#الزوجه الثانيه

البارت3

#الزوجه الثانيه
البارت3
للكاتبه Shifaa Almoswy

الولد:-بابا منوو هاي!
قصي:-هاي اسمها ميرال تصير زوجتي....
الولد:-شنو زوجتي
قصي:-يعني هس نور امك زوجتي تصير...وميرال هم زوجتي..
بقه الولد صافن ..جان يكول:-شوكت اجت هين
قصي:-اليوم اجت....
ميرال:-شنو اسمك ياحلو
الولد:-زيد اسمي زيد
ميرال:-اممم حلووو اسمك
ماحسيت الولد حبني او كرهني..يعني ردة فعله عاديه
قصي كعده بحضنه وكام يلعب وياه بعدين طلع الولد
ميرال:-كم طفل عندك؟
قصي:-اثنين..زيد..ورونق
زيد عمره 6سنوات وشهرين.ورونق عمرها4 سنوات ونص..ماضل شي تفوت بال5 سنوات
ميرال:-والله ياالله ..احس نفسي بحلم..معقوله قصي تطلع مزوج وعندك اطفال ..مامصدكه..زين سؤال .ليش حبيتني وتزوجتني..وانت عندك زوجه وما شاءالله حلوة  مرتبه ونضيفه ومامقصرة وياك مبين من خلال حجيها..ليش تزوجتني؟
قصي:-ليش ممنوع المزوج يحب مثلا ويزوج مره ثانيه
ميرال:-يعني من الواحد  يكون عنده مره وماناقصها شي وعندة اطفال...شنو الي يخلي يحب ويفكر بزواج اصلا
قصي:-انتي....صدكيني بس انتي...بحياتي مافكرت احب او ازوج ابد..بس من شفتج وحجيت وياج حسيت بشعور غريب ماحاسه كبل..حبيتج بمعنى الكلمه حبيتج ..وحاولت بأي طريقه احصل عليج..جنت اعرف من اكلك اني مزوج مراح تقبيلن تزوجيني...فأنجبرت اضم عليج
ميرال:-بس ماكو شي بدنيا يسملحلك تخدعني بهاي الطريقه
قصي:-اي صح اعرف...صدكيني اني مو ظالم ولا سيء.صح جذبت عليج بس هذا مايعني اني مو زين...شوفي هاي نور مرتي:-اني ابد مامديت ايدي عليها ولا تجاوزت عليها بشي كلشي اسويلها ومحترمها..صح هي مامقصرة وياي ولا ويه جهالي بشي..بس اني ماحسيت بالشعور وياها مثل ماحسيتو من شفتج...انتي بالنسبه ليه شي ثاني مااقارنج بأي شي..ووعد مني راح انسيج كلشي..لان اني مونذل حتى انسى الي سويتيه ويه اهلج على مودي ابد ما انسي..هاا وللعلم ترى نور كرايبي
ميرال:-شنو كرابتكم؟
قصي:-ابوها وابوي الله يرحمهم ولد عم
ميرال:-اهاا
قصي:'اي..بوكتها ابوي كالي عليها..جان يروح يمهم ويشوف البنت..كالي عدهم خوش بنيه ليش مانخطبها الك وتناسب عمرك..بوكته اني ماجنت ارفض لابوي شي..وافقت كبل وماجنت حيل متطلع على امور الحياة مثل هس...كلشي تغير بالنسبه اليه
بس الشهادة لله المره ماغثتني بشي وجانت محترمتني كلش
ميرال:-اني ماعرف اضوج على نفسي لو اضوج عليها
قصي:- لا..ضوجي عليه وبس ههههه
ميرال:-.........
قصي:-اوك اوك بس لاتباوعيلي هيج..كلشي ولا هاي النضرة..... صدك اكيد هس جوعانه انتي
ميرال:-لا
قصي:-اروح اجيب شي تاكلينه..اكو مطعم هنا قريب ع البيت اروح بسياره ع السريع واجيج
ميرال:-تمام
طلع قصي وسد الباب وراه. بقيت اني بالغرفه..دك موبايلي ورحت طلعته من الجنطه باوعت عمتي كاعد تتصل..رديت عليها
ميرال:-هلا عمه شونج
عمتي:-هلابيج ..ها مسكتو عقد ؟
ميرال:-اي مسكنا
عمتي:-اي عفيه بيها الخير...ارتحتي هس مو..ان شاءالله زواجت الدهر..بس صدك وين انتو هس
خنكتني العبره من هيج كالت عمتي
ميرال:-احنه بالبيت..ابيت قصي
عمتي:-هاا يعني مارحتو الفندق او شي
ميرال:-لا ...اني كتله اخذني البيتك
عمتي:-اي ميخالف..بيها الخير...شوفي اي شي تحتاجينه كوليلي كبل خابريني
ميرال:-عمه!!
عمتي:-كولي حبيبتي شكو...تريدين شي
ميرال:-ماعرف شكلج...ماعرف
عمتي:-كولي خير شاكو...احجيلي ميرال
ميرال:-عمه...قصي طلع مزوج وعندة بنت وولد
عمتي:-شنووو...شكاعد تحجين ولج
ميرال:-يي والله عمتي مثل ماسمعتي...احس خربت حياتي
