عند ليث داخل الغرفه
يقف ليث على الكرسي و يضرب النافذه لكمات بكل قوته .. ظل يضربها حتى نزفت يده و لكن لم يتوقف ظل يضرب حتى كسر الزجاج و على الزجاج اثار دمه و نزل ليث من على الكرسي ليدخل عليه اسلام و يقول له بغضب شديد : انت بتعمل ايه ؟؟ انت مجنون ايه دا ؟؟ فين عقلك .. ليييث
ليث بغضب و حزن : طب عايزنى اعمل ايه و الكوبايات خلصت و انا عايز اكلم روعه .. كله بسبب جاسر تعرف لو كان جاسر مكنش موجود لكنت كلمت روعه .. هو ليه مش عايزنى معاها ؟؟؟ هو بيحبها مش كدا ؟؟ اه اه اكيد جاسر بيحبها لانه لو مكنش بيحبها مكش فرقنى عنها بالشكل دا روعه ماتت علشان جاسر كلمها .. تعرف لو مكنتش اتكلمت معاه كانت دلوقت معايا كوبايه و اقدر انى اكلمها كان ممكن متموتش و مكنتش انا هنا .. كله بسببه انا عايز اكلم روعه ارجوك اسمحلى اكلمها لاخر مره .. ارجوك متعملش زيهم ارجوك يا اسلام
اسلام باسي : طب تمام كلمها بس عشر دقايق مش اكتر تمام ؟؟
ليث بشبه فرحه : و انا موافق على عشر دقايق
و خرج اسلام من غرفه ليث و دخل الى غرفته
عند ليث ....
يقترب من صوره روعه و يلمس وجهها و يقول بحزن ممذوج بحب : واحشتينى .. واحشتينى اوى يا روعه ليه روحتى و سببتينى لوحدى ؟؟ انا عارف انى غلطان جدا انى مصدقتكيش من الاول .. بس انا كنت معذور .. حطى نفسك مكانى.. واحده شبه اللى قتلت اخوكى بالظبط اكيد هتصدقى انها هى حتى لو مش هى .. انا اسف .. ارجوكى ارجعى انا بحبك .. مش عارف اكمل حياتى من غيرك .. ارجوكى ارجعى و ادينى فرصه تانيه اصلح بيها كل اللى فات دا ... روعه ارجوكى انتى ساكته ليه ؟؟ اتكلمى معايا قوليلى انك بتحبينى انتى كمان .. قوليلى عايزاك .. طب قوليلى مسمحاك .. قوليلى سامحتك ... يلا قوليها ... ارجوكى قوليها انتى متعرفيش انا بموت اد ايه كل اما افتكرك و افتكر اد ايه اناا كنت ظالمك .. انا بحبك ... و هفضل احبك لاخر نفس فيا.. بحبك اشوفك فى الجنه يا احلى ملاك كان نازل علشانى الدنيا .. و معرفتش احافظ عليه .. انتى فعلا نعمه كبيره اوى عليا .. كبيره لدرجه انى معرفتش اصونك انا اسف .. لو ليا خاطر و لو صغير عندك سامحينى عقبال ما اجى عندك و اعتذرلك بنفسي .. ااااااا انا تعبان اوى يا روعه .. تعبان اوى بجد .. انا محتاجلك مكنش ليا غيرك فى الدنيا دى و اهوه انتى كمان روحتى مع اللى راح .. طب قوليلى مين من بعدك هيستحملنى .. مين بعدك هيكون سبب ضحكتى .. ميين .. ارجوكى اوعى تسبينى .. روحتى يا اطيب قلب فى الدنيا و احن قلب بعد قلب امى ... انا مش قادر من بعدك استحمل .. ليث خلاص ادمر يا روعه و موتك هو السبب فى دمارى .. متسبنيش ارجوكى انا لسه عايش على امل انى هشوفك تانى .. انا واثق من دا جدا .. انا عارف انك عايشه .. بس هما فاكرين انك ميته و فاكرنى مجنون .. مش مصدقينى ابدا .. بس كفايه ان انا اكون مصدق نفسي و مصدق احساسي .. انا عارف انك عايشه و هترجعيلى علشان اشوفك و اخدك فى حضنى و ابكى على صدرك و اشكيلك همى و كل اللى وجعنى .. سلام مؤقت يا احلى ملاك كان على هيئه بشر
و ظل ليث يبكى بحرق شديده جدا و يجلس على الارض و معه صوره روعه و ينظر لها و يزيد من بكاءه ...
......................................................
عند اسلام ...
يجلس على كرسيه و يضع يده على كامل وجهه و يمسح دموعه التى سقطت من كلام ليث لروعه و يقول لنفسه : خلاص يا اسلام انت دورك تقوى ليث مش تكون سبب فى ضعفه يلا امسح دموعك و خش هدى ليث .. يلا قوم
و نهض اسلام من على الكرسي و خرج من الغرفه
......................................................
