الملاك التائه

البارت ٢٤

مالك : سيليا الاسيوطي ... اخت جوزك !!
ماليكا : هو عنده اخوات غير مروان
اومأ مالك وقال بغباء : انتي متعرفيش
ماليكا باحراج : لا مجتش فرصه يقولي بس عادي مش مهم اصلا متفرقش
اومأ مالك ونهض من جوارها
ماليكا : اي رايح فين !!
مالك : رايح الحمام هروح فين يعني !!
ماليكا : اه ماشي تمام
******************************
بعد يومان في المشفي تطورت العلاقات كثيرا بين آش وحسام ........ ومروان وملك
وقد شفيت ناني من كدمات جسدها ايضا
لكن اذا ابتعدنا قليلا نجد تجاهل متعمد من يوسف تجاه ماليكا وماليكا لم تحاول ازعاجه ايضا ولو بكلمه كانوا يتقابلون صدفه وكانت تقتصر المحادثه بينهما عل ""ازيك ..... كويسه الحمد لله ""
**********************
صمم سامر علي الخروج من المشفي رغم اعتراضات الطبيب المعالج واصدقائه
يوسف : بس يا سامر مفيش خروج
سامر بعند : هخرج والله نكمل العلاج في البيت
ناني : يا سامر .......
قاطعها سامر بحزم : بس ولا كلمه انا هخرج وهتعالج في البيت
ماليكا : خلاص نروح كلنا بيت المزرعه ؟
حسام : اي بيت المزرعه دا ؟
آش : دا بيت محدش يعرف عنه حاجه بيت خاص بينا احنا معزول شوية عن المدينه حواليه اراضي خضرا كتير عشان كدا ساميناه بيت المزرعه
ناني : والله فكرة تعالوا نروح كلنا وانا هاخد برنامج العلاج الطبيعي بتاع  سامر ونبقي نعمله هناك ونجيب ممرض يساعدنا
يوسف : تمام انا فاضي بس مروان ابعت هات اختك معانا عشان هي كده مش هتقعد لوحدها
هنا انفرجت اسارير مالك واصبح في حالة فرحه عارمه فنظر لماليكا اخته وغمز لها بأنه سيستغل الفرصه في التقرب منها
وفعلا خرجوا من المشفي وانفصلوا علي ان يتقابلوا في بيت المزرعه
مروان وملك ذهبوا لاحضار سيليا اخت مروان في سيارة الاخير .... وآش وحسام بسيارة حسام ذهبوا مباشرا الي بيت المزرعة .... وناني وسامر وشكرية في سيارة ناني لإيصال الجدة شكريه للمنزل وبعد ذالك التوجه لبيت المزرعه هذا  بينما طمطم ذهبت الي المطعم لجلب اخيها وسلمي ذهبت لتخبر والدها وتحضر بعض مستلزماتها .... بينما في سيارة يوسف اضطر لأخذ ماليكا معه فأحست الاخيرة بانه لا يريد ان تركب معه فقالت : يوسف انا ... هروح مع مالك بعربيته عشان عاوزه اجيب حجات من القصر
يوسف بلا اهتمام : ماشي براحتك ابتلعت ماليكا تلك الغصة المريرة بحلقها وذهبت تجاه سيارة مالك تجر اذيال خيبة الامل والحزن
مالك بتنهيده : مالك يا ميكي
ماليكا بحزن تداريه في ابتسامه مرحه : ما انا كويسة اهو
مالك : طيب
****************************
بعد ساعة كان مالك وماليكا قد وصلوا للقصر وما ان دلفت حتي وجدت والدها يجلس في الريسيبشن بجواره مراد اخو ماليكا الكبير يتابعان صفقة مهمه
ماليكا باحترام وعيناها ارضا : سلام عليكم
رفع مراد انظارة لها ولم يغفل عن نظرة الحزن بعيونها فبرغم كل شيء هو اخاها الذي رباها علي يده ولاحظ الدموع المحبوسة بعيونها
بينما رد والدها ببرود وسخرية : اي اتطلقتي ولا اي!!
لم ترد ماليكا بينما اسرعت الي فوق حيث غرفتها
في الاسفل......
مالك : لي كدا يا هاني بيه
هاني : اي هاني بيه دي يا ولد انا مش والدك ولا اي؟!
مالك باسف : طب كويس ان حضرتك عارف اننا كلنا عيالك اشمعنا ماليكا بقا اللي بتعاملها بالاسلوب دا
هاني بحدة : احترم نفسك يا قليل الادب انت هتعلمني ازاي اربي ولا اي
صعد مالك لغرفته يتأفف وبداخله حزن علي حال اخته
بينما نظر له مراد بسخرية كأنه يقول " علي اساس انك عارف حاجه عننا اصلا "
مراد وهو ينهض : كدا خلاص بكرة هكمل عشان تعبت
لم يعطه فرصة للرد بينما صعد الي غرفته ايضا لكنه غير وجهته في اخر لحظه الي غرفة اخته الصغري ماليكا وفتح الباب بهدوء ودلف واغلق الباب خلفه فوجدها متكومة حول نفسها تبكي بصمت فاسرع باتجاهها واحتضنها بقوة كأنه يعبر عن اسفه وندمه واشتياقه لاخته وابنته بذات الوقت ..
مراد بحنان : مالك يا ميكي
ماليكا بعدم تصديق بدموع : مراد !! انت هنا بجد ؟؟
مراد باسف : اه يا ميكي انا مراد اخوكي وابوكي حبيبك ايه عاوزاني اخرج ولا اي ؟؟
تشبثت به ماليكا بقوة كأنه طوق النجاه بالنسبه لها وضمته لها بقوة واخذ صوت بكائها يرتف بشهقات عاليه ونحيب يشطر القلوب من شدة الالم الذي به
مراد بقلق : ميكي انتي كويسه !!!
