الملاك التائه

البارت ٣٨

انا مقدرش ابعد ثانية .. انا بعدك مليش في الدنيا ..يا اول حب عاش قلبي معاه ..الايام بقت مش ليا ياريت ترجع وحشت عنيا .. حياتي في بعدك انت مش حياه .. ناسيني ليه بتتعب قلبي وياك 💔🍂

آدم بغضب وهو يجذب ماليكا خلف ظهره : انتوا مجانين .. مين دي اللي اختها يا ست انتي
اتجه مروان نحوه بغضب وامسكه من تلابيب قميصة : احترم نفسك واتكلم باحترام بدل ما ادفنك هنا اللي قدامك دول اهلها وهناخدها تعيش وسط عيلتها انت فااااااااهم
نزع آدم يد مروان ببرود ثم اردف : دا بعدك دا انا مستحيل اسيبك تاخد مراتي انت فاهم
نظر الجميع له بصدمه حتي ماليكا لكنها فضلت الصمت !!
حسام بصدمه : مراتك ازاي !؟
آدم بسخرية : اي مش عارف يعني اي مراتي ؟
آش باندفاع ودموع : اخرس يا حيوان ماليكا متجوزة
آدم بثقة : تقصدي مطلقة
ماليكا لآدم بصدمه : مطلقة !!
آدم بتوتر : اه يا روحي انتي كنتي متجوزة واطلقتي
ماليكا : وانت كنت عارف ؟!
آدم : اه امال انا جبتك هنا ليه ؟
ماليكا بدموع : يعني دول اهلي فعلا !؟
آدم بخبث : اه اهلك .. ممكن اسيبك تقعدي معاهم اسبوع تشوفيهم اكيد وحشوكي بس هاجي اخدك تاني .. ثم تركها ورحل بثقة وبرود
اما ماليكا نظرت نحو ملك بدموع ثم قالت : انتي اختي ؟!
امائت لها ملك بايجاب فاندفعت ماليكا لاحضانها وانفجروا الاثنين في بكاء حاد استمر لدقائق ثم خرجت من احضانهم ونظرت خلفها واشارت لهم ونظرت لملك : ودول مين ؟!
مراد بغموض : تعالوا هنتغرف في البيت وانتوا هتباتوا معانا (صحاب ماليكا ومروان واحمد وسامر)
ثم ركبوا سياراتهم واتجهوا لقصر الالفي ..
في داخل القاعة ..
كان كل هذا تحت انظار يوسف الحزينه والمشتاقه والمتوعدة .. كل هذا خطر بباله واقسم ان يعيد المياه لمجاريها حتي لو اضطر للوقوف في وجه العالم اجمع !!

في قصر الالفي ..

