الملاك التائه

البارت ٢٢

اتفقوا علي وقوف مالك خارج الغرفه لنأمين وصول ماليكا وناني وملك بعد مده بسيطه
التفت مالك لليسار قليلا وجد ناني جالسه علي كرسي متحرك وماليكا تجر بسرعه وتجري بالكرسي وملك بجوارها وتنحني (ملك وماليكا) الامام قليلا حتي لا يراها احد بطريقه مضحكه فضحك مالك بقوة وفتح لهم الباب سريعا حتي دخلوا فاطمأن مالك ان لا احد يراقبهم ودخل خلفهم واغلق الباب
مالك وهو يضحك : يخرب عقلك يا ماليكا
ماليكا وهي تنحني للخف ويدها بخصرها وتلهث من الجري : هوووف دي كانت خطه مهببه بهباب اسود دا انا ضهري انكسر
يوسف باشمئزاز : مهببه وهباب ... فلاحة
احتضنتها ملك واردفت باستياء : اخس عليك مش تشتم اختي حبيبتي
ماليكا بغيظ : سيبنالك انت الوزاره يا خويا
مال مروان برأسه علي يوسف قائلا بخبث : البت جامده وشكلها مش ساهله وقعتها ازاي دي يا شقي
يوسف بابتسامة صفراء : عارف يا مروان لما نروح انا هعمل فيك اي ولو ما قمتش دلوقت انا ممكن اعمل من سنانك بطاطس شيبسي
نهض مروان من جانب اخوه بفزع مصطنع : لا وعلي ايه هنيالك يا عم ؟!
ناني بصوت متحشرج : ممكن تطلعوا بره خمس دقايق
ربتت آش علي كتفها وجذبت ملك وماليكا للخارج وقالت : حاضر يلا ياشباب خمس دقايق بس يا ناني
ناني : حاضر
*******************
خارج الغرفه
ملك بحزن : صعبانين عليا اوي انا مش عارفه لما ناني تعرف هتعمل اي ؟!
مروان بتساؤل : انتوا لي مقلتلهاش
ماليكا : خفنا عليها من الصدمه دا غير ان نفسيتها زي الزفت زي ما انت شايف
حسام : ولا سامر لما يفتح فجأه ميلاقيش نفسه شايف وفوق كده مش هيقدر يتحرك تتخيلوا اي رد فعله
يوسف : هيتدمر طبعا
مالك بحزن : ياعيني عليك يا صاحبي دا فرحه كان كمان شهرين بس
*******************
داخل الغرفه .........
ناني بدموع : سامر حبيبي ايه اللي حصلك يا روحي انت هتقوم وهتفك من الاسلاك والاجهزه دي كلها وهنتجوز بعد شهرين في معادنا
ثم اكملت وهي تمسك بيده : قوم يا سامر انت مش بارد عليا ليه انت زعلان مني خلاص والله مش عاوزه اروح الملاهي تاني ومش هلبس قصير تاني خلاص بقا مش تزعل ارجوك
دخلت آش  وماليكا الغرفه بسرعه
ماليكا بسرعه وفزع : يلا يا ناني مامتك مصرة ترجع الاوضه وهنتكشف يلا يا حبيبتي
آش بتأكيد : ايوا يا ناني يلا احنا سمعنا كلامك وجبناكي هنا اهو هو هيصحا بكره تقدري تكلميه براحتك
اومأت ناني بهدوء ومسحت عبراتها وتركت يد سامر برفق وسمحت لماليكا بادارة الكرسي وذهبا مسرعين الي غرفتهم واراحوا ناني علي سريرها وبصعوبة بالغه اقنعوا الجدة شكرية ان يحجزوا لها جناح خاص في المشفي وتذهب لترتاح بينما جميعهم مقيمين معها بالغرفة
وعند الشباب ذهب حسام لاحضار عصائر ومشروبات وطعام لهم فقابل في الطريق آش
حسام بمرح : ازيك يا برعي
آش باستياء : برعي في عينك
حسام بمشاكسة : وحياتك في قلبي قبل عيني
آش بغضب ممزوج بخجل : بس يا ولا احترم نفسك
حسام يضحك : قلبي بيموت  في (ولا)بتاعتك دي ؟!
