#الزوجه الثانيه
البارت6
للكاتبه Shifaa Almoswy
رحت وياه بغير عالم بعيد عن الهموم والمشاكل والتفكير نسيت كلشي بين اديه وبحضنه..نمنا وكعدت الصبح فتحت عيوني باوعت قصي نايم..كلش فرحت من شفته يمي ..حسيت مشاعري شوي بدت ترجع تجاهه من بعد هاي الليله.
بقيت اتأمل بوجهو الى ماكعد
قصي:-صباح الخير حياتي
ميرال:-صباح النور
قصي:-فديتج.
ميرال:-......
قصي:-احلى ليله .....احبج ...واموت على كلشي بيج
وانتي تحبيني بعدج؟
ميرال:-اي
كاعد نحجي اندك الباب مال غرفتنه
قصي:-منو
رونق:-بابا هاي اني
كام قصي وفتح الباب طبت رونق:-بابا امي تصيحك
قصي:-ليش
رونق:-ماعرف.هي كالتلي
قصي:-اي باباتي هياني جيت
لبس ملابسه قصي ونزل جوة...انتضرته شوي بعدين اجه سبح عالسريع وطلع كال:-زيد مريض اروح اودي للدكتور
ميرال:-ليش شبي
قصي:-ماعرف..نور تكول مانام بالليل
ميرال:-ماعلي شر..روح اخذه
طلع قصي واخذ زيد وراحت وياهم نور
بقيت اني ..ورونق جانت تلعب
اتصلت علي عمتي..وحجيتلها كلشي..ماقبي عليها شي ابد
من احجي وياها شوي ارتاح.. عزلت غرفتي ومسحتها وشطفت الحمام وغسلت المغاسل الي فوك يم غرفتي.نزلت جوة وافتريت بالبيت شفت اكو غرفه الرونق وزيد بيها تختات الهم والعاب وبلازما وطلعت افتر بالحديقه واباوع ع الورد والشجر.بذاك الوقت جان نهايه ربيع يعني بدايه صيف بس الجو حلو
بقيت انتضر يرجع قصي..سمعت صوت السياره يم الباب دخل قصي شايل زيد ونور...رحت عليهم
ميرال:-ها شلونه زيد
قصي:-زين .مابي شي.يكول ماعنده اعراض صخونه
ميرال:-اي خوش الحمدلله
فتنه جوة..نور اخذت زيد وفوتته للغرفه مالته
قصي:-خوفتني علي مانام كل الليل ومانام وكت اودي كلشي مابي
ميرال:-هاا..ماعرف
دك الموبايل على قصي ورد:--هلا خال شونك.......اي صحيح.....ليش مايصير مثلا.....انشاءالله خال..يبارك بعمرك..مع السلامه..كل شوي واحد يخابرني صحيح تزوجت صحيح تزوحت...والله لعبت نفسي راح اغلق الخط
ميرال:-ههههههه
قصي:-وجع لاتضحكين...
ميرال:-اني جوعانه اروح اسويلي شي اكله
قصي:-سويلي بطريقج
ميرال:-تمام..طلعت لحم مثروم وخليته ع النار وكمت اسوي السلطه وقصي وياي بالمطبخ نسولف ونضحك
جان تفوت نور وكلش مخوزرة:-ابنك مريض وشحاله وانت كاعد تمضحك ويه هاي الدايحه ولا عبالك اكو شي ولاهامك
قصي: اول شي ابني اخذته للدكتور وكال مابي شي..وثانيا عيب تكولين دايحه مايصير هالحجي..واعتقد ابني يهمني اكثر من مايهمج فهمتي لو لا..واعرفي اشتحجين انوب
كبل كامت تبجي وتحجي:-اني كل الليل يم راسه وانت نايم ويه مرتك ولاتدري وفوكاها هس بدال ماتكون يمس ملتهي تضحك وياها
قصي شوي انقهر عليها من كامت تبجي
قصي:-نور عيوني..شون مومهتم اله مو اخذته كبل من كلتيلي مريض وكدامج الدكتور كال مابي شي..يعني شسوي مثلا..امشي وياي اخذها لغرفتهم..
