#الزوجه الثانيه

البارت13

#الزوجه الثانيه
البارت13
للكاتبهShifaa Almoswy
حسيت معد اكدر من الغيره..رحت يمهم وكفت
ميرال:هاي وينكم يله تنروح
نور:-قصي اشتريلي هاي القطعه البنفسجي عجبتني

باوعلي قصي وباوعتله بحدادة
قصي:-ماشي
اشتره القطعه الها وطلعنه..صعدنه بالسيارة ورحنه تغدينه بالمطعم وراها رجعنه للبيت..اني كبل خليت العلاكه بالقنصور وبدلت عالسريع وتمددت من التعب..جان بهذا اليوم قصي يبات يم نور..هو راح لغرفتهم واني نمت بغرفتي.

كعدت العصر احس جسمي تعبان كلش من كثر المشي
كمت غسلت وشوي مرنت جسمي وفتحت الشبابيك والبلكونات حتى يتهوى المكان واهوي غرفتي ..تباوعت من البلكونه للحديقه..شفت قصي وامه  واخوه صادق ونور كاعد يتسولفون على مود العرس..متناقشين على مود اللحم والمعازيم وشون راح يرتبون كلشي..بقيت اباوع عليهم .جان تشوفني نور..حسيته عيبت او خوزرت من شافتني..وره شوي صادفت عين قصي بعيني..جان يغمزلي..ابتسمت اني.بقيت اسمع حجيهم
بس ماكدرت انزل واختلط وياهم لان اعرف امو ماتحبني ولانور فعلى شنو انزل اضل بغرفتي احسن
بقيت وسويتلي عشه .تعشيت بوحدي وقصي تعشه جوة ويه نور.وره شوي صعد قصي.وفات للغرفه اني جنت متمدده عالتخت
قصي:-ها عمري
ميرال:-هلا ..
قصي:-شدسوين
ميرال:-ماسوي شي كاعد اباوع تلفزيون
قصي:-خوش
ميرال:-شعجب صعدت..لازم ماشفتك نور من صعدت
قصي:-شنو شعجب شهالسوااف وقابل خايف منها اني..لامنج ولامنها اخاف بكيفي اروح يمها اجي يمج
ميرال:-  على كيفك مجرد كلمه ..شبيك تعصبت
قصي:-مو سوالفج معرف شون

شفته شوي ضاج وتعصب حبيت اهدي
ميرال:-ماشي حبي اهده..مشتاقتلك
قصي:-هاا.اكيد
ميراال:-اكيدات
قصي:-باجر اودي نور من الصبح هي والجهال لاهلي.على مود تساعدهم شوي...امي كالت جيبه...وانتي الضهر اخذج
ميرال:-ماشي حياتي..

حجينه شوي .وكام تايروح وصل باب الغرفه جان يندار ويباوعلي..باوعتله اني هم..جان يجي عليه يبوسني من حلكي كل قوته..وطلع.

اني طفيت التلفزيون والضو ونمت...كعدت الصبح بال8..غسلت وسويتلي ريوك ..سمعت صوت قصي يكول:-يله نور تحضري بسرعه تاوصلج
خليت ريوك بغرفتي وكعدت اتريك...فات قصي.كالي:-طلعي بنطروني وقندرتي
كمت طلعت البنطرون...
قصي:- موعدل اكوي بسرعه..والقندرة امسحيها زين
ميرال:-ماعندي كوايه..
قصي:-هس اجيبلج الكوايه من جوة

طبعا قصي بي طبع..كلش نضيف ويهتم بروحه باليوم يسبح مرتين..واذا حاره اكثر...ويهتم بالمنضر ماله كلش..دايما مرتب ومعطر ...جاب الكوايه.وكويتله البنطرون ومسحت القندرة وصبغتها
خلص وكالي:-هس عالسريع اوصلهم وارجع زين؟
ميرال:- ماشي.
طلعو وراحو بالسيارة..نزلت جوة اني افتريت شوي بالبيت ..صار عندي فضول افوت لغرفه نور..فتحت الباب بس مانفتح مقفول..اكيد ماراح تخلي غرفته مفتوحه واني وحدي موجودة بالبيت..عفته ورحت للمطبخ شفت خلاط اشتهيت اسوي عصير ...لكيت مطعم وجياس شربت مال عصير ليمون..سويتلي منه..وطلعت ليمونه من الثلاجه وخبطتها بالخلاط وياه ..طلع يجنن العصير
شربت كلاصين ونص منه..بعدين غسلت الخلاط والكلاص كلت احسن ماريد تشوف انو اني استخدمت شي من غراضها جوة وتسويلي سالفه
ماطول كلش قصيي جان يجي لكاني بالصاله
قصي:-صار البيت لأم طيرة وطارت بي فرد طيره هههههاي
ميرال:-.....اي ليش مايلوكلي مثلا لو ماستاهل
قصي:-استغفرالله ياكلمه ردي مكانج...اشاقه وياج حياتي..تعااي نروح للغرفه مالتنه مشتاقلج مووت.اني راح اصعد الحكيني
ميرال:-لاحكتك..
صعدت وراه طبيت للغرفه..وكبل مسكني بوس وحضن وكلششششي.......خلصنه ..وكالي:-سوي اي شي غده عالسريع شي خفيف بس يسد جوعنه حتى انام شويه لبين ماالساعه تصير3 حتى نروح..لان امي  كل شوي تخابرني وراح تخبصني اذا تأخرت ..
ميرال:-اي هس..رحت عالسريع قليت بطاطا وبيدنجان وسويت وياهم سلطه...تغدينه وسويت جاي  لقصي..صارت الساعه بال12 وكبل نمنا..كعدني قصي بال2 كالي كومي تحضري كمت عالسريع سبحت وطلعت لبست للفستان اول شي وبعدين تمكيجت خليت مكايج شوي قوي يجنن..وسشورت شعري رفعته لي فوك ونزلت البقي وسرحته خلصت كامل ولبست حذائي..قصي بهاي اللثناء هو هم جان يتحضر ويرتب نفسه..
ميرال:-شوي متوتره لان راح اروح لعرس ماعرف ولا احد هناك بس زينب وامك كلها غربه عليه
قصي:-لا حياتي تعودين...انتي جنتهم هس
ميرال:-ها شوني  ...شون طلعت
قصي:-اقسم بالله تموتين طالعه..انتي اصلا حلوة بدون كلشي..خففي شوي من المكياج حبي
ميرال:- حياتي شبيك هاي عرس واخوك هذا..خما شون اريدني اروح
قصي:-ماشي..يله خلي نروح ترى امي ذبحتني كل شوي تتصل..ها صدك اخذي وياج ماابس لان راح نبقى يومين  هناك امي لحت عليه نبقى
ميرال:- هاا..ماشي هس اطلع ...خلصت اني خلي نطلع..
خليت شال على راسي وطلعنه..وصلنه البيت.
وصلنه البيت ..بس جان هوسه كلش يم الباب وزلم كومه..
قصي:-خلي شال على راسج.