#الزوجه الثانيه

البارت7

#الزوجه الثانيه
البارت7
للكاتبه Shifaa  Almoswy

اول مره احس بشعور غيره هيج معد اتحمل ...صح هي مرته وعده اطفال منها..بس وكت يشوف الواحد شي بعينه القضيه تختلف..تصير اصعب
حاولت اهدي نفسي ..وكلبت بالتلفزيون خليته على فلم اجنبي ونمت..
كعدت الصبح غسلت ونزلت من الدرج شفت قصي طلع من غرفتو وراه طلعت نور...قصي مانتبه ليه راح للمغاسل كبل..بس نور شافتني..كبل ابتسمت وكامت تتميع بمشيته..
رحت للمطبخ وخليت القوري عالنار وطلعت جبن وقشطه..فات قصي:-صباح الخير حياتي
ميرال:-صباح النور
قصي:-شدسوين
ميرال:-يعني شدشوف انت شداسوي مثلا
قصي:- اممممم مدري
ميرال:-اي احسن لاتدري
قصي:-وشبيج اليوم.!
ميرال:-مابيه شي
قصي:-اكييد
ميرال:-اي اكيد كتلك مابيه شي
تريكت وصعدت لغرفته..صعد وراي قصي:-انروح هس  عالسوك..ماعندي شي لان
ميرال:-اوك..خل احضر نفسي..غيرت ملابسي جان يقترب مني ويبوسني من ركبتي..وخرت عنه
ميرال:-موهس بعدين
قصي:-ماتكوليلي انتي شبيج اليوم
ميرال:-هيج مايبيه شي
قصي:-لاتجذبين...موطبيعيه من الصبح...اعرف ليش..لان نمت يم نور البارحه هيج تسوين مو
ميرال:-....... مارديت بقيت ساكته
قصي:-شوفي ميرال..ترى نور مرتي والها حق عندي ولازم اكون عادل بينجن اني هم اخاف الله..صح اني احبج انتي ومشاعري يمج كلها.بس نور مرتي وام جهالي ومامقصرة وياي بشي..اتمنى منج تتقبلن هالشي..وهي هم تتقبلج لازم
ميرال:-ااوووف
قصي:-كافيج عاد...يلا امشي خل نروح
حظرت نفسي وطلعنه سويه..اخذني للمول..اشتريت فستان ازرك كلش عجبني..واخذت دشداشتين و2  اتراك وبنطرون وتيشرت  وداخليات كلش حلوات..وحذاء اسود فلات .
وكماليات من عطور واكسسوارات ومكياج وفير هوى وكبس مال شعر ...ماقصرت الشي الي عجبني اخذته..الساعه صارت12 تقريبا..بقينه3 ساعات بالسوك. وكت تانطلع جان اشوف مرت اخوي الجبير وياها عبود ابنها رحت باتجاها شفت اخوي حسين واكف وياهم..معرف شصابني لاكدرت اروح احجي وياهم ولاكدرت ارجع بقيت اباوع وصافنه..موقف صعب ومحير كلش..لان اخوي هم ماجان موافق على زواجي من قصي..صابني شعور بالحنين والاشتياق لبيت اهلي كلشش صاحني قصي ورحت علي.كتله هيج وهيج شفت ..كالي بسيطه حياتي كلشي ينحل
رجعنه للبيت فوتت الغراض جوة وعزلتهن بالكنتور وكلشي خليته أبمكانه...
مر تقريبا شهر ونص .على هاي الحاله..يون يمها ويوم يمي مرات تسمعني حجي واردلها ومرات لا ..يعني الوضع شبه مستقر..
حسيت بمعدتي توجعني ولعبان نفس..تذكرت الشهريه ..غايبتني 10ايام خطر على بالي انو حامل..كلت خل اصبر كم يوم انتضرت3ايام نوب وماجتني..حسيت بروحي حامل لان عندي لعبان نفس دايما الصبح..رحت على صيدليه يمنا واخذت منه فحص حمل.رحت للحمام وانتضرت الفحص كل شوي اروح وارجع علي..بس بدون مايعرف قصي.
بعد شوي هيج رحت عالشريط باوعت خطين..فرحت كلش بس جنت موكلش متأكدة
خابرت على عمتي...وكتلها هيج وهيج بس مومتأكدة شون اتاكد كالتلي اخذي صورة للشريط ودزيها علي عالواتساب.اخذت صورة واضحه للشريط ودزيته.كالتلي انتي حامل
بصراحه اني طرت من الفرح .يعني شعور حلو انو يكون طفل بداخلج شي غريب وحلو كلشش..
صار عندي دافع انو اكول لامي..كبب خابرت عليها وردتلي سلمت عليها ومن سمعت صوتي كامت تبجي
كتلها اني حامل..كلش فرحتلي وكيفت..بس هي لي هس ماتعرف انو قصي مزوج قبل.تحسب بس اني ماكتلها...
