#الزوجه الثانيه

البارت2

#الزوجه الثانيه
للكاتبه Shifaa Almoswy
البارت 2

طبينا اني وياه..جان تفوت مره عرفت هاي زوجته
عمرها يطلع بالثلاثين حلوة..جسمها مليان بس اكصر مني
..اني مواصفاتي..طويله ورشيقه وشعري عسلي طويل

بقت تباوع وصافنه علينه بقت هيج
قصي: نور..هاي ميرال الي كتلج عليها...اليوم مسكنا عقد
حسيت وجها نكلب
نور:-شنووو..يعني بهالسرعه هاي تزوجت...وفوكاها جايبها ابيتي...
قصي:-اني كتلج احتمال باي يوم ازوج..المفروض تستعدين لأي شي
نور:-بس ماكتلي راح تجيبها البيتي..شون هيج تجرات تسوي بيه هااا
كامت تعيط وتحجي وتبجي تخببلت حسيتها وكت الصدك معد تتحمل
قصي:-نور اهدي ....
نور:-شلون تريدني اهدا هاااا شووون شنووو من كلب عندك وليش اصلا تزوج غيري ليشش..شمقصرة وياك اني...بس كلي بشنو مقصرة وياك بشنو..كلشي تريد اسويلك وماشيه على هوايك ومربيه جهالك احسن تربيه..ليييشش هيج لييشش
قصي:-نور اني مانكر انو انتي مامقصرة وياي بشي ولامقصره ويه الجهال...بس اني جان بنفسي اتزوج ميرال وكتلج عليها يعني عندج علم
نور:-بس ماجنت مصدكه انو راح تسويها كلت يجوز بس يسولف ماتوقعت هيج تسوي ابد ماتوقعت
كامت تبجي وتحجي اشتد الحجي حيل هي وقصي
اني بصراحه كلش انقهرت عليها هي هم شنو ذنبها ومبين ماناقصها شي خوش مره وحلوة..ليش حتى يفكر يحبني ويريد يزوجني شنو السبب!!
تعاركو وصوتهم بدة يعله كلش
نور:-ماتبقى هاي الجبتها لحضه ابيتي ماتبقى والله اكلب الدنيا اليوم ...هس تطلعها
قصي:-شنو ماتبقى وين تريدين اوديها
نور:-ماعليه اني هس تطلعها
اجت عليه تاتجرني.. اني وخرت
اخر شي سحبها قصي من ايدها واخذها لغرفتهم
وقفل الباب...صوتهم كام يعله اكثر واكثر
اني كلش خفت وكمت ارجف شعور غريب ورهيب
اسمعهم يحجون
نور:-هاي الكح....... ماتضل ابيتي والله ماتبقى
قصي:-ماجنت ناوي اجيبها للبيت من اول يوم...بس ماعندي غير حل..يعني شون اعوفج واروح يمها..وارجع اعوفها واجي يمج شون اخليجن بوحدجن
نور:- ماعلياااااا تنكلع من بيتي وهس تنكلع
بقو ع هاي الوضعيه هي تحجي وتغلط وتعيط  وهو همين...وره شوي طلع قصي من الغرفه..ودك علي الموبايل وطلع بره يحجي بالموبايل
جان هي تطلع وتجي تكعد مقابيلي
نور:-شون قبلتي تاخذين واحد مزوح وعنده اطفال هاااا شون
ميرال:-ماجنت اعرف والله انو مزوج
نور:-ماصدك جذبج انتي حقيرة لان رضيتي بشخص مزوج
ميرال:-اقسملج بالله ماجنت اعرف انو مزوج...اليوم عرفت قبل مسك العقد بلحضات كالي ...اني هم انصدمت  كلش وتفاجئت
نور:-وليششش ما عفتي كبل من كالج هاااا ليششش
جان عفتي ورحتي بطريقج ..ليش اصريتي تدمرين حياة غيرج
ميرال:-قصي خلاني بموقف كلش صعب اني جنت معاندة اهلي ومزاعلتهم واهلي مزاعليني لان جنت معاندتهم على مودة..ماجان عندي اي حيل غير انو اوافق
نور:-هذا مو مبرر لفعلتج ابد
ميرال:-لاتحاسبيني ..حاسبي زوجج اني هم حالي من حالج هم مصدومه...ولاتحسبيني طايره من الفرح
البيه مكفيني والله
نور:-شوفي ماتبقين هين ابد تنكلعين....هذا بيتي اني وبيت جهالي .غصب عنج تطلعين منه .وين ماياخذج خل ياخذج بس هين ماتبقين فهمتي
..بقيت ساكته ماعرفت شرد عليها
..باوعتلي مخوزرة حيل وكامت من يمي

