مكسور كضوء حزين خطيئته الوحيده انه حاول معانقة الزجاج 🍂❤
هوت ماليكا الي اسفل وكادت ان تلامس الارض وتتحطم عظامها الي اشلاء لكن هناك يد من فولاذ قد امسكت بها من خصرها نعم يا سادة انه يوسف (سادة ولا محشي نيهاع هاع هاع😂😂)
بطل الجماهير واخذ يرتد للخلف عدة لحظات حتي وقع يوسف وماليكا في حمام السباحة اثر الوقعة
اما في غرفة ماليكا
فصرخ الجميع وكانوا في حالة هلع لكن بعد سقوط ماليكا مباشرة جري مراد وحسام الي الشرفة ورأوا يوسف وهو يلتقط ماليكا فزفروا براحة وحمدوا الله كثيرا
ملك ببكاء : ماليكا اخوي راحت
مراد : تعالي يا انتي شو في اختك اللي مقضياها تحت دي ومنشفي دمنا هنا
آش باستغراب من وسط دموعها وهي تتجه للشرفه : ازاي ؟! وما لبث ان تعالت ضحكاتها الفرحة حتي تجمع الباقي وعلت الفرحة ملامحهم جميعا
*كانت چومانه تقف اسفل شرفة ماليكا عندما سمعتهم يترجونها حتي لا تنزل فنزلت هي حتي تشهد انتحار ماليكا لكن تأتي الرياح بما لا تشتهي السفن فيوسف المتخفي خلف احد الاشجار القريبة من حمام السباحة كان يعلم نوايا ماليكا المجنونة فقرر ان ينتظرها لانقاذها ...................
************
في حمام السباحة حيث يوسف وماليكا
وصلا الي قاع المسبح وكان يوسف ممسك بماليكا بشدة حتي صعد مجددا الي السطح فوجد ماليكا تحتضنه وتمسك برقبته بشدة كأنها طوق النجاه وفاقدة للوعي اثر الارتطام بالمياه فخرج بها من المسبح فوجد الجميع في انتظاره ومراد يحاول التقاط ماليكا من بين ذراعيه
يوسف بحزم لا يحمل النقاش : سيبها يا مراد ماليكا مراتي و احنا هنتفاهم مع بعض اه وانت يا مروان روح نام مع اي حد النهاردة
مروان بتذمر : هو يوم باين من اوله ..
ثم اكمل وهو يوجه كلامه لملك : هاتي هدوم ماليكا و تعالي ورايا انتي وحد من البنات عشان تغيرولها هدومها
مالك بسخرية : هي مش كانت مراتك بردوا
يوسف بسخرية اشد : علي اساس ان اختك لما تصحي وتعرف ان انا اللي غيرت هدومها هتسكت يعني ... انا مش مستغني عن عمري يا بابا..
اومأ له مراد بالموافقه دون رد فذهب يوسف وهو مازال يحمل ماليكا بين ذراعيه
وصل الي غرفته وابدل ثيابه وخرج حتي دخلت ملك وآش وناني لتغير ثياب ماليكا ودثروها بالغطاء جيدا وقبلت ملك جبين ماليكا وخرجت فدخل يوسف وجلس يراقبها بغموض من علي الاريكه الموضوعه بجانب الفراش حتي غط في ثبات عميق
*******************
عند چومانه قررت عدم الذهاب الي غرفتها هي وآش وماليكا حتي تهدأ الاوضاع فنامت في غرفة الجنايني الفارغة حتي الصباح
************************
في الداخل........
ملك : انا هنام مع آش علي سرير ماليكا وانتي يا طمطم نامي مع سيليا في الاوضه النهاردة
اومأت لها طمطم وسيليا وذهب الجميع للنوم
*************************
شعاع ذهبي صافي ضخم غطي سماء مصر وتخلل من بين زجاج تلك النافذه حتي استقر علي وجه تلك الملاك النائمه وداعب خلجات وجهها حتي تململت بضيق وفتحت عينيها علي عدة مرات متتالية رمشت فيهم برموشها الجميلة الطويله
حتي نهضت بنصفها العلوي وجلست تمد ذراعيها للأمام
يوسف بسخرية : ناموسيتك كحلي يا ميكي
ماليكا بفزع : عااا انت اي اللي جابك هنا
يوسف وهو ينظر حوله : اظن دي اوضتي
نظرت ماليكا حولها حتي تأكدت من ان آثاث الغرفه مختلف وانها في غرفته
يوسف بهدوء ظاهري : انا لاهتعصب ولا هضرب ولا هزعق اهو بكل هدوء اي اللي عملتيه امبارح دا يا ماليكا
ماليكا بتوتور : ع.. عملت .. اي ؟!