فى تركيا عند ديما و جاسر
تجلس ديما تشرب القهوه خاصتها و تقول لجاسر الذى يمسك فهد و يلعب بشعره و يقول له : ايه دا انت قمر بردو و انت منعكش يا لهوى
فهد بثقه : انا قمر فى كل حالاتى على فكره
جاسر : اه اكيد ما انا عارف ما علشان كدا البنات بتجرى وراك انتى و مش معبرنى خالص
ليث بغرور : خلاص يا عم مش همشي معاك علشان يعبروك بس يا خوفى ليميتغيرش حاجه و تكون انت السبب مش انا
ديما بغضب تقول ليث : فههههد عيب كدا .. اتكلم مع جاسر كويس و احترمه اكتر من كدا هو مش صغير فهد : بس يا مامى انا بهزر مش كدا يا اونكل
جاسر مدافعا عن فهد: فعلا يا ديما هو معملش حاجه غلط احنا كنا بنهزر
ديما : افضل دلعه انت بس كدا
جاسر : انا مش بدلعه .. انا بدافع عنه علشان هو فعلا معملش حاجه غلط علشان تزعقى بالشكل دا
ديما بغضب اكثر : لو سمحت ملكش دعوه بطريقتى مع ابنى ..
ثم وجهت كلامها الى فهد : يلا بقى روح على اوضتك فهد بحزن : بس انا عايز العب مع اونكل شويه
ديما : يلا قولت روح على اوضتك حالا
ذهب فهد الى غرفته و هو حزين جدا و على وشك البكاء .. قال جاسر لديما : مالك يا بنتى ؟؟ الولد معملش حاجه لكل العصبيه دى ..
ديما بحزن شديد : انا مش عارفه مالى .. انا عايزه اقولك على حاجه مهمه و تقريبا هى دى اللى عامله العصبيه
جاسر باستغراب : ايه هى دى !!
ديما : انت عارف ان كمان اسبوع التخرج
جاسر : اه عارف و دا مزعلك فى ايه ؟؟!
ديما : دا مش مزعلنى دا خلانى متوتره اوى اوى جاسر : لا متتوتريش .. يا عم كلها كام يوم و تبقى احلى ظابط فى الدنيا
ديما : شكرا بجد يا جاسر انا مش عارفه من غيرك كنت هعمل ايه
جاسر بمرح : كنتى هتعملى حاجه حلوه
ديما : انا بتكلم جد على فكره
جاسر : و انا و الله بتكلم جد عايز اكل حاجه حلوه ديما : طب اطلب
جاسر : انا ممكن اقولك حاجه مهمه
ديما : ههههه انت كمان .. اتفضل
جاسر : انا عايز اخطب بنت
ديما : الله الله انت كبرت و عايز تتجوز يا ترى مين اللى امها داعيه عليها دى
جاسر : انا بتكلم جد و الله مش بهزر
ديما : تمام يا سيدى قول مين دى ؟؟
جاسر : انتى عارفاه كويس جدا
ديما : انا اعرفها ازاى يعنى ؟؟!
جاسر : البنت دى قريبه منك اوى
ديما : دا اللى هو ازاى قول اسمها يلا
جاسر : هى اسمها .. اسمها ...
......................................................
عند ليث ..
دخل اسلام الغرفه عند ليث و وجد ليث يجلس على ركبته و يغطى وجهه و شعره بيده و يبكى بحرقه .. قال اسلام :ليث !! اهدأ شويه .. انا عارف ليث القوى مش ليث الضعيف .. اوم يا ليث يلا ارجوك ..
انا حاسس بيك و الله .. ليث اوم يلا
ليث ببكاء و وجع : انا تعبت جدا يا اسلام و الله .. انا حاسس انى ميت كل الناس اللى فى حياتى دمرونى .. ابويا كان همه الفلوس و بس .. اخويا خلانى عايز انتقمله و بس .. صاحبى كسرنى و اخد الحاجه الوحيده الحلوه اللى فى حياتى .. كل الناس عايزه تموت ليث و بس عرفت بقى انا ليه بيعيط .. عايزنى بعد كل ابقى قوى و متهزش .. انا اساسا انهارت من زمان جدا بس انت اللى مش واخد بالك ... انا مش ليث .. انا بقايا ليث مش اكتر .. انا ميت اساسا يا اسلام
و زاد من البكاء و الصراخ .
اسلام : خلاص يا ليث اهدأ ارجوك .. اهدأ .. طب اللى انت عايزه انا هعمله انت عايز ايه ؟؟! قول عايز ايه طب
ليث : اللى انا عايزه صعب
اسلام : هو ايه اللى صعب قول
ليث : انا عايز اخرج من هنا
اسلام : نعمممممم !!!
......................................................
يا ترى مين البنت اللى بيحبها جاسر ؟؟ و مين اساسا جاسر دا ممكن يكون هو هو صاحب ليث ؟؟
و يا ترى ليث هيخرج من المستشفى و لا لا ؟؟
و بكدا انتهى البارت ... و لو عجبكم البارت دوسوا تصويت و اكتبوا تعليق .... بااااى
أنت تقرأ
الليث المنتقم 2
Roman d'amourعندما يتلقى الانسان الكثير من العذاب و القسوة يصبح مثل الحجر و لا يشعر .. و يعود كى ينتقم دائره الانتقام لا تنتهى ☆☆☆ الجزء التانى من روايه الليث المنتقم
