#الزوجه الثانيه

البارت14

#الزوجه الثانيه
البارت14
للكاتبه Shifaa Almoswy
حسيت باب الحمام نفتح باوعت  قصي باوعلي وباوعتله بدون ماحجينه شي
.. بيده ملابس ماسك .سد الباب وفات للحمام..نزع تشيرت ماله
:-سويلي مجال تااسبح
اني جنت اسبح جوة الدوش.وخرت بصفحه شوي.
اجه يمي جوة الدوش.اني بقيت اسبح ماهتميت ..اخذت الليفه وخليت عليها صابون وشامبو كمت اليف بجسمي..
جان ياخذ الليفه من ايدي ويكوم هو يليف بجسمي على كيفه وبهدوء.باسني من كتفي
:- شون خشمج صار
:-زين اليوم احسن
:-اي عفيه...مادري انو راح تصوبين..موقصدي ابد
:-اعرف موقصدك..
:-شبيج من البارحه كالبه عليه
:-تعرف ليش..تصرفاتك تقهرني
:-اني مابمدي ابد اقهرج بس انتي تخليني بموقف موحلو مايكون بيدي شي. انسى الراح احبج موت والله ماكدر على زعلج
:-مبين.ماشفتك مهتم البارحه
:-بلي والله مهتم واعرف بيج زعلانه..كلت خليها تهدى واحجي وياها.
باسني من كتفي .
:-  احبج.واعشقج والله.انتي خليتي لحياتي طعم ولون حلو
:- اكيد
:-اي والله اكيد
بقه يحجيلي كلام حلو ابتسمت على كلامه وفرحت.
خلصنه سبح  وهو نشفلي شعري بالمنشفه.
لبست تراك زيتوني لونه وطلعت.وهو هم لبس تراك بونه زيتوني صارت صدفه
طلعنه اثنينه من الحمام وكلها تباوع علينه ونوب لابسين نفس اللون..نور من شافتنه نكلب لونها وكلش ضاجت
رحت سشورت شعري بغرفه جنتهم.
كامت الناس تروح وتجي تسلم عالعرسان والكرايب بعدهم موجودين يعني البيت هوسه.شافتني سعديه ام قصي.كالت:-عيب هاللبس روحي غيري ملابسج والبسي دشداشه.قصي جان كاعد بالصاله سمعها من حجت.باوع عليه وعلى ملابسي .رديت عليها وكلت:- بس اني كل لبسي هيج متعودة مو اول مره يعني
كام قصي واخذني للغرفه وكال:-حياتي غيري والبسي غير شي..اني بالنسبه ليه عادي ..ابيتنه شتلبسين البسي ماكلج اي شي بس هين تختلف يعني اخوتي موجودين وولد عمي يروحون ويجون مومثل ابيتنه
:-ماشي هس اغيره...بس مو جايبه معاي دشداشه
:-اخذي من زينب

رحت على زينب كتلها اريد دشداشه بس تكون على قياسي..انطتني اثنين وحدة حمرة وحدة كموني اصفر هيج..جربتهم الكمونيه صارت عليه بالضبط..وتخبل طلعت عليه
زينب:-تموت عليج اخذيها الج
:-تسلمين حياتي.

طلعت اتمشى وكعدت شوي ويه النسوان واقدم مرات جاي او شربت.قصي يبقى ويه الزلم بالاستقبال هو وزيد هم يبقى وياه..قصي كلش يحب زيد ومتعلق بي وزيد كذلك
.رحت للمطبخ .موجودات الجناين يطبخن يسون غده. وكفت وياهن اجه قصي وشافني اخذني بصفحه
:-شنوو هالجمال لو ضالين عالتراك احسن
:-ههههه انت كلت غيري
:-مشتاقلج تره
:-واني هم.صدك شوكت نرجع
:-يجوز باليل نرجع.
:-اي ماشي