عمتي:-ميرال كل عقلج تحجين...زين شون وشوكت عرفتي
ميرال:-قببل مسك العقد بلحضات هو كالي
عمتي:-لعد شون قبتلي وافقتي اذا عرفتي بي مزوج
ميرال:-كوليلي شسوي مثلا اروخ واعوفه..تعرفين اني واهلي شون صارت علاقتنه وبيا وجه اروح عليهم واكوللهم قصي طلع مزوج
عمتي:-ولج جان جيتي يمي..تبقين يمي..شون رضيتي
اوووف اوف راح اتخبل
ميرال:-الصار صار بعد اني حاليا ابيته ومرته واولادة هم
موجودين
عمتي:-الله لايوفقك ياقصي ع هاي اللعبه الله ينتقم منك يارب
ميرال:-عمه بعدين نحجي كلش تعبانه هس
عمتي:- ماشي حبيبتي ارتاحي وارجعي خابريني فهميني كلشي
ميرال:-ان شاءالله....مع السلامه
سديت الخط ورحت افتر بالغرفه حسبه تروح وحسبه تجي وشون راح اعيش هين ماعرف...صحيح اني اختاريت اجي اهنا بس جنت متعمدة اجي اهنا لان اعرف من راح اجي مرته راح تتخبل وتسوي مشكله ويه قصي واني هيج ردت على مود مايصير كلشي مثل ماهو يريد ويصير الي يريدة...موبقصدي اقهر مرته لا ابد بس بقصدي اقهره هو لان السواه بيه موقليل..وكفت ع البلكونه وكمت اباوع ع الحديقه...شفت السياره مال قصي طبكت يم الباب ونزل شايل علاكتين بيدة
رحت تاافتح الباب...جان اسمع نور تحجي
نور:-وفوكاها تجيبلها اكل من المطاعم ..سم ..سم ان شاءالله وماتتهمنى بشي ابد
بقت تحجي بس قصي مارد عليها..صعد فوك..واني فتت للغرفه
قصي:-هاي جبتلج غدة اخذي تغدي
اخذت العلاكه منه وفتحته..كباب ودجاج مشوي وزلطه ومقبلاب..بصراحه من شفت الاكل عرفت انو اني جوعانه بس مادري بروحي كمت اكل واكل
بدون مادري بنفسي وقصي هم جان ياكل وياي
قصي:-ايباااه وتكولين موجوعانه
ميرال:-هاا.يعني شوي موحيل
قصي:-اي مبين شوي هههه
ميرال:-ليش بلا مخلي عينك على اكلي
قصي:-لا والله ..اني مخلي عيني عليج كامل هههه
ميرال:-صدك ..سؤال...اهلك يعرفون بيك تزوجتني
قصي:-اختي زينب تعرف
ميرال:-اي  والله صدك زينب ..من جنت احجي وياها مرات..خلاص ماحسستني او جابت طاري انك مزوج...خوش لعبتو عليه الاخ واخته
قصي:- اني نبهتنها ماتكلج!
ميرال:-وامك وباقي اهلك ميعرفون مو...انت كتلي هم يعرفون ورة فترة تاخذني عليهم
قصي:-اي هيج كتلج..وكتلهم اني راح ازوج بس مايعرفون هس اني تزوجت..
ميرال:-شوكت تكوللهم
قصي:-بأي وقت يعرفون عادي...مايهمني احد ابد..مادام اخذتج خلاص
ميرال:-......
قصي:-الله كريم حياتي .كلشي راح يصير احسن بس شوي وقت انطيني...قبل شوي خابرت صاحبي يعرف محل مال خشاب يكول كلش حلو وراقي يمهم...ان شاءالله باجر اخذج وانروح  وانتي تختارين الغرفه الي تعجبج وشتريدين اجيبلج
ميرال:- ..... صدك بنتك وينه كتلي رونق اسمه مو
قصي:-رونق يم جدتها ام نور...العصر اجيبه
خلصنه اكل وكمت غسلت
قصي:-ماكلتيلي شوكت انام بحضنج
ميرال:-بصراحه حاليا مومتقبتلك ابد ولامفكره انام وياك
قصي:-شوفي اني ماجبرج على اي شي شوكت ما تريدن وتحسين نفسج صرتي احسن..اني يمج بكل وقت
خلصنا أكل وكمت غسلت ورجعت بالغرفه وتمددت.اخذتني النومه وحست بقصي طلع من الغرفه باوعت الساعه 2ونص .رجعت كملت نومتي...فجاة حسيت الباب انفتح بكل قوة..باوعت مره وبنات اثنين ونور وياهن..فاتن للغرفه وهجمن علي ضرب وغلط..:-يا ساقطه يابوووواكه الزلم يا ماتستحين وبكل عين وقحه تجين ابيت بنتي..ضلن يغلطن ويضربن بيه اني ماكدر حتى ادافع عن نفسي متت من الخوف..اخر شي وحدة من البنات مسكتني من شعري وجرتني جر من الدرج الى جوة حسيت بجسمي تكسر......يتببببيع
تنويه:-القصه ماخوذة من الواقع اتمنى تكتبون رايكم بيها