وخابرت على اختي هم ...انتضرت يجي قصي على نار حتى اكله
غيرت ملابسي ولبست فستان الي اشتريته وخليت مكياج..اجه قصي فتح باب الغرفه.باوعت علي واني مبتسمه
قصي:-واووو..تخبلين طالعه
ميرال:-اعرف.اكو خبر حلو اريد اكلك اياه
قصي:-شنوو
ميرال:-امممم..
قصي:-كولي يلا
ميرال:-اني حامل..
باوعلي متفاجأ وبوجهو ابتسامه
قصي:-والله!
ميرال:-اي والله اخذت فحص مال حمل وطلعت حامل
قصي:-صدك تحجين..اويلي عليج عفيه يروحي
كلششش فرح قصي من سمع بيه حامل ضل اليوم كله طاير بيه ومن يشوفني كبل يبتسم...مر يومين واني جنت فرحانه هواي ودايره بالي على نفسي..صادفت بيوم.. قصي ماموجود والدنيا هستوها عصر..جنت نايمه بغرفتي جان يندك الباب ..فتحت الباب باوعت نور واختها
نور:-هاا عيني طلعتي حامل ماشاءلله
ميرال:اي الحمدلله
نور:-بس ماكلتيلي
ميرال:-اني ماكتلج..بي كلت اكيد قصي راح يكلج..وشي اكيد راح تسمعين بكل الاحوال
بصراحه خفت من نضراتها ونضرات اختهها
كاعد احجي وياهن شو فجاة حسيت نفسي وكعت بالكاع..باوعت اختها ضربتني على ضهري كل قوته
ميرال:-هاي شكاعد تسوين حقييرة
حاولت اكوم جان تدفعني نور برجلها
نور:-كل عقلج اخليج تولدين ابنج باحلامج
ميرال:-ياحقيراااات اطلعن بره برررره
كمت اصيح عليهن..جان تجرني من شعري نور واختها وينزلني ضرب من الدرج واني بس مخليه ايدي على بطني اعرف هدفهن يموتن الي ابطني..
جنت بس احاول ادافع عن الي بطني مافكرت ادافع عن نفسي ابد
ميرال:-حقيرات وخرررن عنييي
ضربتني ضربه قويه على بطني اختها..حسيت راح نفسي معد اكدر روحي كامت تطلع...كمت اشاهك واخذ النفس بالكوة..كمت تهجمت عليهن واضرب بيهن اريد بس انهزم منهن واصعد لغرفتي.صعدت اركض ع السريع لغرفتي وهنه يركض وراي..لحكت على اخر لحضه فتت لغرفتي وقفلت الباب...حيلي يرجف وبالكوة وهنه يدكن بالباب ويصيحن عليه...ركضت ع الموبايل وخابرت على قصي
ميرال:-قصي تعال تعال بسرعه يريدن يموتن ابني تعال
كلت هيج وسديت الخط..بقيت ارجف ومتوترة  الخوف مسيطر عليه وبس ماسكه بطني مثل المجنونه.وهنه يصيحن ويغلطن...كامن يدفعن بالباب قوي ..واني كمت اصيح حيل جنت خايفه لايفوتن عليه..اريد بس قصي يجي..باوعت المراي مقابيلي...شعري منكوش شحاله وجهي احمر وبس انفت سمعت اخت نور كالت:-هاي اكيد خابرت قصي وراح يجي اني اروح.. .ور شوي فجاة سمعت صوت قصي..كام يدك الباب علي ويكول:-ميرال افتحي الباب اني قصي
فتحت الباب.باوعت قصي واكف...
من شفته كبل حضنته وكمت ابجي
قصي:-هاي شبيج منو مسوي بيج هالشكل
ميرال:-مرتك واختها هجمن عليا رادن يموتن ابني..اني احجي وابجي
من كتله هيج كبل وخر عني ونزل ع السريع جوة
سمعت صوت صياح نور..طلعت من غرفتي باوعت. من الطابق الثاني قصي ماسك نور من شعرها ويجر بيها.. وهي تصيح
قصي:-انعل يومج بنت الكلب والله لربيج
اني بهاي الحاله بعد خلاص ماضل عندي طاقه اتحمل ابقى بهاذ البيت..ابني بطني مامامنه علي..باجر او عكبه هم يجوز يسون نفس الشي..
خابرت على عمتي كبل وكتلها تعاي ابسرعه انطيتها العنوان وكتلها اكفي بالشارع الرئيسي
خليت بالجنطه مالتي بس الاشياء الي احتاجها وطلعت ركض من غير باب..باوعت اخر لحضه للبيت بس اسمع صياح نور..وقصي يحجس ويغلط عليها..طلعت ركض وصلت للشارع باوعت عمتي بسياره هي وزوجها..اشرتلي واني اشرتلها..رحت صعدت ....يتبببع