حب لا ينتهى

الحلقة الرابعة

فى شغل خالد ....
خالد : بقولك يا ادهم ( ادهم مهندس صاحب خالد ومعاه فى نفس الشغل )
ادهم : قولى يا سيدى
خالد : متعرفش حد بيشتغل فى مستشفى ( اسم المستشفى :D )
ادهم : حد ايه يعنى دكتور
خالد: اى حد ان شاء الله حتى عامل نظافة
ادهم : هههههههه للدرجة دى ليه يا ابنى
خالد : بص انا شوفت واحدة هناك عجبانى اوى وعايز اعرف اى معلومات توصلنى بيها
ادهم : مش يمكن دكتورة
خالد : هى دكتورة بس مش شغاله هناك هى كانت بتعمل فحص طبى
ادهم : اممممم متعرفش اى حاجه عنها
خالد :معرفش حاجه غير اسمها بالكامل ورقم الملف الطبى بتاعها
ادهم : ههههههه عارف انها دكتورة وعارف اسمها بالكامل ورقم الملف وبتقول معرفش عنها حاجه
خالد : يا عم هتساعدنى ولا لا
ادهم : يا معلم انا مهندس ومفيش دكاترة اعرفهم شغالين هناك متسأل محمد ابن خالتك مش هو دكتور اكيد يعرف حد
خالد مستناش واتصل بمحمد ابن خالته وسأله وحكاله نفس القصة اللى حكاها لادهم
محمد : انا ليا دكتور صاحبى شغال هناك بس ده دكتور باطنه
خالد: يا محمد ماهو اكيد يقدر يعرف اى معلومات بحكم انه شغال هناك
محمد: اوك ادينى رقم الملف واسمها
خالد اداله الاسم ورقم الملف وقاله : انا متأكد من الاسم بس رقم الملف ممكن يكون مش صح
محمد : اوك لو عرفت حاجه هكلمك سلام
*_____________________________________________**___________________________*
فى شغل فريدة ..
فريدة : ايه يا نيرة اخرك كده
نيرة : مكنتش جاية اصلا
فريدة : انا بكلمك طول الليل موبايلك مقفول
نيرة : انا كنت قفلاه عشان بابا ميكلمنيش
( نيرة عايشة مع جدتها مامت مامتها ومامتها متوفيه وهى تلت سنين وبباها اتجوز على طول ومن يومها وهى عايشة مع جدتها وهى اللى ربتها )
فريدة : هو لسه عايزك تروحى تعيشى معاه
نيرة : اعيش معاه ههههه ، بابا عمره ما كان عايزنى اعيش معاه اصلاً وان كان بيعزم عليا اروحله فده عشان يكون عداه العيب
فريدة : اممممممم
نيرة : عارفة يا فريدة انا عمرى ما حسيت انه ابويا جدتى هى امى وابويا واختى وصاحبتى ، انا مش فاكرة ماما اصلاً بس من صورها جدتى نسخه منها وانا معرفش اى ام او اب غير جدتى
فريدة : ربنا يخليهالك يارب
نيرة : يارب ، ماما دايماً بتقولى الميزة الوحيدة فى انى اتجوزت بدرى هى انى بقيتلك ام
فريدة : ربنا يخليكوا لبعض دايماً
نيرة : ابويا دايماً بقى يكلمنى عشان جايبلى عريس كلهم كبار فى السن ولو مش كبير يبقى ابن صاحبه يعنى جوازات كلها مصالح عشانه
فريدة : وهو كلمك امبارح عشان كده
نيرة : اه وانا قولتله ميكلمنيش تانى ومش عايزة اعرفه
فريدة ملقيتش حاجه تقولها فسكتت
*_____________________________________________**___________________________*
فى جامعة احمد وفيروز :
احمد : طيب يا فيروز انا هروح اقعد مع صحابي شويه لحد معاد السيكشن
فيروز : لا يا حمادة بلاش والنبي خليك معايا
احمد : فى ايه يا فيروز هو انتِ صغيرة
فيروز : خلاص يا احمد روح
فيروز راحت لاصحابها كان واقف معاهم بنت متعرفهاش
فيروز لاصحابها : يالا حظى بقى هقضى معاكوا الوقت لحد السيكشن ما يبدأ
البنت دى : ليه هو المُز نفضلك
فيروز : مُز !!!!!! هو مين حضرتك
هاجر(واحدة من صحاباتها) : دى رغدة لسه متعرفين عليها من شوية ودى فيروز
رغدة: هاى يا فيروز مين بقى القمر ده
فيروز: ده اخويا توأمى
فضلوا يتكلموا شوية وبعدين طلعوا السيكشن ....
اياد: هاااا يا رغدة عرفتِ عنها حاجه
رغدة: اسمها فيروز فى سنة تالته ومتفوقه ومحترمة وبباها دكتور ومش لونك خالص على فكرة
اياد : ايه الهبل اللى بتقوليه ده يا رغدة انا مالى متفوقه ولا محترمة مين الواد اللى دايماً معاها ده
رغدة: اخوها توأمها يا سيدى