يوسف بعصبية مفاجأه : انتي هتستعبطي يا بت !!
ماليكا بضيق : اي دا ؟! مش اسلوب دا علي فكرة
يوسف بتمالك اعصاب : كنتي عاوزة تنتحري وتموتي كافرة ليه يا ماليكا ؟؟؟
ماليكا بخوف :م... مكنتش بنتحر !!!
يوسف بسخرية : والله !! امال كنتي واقفة علي سور البلكونه بتعملي اي ؟! بتجربي حياة القرد فوق الشجرة !!!
ماليكا ببلاهه : ههههههه لا بتشمس ههههههه
عض يوسف علي شفتيه بغيظ من تلك المستفزة المجنونة التي ستفقده اعصابه .. فعندما رأته ماليكا علي هذا الحال صمتت بخوف فأكمل هو.....
يوسف : لي يا ماليكا عملتي كدا هو انتي فعلا مصدقه اني ممكن اسرقك او العب بيكي !!
اخفضت ماليكا رأسها بحزن ولم تعلق فاكمل يوسف وهو يقترب ليجلس مقابلها علي الفراش : علي فكرة انا بحبك ومستحيل أئذيكي
رفعت ماليكأ رأسها سريعا ونظرت له بعيون متسعه بصدمه : انت قولت اللي انا سمعته !!
يوسف بمرح وهو يضربها علي رأسها برفق : لا شميت اللي شوفتيه !! انتي متخلفة يا بت 😂
ماليكا : يعني اللي سمعته صح
يوسف : اه بحبك واتجوزتك عشان بحبك وعاوز اقرب منك اكتر اي رأيك بقا
ماليكا : اها قول كدا طبعا كان لازم اعرف عشان انا قمر واي حد يحبني اصلا
يوسف : منك لله بوظتي اللحظه يا شيخة
ضحكت ماليكا في بلاهه بينما نظرت اليه بصدمة وامسكته من تلابيبه : يعني بتحبني وبتخوني يا يوسف .. هي دي الاخلاق يا رجولة
يوسف بخوف مصطتنع : لا ياريس والله معملتها
افلتته ماليكا وقالت بمرح : خلاص تنزل المرة دي
ماليكا بمفاجأه : عااااااااااااااااااا
يوسف بفزع : اي فيه اي تاني ؟!
ماليكا : مين اللي غير لي هدومي !!
يوسف براحه : الله يحرقك يا شيخه يا هتقطعيلي الخلف يا هتموتيني مشلول حاجه من اللي اتنين ؟!
ماليكا : انطق اتكلم مين اللي غيرلي هدومي
يوسف : اختك !!
ماليكا : بجد
يوسف : عندك شك اني ممكن اكدب عليكي
ماليكا بحرج : بصراحه انا مضمنكش يعني !
يوسف : للدرجه دي انا قليل الادب في نظرك
ماليكا : جدا الصراحة
وضع يوسف يده علي قلبه بحركه مسرحيه واردف : ااااه لقد طعنطني بقلبي الصغير الذي لن يحتمل
ماليكا بيأس : يا للهول !! لقد مات ابي زوبعة
ضحك يوسف وماليكا علي هبلهم
بينما قالت ماليكا بتوعد : اما بقا الحيزبونه اللي برة دي انا هعرف اربيها ازاي ؟!
