الليث المنتقم 2

part 25

جاسر : ﻻن انا مازن .. مازن الحديدى او المرحوم مازن .. اخوك
ليث بصدمه كبيره جعلته يفقد السيطره على نفسه و يسقط و يجلس على الكرسي و يقول : ايييه !! انت اكيد كداب اوﻻ مازن مات من حوالى اربع سنين و كمان دفناه و تانى حاجه انت مش شبه مازن فى و ﻻ حاجه ابدا حتى الشكل مش مازن اخويا .. انت مش مازن و هى كمان مش روعه انتو شله حراميه و كدابين و انا هسجنكم كلكم
جاسر بسخريه : طب ابسطهالك لو حليت لغز انا ازاى مازن هتعرف تحل لغز هى ازاى روعه
ديما ببكاء : هو انتو مجانين و ﻻ ايه انتو مين و عايزين ايه منى حرام عليكم و انت يا ريتك ما ساعدتنى فى يوم الحادثه و كنت سبتنى اموت انا و ابنى على الاقل مكناش هنشوف كل الحاجات دى انت مين و عايز منى ايه بالظبط
جاسر بسخريه : انتى روعه اقسم بالله انتى روعه جابر مرات ليث الحديدى الراجل الواقف اودامك دا و هو كمان ابو فهد
ليث و هو يلكمه بشده و يظل يضربه : انت ايه يا اخى شيطان ابليس مازن مكنش كدا مازن كان فيه طيبه و حنيه مش فى حد مازن كان مستحيل يعمل اللى انت عاملته مستحيل يدمر اخوه .. مستحيل يأذى صاحبه و اخوه و اهم شخص فى حياته مستحيل
جاسر : اه فعلا انا مكنتش كدا انا مكنتش قاسى للدرجادى بس انتو السبب انتو اللى خليتونى امشي فى طريق مش بتاعى خليتونى اعيش حياه و احمل اسم مش بتوعى خليتونى اكره كل حاجه فى مازن و اقرر انى انتحر .. كرهت نفسي و البركه فيكم و لو مش مصدقنى ابعد عنى و انا هحكيلك كل حاجه من البدايه و عندى الدليل على كل كلمه بقولها
لتدخل فريده و تقول بخوف و ترى ليث فوق جاسر و يلكمه : سيبه يا ليث انا المذنبه الوحيده فى القصه انا اللى عاملة كل حاجه مش هو
ليث بصدمه : ايه ماما !! انتى اللى عاملتى كل دا انتى كنتى عارفه ان مازن كان عايش و ساكته و كنتى عارفه ان جاسر هو هو مازن و مخبيه عليا طول الفتره دى .. كلكم عايزين تدمروا ليث .. كلكم بتكرهوه للدرجادى هو مفهوش حاجه واحده حلوه على الاقل طب دا انتو الناس الوحيده اللى مستحيل اصدق انهم فى يوم يقتلونى
فريده مقاطعه : استنى يا ليث مازن عايش !! فينه !!
ليث : انتى هتكدبى ما انتى قولتى ان انتى اللى عاملتى كل حاجه من الاول
فريده : ايوا انا قولت كدا بس كان اصدى
ليقاطعها جاسر و يقول لليث : انا هحكيلك ﻻن احنا شكلنا وصلنا لنهايه القصه و ﻻزم كل شئ يبان انا عمرى ما فكرت ان نهايه قصتى تكون كدا اسف
ليث بنفاذ صبر : ما تنطق هو انت لسه هتعمل مقدمه جاسر : تمام ... الحكايه بدأت يوم ما قررت انى اتقدم لامل و روحت قولت لبابا بس رفض قالى انه مستعد يجوزنى اى بنت الا امل و لما سألته عن السبب زعق و مقالش اى حاجه تانيه روحت مع ابو جاسر و جاسر الحقيقى و ليث بس امل رفضتنا و اهانتنى جدا اودامك و اودام نفسي و قالتلى انها مستحيل تتجوز ابن الراجل اللى حرمها من امها و اختها روحت و مكنتش طايق نفسي خالص اتخانقت مع بابا لما رجع من السفر بعدها ب 3 شهور و حاولت انتحر و قطعت شريينى و انت دخلت عليا و انا كنت خﻻص اغمى عليا و اتنقلت للمستشفى و بالصدفه لقيت ان الدكتور هو هو ابو جاسر انا جالى انهيار و قولتله اقتلنى سيبنى اموت و ارتاح قالى مين قالك ان انت هترتاح لما تموت بالعكس انت كدا هتموت