#الزوجه الثانيه

البارت12

#الزوجه الثانيه
البارت12
للكاتبهShifaa Almoswy

باوسهتن وطلعت..خليت غراضي بالسيارة من وره وصعدت من كدام
قصي:-ها حياتي شونج
ميرال:-بخير..وانت شونك
قصي:-اكيد بخير مادامج يمي
ميرال:-امممم..
قصي:-عابت الهالحلك..اموت علي
ميرال:-هههه..واني هم اموت عليك
قصي:-من زمان مامسمعتني هيج كلام..مكضيتها وياي بس مارجع ومارجع وتسدين الموبايل
ميرال:-ههه تستاهل
قصي:-اشكد حقيرة ههههاي
ميرال:-اني حقيرة؟
قصي:-لايمعودة موعليج..على عمتج هههه
ميرال:-لابله..عمتي ذهب ماكو منها
قصي:-والله عاد والنعم منها
ميرال:-خلصت المطبخ مو
قصي:-اي كملته..
ميرال:-وجبت اغراض كامل
قصي:-خليت مغسل وسنك وشتريت كاونتر وثلاجه وطباخ..وكم شغله اساسيات وباقي الامور اخذج وياي تشتريهن لان ماعرف بضبط شنو يحتاج المطبخ بعد..انتي ادرى
ميرال:-خوش لعد..اهمشي اخذ راحتي
قصي:-طبعا تاخذين راحتج ..الطابق الفوك كله الج
ميرال:-تمام..بس اني احب الحديقه انزل وافتر بيها بكيفي ماليه دخل
قصي:-اي عادي افتري بكيفج بيها الحديقه مومحددة .اروح للمطعم هس نتغدة
ميرال:-اي خوش جوعانه والله؟
اخذني للمطعم تغدينه هناك ورجعنه .وصلني للبيت
نزلت وقصي نزل الجنطه.فتت جوة باوعت نور بوجهي
كبل كالت بصوت واطي:-لاهلا بهالوجه
ولا عبرتها فتت جوة وصعدت فوك لغرفتي ..اول مادخلت وشفت غرفتي..حنيت الها شويه..بس صايره كلها تراب وهوسه..اجه قصي ودخل الجنطه للغرفه
قصي:-غرفتج مشتاكتلج
ميرال:-واني هم
قصي:-تعاي شوفي المطبخ

مشيت ويه قصي فتت للمطبخ كلش زين وعجبني حجمه وسط ومسوي سيراميك وشاد بي كاونتر ومغسل.فتحت الثلاجه ملينه مسواك
ميرال:-حيل زين خوش شغل..بس اريد السنك مال المغسل من جيهه الشباك
قصي:-عادي ..احوله ميخالف.الشي الناقص وتحتاجينه كوليلي علي اجيبه
ميرال:-خوش
قصي:-رضيتي هس؟
ميرال.اممم يعني...اريد انضف غرفتي هس ماكدر افوت بيها مليانه تراب
قصي:-ماشي نضفي انتي اني انزل جوة
شطفت غرفتي ومسحتها وغسلت الجراجف ووجوه المخاد وخليت جرجف ووجوه جدييدة وعزلت داخل المكاتب..نضفتها كامل وشطفت المطبخ والحمام..الطابق الفوك كله نضفته..خلصت وفتت للحمام حفيت جسمي وسبحت طلعت فتت لغرفتي لكيت قصي متمدد ع التخت وماسك اللابتوب:-اووو هس الواحد ارتاح
مشطت شعري وخليت شوي مكياج وتعطرت طفيت الضو وتمددت يم قصي
قصي:-مشتاكلج بعنف
ميرال:-بعنف؟!
قصي:-اي يعني موووت
كام يبوس بيه..نمنا سويه
كعدت تقريبا الساعه6
باوعت قصي مويمي..فتت سبحت وطلعت شسورت شعري..نزلت جوة تاروح للحديقه جان اشوف نور
نور:-شعندج نازله جوة..اعتقد حكرتج فوك لو اذكرج
ميرال:اني رايحه للحديقه..واعرف مكاني فوك..الحمدلله ياربي اني فوك موجوة
عفته ورحت اتمشي بالحديقه..خابرت على عمتي وحجيت وياها ومع صبا وسلمت عليهم..بعدين خابرت قصي
ميرال:هلوحبي.وين انت؟
قصي:-هلا حياتي.طلعت بشغله.شوي وارجع
ميرال:-ماشي