الليث المنتقم 2

part 21

جاسر و هو ينظر اليها : انتى اللى مالك ؟؟! حصل ايه ؟؟
ديما : مش عارفه
جاسر : يعنى ايه مش عارفه !!
ديما : حلمت بحاجه غريبه اوى
جاسر بتعجب : بايه قولى ..
ديما : حاضر هقول ..

عند كريم و امل داخل المستشفى
يقف الطبيب و يقول لكريم : مبروك يا استاذ المدام حامل ..
كريم بصدمه : اييييه ؟؟! ﻻ ﻻ
الطبيب بتعجب من ردت فعله : نعم !!
فوزيه : معلش يا دكتور هو بس فرحان جدا
الطبيب : اه طيب انا همشي
و خرج الطبيب من الغرفه و قال كريم بانفعال و غضب : ﻻ ﻻ انا مش عايز الطفل دا ... انا مستحيل اجيب طفل من الست دى تانى انا تعبت منها و مستحملها علشان بس روعه لكن موضوع الخلفه دا ﻻ ﻻ .. هو مش انتى قولتى انك مش هتخلفى .. انتى بتعملى كامين و بتدخلينى فيه بس خلى بالك يا امل انى عمرى ما هحبك انا مكرهتش حد فى حياتى ادك حطى فى دماغك ان كريم كان لروعه و روعه ماتت و كريم كمان مات معاها فاهمه ...
امل بحزن و انفعال و عيون مليئه بالدموع : كريم انت لحد امتى هتفضل كدا ؟؟! لحد امتى هتفضل مش قابل وجودى جمبك ؟؟! صدقنى انا حبيتك جدا و حبيتك كمان اكتر من روعه انت مش عارف انا بموت فى اليوم كام مره و انا شايفاك مش عايزنى او لما بسمع اسمها و انت نايم جمبى اه انت معايا بجسمك بس قلبك معاها هناك .. حتى بعد اما ماتت لسه بتفكر فيها .. حس بيا يا كريم و لو لمره واحده بس انا اقسم بالله بحبك .. روعه دى كانت ماضى و خﻻص انتهى انا الخاصر و المستقبل يا كريم ..
كريم و هو يصفعها على وجهها ﻻول مره : انتى ايه! لحد امتى هتفضلى انانيه و مش شايفه غير نفسك .. اللى انتى بتتكلمى عليها بالطريقه دى مش حبيبه جوزك بس .. دى كمان اختك .. انتى ايه .. انتى عايزه تعرفى ليه انا بفكر فى روعه و لسه بحبها حتى بعد موتها .. اقولك .. ﻻنها مش شبهك هى لو كانت مكانك عمرها ما هتقول الكﻻم اللى خرج منك دا روعه كانت بتحب الناس و مصلحتهم قبل حبها لنفسها و مصلحتها كان فيها شئ مستحيل تفهميه اسمه القلب الابيض الطاهر ... تعرفى انا لو مكانك هطلب الطﻻق فورا لما اعرف ان جوزى مش بيحبنى و بيفكر فى حد تانى .. اللى بيحب حد بجد مش بيشوف غير حتى لو على الموت .. و انا بحب روعه فوق ما تتصورى علشان كدا مشايفك و ﻻ هشوفك انتى ايه حسي بقى .. بقالى 3 سنين بجرح فيكى و انتى معندكيش و ﻻ احساس و ﻻ كرامه .. ايييه ؟؟!
امل ببكاء : مفيش كرامه فى الحب يا كريم .. انت جوزى و ﻻزم اقف جمبك و استحملك لحد اما تعدى الفتره دى على خير
كريم : الكﻻم دا كﻻم الناس الضعيفه بيقوله علشان يخفوا ضعفهم بيه و حطى فى دماغك ان روعه مستحيل تبقى فتره و هتعدى .. الحاجه الوحيده اللى كانت فتره فعلا هى ساعه جوازى منك على اساس انك روعه .. لما لمستك و محستش انك الشخص اللى بينبضله قلبى .. انتى الحاجه الوحيده اللى كانت فتره و ﻻزم تنتهى يا امل .. انا تعبت بجد من كتر الكﻻم مع واحده متعرفش يعنى ايه كبرياء .. انا بلعن نفسي فى كل يوم شوفت وشك على اساس انه وش روعه المﻻك البريئه اللى مستحيل تقتل نمله مش بنى ادم ..
امل : كريم كفايه ارجوك لحد كدا انا مقتلتش روعه هى اللى انتحرت ..
كريم مقاطعا : انتحرت علشان انتى رمتيها لواحد مفترى اذاها و تعبها و خسرها كل حاجه فى حياتها .. انتحرت فى كل مره كنتى فيها مبسوطه مع عيلتها و حبيبها و هى هناك شايفه الذل .. انتى بلسانك قولتى ان ليث دا كان عنده الاستعداد تقتلها بنفسه لو مكنتش انتحرت .. انتى بايدك سلمتى اختك للشيطان علشان بس متتأذيش ..
امل : طلقنى
كريم بدون تردد : انتى طالق
لتقف امل مصدومه من الذى حدث قبل قليل لتقول ببكاء : اييييه ؟؟!