آش : تنشك في قلبك يا بعيد
حسام وهو يضع يده علي قلبه بطريقة مسرحية : آاه يا قلبي آاااااه يا قلبي
ضحكت آش علي مرح حسام ثم قالت : انت كنت رايح فين
حسام وهو يجذبها برفق للامام يحثها علي المشي ويشبك يده بيدها ( يأنجچها ) مثل العروسين : كنت نازل اجيب اكل ياستي متيجي معايا
آش : انا كمان كنت نازلة احيب عصاير واكل من برا بدل اكل العيانين اللي هنا دا انا بطني وجعتني
حسام : سلامة بطنك من الوجع
آش : حسام
حسام : عيونه
آش : انت لو مسكتش لسانك هيوحشك
ابتلع حسام ريقة بخوف مصطنع : يا ساتر يارب ليه كدا
آش : عشان تبطل قلة ادب وتحرش
اتسعت عين حسام علي اخرهما : تح .. تحرش !!!
آش بتأكيد : اها ايدي اللي انت مكلبش فيها دي و كلامك المتزوق دا كل دا اسمه اي
نظر حسام الي يدها ثم تركها سريعا وابتعد عنها كالملسوع ونظر لها بفزع وقال بهمس : فعلا مجنونه وتعملها
ثم خرجا من المشفي باكملها .... وامام غرفة ناني
تقف ملك ومروان يتهامسون
ملك : علي فكرة مينفعش نقف كدة الناس تقول علينا اي؟!
مروان : مش مهم
ملك : يعني اي مش مهم سمعتي مش مهمه يعني
مروان : لا طبعا مهمه جدا باللنسبالي
ملك : ليه انشاء الله احنا gust friends مش اكتر ول.........
قاطعها مروان : ششششسششش تتجوزيني!!!
اتسعت عيون ملك بصدمة واخذت تسبل عيونها بعدم تصديق بينما يقف مروان يراقب رد فعلها
نظرت له كأنها تقول  ( ايه قول تاني كده!؟)
وكأنه فهم ما يدور بذهنها فردد ببطئ : تتجوزيني!
نظرت له ملك تارة وتنظر حولها تارة اخري حتي فاقت من صدمتها اخيرا لتردف : هنا!!
مروان بتعجب : هنا اي؟!
ملك : دا عرض يتقال هنا؟!
مروان بسخرية : حبيبتي انتي فكراني باخد رأيك واني عريس بقا وبتقدملك وكدا انتي رأيك تحصيل حاصل اصلا كدا كدا هكتب عليكي الاسبوع الجاي هاجي انا وابويا نطلبك من ابوكي
ملك بضيق وفرحة مكبوته : مش موافقه
مروان : ليه بقا انشاء الله
ملك : كدا رافضه الارتباط دلوقتي
التف مروان واعطاها ظهره ليغادر وقال دون النظر اليها ببرود : مش بمزاجك خديلي معاد مع هاني بيه بكرة
لم يعطها فرصة للرد بل رحل وعلي وجهه ابتسامة فرحه منتصرة
بينما دخلت ملك الغرفه وهي تدندن : سكك البنات اي ميت سكة يجي بالاصول يلاقيني فكه انا مسعدوش لو اشيل منه ولا هرحمه لو فيه شكه .. اجي بالحنيه انا انا بوردة وبهدية باهتمامه بيا لوحدي انا بالذات ...اجي بالحنيه انا انا تيرارا ا..ااه لالا 🎤🎵))
بينما طالعتها الفتيات بدهشه بينما اردفت ماليكا بخبث : اي اللي واكل عقلك يا اختي
لم ترد عليها ملك بل لم تسمعها من الاساس كانت شاردة وعلي وجهها ابتسامة حالمة بلهاء
وكزتها سلمي بمرفقها وقالت : اي يا لوكة مالك انتي تعبانه ولا اي؟!
ماليكا بسخرية : اه تلاقي قلبها مشغول بااجو
قالت ملك بخجل وهمس وعدم تصديق : طلب ايدي انا !! طلبني للجواز
نظرت الفتيات لبعضهم بصدمة بينما قفزت طمطم بفرحه واحتضنتها. : مبروك يا روحي
جذبت ماليكا طمطم لتجلس بجانبها بينما قالت : مين دا يا بت اللي طلب ايدك للجواز .. بت يا ملك انتي بتحبي من ورايا ولا اي
اومأت لها ملك بشرود وعدم وعي
بينما التفت الفتيات حولها ماليكا من اليسار وطمطم من اليمين وسلمي علي كرسي خشبي امامها
سلمي بلهفه : مين هوا؟!
