حب لا ينتهى

الحلقة الثامنة عشر

فريدة (بـ ارتباك) : عبد الرحمن (اللى كان متقدملها) !! الحمد لله وانت ؟
عبد الرحمن: انا بخير الحمد لله
فريدة : سورى نسيت اعرفكوا ببعض عبد الرحمن ابن صاحب بابا ، خالد خطيبي
عبد الرحمن : خطيبك !!!!
خالد : اهلاً وسهلاً يا استاذ عبد الرحمن تشرفنا اتفضل
عبد الرحمن : لا متشكر انا بس حبيت اقول لـ فريدة مبروك والف حمد الله على سلامتك (ومشى)
خالد : انا شوفته قبل كده بس مش فاكر فين !!
فريدة : دلوقتى هياخد عنى فكرة وحشة
خالد : اشمعنى يعنى ؟
فريدة : اصله كان متقدملى وانا قولتله انى مش هتجوز خالص
خالد : يقول اللى يقوله ، ااااااااه ده اللى كان واقف معاكى فى يوم تحت بيتك وكان بيرغى كتير
فريدة : عرفت منين !!!
خالد : مانا كنت قاعد فى عربيتى تحت بيتك ؛)
فريدة ابتسمت بخجل
(بعدها خالد وصل فريدة للبيت ، وروح)
*_____________________________________________**___________________________*
بـــعـــد اســبــوعــيــن :
- خالد وفريدة اتخطبوا واتكتب كتابهم
- محمود وافق على كريم بس الخطوبة بعد فرح فريدة ، وارتبطوا قدام اهاليهم
- محمد ونيرة اتقرت فاتحتهم
- ايمن شبه حابس نفسه
- ولاء حضرت خطوبة خالد عشان تثبت لنفسها انها مش بتحبه
-عبد الرحمن بعت لـ فريدة ورد بمناسبة كتب الكتاب وقالها فى الكارت ( كان ممكن تقولى انك مرتبطه من غير تحوير وانا كنت هقدر عموماً ربنا يكملك على خير )
*_____________________________________________**___________________________*
فى بيت خالد :
(.خالد دخل على ايمن اوضته.)
خالد : بتعمل ايه
ايمن : بذاكر
خالد : طب ممكن اعطلك شوية
ايمن : اتفضل
خالد : بص يا ايمن ، كلنا بنغلط لاننا بشر مش ملايكة وانت غلطت بس مش معنى كده انك تفصل حابس نفسك
ايمن : يعنى اعمل ايه
خالد : ما تجى نبقى اصحاب نحكى ونفضفض لبعض
ايمن : ياريت يا خالد بس انت طول عمرك بتعاملنى انى العيل اللى لازم توجهه
خالد : مش انا قولتلك كلنا بنغلط انا غلطت وادينى بصلح غلطى ، ها موافق نبقى اصحاب
ايمن : موافق طبعاً
خالد : طيب هسيبك بقى عشان تشوف وراك ايه
ايمن : اوكى
خالد : كلم اياد ، اياد بيحبك وانتوا اصحاب هو كان خايف عليك
ايمن : حاضر هكلمه
خالد : ماشى (وخرج)
*_____________________________________________**___________________________*
فى شغل فريدة :
نيرة : عندى ليكي خبر حلو
فريدة : خير
نيرة : هتجوز
فريدة : بجد
نيرة : اه والله بابا قال ملوش لازمه الخطوبة والحاجات دى ، الشهر الجاى هنعمل شبكة وحنة وكتب كتاب وتانى يوم الفرح
فريدة : الف الف مبروووووووووك يا نيرة ربنا يكلمك على خير ياااااارب
نيرة : وانتى كمان يا قلبى ، هاا فرحك مش هتقدموه زى ما قولته
فريدة : ما هو الشهر اللى بعد الجاى يعنى بعدك بشهر
نيرة : كان نفسي نتجوز فى يوم واحد
فريدة : يا حبيبتى مش مشكله المهم اننا نكون مبسوطين
*_____________________________________________**___________________________*
فى بيت خالد :
ايمن : اذيك يا اياد
اياد : وحشتنى يا معفن
ايمن : وانت اكتر
اياد : متزعلش بقى والله كنت خايف عليك
ايمن : خلاص حصل خير ما تجى نخرج شوية
اياد : انا كنت رايح الكافيه العب بلياردو ما تجى
ايمن : خلاص انا جاى(ونزله)
فى كافيه :
كريم : يا احمد ما تكلم ابوك يا عم نقرا فاتحه ونلبس دبلتين
احمد : وهى هتفرق معاك فى ايه مانتوا شبه مخطوبين
كريم : يا سلام ، ع الاقل قدام الناس نبقى مخطوبين
احمد : فكك من الناس يا كريم انتوا كده كده شبه مخطوبين وبعدين فرح فريدة خلاص قرب بعدها اتجوزوا ولا حتى اتحرقوا محدش هيقولكوا بتعملوا ايه
(هنا جه ايمن ....)