بقيت وياهن واعاونهن مرات بالطبخ والشغل.
صار وكت الغده تغدو الزلم بوحد بالاستقبال والنسوان الخطار بالصاله..واحنه تغدينه بالمطبخ .
حسيت بطني كامت توجعني معد اكدر اضل واكفه..رحت بالغرفه وتمددت.اجه قصي عليه وسالني شبيج كتله بطني وجعتني...كالي ارتاحي لاتشتغلين.بقيت متمدده اله المغرب
وراها حسيت نفسي احسن كمت شوي افتريت..صار وكت العشه بس ماكو خطار عالعشه بس العيله وعمات قصي وبناتهن.
صاحتني زينب كالت تعاي تشعي كاعد نتعشه كلنه بالصاله.
رحت للصاله باوعت كلهم كاعدين عالسفره ياكلون. ماكو مكان اليه
رحت يم قصي.كتله سويلي مكان.
:-كعدي حياتي يمي
من كال حياتي كبل نور باوعت علينه وتنهدت.وكلها نتبهت.بعدين هو حس على نفسه..
هو عادي يكلي هيج بيناتنه بس كدام نور مايكول تامايضوجها.
كعدت يمه وكمت اكل
سعديه:-ماتروحون اليوم تره
قصي:-لايوم مانضل انروح
سعديه:-والله ماتروحون تبقون يومين انوب
قصي:-لاتحلفين
سعديه:-حلفت بعد واذا رحت لاتجي بعد
قصي:-ماشي نبقى
بس ماكلت هواي شوي اكلت.
خلصنه عشه واني بقيت يمه...وره شوي تحولت ويه زينب بغرفت صادق اخو قصي..مرته كالت اكعدن بيها.
كاعد نحجي ونسولف جان نسمع صوت عياط وحجي..صوت نور تحجي
طلعنه اني وزينب شفت قصي متعصب حيل ونور ماسكه زيد من ايده ومتعصبه حيل علي وتضرب بي
قصي كاللها:-عوفي لاتضربي
:-مااعوفه اكسر راسه
:-شنو تكسرني كلمتي انتي
:-مالك علاقه اني انجاز بي...كام يبجي يزن.جان تضربه راشدي كل قوته نور
تخبل قصي اجه عليها وسحب زيد من ايدها ودفعها
:-انعل يومج اذا مديتي ايدج علي هيج وكسرتي كلمتي
اجت ام قصي وكالت:خير شكو شبيكم
قصي:-متعصبه ماعرررف شبيها وماسكه زيد تضرررب بي وهووو كلششي مامسوووي
نور:-مايسمع كلامي كتله لاتطلع وطلع
قصي:- يعني هاي مشكلتج لان طلع بره كل الجهال طالعه بره خما بس هوو..مالج علاقه بي فهمتي
نور:-لاوالله شوون ماالي علاقه...مو ميرال هي امو حتى مااتدخل اني..انت اصلا ناسي نفسك ملتهي بغير عالم
قصي:-شقصدج هاااا...اسمعي اكلج اني مومقصر ويه جهالي ولاناسي احد فهمتي اعرفي شتحجين لا اجي اعلمج الحجي زين..
:-اي موناسي احد من جهالك صح.بس ناسيني اني.
كامت تبجي وتشكي وانت هاملني ومعرف شنو
سعديه:اي حجيها صحيح.انت مقصر ويه نور
قصي:-ول يابا بشنو مقصر وياها..شتزودين انتي.ماد ايدي عليها غالط عليها شمسويلهااااا.لاتكفررررني عاااد
طلع متعصب وامه اخذت نور وياها للغرفه وكامت تحجي وياها.طلعت بره شفت قصي بالحديقه كاعد يدخن
رحت يمه:-شو تدخن انت
:-اخذت من صادق جكاره..من اتوازة ادخن
:-وشنو يوازيك بله
:-سوالفجن انتن توازيني..تحجن حجي جبير تبعجني
:-هاا..واني شعليه
:-انتي شعليج مو..
ابتسم جان يكول:-انتي اصل الفواين هههههاي
:-اهاا.بسيطه اني اعلمك
:-شتعلميني بله
:-اعلمك بالغرفه مو هنا
:-صدك يله خلي نروح للغرفه لعد.هههه
مديت راسي بحضنه وكمت اشتم بي.جان تجي رونق كالت:-وخري عن بابا
ميرال:-ههههه..ماوخر شتسوين
:-وخري عن ابوي.بس اني اكعد بحضنه
قصي:-تعاي بحضني
خله رونق بحضنو من جيهه واني من جيهه.
بقينه هيج جان يجون خطار..اني كبل وخرت وفتت جوة.
اجو خوال قصي عيلتين خالته وخاله ..كعدو الزلم بالاستقبال وحنه ويه السنوان بالصاله
صارت الساعه بال12 ونص
اني حسيت  نفسي تعبت كلش اريد انام.
خوال قصي اجو بياته مبينهم
ام قصي كالتلي روحي اشطفي الطارمه.رحت شطفته صارت الساعه1وربع.فتت جوة باوعت البيت سكته وكلها نايمه
فتت على اول غرفه شفت ام قصي ونور والجهال وزينب نايمات ..كمت افتر من غرفه لغرفه اريد مكان انام بي ماكو كلها نايمه وفارشه فراش..حتى فراش ماضلي..
احترت وين انطي وجهي واني التعب موتني..خابرت على قصي .كتله تعال للصاله.اجه عليه باوعت وجهه وارم مبين جان نايم
قصي:-ها شكو
:-ماكو مكان اليه اريد انام وين اروح؟
:-شنو ماكو مكان
:-والله كل الغرف مليانه ونايمين حتى فراش ماضلي
:-تعالي الحكيني.
لحكته فات للغرفه الي بيها امو ونور..شغل الضو
جان اكو منام فوك الكنتور...فتحه كله وطلعلي فراش منه. نور وامه كعدن كامن يباوعن .ووخر الجهال بصفحه وسوالي مكان..كالي نامي يلا

كلش حبيته بذيج اللحضه حسيته هو سندي والامان مالي .بسته من خده وكت طلع من الغرفه ورجعت فتت جوة تمددت بمكاني..امو كالت:اييه اييه نسوان اخر زمن..
ماهتميت الها.
مسكت موبايلي ودزيتله رساله كتبت بيها احبك يروحي
رجع دزلي.اموت على حلكج
نمت وكعدت الصبح .وهو هم كعد .سويت ريوك اليه ولوة... جنت كلش متعلقه بي بهاي الفتره بمدي ماعوفه وين مايروح اروح وراه.حتى مرات نسوان اخوته يكوللي شبيج ماتعوفينه خما راح يطير.
واذا اشوفه يحجي او يسولف ويه نور ويضحك..اموت من القهر اروح بصفحه ابجي

ماعرف بضبط ..بس الي اعرفه اني جنت احس روحي بي مثل طفل وبمده مايعوف امه.....يتبببع