ماليكا بسرعه : تعرفيه منين ؟!
طمطم بوله :  بيشتغل اي ؟!
ناني بتعب من مكانها علي الفراش : شكله مز ولا اي كلام ؟!
ملك بنفاذ صبر : ارد علي مين ولا مين اهدوا شوية هقول كل حاجه و الله ووجهت انظارها الي ناني النائمه علي الفراش :وانتي في اي ولا في اي يا سيخه حرام عليكي ؟؟
ماليكا : اخلصي يا ملك قولي انا ماسكه اعصابي  بالعافية
ملك بحماس : انتو عارفينه هو مروان الاسيوطي اخو يوسف جوزك يا ميكي بيشتغل رجل اعمال صاخب فرع النسيج والقماش والازياء وكدا احنا حاسين بمشاعر ناحية بغض من مدة طويلة وهو النهاردة طلب ايدي
ناني بصياح مرهق : انتوا بتحبوا في بعض وانا بموت هنا يا كلاب
ماليكا : واتعرفتوا ازاي؟!
ملك بشرودوهي ترجع رأسها للخلف : في الشركة كان المندوب بتاع شركتهم مشغول فمروان هو اللي جاب الاوراق وشافني واعجبنا ببعض وكنا بنتقابل صدف وبعد كدا اخد رقمي بحجة الشغل وبعدين تطورنا شوية بقينا بنتقابل وبعد كدا بقا وقعنا وحبينا بعض
ماليكا بضيق طفولي : كل دا من ورايا واحنا كل يوم بنتكلم مع بعض ومش جيبتيلي سيرة
طمطم : مبروك يا روحي هبقا صاحبة العروسه يا ناس
سلمي بحالمية : هيييييييييح ربي يوعدنا
ناني : انتي عارفة لو عملتي الفرح من غيري هقتلك واشرب من دمك يا ملك هانم الاسيوطي
ملك بضحك : خلاص بقيت ملك الاسيوطي
ماليكا بتأكيد : اها من دلوقت هندهلك بملك مروان الاسيوطي
دخلت آش الغرفه بمفاجأه افزعتهم وقالت بصدمه : هتجوز !!!!!!
ناني بنفاذ صبر : انتو اي حكايكتوا انتو الاتنين بقا جايين تتجوزوا وانا بموت هنا
سلمي : عاااااااااااااااا هتتجوزوا وتسيبوني لمين بقا اهئ اهئ اهئ
طمطم : علي رأيك كلهم هيتجوزا ويسيبونا كدا نعنس
ماليكا لآش : مين دا كمان اللي هيتجوزك ؟!
آش بشرود :(((((((((((فلااااش باااك))))))))))))
عندما كانت آش وحسام يسيران في الشارع في طريقهم الي السوبر ماركت
حسام بهدوء : آش
آش بانتباه : نعم
حسام بتردد : هو يعني..
آش بملل : حسام اخلص مش بحب كدا ؟!
حسام بتنهيدة : هو فيه حد في حياتك
نظرت له آش وقالت في نفسها : ايوا بقا اتلحلح شوية ثم اكملت بصوت : اه فيه
صدم حسام من ردها فتوقف ونظر لها بصدمه : نعم!!!!
آش ببراءه : اي انت سألتني وانا رديت عليك؟!
حسام : يعني اي فيه حد في حياتك مين هو اللي في حياتك ومن امتي؟!!!
آش : ملكش دعوة
امسكها حسام من مرفقها بقوة واردف بحدة : اتكلمي معايا كويس وردي علي قد السؤال
ارتعشت آش من الرعب بداخلها من مظهره بهذا الشكل الغاضب ولكنها ابت ظهور اي هوف فأردفت بشجاعة ذائفه : سيب ايدي يا حسام وبعدين انت مالك اصلا في حد في حياتي ولا مافيش
حسام بتمالك اعصاب  : يعني اي مليش دعوة يا آش يعني اي يعني ؟!
آش بسخرية : هو اي اللي يعني اي ؟! يعني خليك بعيد عن ح.......
