الملاك التائه

البارت الاول

في دار الاوبرا
★كانت تجري في الممرات بسرعة فهي متاخره عن درس الموسيقي في الاوبرا كعادتها ،كانت تجري بسرعة حتي انها لم تلحظ الشخص الذي اصطدمت به
ماليكا بالم: ااااه انا اسفه اوي بجد ماخدتش بالي
مالك: ماليكا اهدي في اي انا مالك اخوكي
ماليكا : سوري مالك اصل مستعجله يلا اشوفك بعدين بااي (بعد ان تركته وذهبت بسرعه)
مالك بصوت مسموع: مالها دي دايما متاخره كدا
★بعد مده ليست قليله ★
وصلت ماليكا الي قاعة الخاصة بدرس الموسيقي لفرقتها
ماليكا باسف وهي تدق الباب: مستر عبدالله انا اسفه بجد عشان التاخير دي اخر مره والله
مستر عبدالله بسخريه: اخر مرة اي يا ماليكا انا من اول ما اتعينت مشفتكيش جايه مره بدري المهم يلا ادخلي بس تبقي تعرفي اي اللي فاتك وتاخدي مواعيد البروفات عشان اتغيرت
ماليكا بفرحه: بجد اتغيرت حاضر هاخودها واكملت بصوت خافت( بس يارب تكون متاخر شويه مش الصبح بدري كدا)
عبدالله: بتقولي حاجه يا ماليكا؟!
ماليكا بارتباك: هاا لا ابدا داخله اهو!
دخلت ماليكا بسرعة الي حيث تجلس صديقاتها واختها
آش صديقه ماليكا بصوت خافت: اي يا بت اول مرة تيجي بدري يعني؟؟!
ماليكا بنفس النبرة: بدري اي انا لسه داخله قدامك اهو انتي اتعميتي ؟؟
آش : لا انتي جاية نص ساعة بدري النهارده
ماليكا بسخرية وغضب: ها ها ها خفه اسكتي بقى خلينا نسمع اي حاجه
طمطم: الا قولي لي يا بت يا ماليكا تعرفي البنتين الجداد معانا هنا في الاوبرا؟
ماليكا باستغراب : جداد لا معرفش مشوفتش!! بس اوك لما نطلع نبقا نعمل تحري عنهم
طمطم : ماشي يا ختي لما نشوف تحرياتك المهببه
ضحكت ماليكا بصوت خافت
*__*__*__*__*__*__ *__*
في مكان آخر وبالتحديد في شركات الاسيوطي في مكتب اقل ما يقال عنه انه شديد الفخامه مظهره يعبر عن مالكها نعم هو احمد الاسيوطي (والد يوسف الاسيوطي)
كان يجلس علي مقعده الوثير بكبريائه وقوته المعهوده يأمر العامل بتعالي
احمد الاسيوطي: عاوزك تبعتلي القهوه بتاعتي علي مكتب مروان بيه بعد نص ساعه
العامل برسميه : حاضر يا فندم اي اوامر تانيه
احمد: لا!!
العامل باحترام: تمام يافندم عن اذن حضرتك
اشار له احمد الاسيوطي بكبرياء حتي يرحل العامل ...بعد خروج العامل اسند راسه علي حافه الكرسي من الخلف بشرود
*********************
في شرطة المخابرات المصريه ..كان يجلس بمكتبه وعلي كرسيه يضع قدما فوق الاخري ينظر للمرتعب الذي امامه بهدوء واستمتاع
الرجل برعب وكذب: ووووووالله يا بيه ما اعرف حاجه
يوسف بهدوء: لا تعرف يا حسنين منا لو متاكد انك متعرفش مكنتش هتقف الوقفه دي
حسنين بذعر: يا بيه منا لو قولت هيموتوني يا بيه وانا عندي عيال و عايز اربيهم
يوسف ببرود: منا عارف بس ممكن اضمنلك الحمايه بس بشرط
حسنين : شرط اي يا بيه؟؟
يوسف : انت هتستهبل ياله انك تقول كل اللي تعرفه
حسنين : حاضر هقول هقول !
يوسف ببسمه انتصار : حلو اوي وانا سامعك
******************************
اسدل الليل ستائره وغابت الشمس
كانت ماليكا تقود سيارتها بعد ما غادرت من الاوبرا
وانهت بروفاتها
كانت تقود بشرود افاقت منه علي اصوات مكابح سياره اخري كانت علي وشك الاصطدام بها لكن السائق الاخر تفاداها بحرافيه
السائق بعصبيه :مش تفتح يا اعمي
ماليكا بعصبيه : انت مجنون انت مش عارف انا مين ولا اي ؟
السائق : انا قولت اكيد واحده ست
ماليكا : ما لهم الستات بقا انشاء الله وبعدين احترم نفسك انا هوديك في داهيه مين انت ولا عيلتك مين عشان تكلم ماليكا الالفي بالطريقه دي
السائق بفخر :انا يوسف الاسيوطي اكفأ ظابط مخابرات في الداخليه كلها
ماليكا بسخرية : ها حصلنا الرعب دا انت اخرك مخبر
يوسف بغضب : انتي ازاي تكلميني كدا دا انا هوديكي ورا الشمس
ماليكا بسخرية اشد : مش بقولك حصلنا الرعب اي هتوديني للظابط بتاعك يسجني ارجوك بلاش عشان بخاف !
يوسف بعصبية شديده : هنشوف هتعملي اي لما ارزعك ١٥يوم علي زمة التحقيق بس عشان تبقي تتعلمي فيهم الادب وكمان ١٥يوم عشان تفتحي وانتي سايقه
ماليكا بسخرية : وريني هتعمل اي
يوسف بنبره كالفحيح :اوعدك هتشوفي
ماليكا بنفس النبرة : اوعدك اني انت اللي هتشوف مش انا
*********
#يتبع
#يا تري هيحصل اي ؟
#ومين اللي هيأذي التاني ؟
وابو ماليكا هيكون رد فعله اي ؟
#الملاك التائه