كافر و تدخل جهنم ترضى انك تحزن دنيا و اخره قولتله ﻻ طبعا قاالى خﻻص بﻻش موت و عيش حياتك امل مش نهايه الدنيا انا مقتنعتش اتصدمت لما قالى ان جاسر عايش على الاجهزه بقاله شهر و نص و انه ممكن يعملى عمليه فيس اوف يعنى نقل وش و انى بكدا هعيش و انا جاسر مش مازن و بكدا اعرف مين هيزعل على موت مازن و مين هيكمل حياته عادى و ﻻ كأن مازن كان موجود انا وافقت و عملت العمليه و خرج و قالكم ان مازن خﻻص مات و اخدتوا جثه جاسر على اساس ان هو انا ﻻنه كان بوشي انا من ساعتها و انا عايش جاسر و دخلت حياتك يا ليث حاولت امنعك عن الانتقام بس مقدرتش و كمان اللى زاد وجعى انك كنت عايز تنتقم من روعه مع انك بتحبها بجنون قررت انى اخدها و اهرب علشان احميها و احميك و عاملة تمثيليه انها ماتت و هى عايش و عملتلها نفس العمليه و طبعا كنت متفق مع ماما فريده و روعه و اكتشفت انها حامل اخدتها و سافرت تركيا و بعد فتره عملت حادثه و فقدت الذاكره قررت انى مقولش ليها اى حاجه و تعيش حياه تانيه احسن من اللى كانت عايشاها مكنتش عايزها تعيش حياه وحشه مفكرتش انك هتخرج و تيجى و كل دا هيحصل .. فهمت بقا
روعه بصوت ضعيف جدا يكاد يسمع : الحقنى
ليركض ناحيتها ليث بخوف شديد و هو يقول لها : روعه روعه .. روعه فوقى ارجوكى .. روعه انا مستحيل اسمح انى اخسرك تانى روعههه
ليتصل جاسر بالاسعاف و يقول بالتركيه : الو اريد سياره اسعاف حالا ارجوك حسنا سوف ارسل لك العنون حسنا انتظركم
و اغلق المكالمه و قال لليث : ابعد بس كدا شويه علشان اشوفها
ليث و هو يبتعد عن روعه : جاسر ارجوك ساعدها معنديش حد غيرها اعيشله
جاسر بأسي : انت لسه مش مصدق انى مازن صح !!
ليث : اه
جاسر : ازاى مصدق انها روعه و مش مصدق انى مازن.. طب ثانيه فى الرجل اليمين لمازن من خمس سنين لما كنا مسافرين المصيف وقعت عليا كوبايه الشاى و سابت علامه ثانيه واحده
و رفع مﻻبسه قليلا ليجد ليث ذالك الحرق حقا و فريده تقف مصدومه بشده و ﻻ تتحدث ليسحبه ليث بقوه ناحيته و يحتضنه و يقول ببكاء : مازن حبيبى وحشتنى وحشتنى اوى اوى حرام عليك كل دا و متقولش انك مازن .. ﻻ ﻻ انا مش مصدق انت مازن بجد ﻻ ﻻ انا بحلم صح بحلم يا رب مش اصحى من الحلم دا طول عمرى مازن .. وحشتنى
مازن : خﻻص يا ليث اهدى اما نشوف روعه الاول
ليث : اه صح روعه الحمد لله يا رب اشكرك من كل قلبى بجد
مازن و هو ينظر من النافذه : عربيه الاسعاف جت
ليحملها ليث و يذهب بها الى سياره الاسعاف و يتم نقلها الى المستشفى و بعد مده تستيقظ روعه و تنظر حولها و تجد ليث يجلس بجانبها و يمسك يدها و يقول بحب : روعه الحمد لله كنت خايف عليكى اوى
روعه و هى تبتعد عنه : ابعد عنى انت مين و عايز ايه انا حلمت بيك مره
ليث : بجد حلمتى بايه
روعه : حلمت و انت بتضربنى و انت بتعذبنى و انت بتتجوزنى بالغصب و انت بتدمرنى انت عايز ايه تانى
ليث بأسي : روعه انا بجد اسف جدا على كل حاجه و مستعد اصلح كل حاجه انا عملتها
روعه : بجد
ليث و هو يمسك يدها : ايوا طبعا
روعه : مش مصدقه و ﻻ كلمه من اللى بتقولها
ليث : طب اطلبى اى حاجه و انا هنفذها على طول
روعه : طلقنى
ليث بصدمه : نعمممم !!!

و بكدا البارت خلص يا ريت رايكم عليه و ادعمونى بتصويت و تعليق برايكم بااااى