دخلوا جميعا القصر واوصلت ملك ماليكا لغرفتها لتبديل ملابسها ونزلت لاسفل وجدتهم مجتمعين في غرفة الصالون ومغلقين الباب عليهم ..
ملك بحدة : ممكن بقا افهم كل حاجة من طأطأ لسلامو عليكم
حسام بتنهيدة : اسمعوا .. يوم الحادثة في ترلة كبيرة دخلت غلط في عربية ماليكا طبعا دا كان مقصود .. ولما انتوا اغم عليكوا و احنا وصلنا لقينا ماليكا مفقودة دا معناه ان المقصود هنا كانت ماليكا بالتحديد
مراد بتكملة : بس دا مش معناه ان انتوا كدا في السليم بالعكس دا انتوا كمان كنتوا مقصودين وبردو كنتوا في دايرة الخطر يعني انتوا كمان كان المفروض تموتوا معاها .. بس الراجل المكلف بقتل ماليكا عشان يأكد الخبر للريس الكبير بتاعه ان ماليكا ماتت حب يرميها في النيل بس لحسن حظنا .. في حد شافه ولحقوا واخد ماليكا معاه علي لندن
آش : يعني الراجل اللي كان معا ماليكا في الفرح دا هو اللي انقذها ..
مروان بتأكيد : ايوا و احنا بقا عاوزين نعرف منه ليه اخدها علي لندن .. وبين الراجل المكلف بقتل ماليكا
ناني بدموع : وانتوا عرفتوا كل دا ازاي !؟
حسام : كل دا كان خطة مراد ويوسف .. احنا عرفنا مكان ماليكا من الچي بي اس في العربية .. ولما وصلنا لقينا دم علي الدريكسيون ومكان السائق فاضي وبعدين لما اتحرينا عن الموضوع وعملنا تحاليل دي ان اي اكتشفنا ان دم ماليكا هو اللي موجود ولما فتشنا العربية وفككناها وكدا لقينا تسريب بنزين والفرامل مفوته اكيد كل دا علي عربية دفع رباعي مش صدفة يعني ..
مراد بتكملة : وفيه راجل طيب بيشتغل عامل نظافة كان معدي وشاف كل حاجة بس خاف يدخل لانه عارف الراجل اللي كان هيقتل ماليكا وانه قتال قتلة وعليه اكتر من قضية و كدا بس لما شافنا جري علينا وحكالنا كل حاجة فا روحنا المطار عشان نراجع مواعيد الطيارات والاماكن و كدا ..اكتشفنا ان طيارة المليونير آدم نابولسي الخاصة بس هي اللي طلعت لندن في اليوم دا ..
مروان بابتسامه فخر : ويوسف بقا كمل الباقي كله لوحده .. بعت الدكتورة سحر دي دكتورة في مستشفي آدم الخاصة هنا في مصر عملها كلب تخويل لندن وفعلا سافرت هناك في السر ودخلت قصره اللي في لندن علي اساس انها الدكتورة اللي طلبها من مستشفي هناك وقعدت معا ماليكا ملازماها وبتبعتلنا اخبارها اوي باول ..
حسام : بس اكتشفنا حاجة غريبة .. ان آدم بيضحك علي ماليكا وقايلها ان اسمها الحقيقي جميلة واخد منها تلفون بتاعها وشال الخط وحطلها خط جديد كل دا لسبب احنا لسة مش وصلناله
ملك بذهول : كل دا واحنا هنا نايمين في العسل
سيليا ببكاء : ليه كدبتوا علينا دا احنا كنا بنموت عليها ..
مالك بهدوء : اللي متعرفهوش بقا ان سحر تبقي صاحبة ماليكا مش بس الدكتورة بتاعتها
مراد بصدمة : ازاي ؟!
مالك : يعني سحر كانت دكتورة اسعافات اولية في الاوبرا .. وانت عارف اختك مش بتعدي يوم من غير خناقة فاتعرفت عليها واتصاحبوا
حسام بغموض : يعني سحر دي ممكن تكون قالت لماليكا علي كل حاجة
مروان بتفكير : طب لو كانت قالتلها ليه ماليكا مثلت انها متعرفناش
في هذا الوقت دخلت ماليكا الغرفة بهدوء واغلقت الباب خلفها وجلست علي كرسي فارغ بجانب مالك ثم قالت فجأه : انا عندي الحلقة المفقودة اللي انتوا بتدوروا عليها !!!!!!
**********************************
في قصر يوسف الاسيوطي ..في غرفة الصالون
احمد الاسيوطي (والد يوسف) بجمود : عملت اللي في دماغك واتجوزت بردوا
يوسف بثبات : اه ..
احمد بحزن يراه يوسف لاول مرة : هانت عليك ماليكا .. دا انا حبيتها زي بنتي !!
يوسف بتنهيدة : ماليكا مماتتش يا بابا
الاب بصدمة : اي ؟! ازاي ؟؟
قص له يوسف كل شيء من البداية وكيف وجدها ولما تزوج من چومانة
أحمد (الاب) بغضب جحيمي : دا انا هطلع عين كل واحد فكر بس يأذي بنتي صمت قليلا ثم اردف بحزن .. ايوا بنتي اللي مخلفتهاش ماليكا في الفترة اللي قعدت فيها في القصر اثبتت انها انقي وانضف بنت في الدنيا بريئه وعفوية وذكية وطيبة ومجنونة كل دا كفاية اوي اني احبها واعتبرها اكتر من بنتي
يوسف بحزن : انا اكتشفت اني احبها اوي .. لما حسيت بوجع في قلبي يوم الحادثة اول واحدة جت في بالي هي .. وحشتني اوي يا بابا ووحشني جنانها وعنادها معايا ثم ارتمي في حضن والده يبكي كطفل صغير فقد امه ...
**********************************
نظر الجميع لبعضهم بصدمه بينما اردفت ماليكا بمرح : مش انتو بس اللي بتعرفوا تخططوا علي فكرة
مراد باستغراب : ازاي !!
ماليكا بجدية : قبل ما افقد الوعي يوم الحادثة سمعت الراحل اللي بيقتلني .. بيتكلم مع حد في الفون وبيأكد عليه اني مت ساعتها انا سمعت صوت مش غريب عليا .. كان صوت بنت وبعدين لما قرب عليا سمعت البنت دي بتقول .. "اخيرا خلصت منك يا ماليكا وقريب اوي هخلص من عيلتك كلها "
انا طبعا خمنت انها عدو لينا لاني عرفت صوتها بس مش فاكرة اسم الشخص دا وبعد كدا بقا الراجل ضربني علي دماغي بالشومة ففقدت الوعي ..ولما صحيت .. لقيت سحر قاعدة جمبي .. وحكتلي علي كل حاجة وقالتلي ان انا فقدت الذاكرة فقدان نصفي .. يعني في حجات فاكراها وحاجات لا وفي حاجات هفتكرها وحاجات هطول شوية علي ما افتكرها ..وقالت كمان ان الحاجة اللي ظاهرة قدامي هفتكرها لو نسيتها.. يعني لو شوفت الشخص مع الصوت هعرف اجمع وتقريبا كدا عرفت !!
حسام بذهول : انتي مصيبة يخربيتك !!؟
مراد باستغراب : عرفتي اي !؟
ماليكا بغموض : لا مش دلوقت بس قريب اوي هنعرف كلنا
آش وهي تمسح دموعها : بس بقا كفاية كدا .. احنا نطلع الساحل اسبوع نغير جو ونفرح اخنا بقالنا تقريبا سنه مفرحناش ولا ضحكنا من قلبنا .. بكرة نجهز نفسنا وعربياتنا ونطلع الساحل وبعدين بقا نرجع نشوف روح المحقق كونان اللي جوانا هيكتشف اي
مالك بتأييد : صح كدا آش معاها حق
ماليكا بمرح :طب انا عاوزة بقا افتكر اساميكوا انا مش فاكرة غير اسم "يوسف" مين دا بقي فيكوا
نظر لها الجميع بألم وحزن 💔 بينما رد عليها مراد لتغيير الموضوع : انا مراد اخوكي الكبير المفروض ودي ملك و.... (وأخذ يشرح لها من يكون كل واحد فيهم وصلة قرابته بها ) وصعدوا جميعا ليرتاحوا من عمتء اليوم .. ليستعدوا للمجهول غدا !!!
********************************
العاشقين فقط هم من يشعروا بأهمية الفجر وجمال الدنيا وقت الفجر 🌟💫❤