فات قصي:-حياتي لاتهتمين من حجي نور.. تعرفين يعني شمايكون هس انتي صرتي زوجتي وطبعا هالشي راح يضوج نور تحمليها شوي الخاطري
ميرال:-يعني فوك مامزوج وقبيت عليه وخدعتني..هم تريدني اتحمل مرتك...شنو من بشر انت هااا

قصي:- اوووف كومي غسلي وخل اخذج لغرفتج
ميرال:-ليش اكو غرفه اليه !!
قصي:-اكيد طبعا. امشي وياي
كمت وياه اخذني للحمام..فتت غسلت
ميرال:-نزل الجنط مالاتي من السياره تاغير هدومي
قصي:-نزلتهم..هس اجيببلج اياهم..
انطاني الجنطه وطلعت منها هدوم اليه ..غسلت وبدلت..
قصي:-امشي خلي نصعد فوك
صغدنه قوك ع الطابق الثاني..فوتني على ثاني غرفه بالطابق الثاني..فتت عليها
قصي:-حياتي هس ارتاحي هين...ماجنت اعرف انو راح اجيبج هين كبل...جنت مفكر نروح للفندق فترة..بعدين اجيب غرفه الخشاب هين..ماحسبالي كبل نجي لهنا
ميرال:-عادي..فتت للغرفه..غرفه حلوة  بس مابيها خشاب نوم..مجرد قنفه ومرايا.. بس مرتبه..يعني سيراميك وسقوف ثانويه حلوة..وبيها بلكونه وشباكها صاير ع الحديقه...كعدت بيها وخليت جنطي بالكاع..
قصي:-اروح اجيبلج فراش حتى تنامين وترتاحين...راح جابلي فراش..فرشه ليه وتمددت علي

بهاي اللحضه معد اسيطر على نفسي..تمنيت لو مومزوج يعني مثل مااني جنت متخيله انو راح نبقى بوحدنا عيوني كامت تدمع كمت ابجي
قصي:-يروحي يعمري يكلبي...والله والله ماقصر وياج بشي واعوضج وعد مني اعوضج عن كلشي...اعرف الي سويته وياج مو قليل وشتحجين عليه من حقج..بس صدكيني راح انسيج كلشي
بقت عيوني تدمع وتمددت...قصي خله راسي على رجلو وكام يمسح على شعري..اله مانمت....طبعا جانت الساعه تقريبا 11ونص الصبح
اخذتني النومه...كعدت باوعت حواليا ماكو احد...خفت كلش
ميرال:-قصييي قصييي....جان يفتح الباب قصي
قصي:-هاا يروحي شبيج
ميرال:-ليش رحت وعفتني
قصي:-مارحت حياتي موجود يمج
اجه تمدد يمي..وكام يلعب بشعري ويسولفلي
بهاي الاثناء جان ينفتح الباب
ويفوت ولد يطلع عمره تقريبا 6سنوات
اجه الولد يركض على قصي
قصي:-هلا يروحي تعال ابوسك...كام قصي يحضن بالولد ويبوس بي
الولد:-بابا منو هاي؟!....يتببببع