك
خالد: طيب متتأخرش ومتسهرش بره
اياد: والله هو مكنش عايز ينزل انا اللى غصبت عليه وعموماً مش هنتأخر
ايمن : شوفت
خالد: ماشي يالا انزلوا
تليفون خالد رن ..
المُتصل عبدالله صاحب خالد : الو ايوة يا خالد متجى نخرج شوية
خالد: ايوة يا عم هنروح فين
عبدالله: اى داهيه ان شاء الله نلف بالعربية
خالد: اوك شوية وهعدى عليك
عبدالله:طب متجيب ادهم معاك
خالد: ادهم بينام بدرى
ونزل خالد.......
*_____________________________________________**___________________________*
خالد وعبدالله فى العربيه
خالد: هنروح فين
عبدالله: انا كلمت هشام ويحيى ومستنينا فى الكافيه
خالد:اوكى تمام خلينا نلعب بلاى ستيشن او حتى كوتشينة
وراحو الكافيه وقعدوا وبعد شوية سمع خالد صوت ايمن
بص حواليه وشافه وهو بيشيش هو واياد ومعاهم بنتين
حب يعرفه انه شافه بس من غير ميحرجه فراح عنده
ايمن اول ما شافه ارتبك : خااالد انت بتعمل ايه هنا
خالد : انا هنا مع اصحابى ولما لقيتك هنا قولت اجى اقولك انى هنا ومتروحش عشان نروح سوا
ايمن بدأ يبلع ريقه : قشطة هستناك
خالد : ماشى ... ومشى رجع لاصحابه
*_____________________________________________**___________________________*
فى بيت فريدة ....
فريدة: ما تباتى معايا النهاردة ونروح الشغل بكرة سوا
نيرة: وهسيب ماما لوحدها
فريدة : مجتش من يوم
نيرة:لا يا فريدة مقدرش اسيبها لوحدها
فريدة : يا بنتى هى ليله وبعدين مش خالك اللى هو ابنها ساكن معاكوا فى نفس العمارة هتقلقى عليها ليه بقى
نيرة: طب استنى هكلمها استأذن منها
كلمت نيرة مامتها ووافقت
بعد شوية فيروز دخلت عليهم جيبالهم عصير وساندوتشات
فيروز: ماما بعتالكم الاكل ده وبتقولك يا نيرة كلى واكلى فريدة كويس
نيرة: هههههه حاضر هاتى الساندوتشات دى طيب عشان انا ميته من الجوع
فيروز ادتهالهم وقعدت تاكل معاهم وبعد شوية كانت خارجه من الاوضة
نيرة لفيروز:رايحه فين ما تخليكى قاعده معانا
فيروز: لااا انا عندى مذاكرة كتير هروح اشوف حماده عشان نذاكر سوا
دخلت فيرو اوضة احمد ولقيت ........ .....