اياد: اخوها !!!!!
*_____________________________________________**___________________________*
فى عيادة دكتور محمود:
التليفون رن ...
المُتصل : سلام عليكم يا دكتور محمود
محمود: وعليكم السلام يا مصطفى عامل ايه
مصطفى: زعلان منك انا مكلمك فى خطوبة بنتك من اكتر من اسبوع وانت مردتش عليا
محمود: والله يا مصطفى انا لسه مكلمها اول امبارح بس
مصطفى : هاااا وايه الاخبار مش خير
محمود : معلش يا مصطفى ادينى فرصة اسبوع بس
مصطفى : ماشي يا محمود بس يارب ماستناش على الفاضى
محمود : ان شاء الله خير
*_____________________________________________**___________________________*
بالليل فى بيت فريدة ...
محمود: مصطفى كلمنى النهاردة يا فاطمة ومعرفتش اقوله ايه
فاطمة: قوله ان البنت مش موافقة
محمود: طب ادينى سبب يخلينى اقول للرجل انها رافضه ابنه
فاطمة: اياً كان السبب يا محمود مش هنجوز البنت غصب عنها
محمود: وليه ميكونش بريضاها
فاطمة : وهو حد قادر يقنعها
محمود: المفروض دى مهمتك يا ام احمد
فاطمة : هحاول معاها تانى وربنا يسهل.......
دخلت فاطمة الاوضه على فريدة وفيروز كانت فيروز بتذاكر وفريدة قاعده فى البلكونة
فاطمة: ايه يا فيروز مبتذاكريش مع حمادة ليه
فيروز: ماليش مزاج
فاطمة: ايه الجزمة والشراب اتخانقوا هههههههه
فيروز: لا بس هو مش عايز يذاكر
فاطمة: طيب فين فريدة
فيروز: فى البلكونة
فاطمة : قاعدة لوحدك ليه يا حبيبتى
فريدة: ماهو فيروز بتذاكر واحمد على النت وحضرتك وبابا قاعدين مع بعض
فاطمة : طب انا جاية اقعد معاكى ولا عندك مانع
فريدة: لا يا ماما طبعاً اتفضلى
فاطمة : هو انتِ يا ديدا عمر كده ما كان فيه مشاعر ليكِ ناحية اى حد
فريدة: لا يا ماما انا متحكمة فى قلبى ومشاعرى
فاطمة : متحكمة ولا لاغيه
فريدة : اياً كان انا مرتاحة كده
فاطمة : بس احنا مش مرتاحين وعايزين نطمن عليكِ
فريدة : هو مفيش حاجه تتطمنكوا عليا الا الجواز
فاطمة: طب فهمينى يا بنتى السبب
فريدة : رغم انى قولتلك السبب مليون مرة بس هقولك تانى انا معنديش استعداد اظلم حد معايا واتعسه انا واحدة مريضة واقل مجهود بيتعبنى يعنى حتى لو اتجوزت ممكن مخلفش الفرحة الزايدة ممكن تموتنى والزعل الجامد ممكن يموتنى غير الادوية الغالية اللى مش اى حد يقدر على مصاريفها دى حياة حد يقدر يستحملها مهما كان مين ( وعيطت)
فاطمة: بس يا بنتى متعيطتيش
فريدة: مانتوا مُصممين تجرحونى بالكلام عن الجواز وتفكرونى بعجزى
فاطمة: متقوليش كده يا فريدة وبطلى عياط عشان خاطر امك
وحضنتها فاطمة ....
*_____________________________________________**___________________________*
فى الكافتريا .....
اياد: انا سألت على البت
ايمن: بت مين اللى حكتلى عليها امبارح
اياد: ايوة
ايمن: ههههههه انت لحقت ده انت واقع
اياد: يووووووه انا جزمة انى اتكلمت معاك يالا انت
ايمن: خلاص يا عم انت هتمثل كمل
اياد: الواد طلع اخوها وبيقولوا محترمة
ايمن : ماهى ياد محترمة فى الجامعه عشان اخوها معاها افهم يا جحش
اياد: ممكن بس المشكلة هصاحبها ازاى واخوها معاها فى الجامعه
ايمن: يا عم سهيلة صاحبها واتقابلوا بره الجامعه هههههه انت معقدها كده ليه

*_____________________________________________**___________________________*
فى بيت خالد ...
امينة: خالد محمد ابن خالتك على التليفون
خالد: ايوة يا محمد اذيك
محمد: تمام الحمد لله موبايلك مقفول ليه
خالد: تلاقيها الشبكة ، طمنى هاااا ايه الاخبار
محمد: صاحبى جاب اللى يقدر عليه من معلومات بس فى كام حاجه مهمة
خالد: يا عم انجز انا مستنيك من ساعة ما قفلنا
محمد : اسمع يا باش مهندس ............ .....