يوسف : المرة دي بقا اشركيني معاكي
ماليكا : لا خليك المرة دي هظبطها انا علي طريقتي
يوسف بتحذير : بلاش تعملي حاجه هبله يا ماليكا انا بقولك اهو
ماليكا : ما تجمد قلبك امال انت بتكلم اي حد ولا اي؟
يوسف : عارف انك مش اي حد عشان كدا بحذرك
ماليكا : متقلقش بس توعدني انك متكلمش الحرباية الحمرا دي تاني
يوسف : ازاي بس دي بنت عمي
ماليكا وهي تنهض من علي الفراش وتض يدها في خصرها : مش عجبك طلقني .. ثم فرت هاربه الي غرفة الملابس لتغير ملابسها ثم خرجت بعد قليل لتجد يوسف قد انهي ملابسه فتأبطت ذراعه وخرجا من الغرفة سويا فتفاجأوا بالجميع يجلسون في جو من التوتر والخوف ظاهر علي وجوههم وما ان رأوها حتي وقفوا جميعا ليطمأنوا عليها ويوبخوها علي فعلتها تلك ... بعد مدة ليست قليلة
ماليكا : مالكوا يا جماعه في اي خايفين كدا لي ؟!
ملك بتردد : اصل بصراحة يعني ؟!
آش : بصراحة كدا يا ماليكا المسابقه بعد بكرة و احنا مدربناش وهنضطر نروح الاوبرا النهاردة
ماليكا : تمام فين المشكلة بقا
مالك : المشكلة ان فرقتك في التنسيق هتنافس فرقتي واللي هيخسر هيطلع من الاوبرا نهائي
ماليكا : ياااه هو مستر عبدالله لسه في عداوة مع مس علا
ناني : ومعتقدش ان العداوة دي هتنهي
ماليكا بغموض : امممم اللي هيخسر هيطلع بس لو احنا الاتنين اتعادلنا مفيش حد هيطلع صح
سيليا : مش فاهمة
ماليكا : هتفهموا بعدين المهم .. اين الحرباية الحمراء
سلمي : شوفتها نايمة في اوضة الجنايني امبارح الجبانة
ماليكا : تمام سيبهوالي بس تعالي معايا يا آش
حسام /يوسف : استر يا رب
مالك : لما بتتجمعوا انتوا الاتنين يبقي فيه مصيبه هتحصل
ماليكا بخبث : بت يا آش رني علي ( هويدا ورشا وناهد )خليهم يجوا علي هنا
آش : عاوزاهم ليه دول ؟!
ماليكا : هاتيهم بس !!
آش : تمام عاوزة رشا كاراتيه ولا رشا مجدي
ماليكا : رشا كارتيه 👿
مالك بفزع : احييه !!!
ثم ذهبت ماليكا باتجاه المطبخ ودقائق ثم صاحت
ماليكا بصياح : مين الحيوان اللي لكل الترايڤل بتاعي
مراد ببرود : انا ... مين دا اللي حيوان
ماليكا بعيون متسعه : هاا .. لالا دا انا كنت بقول بالهنا والشفا يا روحي ثم اكملت بحزن مصطنع : قولوا للي كل الحرام يخاف 😂 يلا مش مهم هاكل الايس كريم بقا وخلاص .. دقائق حتي صرخت مجددا مما افزع كل الحاضرين : عاااااااااااااا لا بقا دا انا لو فلوسي حرام مش هيبقي كدا
مالك : اي يا بنت المجنونه
ماليكا : مين اللي كل الايس كريم
مروان : هو كان بتاعك دا انا كلته اصل كنت جعان وانتوا كنتوا نايمين
ماليكا : انشاء الله انشاء الله هيدوس عليك اتوبيس سياحي فاخر يقطعك حتت ميعرفوا يلموا جتتك يا بعيد وبعدين يمر نفس الاوتوبيس السياحي الفاخر تاني يقطع الباقي من جسمك حتت اصغر وبعدين يعدي سائح من اللي كانوا في الاوتوبيس السياحي الفاخر يتف عليك ويمشي وبعدين يلموا اعضائك في اكياس بلاستيك سودا ويرموك في الزباله انشاء الله
مروان بصدمة : يا حزن الحزن .. يا شتات الشتات
شماتة ابلة ظاظا فيا
آش : ابلة ظاظا مين
مروان : اخرسي 😂
((دي يجماعه ميكس من مسرحية الزعيم علي مسرحية الواد سيد الشغال😂😂))
**********************************
#يتبع
#الملاك_التائه
أنت تقرأ
الملاك التائه
Mizahاضطرت للعب والخداع ..فقط لتخرج من خلف حواجز والدها ..حتى وان وصلت الدرجة للزواج المزيف من اجل النجاة من الخطر ..كالعصفور الذي يحتمي بعشه من النسور الجارحة 🌿☀