عند ليث
يجلس على الاريكه و يتحدث على الهاتف مع شخصا ما و يقول له بالتركيه : اريد منك ان تنهى هذا الامر مساء اليوم افهمت ما اقوله لك ؟؟! حسنا الى اللقاء
و اغلق المكالمه مع الشخص و جاء مراد جلس بجانبه و قال له : انا نفسي افهم انت عايز تعمل ايه بالظبط
ليث : هتفهم كل حاجه بس مش دلوقت ... انت عارف ان انا مش بحب اقول اللى هعمل غير لما بعمله ..
مراد : طب قولى على اللى فى دماغك و انا هسكت
ليث بحده : مراد خﻻص بقى ..
مراد و فهم ان ليث لن يتحدث : تمام

عند امل
فوزيه بغضب لكريم : ايه اللى انت بتقوله دا يا كريم انت اهبل ...
كريم : خﻻص بقى يا ماما انا و الله العظيم زهقت و قرفت مش هقدر اكمل بالشكل دا مش هقدر اجى على نفسى كتير .. انا تعبت و خﻻص مبقاش عندى طاقه انى اكمل و استحمل انا قولت يا واد استحملها علشان دى بردو ام بنتك استحمل بس مش قادر انا زهقت منها و من تبريرتها اللى ملهاش اى معنى و تعبت من كتر الكﻻم معاها و هى عايزانى  انسي روعه طب قوليلى انا لو نسيت لروعه هعيش لمين ممكن اعرف .. انا مش كريم انا حد تانى محدش يعرفه و ﻻ انا كمان اعرف كريم الجديد دا بس هو بقى مش بيفكر غير فى اللى يسعده و بس مش هيجى على نفسه تانى علشان اى حد مهما كان هو خﻻص مبقاش فارق معاه انه يخسر ناس او ﻻ المهم انه ميخسرش نفسه .. امل انا همشي دلوقت و حطى فى دماغك الجمله دى و افهميها كويس كريم مخلوق علشان يكون مع روعه و بس .. كريم محبش حد فى حياته غير روعه و مستحيل يحب بعدها ﻻنها ببساطه كانت حاجه متتنسيش .. سلام
فوزيه : كريم .. انت يلا .. كريم
لم يستمع كريم الى منادات امه له و رحل عن المستشفى بالكامل ....

بعد ان خرج كريم جلست امل على الارض و ظلت تبكى بحرقه شديدهه و تقول : هو ليه مش عايز يصدق ان اللى حصل لروعه دا كان غصب عنى .. ليه مش عايز يفهم انى عايزاه و عندى استعداد اتغير علشانه ... مش بس روعه اللى كانت بتحبه .. انا كمان و الله العظيم بموت فى التراب اللى بيمشي عليه عمرى ما حسيت بالامان غير و انا معاه .. اول مره انام و انا مطمنه من ساعه موت بابا كانت و انا جمبه بتمنى انه يسامحنى عاملت حاجات كتير اوى علشان ينسي اللى عاملته او على الاقل يكون ليا مكان صغير فى حياته بس مفيش انا و الله العظيم تعبت و مش قادره اعمل ايه طب علشان يسامحنى
فوزيه و هى تجلس على الارض بجانب امل و تمسح لها دموعها : بس يا بنتى كفايه حرام علشان اللى فى بطنك .. كريم هيرع اول اما يحس انه هو اد ايه بيحبك انا عارفه كريم ﻻزم يضيع من ايده الحاجه علشان يفوق و هو ضيعك سبيه بقى يدور عليكى و يلاقى و يعرف قيمتك بس ساعتها خدى حقك اه هو ابنى بس انا مش هساعده فى دمار حياتك .. امل جايز انا اول مره اقولك الكﻻم دا بس بجد هو طالع من قلبى امل انا بحبك زى بنتى بالظبط و هقف جمبك انتى و روعه و اللى فى بطنك يلا اومى علشان نروح البيت
امل : بيت ايه يا طنط دا طلقنى
فوزيه : حتى لو دا بيتك انتى و عيالك يلا اومى
امل : بس يعنى
فوزيه : مفيش بس يا امل يلا اومى
امل : حاضر
و نهضت امل مع فوزيه و ذهبت الى منزلها
......................................................
و بكدا يكون البارت دا خلص يا ريت لو عجبكم منسوش التصويت و تعليق برايكم بااااى