الملاك التائه

البارت الثالث

ماليكا برعب: با بابا
والدها بثبات: فاكرة لما تخبي عليا مش هعرف ماشي يا ماليكا انا هربيكي من اول وجديد
ماليكا برعب اشد : بابا انا انا ا...
قاطعها والدها بصفعه قويه جعلتها تقع ارضا
نظرت لوالدها بسخريه ورعب معا لانها اعتادت علي ذلك منه فهو يكرهها ويتعمد اهانتها امام الناس
تحاملت علي نفسها ووقفت بدون مساعده من احد
والد ماليكا بعدما جلس علي المقعد امام مكتب حسام بفخر : هاني الألفي
صدم يوسف مما سمعه فقال بصدمه: مش ممكن
هاني : مين انت
يوسف : انا يوسف الاسيوطي يوسف احمد الاسيوطي
هاني بفرحه : حبيبي يا يوسف ازيك عامل اي وبابا فين مش بشوفه يعني
يوسف بصدمه من هذا الرجل اليس هذا من ضرب ابنته واهانها امام الجميع كيف يتحدث كما لم يفعل شيئ
هاني : مالك يا بني في اي
يوسف بترتباك : لا يا عمي مافيش اصل كان في سوء تفاهم مع الانسه ماليكا
وجه هاني نظراته تجاه ابنته الواقفة تنظر له بعتاب : انا عارف اللي حصل وبعتذر علي قلة ادب بنتي انا مش هقولك خرجها و معلش المره دي وكدا بالعكس انا عاوزها تبات الليله في الحجز ومش اي حجز عنبر السفاحين وقتالين القتله
صدم يوسف وحسام مما قاله هاني ايعقل ان يكون في مشثل قساوة هذا الرجل علي ابنته
وقف هاني واستدار ليغادر وتركهم مشدوهين مما استمعوا له
حسام بصدمة : هوا في كدا ؟!
يوسف بصدمه اشد : انا مش عارف الراجل دا جايب قلبه منين ؟!
ماليكا بوجه خالي من التعبير: خلصتوا انتو الاتنين تقدروا تقولولي هتودوني الحجز امتي عشان تعبت وعاوزه انام
نظر لها حسام بحسره علي حالها : كان علي عيني والله يا ماليكا بس انوي عارفه لو طلعتك هيعرف انا خايف عليكي
ماليكا بمرح زائف : اي يا حس انت قلبتها دراما لي بص عاوزاك تنقيلي عنبر كدا اي هادي اه سيبك من كلام الراجل دا انا عاوزه اتجوز يا خويا واحافظ علي مستقبلي كدا اه العمر مش بعزقه انا تموت فيها
يوسف بحزن من نفسه لانه السبب : انا .. انا بعتذر يا انسه ماليكا مكنتش اعرف ان ......
اكملت ماليكا بالم : ان ابويا قاسي ومعندوش قلب وبيكره بنته وبيتمني موتها و عاوز يدمر حياتها عادي عادي دي حاجه معروفه انت بس اللي جاي متأخر وبعدين انا اللي كنت مش مركزه في الطريق فعادي يعني
غادر يوسف بسرعه حزنا علي حالها لا يعلم لما آلمه قلبه لهذه المسكينه
وقف حسام وذهب في اتجاه ماليكا وجذبها ليجلسها علي الكرسي : انا اسف والله يا ماليكا انا لو كنت وافقت مكنش حصلك كل دا
ماليكا : وافقت اي انت لو كنت سمعت كلامه كان زماني مت يا حسام انت مجنون انت ابن عمي واخويا مش اكتر وانا عارفه انك بتحب البت الرخمه بتاعتك دي  اه مبحبهاش لكن انت بتحبها ومش انا اللي اخرب علي اتنين يا حس
حسام بحزن : وانت اختي والله يا ماليكا و اكتر كمان بس انا اللي اناني يا ماليكا
ماليكا : لا يا حس انت مش اناني لانك رفضت عشان فكرت فيها مش في نفسك لكن لو كنت وافقت كنت هتفكر فيا انا دا معني ان مش انت اللي اناني
حسام بمرح زائف : الا قولي صحيح اي كنت مت دي انا حتي عسل والف بنت تتمناني
ماليكا بضحكات عاليه : ناقص واحد
حسام : اه صحيح كنت هنسي عملتي اي مع الواد الملزق اللي كان لازقلك ع طول دا
ماليكا ببسمه خبث عرفها حسام جيدا : مفيش عرفته مقامه بس
حسام بحماس : لا لا لا عاوز تفاصيل يا ماما
ماليكا : اخدت الواد شيكو انت عارفه اللي بيلعب درامز في فرقه وسط البلد دا
حسام بتذكر : اه اه افتكرته ماله بقا
ماليكا : مافيش اخدته ورحت علي اخت الواد حازم الملزق دا وخليته يلاغيها و هي بصراحه ماصدقت طلعت معاه علي الشقه علي طول كنت انا وحازم وراهم اول ما الباب بتاع الشقه اتقفل كنت انا وحازم وراهم حازم فضل يضرب في اخته وانا عرفته ان بنات الناس مش لعبه يتسلي بيهم وان اللي بيعمله ممكن يطلع علي اخته
حسام بإعجاب : يا بنت الايه طب واخته ذمبها اي
ماليكا : ذمبها انها بت ساقعه ومتكبره وبتحاول تدايقني وتتأمر عليا حبيت اضرب عصفورين بحجر وبس اخدت الواد شيكو ونزلنا علي الاوبرا وبس كدا
حسام : انتي عليكي دماغ ياخربيتك اي دا
ماليكا بتنهيده : يلا يلا يا حس وديني العنبر عشان عاوزه انام
حسام بتفكير : لسه محدش عرف انك هنا ممكن تنامي في المكتب للصبح ومحدش هيعرف الوقت اتاخر وكلما هنمشي وانا برجع الصبح بدري انا او يوسف هنيجي نفتح ونطلعك متقلقيش اي رايك
ماليكا بعدم اقتناع : حسام انت متأكد
حسام بتأكيد : اه متخافيش محدش هيعرف حاجه غير يوسف
ماليكا بشك : ويوسف دا ثقه يعني ولا اي انا خايفه عليك انت هتروح في داهيه
حسام : متخافيش والله يوسف صاحبي وبعدين هوا اللي هيجي يفتحلك كمان
ماليكا باستسلام : اوك
خرج حسام واغلق المكتب بالمفتاح من الخارج وامر العسكري بعدم التحرك من امام الباب لحين عودته في الصباح
***____****
داخل مكتب حسام
كانت ماليكا تجلس علي الأريكه الجلديه بشرود تتذكر احداث اليوم بحزن الي ان عليها سلطان النوم
**************
#يتبع
ياتي اي اللي هيحصل تاني يوم ؟؟
ومين اللي هيفتح لمليكه الباب ويخرجها حسام ولا يوسف ؟
وهل باباها هيعرف ولا لا؟؟
وليه يوسف مشي بسرعه من مكتب حسام ؟؟
********
ملحوظه%% حسام يبقى ابن عم ماليكا وصاحب عمر يوسف وبيحب شخصيه مش هعرف اتكلم عنها دلوقت عشان محرقش الروايه
#الملاك التائه