اني بصراحه كمت اكمز ردت اعرف شراح يحجون.صار عندي فضول..رحت اتصنت ...نور تكول:- انت من تزوجت نسيتني حتى ماتباوع بوجهي
قصي:-لا لا..شون هيج تكولين شون انساج انتي ام جهالي وام كلب جبير وحنون معقوله انساج.مكانج بكلبي محد بغيره ابد
حسيت الغيره اكلتني من هيج كام يحجي وياها
نور:-لا ميرال غيرتك
قصي:-داكلج محد يغيرني عليج ولا احد يكدر يغيرني على اي شي موبس عليج
نور:-اكيد
قصي:-اي والله...دك الموبايل على قصي
اني كبل رحت اركض للمطبخ..حتى الطاوة مشعوله شوي لكيته
طلع قصي يخابر بره..واني اباوع علي خلصت الاكل وخليته بالصينيه وصحت قصي وصعدت فوك
كعدنه ناكل اني وياه
ميرال:--نروح اليوم للسوك اريد اشتري ملابس وكم شغله ناقصيني
قصي:-حبي مو اليوم عندي شغل هس يجي صديقي واروح وياه...باجر اخذج
ميرال:-اوك
خلصنه اكل ورة شوي اجه صديق قصي وطلعو سويه
صعدت لغرفتي تمددت..جان ينفتح الباب باوعت نور
تفاجئت من شفتها
كامت تباوع لللغرفه وعيونه تروح وتجي
نور:-شوفي عيني جيتي البيتي وسكتت وجابلج غرفه وسكتت والبارحه نام بحضنج هم بلعت..بس صدكيني ماخليج تفرحين ولاتبقين هين اكلعج والله
من كالت هيج صار عندي شوي جراة انو ادافع عن نفسي
ميرال:-والله حبيبتي اني مرته مثل ما انتي مرته والي حقوق بكلشي بيت وغرفه وحضن ونوم وكلشي..ماكو وحدة احسن من الخ..فحاولي تتقبلين الوضعيه..لان راح تتعبين هيج
نور:-هههههه وضعيتج هاي مؤقته ماعديها الج ابد
ميرال:-اعلى مابخيل راسج اركبي فهمتي..ولو انتي شاطره بس تحجين يمي من وره قصي.بيج خير احجي هيج كدامه
نور:-اني مو غبيه حتى احجي هيج كدامه.كل مره لازم تعرف شون تستخدم شطارتها وعقلها..مبينج بعدج عقلج صغير ماتفهمين
ميرال:-مادام عقلج جبير وتفتهمين واني عقلي صغير...لعد ليش زلمتج جاب ام العقل الصغير وفضلها عليج يا ذكيه..جان بقه يمج..اتحداج تفتهمين شي اصلا
ضاجت كلش من كتلها هيج
نور:-لاتنغرين حيل ...المعياد التالي
كالت هيج وطلعت...بس حسيت كلبي برد من كتلها هيج وبنفس الوقت ضجت لان هي شمايكون اني الي نزلت عليها ضره مو هي..تبقى هي صاحبه الحق
اخذتلي غفوة وكعدت العصر على صوت هوسه نسوان وجهال...طلعت من غرفتي باوعت من الدرج شفت نفس البنات الي ضربني عرفت خواتها...رجعت فتت لغرفتي وكمت اكلب بالموبايل..دزيت رساله لقصي كتبت شوكت ترجع
مارد علي...الجوو عصر وطيبه حبيت انزل للحديقه..بس جنت مترددة تاماشوف خواتها...بقيت بغرفتي بس ضجت كلش كلت الى متى ابقى هيج كل مايجي احد ماكدر اطلع واتخوف...خلي انزل وافتر بكيفي وشو يعني
لبست بنطرون وبدي وردي وخليت مكياج شوي وسشورت شعري وخليت السماعات باذني. نزلت جوة افتر وهنه يباوعن عليه بنضرات حادة كلش..بس ماهتميت الهن ابد طلعت للحديقه اتمشى.اجه زيد يمي
ميرال:-هاي زيودي شونك
زيد:-اني زين ..شنو تسمعين اريد اسمع
خليت وحدة من السماعات باذنه جنت مشغله اغنيه تامرحسني..(نور عيني)كام يضحك زيد.
