#الزوجه الثانيه

البارت9

#الزوجه الثانيه
البارت9
للكاتبهShifaa Almoswy

ميرال:-هاي امي جت كوليلي عمتي شسوي
زاهدة:-ماعرف ماعرف...اني اكول احسن شي تواجهين امج هاي فرصه الج..واني افهمها كلشي
ميرال: -ياالله خايفه كلش..شوفي عمه ايدي كاعد ترجف
زاهدة:-على كيفج يمعودة..اروح افتح الباب اني وانتي صيري قويه ماالج غير هالحل
راحت عمتي واني بقيت متوترة واحس كلبي يريد يطلع.م جيهه راح اشوف امي ومن جيهه راح تعرف كلشي
باوعت شفت امي مقابيلي جانت مبتسمه من شافتني تغيرت ملامح وجها
سعاد:-بنتيي ميرال اشجابج اهنا
اني من شفتها كبل صابني شعور حنين لامي ولمكاني والبيتنه الكلشي
رحت اركض عليها وحضنتها.وهي هم حضنتني وكامت تبجي..اثنينه نبجي وحاضنين بعض
سعاد:-شلونج يبعد روحي شخبارج شون عايشه شون احوالج
من كالتلي هيج اجتني العبره بزايد وكمت ابجي
سعاد:-شكو هيج تبجين...اشجابج اهنا تعاي احجيلي
كعدنه اني وياها وعمتي وكامت تسالني
سعاد:-سولفيلي اشجابج اهنا
ميرال:-.....
زاهدة:-شوفي سعاد راح نحجيلج كلشي بس اول شي لازم تفهمين الموضوع زين لان بنتج محتاجتج كلش بهاي الفتره
سعاد:-خير شكو احجلي يمعودات
ميرال:......
زاهدة:-تحجين ميرال لو اني احجي
ميرال:-انتي احجي
زاهدة:-شوفي بنتج تزوجت قصي
سعاد:-اي اعرف
زاهدة:-بس قصي مزوج وعنده اطفال2
سعاد:-شنو يعني مزوج وعنده2 مافهمت
زاهدة:-مزوج قبل ماتزوج ميرال...طلع اصلا مزوج وعنده جهال
امي  شهكت وخلت ايدها على حلكها ...وباوعت عليه
سعاد:- صحيح هالحجي بنتي
ميرال:-اي يوم صحيح
سعاد:-شوكت عرفتي بي مزوج
ميرال:-قبل مسك العقد بشوي
من كتلها هيج عصبت حيل وباوعت علي بنضرات حادة
سعادة:-يعني عرفتي بي مزوج قبل ماتزوجتي منه مو...ووافقتي مووو
ميرال:-اي لان ماجان عندي غير حل
بعد ماكملت كلامي جان تضربني راشدي
خليت ايدي على خدي وبقيت ساكته وعيوني تدمع
سعاد:-للج هاي شسويتي انتي شون قبلتي وهو طبع خادعج اشووه..عود هاي انتي الدارسه والتفتهمين شون هيج سويتي..كامت تعيط امي وتبجي وتحجي علي
زاهدة:-سعاد استهدي بالرحمن لايرتفع ضغطج
سعاد:-ولج هاي سالفه تسوينها بينه...شكد كالولج ارفضي وماقبلتي عاندتي ووكفتي راسج وهاي تاليتها
مع الاسف والله.
ميرال:-يووم عفيه لاتكولين هيج والله الي بيه مكفيني
سعاد:-اووووف منج اوووف..ونوب حامل هم..اويلي شيصبرني شيحمل كلبي...وانتي زاهدة خانم تعرفين وماكلتيلي لييييش تضمن عليه
زاهدة:-ماضميت عليج...اني هم جنت مااعرف وره ماتزوجت كالتلي...
سعاد:-زين انتي ليش هنا
زاهدة:-صارت مشاكل ويه ضرتها
سعاد:-ياربي دخيلك ..اذا عرف ابوج واخوتج شراح يسووون ولج مافكرتي
ميرال:-اني وافقت  لان ماجنت اكدر ارجع واكوللكم طبع مزوج وضحك علي...اتخليت بموقف حيل صعب يووم افهميني
سعاد:-ماريد اشوف وجهج اريد اروح ماريد ابقى
كامت امي وطلعت وراها عمه زاهدة بس ماقبلت تبقى راحت
اني ضليت انوح وابجي من القهر امي طلعت من البيت زعلانه ومقهورة مني اوووف...بقيت ابجي واشهك متت قهر وعمتي وصبا يهدن بيه...ماتحملت ابقه هيج اتصلت على قصي
قصي:-الو
ميرال:-ارتاح هس ارتاح
قصي:-شكوو
ميرال:-امي اجت العمتي وعرفت كلشي وضربتني وبهدلتني وراحت زعلانه مني ارتاااااح
قصي:-وليش ارتاااح هااا..يعني مثلا اني اريدج تتاذين لوشنو...عيب هالحجي ميراااال
ميرال:-كلو من وراك ومن وره كذبك علي
قصي:-اااانعل لاترجعين لي ورة...كافيج ترة اني اكثر منج تعبان.ارحميني
ميرال:ماضل الي احد ارتاح امي وماتباوع بوجهي هس
قصي:-لاتكولين ماضلي احد واعرفي شتحجين..اني زلمتج ومسؤل عنج فهمتي
ميرال:-بس لو اموت مارجع...سديت الخط بوجهو
ورجع اتصل عليه ومارديت
عده كم يوم واني بهاي الحاله مره ابجي مره اصفن حسيت نفسي ضايعه حيل موشويه
اجه الصيف والجو صار كلششش حاار..بيت عمتي اخر فتره بسبب البيت حالتهم الماديه كامت تضعف اكثر..
اني ماجايبه معاي هدوم هواي بس كم قطعه مكضيتها بيهن.واني بطبعي ماحب اثكل على احد من ناحيه مصرف مثلا اطلب هدوم او اغراض اوهيج شغلات لاابد..مع العلم عمتي مامقصره وياي واشترتلي دشداشه للبيت..بس اني اعرف حالتهم ضعيفه...مرت فتره ماكو اي تواصل بيني وبين قصي الكي يدز رسايل بس مااريد علي ومرات يتصل بس نتعارك ونسده ..خابرتني  بيوم من الايام زينب اخت قصي.وحجا وياي هواي وحاولت تقنعني ارجع بس ماقبلت وكالتلي انو خاطبين الاخو قصي الصغير وبعد كم يوم حفله الخطوبه ..كتلها مبروك من يمي بس اعذريني اني ماراح ارجع ولا احظر الخطوبه... خلصنا حجي وسديت الخط
مر 5 ايام وقصي ماتصل..اني جنت بحاله يرثى لها.معدتي بس تلعب وازوع واضل دايخه ونفسيتي زفت وابد مومستقره..فصادقت  بيوم الدنيا عصر طلعت تاروح على بيت كرايب عمتي صبا يمهم تااصيحها موماخذه موبايلها وياها.طلعت والجو عصر بس حار كلش كاعد امشي وصلت واحد من الفروع واني مدنكه راسي من الشمس الحاره...سمعت سياره تمشي واجت من يمي باوعت للسياره...شفت قصي يسوق بالسياره ونور صاعده من كدام ومخليه مكياج ومسويه تسريحه..صفنت  عليهم جان تجي عين قصي بعيني.....يتبببببع
(الصدفه امر اقل شيوعا بكثير ممايتصور اغلب الناس)