قاطعها حسام : بحبك !!!!!!!
آش بصدمة : اي ؟؟ 😍قولت اي؟!
حسام : بقولك بحبك
آش بعدم تصديق : انا تقصدني انا!!!
حسام : ببصلك وبكلمك وبقولك ( بحبك يا آش)
ابتسمت آش باتساع وفرحة حقيقية ولم ترد حتي التمع الدمع بعيناها من شدة السعادة
فأكمل حسام : تاخديلي ميعاد مع طنط سميرة حبيبت الجماهير
لم ترد آش بل اسرعت الي داخل المشفي بينما وقف هو يضحك علي جنونها وخجلها الواضحي
(((((((((((((باااك)))))))))))
ملك : هو ممكن يكونوا متفقين
آش وهي تجلس بجانبها غير عابئه بطمطم التي ستجلس فوقها تلك
آش وهي تجلس بين ملك وطمطم : قالي بحبك!
طمطم : ااااه ايه يا آش مش شايفاني
آش بتجاهل وهي تدندن : اخيرا جالها جال احبك جالها
اكملت ملك بوله : وانا جلبي جلبي جلبي جلبي نبضة توجف بعدها اخيرا جالها جال احبك جالها
آش : من فديت انا العيون ......
قاطعتهم ناني : عااااااااا محدش هيتجوز غير لما اقوم انتو فاهمين
سلمي : اكيد طبعا هو الفرح هيبقى فرح من غيرك يا قلبي
طمطم : عندك حق ... الا فين ماليكا
كانت ماليكا انسحبت من بينهم بهدوء ولم يشعر بها احد وما ان خرجت حتي اسرعت الي جناح جدة ناني (شكرية ) وطرقت الباب
شكرية بهدوء : ادخل
دخلت ماليكا وما ان اغلقت الباب حتي انفجرت في البكاء وارتمت في احضان الجدة شكرية واخذت الاخيرة تربت علي شعرها البني الحريري وتقرأ بغض الايات القرآنيه المريحه حتي هدأت ماليكا التي تضع رأسها علي قدم شكرية وباقي جسدها ممتد علي الاريكة الجلدية المريحة
شكرية بحنان : هديتي ؟؟
اومأت ماليكا دون نطق بحرف
شكرية بهدوء وحنو : طبقوليلي مالك بقا
ماليكا بصوت مبحوح من البكاء : مش بيحبني !!
شكرية : هو مين اللي مش بيحبك
ماليكا : يوسف !!!!!!
شكرية : يوسف دا جوزك
اومأت ماليكا بنعم
تابعت شكرية : و ايه اللي اسبتلك انو مش بيحبك
ماليكا بحزن والم : بحس ان .. ان فيه حاجه بينه وبين بنت عمه انا سمعته بوداني وهو بيتكلم في التلفون وبيقول ان جوازي منه مصلحة واول لما يرجع مصر هيطلقني ويتجوز چومانه وهي بتحبه وبتتلزق فيه بطريقه مقرفة وهو تحسي ان عاجبه الموضوع مش بيقفها عند حدها وكمان مش عمل اشهار علي جوازنا و مفيش حد من عيلته عارف تعرفي يا نانا انا... انا.. انا حبيته في المدة القصيرة دي حبيته اوي مع انه عمرهما بين ان جواه اي حاجه نحيتي كان نفسي البس الفستان والطرحة كان نفسي يعملي مفاجأه ويقولي بحبك زي الباقي
شكرية : طب وايه اللي يمنع يا بنتي قربي من جوزك وصارحيه بمشاعرك وتقوليله يعمل اشهار وتتجوزوا وتعيشوا هو الجواز لعبة يتجوزك شهرين ويسيك بعدها
ماليكا بدموع : مش بالسهوله دي ياريت مكنش حد غلب المشكلة انو معتبرني صديقة يا نانا اتفق معايا علي اننا نبقا اصحاب وانا وافقت برغم ان كل ذرة جوايا كانت رافضه بس وافقت
شكرية بدموع وحزن علي حال ماليكا فهي تعتبر ابنتها واخت ناني لانها تحبها جدا : هتفرج يا حبيبتي والله هتفرج ادعي ربنا وهي هتفرج انشاء الله
ماليكا : انشاء الله انشاء الله
*****************************
#يتبع
#الملاك_التائه