ميرال:-ها عجبتك الاغنيه
زيد:-اي حلوة...شو فجاة جان تجي اخت نور وتاخذ زيد من يمي بكل قوة وتريد تاكلني وتكول:-تعال لايعضنك الجلاب
عرفت تقصد عليه..ليش وين اكو جلاب اصلا
طنشتها وبقيت افتر وجنت متونسه ..بس كل شوي يجي على بالي اهلي والبيت ارجع انقهر واكول بكلبي اله مايجي يوم ويسامحوني اكيد..لان ابقى بنتهم
كاعد اتمشى جان يفوت قصي شايل علاليك مسواك
رحت علي
ميرال:-ها حياتي دزيتلك رساله شو مارديت
قصي:-ماشفته مانتبهت جنت بالسوك...شنو هالجمال طالعه تموتين..
ميرال:-غمزتله من كالي هيج
قصي:-تتعمدين تموتيني انتي..بسيطه اني اعرف شون اخذ حيفي منج واطلعها مربع ههههههه
ميرال:-شنو جايب وياك
قصي:-خابرتني نور كالت جيب مسواك خواتها جايات يتعشن
ميرال:-اها..اي اجن العصر
فتنه جوة نمشي وكلهن يباوعن علينه تكول ماشايفات
انطه المسواك ال نور
نور:- عمري جبت كلشي كتلك علي
قصي:-اي جبت كلشي...صعد فوك واشرلي بمعنى الحكيني..صعدت وراه وقتنا لغرفتنه وقفل الباب
قصي:-بعد ماتحمل ...اشتاقيتلج موت
ميرال:-شدعوة بالله
قصي:-اي والله..
اخذني بحضنه ونمنا سويه..خلصنه وفتت سبحت طلعت من الحمام امشط شعري باوعت نور مقابيلي..تباوعلي بمدها تموتني ..بقيت امشط شعري ماهتميت الها..
نور:-وين قصي
ميرال:-ليش
نور:-وانتي شو تسأليني ليش..اروح اني اصيحه
ميرال:-على كيفج هس اصيحه
فتت للغرفه وكتله نور تصيحك
طلع عليها ورجع
ميرال:-ها شتريد منك
قصي:-ماتريد شي تسالني اذا عندي شغل باليل لولا حتى اوصل خواتها وره الشعه
ميرال:-هااا..
اعرف تسوي هيج تابس تخرب كعدتنه سويه
صار وكت العشه وصاحني قصي كالي تعاي تعشي ويانا
مارديت خبر نزلت جوة وكعدت اتعشه وياهم..ماكو شي مومسوياته..باميا على لحم وتمن ودجاج ودولمه وبرياني كومه مسويات..بس الصراحه الاكل طيب بقيت اكل ..واعرف بداخلهن يكولن سم..بس اني صار عندي عادي كمت اقوي كلبي واكول لازم اتعود على هاي الوضعيه ..
خلصنه عشه وتعشينا وره ساعيتن اكثر قصي وصل خواتها للبيت ..ورجع صارت الساعه ب11 تقريبا..
قصي راح الغرفه نور ..لان اليوم يبات يمها..
بقيت بغرفتي اباوع تلفزيون ومره اكلبب لموبايل..عطشت ونزلت جوة تااشرب مي..فتت للمطبخ وشربت مي..جان تفوت نور هم تاتشرب مي
باوعت عليها مبتسمه وحسيت بحلكها حجي تريد تكوله
نور:-اوف منك قصي ماتبطل سوالفك..جان تخلي ايدها على ركبتها ..شفت ااثر على ركبتها مثل احمرار..عرفت سوت هيج عمدا تاتضوجني. اني كبل صعدت لغرفتي.بس الصراحه معد اكدر حسيت اول مره هيج يصير عندي غيره يموت اختنكت ..حسيت روحي طلعت......الغيره عباره عن نيران حارقه.....يتبببببع
أنت تقرأ
#الزوجه الثانيه
Roman d'amourقصه تتحدث عن رجل يتزوج فتاة ولايخبرها انه متزوج قبل ولديه اطفال..يقوم باخبارها قبل عقد القران بلحضات
