#الزوجه الثانيه

البارت15 والاخير

#الزوجه الثانيه
البارت15
للكاتبهShifaa Almoswy
ختمت القصه لان لحو الاعضاء على مود يعرفون النهايه فاتخصرت الاحداث

جنت كلش متعلقه بي بهاي الفتره بمدي اضل يمو وماعوفه..جنه بعدنه موجودين يم اهل قصي.الساعه تقريبا 10 ونص باليل..كاعدين اني وزينب وباقي الجناين نتعلل..رحت للمطبخ تاجيب مي..
وصلت يم باب وحدة من الغرف سمعت صوت قصي
:-كافيج عاااد زودتيها..تطلعين سوالف .بشنو مقصر وياج هااا
:-حقك هيج تكول لان ماتحسس بيه..
:-يعني شنو بيدي اسوي وماسويته الج
:-انت من تزوجت تغيرت عليه..ملتهي ويه مرتك الجديدة
:- ول يابا بشنو ملتهي وياها..ترى اني ماكاعد افرق بينجن
:-مفرق ونصص..حسبي الله عليها الي هجمت بيتي من يوم مااجت..هاي الكلبه بنت الكلب انعل ابوها لابوها

اني من سمعتها هيج كالت وسبت ابوي..تخبلت كبل فتت للغرفه
:-احتررمي نفسج ولاتغلطين على ابوي فهمتي
نور:-ابوج لو بي خير ماخلاج تاخذين واحد مزوج..انكلعي عن وجهي.
:-ابوي اشرف منج..وانتي الي مابيج خير.حقييرة
تدخل قصي وكال:-كافيجن اسكتن احنه موبالبيت
رديت اني وكلت:-تحجي عليه ابلع..بس تجيب طاري ابوي لاابد. ماسكت..
نور:-امشي اطلعي بره..ادبسسزز مومربيه عفتي كل الزلم وجيتي على زلمتي بلا اصل..
:والله عاد زلمتج هو الي مات عليه واخذني موبس اني
قصي:- ولللللجن كافي

اجت ام قصي وهم تدخلت ووكفت بصف نور
سعدية:-سكت مرت هذيج الي لسانها اطول منها
ميرال:اي الساني اطول مني اذا احد جاب طاري ابوي

قصي:-انتن ليش ماتحترمني موكاعد اكول كافي..الي تفتح حلكها اكسر راسها.
طلعت اني من الغرفه ورحت للحديقه.لحكتني زينب
:-خير شبيج انتي ونور
:-جانت متعاركه ويه قصي.وسبتني.اني ماتحملت وتدخلت
:-اهاا.وانتي شعليج.مو المشكله هي وقصي
:-لا جانت تحجي علي..ضلت ساعه تحجي ماكتلها شي.بس من سبتني ماتحملت اضل ساكته
:-اي حقج.
كاعد نحجي جان يجي قصي وكف يمنا.بس مخوزر كلش.زينب من شافته فاتت جوة
قصي:-ليش تدخلتي
ميرال:-تعرف زين ليش تدخلت.ماسمحلها تسبني
قصي:-اني اعرف شون ارد عليها..ماله داعي تدخلين
:-والله اتددخل اذا تحجي هيج
:شوفي اكلج عناد لاتعانديني...
عليت صوتي شوي
:-ماكااعد اعانددك ..ساعه اسمعها تغلط علي وماتددخلت اني بس ماشفتك دافعت عني...
:-صوووتج لاتعلي علييي فهمتيييي

سكتت بقيت ساكته
:-شوفي اني اعرف شكاعد اسوي .واعرف شون اسايسها واجيبها بالحجي ماريد اخليها تضوج منج اومني..اوتحسب انو هي مضلومه
:-ماشي
درت نفسي وفتت جوة.كبل رحت نمت.كعدت ثاني يوم اجه قصي عليه كالي حضري هدومج تانروح للبيت

كيفت من كالي هيج اريد بس نرجع واخذ راحتي بغرفتي
حضرت ملابسي عاالسريع ونور هم تحضرت وحضرت جهالها.وطلعنه..اني كبل صعدت من وره بدون حجي..المهم وصلنه البيت كبل طلعت فوك على غرفتي.شطفته عالسريع وبدلت الجراجف.وتمددت عالتخت ونمت كعدت باوعت قصي نايم يمي.
مرت فتره على هاي الحال وبطني بدة يكبر شوي شوي