#الزوجه الثانيه

البارت8

#الزوجه الثانيه
للكاتبهShifaa Almoswy
البارت8

راح اعرفكم نفسي وعن عايلتي  بشي مختصر  لان ماذكرت هالشي بدايه القصه.دخلت بالاحداث مباشره
اني ميرال عمري26سنه مخلصه كليه قسم جغرافيه بس ماكو تعيين فكعدت وسكتت عندي خوات اثنين وحدة اكبر مني مزوجه اسمها مريم وعده اطفال2 والاخرىبعدها صغيره عمرها11سنه اسمها غدير وعندي3 اخوان اثنين مزوحين وواحد اعزب.. سيف وعلاء وهيثم او ابوي اسمه عبد السلام..وامي اسمها سعاد..تعرفت بالصدفه على قصي .رحت للدائره لمركز الشؤن مال الطلبه وكت تخرجت وشفته هناك..تعرفت علي وصار بينه حجي بالبدايه وبعدين اتصالات عرفني على اخته زينب وحجالي عن حياته.بس ماكالي انو مزوج.المهم حبيته كلش وهو حبي..ماطول وياي بالعلاقه كبل تقدملي..اهلي رفضو..اني ماجنت اشوف بي اي شي عيب حتى يرفضوه يعني وظيفه وبيت واخلاق واني اريده وهو يريدني ليش حتى يرفضوه ماعرف...تعاركت ويه اهلي على مودة.واهلي بقو مصرين انو يرفضوه..تزاعلت ويه اهلي ورحت البيت عمتي بقيت شهر يمها وجنت التقي بقصي مرات واكوله عن كلشي يصير ويايه..طبعا اني كلش احب عمتي وعلاقتي بيها كلش قويه..وكفت بصفي وحجت ويه ابوي على مود يقتنع بقصي بس ماكو نتيجه.امي مره فقيره يعني مو مثل النسوان المسيطرات بالبيت وكلمتها التمشي لا..يعني كلشي بيد ابوي واخوتي .بس كلش حنونه..وماجانت معارضه على قصي لان اني جنت اكوللها اني احبه..ماطول عليكم اكمل قصتي وياكم

صعدت بالسياره ومشت السياره
عمتي زاهدة:-لج فهميني شصار وياج
ميرال:-عمه بعدين افهمج...بهاي الحاله اني متوتره كلش وكلبي يدك ع السريع
زوج عمتي:-شونج ميرال طمنينه عليج
ميرال:-ماشي الحال
زاهدة:-قصي يعرف جيتي ويانا
ميرال:-لا مايعرف..دك الموبايل عليه..قصي يخابرني
معرف.شسوي ارد اولا ماعرف
ميرال:-كاعد يتصل عليه اكيد عرف اني طلعت
زاهدة:-ردي علي كوليه رحت ويه عمتي
بقيت محتارة ارد اولا...انكطع الاتصال..ورجع اتصل انوب.رديت علي
ميرال:-الوو
قصي:-وينج ميرال وين انتي دورتلج ماكو
ميرال:-اني رحت..ويه عمتي زاهدة ..
قصي:-شنووو شنووو..ويه عمتج...وين عمتج وشجابها..ميرال وين انتي احجي
ميرال:-اني بطريق خابرت عمتي وكتلها تعاي اخذيني..خلااص بعد ماتحمل ابقه بالبيت ابد...كمت اسولف وابجي
قصي:-يعني اذا ماتحملتي هيج تسوين تروحين وتعوفيني بدون ماتكوليلي ...كام يعيط ويصرخ..شوووون هييج تسوين خرررب اكفررر..ترجعين هسس فهمتي
ميرال:-لا مارجع ...مارجع والله لهذا البيت
قصي:-ميرال عيوني ارجعي واني احل كلشي
ميرال:-كل مره توعدني تحل كلشي  ..ويرجعن يتهجمن عليه
قصي:-ولللللج كلت ارجعي...عمتج انطيني عمتج
ميرال:-مايحتاج اني قررت بعد
قصي:-اوكي يميرال ...اني راح اجي لبيت عمتج ويصير خير.سد الموبايل
طبعا الشي الحلو الحسيته صار وياي انو عمتي تحولت على بيت جديد قبل تقريبا10 ايام وبوكتها كالتلي بس اني نسيت اكول لقصي فهو يحسب بيت عمتي نفسه القديم .لان جان يجي علي مرات ويشوفني وكت زعلت من اهلي وبقيت يم عمتي شهر..فهو يحسب البيت نفسه