ايمن : اذيك يا احمد اخبارك ايه
احمد : اهلاً يا معلم انا تمام وانت
ايمن : بخير . انا شوفتك فى الخطوبة
كريم : اه انا ابن خال احمد
ايمن : اهلاً وسهلاً طيب يا معلم انا قولت اجى اسلم
احمد : طب ما تجى تقعد معانا
ايمن : لاكون تقيل ولا حاجه
احمد : لا تقيل ولا حاجه
كريم : يا عم تعالى ولو معاك اصحابك هاتهم مفيش مانع
ايمن : اوكى هجيب صاحبى واجى
راح ايمن لـ اياد ....
اياد : انت تعرف دول منين !!
ايمن : انت تعرفهم
اياد : رد عليا بس
ايمن : ده احمد اخو فريدة خطيبة خالد وده كريم ابن خالهم ، تعالى اعرفك عليهم
اياد : لا ما هما عارفنى
ايمن : انا مش فاهم حاجه
اياد : ده اخو فيروز البنت اللى انا حبتها وهما رفضونى
ايمن : انت بتتكلم جد
اياد : اه والله بجد رفضونى عشان سألوا عنى وسمعوا كل ما لذ وطاب
ايمن : طب انا هروح اعتذرلهم
اياد: لا يا عم تعالى نروح وانا يعنى هخاف منهم
بعد ما راحوا .....
احمد بعصبية : انت بتعمل ايه هنا
ايمن : فى ايه يا احمد اهدى ، ده صاحبى
احمد : صاحبك !!
بعد ما قعدوا ......
ايمن : بص يا احمد انا عارف اللى حصل من اياد بس اياد فعلاً اتغير وشارى اختك و........
كريم : معلش يا معلم للمقاطعه ، بس سيرة فيروز مينفعش تجى ، اولاً لان احمد مش هيقبل سيرة اخته تجى كده .....
اياد: بس احنا مقولناش حاجه وحشة احنا بنتكلم فى خطوبة وجواز على سنة الله ورسوله
احمد : جواز !! ده بعينك انا معرفش ليه بكرهك لله فى لله كده
كريم : اهدى يا احمد واسمعنى يا اياد للاخر ، زى ما قولتلك احمد مش هيقبل ان سيرة اخته تجى فى الفاضية والمليانه ثانياً انا برضه مش هقبل ان سيرة خطيبتى حد يجبها وبعدين انت بتتكلم فى خطوبة وجواز قدام خطيبها فمينفعش
ايمن : هو انت خاطب فيروز !!
كريم : من اىام ما كنا اطفال
اياد : انا بعتذر ومتأسف وصدقنى دى اخر مره هجيب سيرتها حتى بينى وبين نفسي
كريم : تمام ، خلاص بقى يا احمد فُكها
(. وقعدوا يتكلموا ويهزروا وشبه بقوا اصحاب.)
*_____________________________________________**___________________________*
فى خلال فترة :
-نيرة ومحمد اتجوزوا وعاشت فى نفس العمارة اللى فيها مامتها
- فريدة كانت بتجهز لفرحها واستقالت من شغلها
-خالد كان مشغول بتشطيبات الشقة
- كريم وفيروز اتقرت فاتحتهم و لبسوا دبل
-احمد ارتبط ببنت جارتهم
- اياد مازال ملتزم
- ايمن رجع للعك والطيش تانى
- رغدة بتراقب ايمن من بعيد ونفسها ترجعله بس نزل من نظرها وخايفه منه