هزت ماليكا رأسها يمين ويسار بمعني لا
رفع مراد وجه ماليكا لاعلي ومسح لها دموعها : احكيبي كل حاجه بالتفصيل الممل
ماليكا : مش بيحبني !! بيعتبرني اخته ؟؟
مراد : مين هو ؟؟
ماليكا : يوسف ؟؟ ثم باغتته بسؤالها : انت اللي قولت لبابا عليه ! انت اللي جوزتهولي ؟!
مراد : بصي يا ماليكا الحقيقه ان في مرة كنت رايح لبابا المكتب وسمعته بالصدفه وهو بيتكلم مع خالك محسن وبيتفق معاه علي جوازك من ابنه ابراهيم عشان الورث هنا شهقت ماليكا بصدمه " ايعقل ان يبيعها والدها لابن خالتها المدمن من اجل المال "
اكمل مراد : بس انا اقنعته ان خالك وابنه طماعين وممكن يغدروا بيه وياخدوا الورث لحسابهم وبينت اني بكرهك او اني معاه في اي حاجه يقولها عشان لما يخططلك علي حاجه يقولي انا واعرف اتصرف احسن ما يتفق مع حد غريب وينفذ ويئذيكي فلما شفت يوسف كان بيبصلك ازاي في مكتب حسام عرفت انو راجل وهيحافظ عليكي لحد ما تبلغي ال ٢١ سنه و تعرفي تتحكمي في ورثك ومحدش يبقالوا عندك حاجه
ماليكا برفض : مش عاوزاه مش عاوزه الفلوس والورث
مراد : لما يبقي تحت ايدك ابقي ارميه يا ماليكا القصر دا بتاعك المقر الرئيسي للشركات كله بتاعك
ماليكا : ولما بابا بيكرهني عشان الفلوس كتبهم باسمي ليه ؟؟؟؟؟؟
مراد : القصر والمقر الرئيسي للشركات مش بتوع ابوكي دول باسم ماما الله يرحمها كتبتهم باسمك
ماليكا : الله يرحمها
مراد : احكيلي بقا مالك اي اللي مزعلك كدا !!
قصت له ماليكا طبيعة علاقتها بيوسف وما حدث مع آش وحسام وملك ومروان
مراد بضحك : بقا ملك القردة دي تحب من غير ما تقولي والله لاوريها
ماليكا : طب ما تيجي معانا عشان انت وحشتنا خالص انا كنت مسافرة وانت مسافر عاوزين نقعد معاك
مراد بتفكير : والله فكرة بس هروح مشوار كدة وبعدين احصلكوا ابقي ابعتيلي العنوان
ماليكا وهي تنهض وتجذب مراد من علي الارض بجانب الفراش حيث كانوا يجلسون : طب يلا بقا هزينا عشان اجهز حاجتي واغير هدومي
مراد : براحه يا بت بدل ما افعصك
ماليكا : لي هو انا صرصار
مراد : لا فار معفن تافه يا ميكي
اخرجت ماليكا لسانها له بطفوله ثم اغلقت الباب واخذت تضحك علي اخيها وتناست حزنها فكم تحب مراد ومزاحه معها رغم انه كان يعاملها بجفاء في الاونه الاخيرة لكنها تعشقه فهو من رباها واعتنا بها
***************************
ذهب مراد الي حجرته وغير ثيابه وخرج من القصر باكمله متجه الي مطعم النيل !!!!!!!!!!
******************************
في سيارة مروان
ملك بدلال : بقولك اي يا مروان
مروان : نعم !
ملك : هو انت عاوز تتجوزني ليه ؟
مروان : تفتكري لي ؟!!
ملك : بسألك ؟!
مروان بعدم اكتراث مصطنع : مفيش يا ستي بحبك!!
ملك بعدم تصديق : يع.. يعني اي؟!
نظر لها مروان : هو اي اللي يعني اي يا ست لوكه ؟!
لم تعلق ملك بل ادارت وجهها بخجل ولم ترد
مروان : طب اي؟!
ملك : اي اللي اي؟!
مروان : بقولك بحبك
ملك وقد فهمت ما يرمي اليه فارادت مشاكسته : بس .. انا ... يعني ... انا ..
مروان : انتي اي
ملك بسرعه : بحب واحد تاني
اوقف مروان السياره بقوة مما ادي الي ارتداد ملك للامام بعنف
مروان : قولتي اي ؟!
ملك  بخوف : اللي سمعته !!!
مروان : اسمه اي ؟
ملك : مش هقولك
مروان بحده : ملك متستفزنيش
ملك بدموع وصياح : اسمه مروان ارتحت ثم لم تعطه فرصه للرد وفتحت الباب ونزلت بسرعه ووقفت تستند علي السياره من الخارج بينما ابتسم مروان بفرحه واسرع ورائها
مروان وهو يقف جوارها : انا اسف
نظرت له ملك بطرف عينها ولم تعلق
مروان وهو يحيطها بزراعيها : خلاص بقا متزعليش
مسحت ملك دموعها ونظرت له بخجل
ملك بخجل : ابعد شويه !!!؟
ضحك مروان بصخب علي مظهرها وقال وهو يتجه للسيارة : حاضر يلا نمشي عشان منتأخرش مش عاوز دلع
ملك : احنا مش هنروح نجيب اختك
مروان وهو يخبط جبينه براحة يده : اوووبس عجبك كدا كنت هنسا يلا يلا.....
******************"***""""
#يتبع
#الملاك_التائه