#الزوجه الثانيه

البارت10

#الزوجه الثانيه

البارت10
للكاتبه Shifaa Almoswy

باوعت ع السيارة شفت قصي ونور مكيجه ومسويه تسرحه.صفنت عليهم جان تجي عين قصي بعيني
من شافني هو انصدم وكبل نزل من السياره.اني داورت طريقي وكمت امشي ..اجه علي ومسكني من ايدي
قصي:-ميرال..هاي شكاعد تسوين هين
ميرال:وخر عني ..مالك علاقه روح ويه مرتك
قصي:-انتي هم مرتي...صارلي معرف شكد ادورلج ماخليت ومالكيتج وهس بالصدفه الله جابني عليج..ولج ليش هيج حرمتيني منج ليش.ميت عليج وعلى شوفتج والله
ميرال:-واضح واضح كلش مبين
قصي:-والله العظيم مشتاكلج بلاحدود..وين تاتروحين..عمتج هين ساكنه
نور:-قصييي يلااا تاخرنا
قصي:-بالجهننننننم
ميرال:-اي ساكنه هنا...تاروح بشغله...اخاف عطلتك روح وصل مرتك
قصي:-ولج كل عقلج اروح واعوفج مخبل اني...ماصدكت على الله اشوفج والكاج تكليلي روح
ميرال:-ليش شناوي بله
قصي:-طبعا اخذج وياي
ميرال:-لاعيني ماحزرت..مارجع اني.واصلا عمتي هم ماتقبل ارجع لذاك البيت ويه مرتك ابد
قصي:-وعمتج شنو تقرر عني ...اني زوجج واني الي اقرر ومسؤل عنج فهمتي
ميرال:-رجعه لذاك البيت مارجع ابد ...وغير هذا الحجي ماعندي..ولو اصلا ماراح يهمك لان مومبين عليك فطنان الي او مذكرني...عايش حياتك ومرتاح ويه مرتك
قصي:-حقج هيج تكولين لان ماتعرفين شكاعد يصير بيه..اني الليل مانامه واسالي زينب..كل بالي يمج..بس لو اعرف انتي شون تفكرين ..يعني انتي تعرفين كلش زين شكد احبج واموت عليج شنو هااحجي
ميرال:-على كلا ماريد اطول وياك بااحجي اريد اروح
قصي:-شونج شون حملج وجهج تعبان وضعفانه
ميرال:-اي طبعا من الحمل
قصي:-لا..لويمي ماخلي هيج يصير بيج...بيت عمتج وين؟
ميرال:-موجود اهنا...عود اسال بيت ابو فهد
قصي:-اليوم خطوبه حسين..وديت نور للصالون..اوصلها وباليل اجي لبيت عمتج..اموتج اذا رحتي لغير مكان
ميرال:-ان شاءالله.بس اني عند كلامي وماغيره
قصي:-الله كريم نتفاهم عود..
طلع فلوس من جيبه وانطاني:-هاي اخذيهم مصرف الج..
كام يباوع يمين يسار لا احد موجود.جان يبوسني من خدي ع السريع وراح
نور وجها نكلب ميت لون ..اكيد حست انو فرحتها ماكملت..طبيعي لان ضرتها..بس من شفتها تذكرت الي سوته بيه اخرشي كلش كمت اكرها
لان لومهما تكرهني ماتصل انو تأذي طفل ماله ذنب

اني رحت بطريقي على صبا وكتلها امج تكول خلي ترجع..ورجعنا سويه..حجيتلها بطريق كتلها شفت قصي ونور..تفاجئت حيل وكامت تسالني وشحجيتو وشصار

وصلنه البيت وحجيت العمتي كلشي
زاهدة:-هاا يعني ناوي يشرفنا اليوم مو
ميرال:-والله هيج كال
زاهدة:-خير ان شاءالله خلي يجي اني اريد ابرد كلبي بي اصلا
بقيت اليوم كله هيج متوترة واريد اعرف شراح يصير..انتظرته يجي صارت الساعه بال8 واني كل شوي اباوع من الباب اشوف اجه اولا
اتصل عليه رديت
ميرال:-الو
قصي:- اني يم الباب..باب ابيض مو
ميرال:-اي..اوك طلع زوج عمتي هس راح يفتح الباب
قصي:-اني وامي جينا
ميرال:-اها امك اجت...شعجب
قصي:-جبتها وياي..
من كال جبت امي وياي استغربت وتوترت
طلع زوج عمتي  وعمتي فتحوالباب واستقبلوهم..اني جنت بالصاله وصبا وياي..دخلت ام قصي.سلمت عليها وسلمت عليه سلام عادي.